牧羊少年咖啡館 (雅蘭中心)

營業中

休息中

朋友話午餐抵食👍我們早到、所以有窗口位坐！蘑菇濃湯：濃濃蘑菇香味、好好飲！紅菜頭香芒葡萄藜麥沙律：份量大大碟、非常之清新配搭👍素食朋友話好滿足！英式全日早餐：一般般！法式油鴨腿：個人覺得油鴨腿乾身咗、唔夠 juicy。

星期六下午約4:30到餐廳不用等位，還安排了窗口位，坐得好闊落，正。用餐時間為一小時45分鐘。因為未到晚餐時段，所以有些主菜未供應。QR code 落單。左:午夜(凍)$58可選甜度及冰量。紅菜頭、香蕉、藍苺蔬菜汁。朋友選了無冰、少甜。味道教得好好，即使無冰也不會好悶的味道。右:伯爵茶咖啡(凍)$68。因為這杯是由台灣第一屆咖啡大賽冠軍林東源先生創作，所以為尊重原創口味不能更改。這杯真的很贊，茶和咖啡味好配合，也不會甜。推介。推介。推介。2款早午餐都好豐富，食得好飽。英式早午餐$128意大利黑松露醬炒滑蛋、Granola希臘乳酪、法國核桃杏脯包、澳洲西蘭花、雜菌、蕃茄、挪威三文魚、德國香草腸(豬肉及牛肉)。黑松露醬炒滑蛋好滑，黑松露醬夠香。Granola希臘乳酪好足料，但我覺得乳酪上面略為多了nuts和提子乾。法國核桃杏脯包脆口。澳洲西蘭花麻麻地，唔脆，略硬。雜菌炒得不錯，小點油更好。蕃茄、挪威三文魚、德國香草腸都正常發揮。素食早午餐$128意大利黑松露醬炒滑蛋、Granola希臘乳酪、法國核桃杏脯包、日本南瓜、澳洲西蘭花、雜菌、蕃茄、牛油果。日本南瓜甜。牛油果軟滑。食物唔錯。店員有善

🍀🍀Green Day 🍀🍀今日Sunday Lunch 同老公出去食，牧羊少年咖啡館係其他分店食過幾次，旺角雅蘭中心呢間分店就第一次去。12:00 已經來到，唔洗點等可以直入，店員安排左個4 人梳化位比我地坐，所以坐得好舒服。今日weekend 冇set 得Holiday menu,飲品散叫，我哋叫左：🌱牛肝菌大啡菇黑松露醬薄餅🌱🌱忌廉黑松露醬雜菌長通粉🌱🌱燕麥奶拿鐵☕️🌱Pizza好香好好味，特別係個大啡菇，D菇味特濃，除咗大啡菇裏面仲有好多唔同種類嘅雜菌配合埋個芝士醬好好味😋pasta個汁有啲驚喜，原來落埋洋蔥小小蒜係會咁香👍🏻不過就略嫌份量少咗啲如果可以大份啲就好啦

【爆場咖啡店☕️ 40分鐘先上菜😮‍💨 賣相麻麻、勁趕客💨】推薦程度：●●◐○○抵食程度：●●●◐○———環境舒服，店員服務態度幾好，但burger嘅上菜速度真係好慢😮‍💨 等咗20分鐘催咗一次單：第1次店員話好快，第2次店員主動嚟跟進話2分鐘，第3次又話要等多5分鐘，結果再等多一陣先到🤏🏻 前後等咗40分鐘先上菜💥 雖然唔係趕時間，但坐喺到咁耐都有少少唔耐煩🥲 明顯太爆場，廚房做唔住，令體驗帶來不快，希望佢哋可以加配一下人手🥲 想食嘅話建議要預咗等40+分鐘🙌🏻🥗 牛油果香芒烤雞沙律 配日式胡麻醬｜$118沙律好快就嚟到，見到係有心思想擺盤，但下陷嘅牛油果真係好唔靚，烤雞亦打風咁亂，反映出廚房真係好忙好趕時間😂 雞肉唔乾唔鞋，稱唔上juicy但OK的👌🏻 香芒唔太甜，味道同口感都係僅僅熟🤏🏻 整體冇特別，個人認為上次介紹嗰間HOW良心咖啡店嘅雞沙律更出色更有誠意🥴🍔 澳洲100日榖飼牛肉漢堡包 拼海鹽薯條｜$128上得咗40分鐘嘅漢堡，一嚟到血染嘅薯條真係少少趕客😨 雖然向另一面諗，牛肉唔係well done咁應該唔會出事😂 但覺得賣相可以控制好少少🤏🏻 麵包外脆內軟夠soft，牛肉夠

黎到旺角想做下文青，打下卡，食個午飯坐下Cafe, 呢度係唔錯的選擇。可能正直假期好多人出外旅遊，人數唔算多，基本上好快已經有位。點左幾樣野食，味道都唔錯首先呢碟香菜青醬雞肉蘆筍意大利粉，午餐精選，唯二嘅意粉之一。味道清新，充滿田園風味，兩條蘆筍粗大爽口，鐘意清淡嘅好選擇。再黎呢碟日式大阪燒風味煙三文魚薄餅，好味，比某連鎖Pizza屋的Pizza更加鬆脆可口，大阪燒味道比某道堀嘅大阪燒更具風味。跟住就到我嘅至愛bbq醬手撕豬肉菠蘿漢堡包，呢個配搭確實係幾好味，加上新鮮熱辣，肉嫩皮脆，真係好鐘意。再附上飲品照，牧羊少年身為咖啡店，特色飲品唔少，可以去發掘下。食完覺得呢度值得本太子再去。

同朋友收工之後就約咗去旺角個頭行街，由於係雅蘭商場附近，就順便去咗牧羊少年咖啡館。當我踏入咖啡館時，就感覺到一種小清新嘅氛圍，係一個舒適嘅環境，令人感覺好放鬆。我就喜歡呢種風格嘅咖啡館，好啱啱啱嚟傾計、讀書或者打下機。而且，呢度嘅食物真係好好味。我試咗佢哋嘅卡邦尼，佢哋會撈埋啲蛋醬一齊，令到味道更加濃郁同埋creamy。我覺得呢個組合好啱口，又唔會太濃，食落去好掛汁。另外，佢哋嘅咖啡同埋蛋糕都好好味，係一個好適合喺下晝或者晚上去嘅咖啡館。除咗食物之外，呢度嘅裝修同埋設計都好有feel。佢哋嘅裝修風格偏向小清新，用咗淺色調同埋木質嘅家具，好啱啱啱嚟拍照同埋放鬆。而且，佢哋嘅服務都好好，員工好友善同埋有禮貌。

假日約左朋友一齊去驗眼，去之前同佢一齊去食一間餐廳叫牧羊少年叫左 🥑素食all day breakfast & 🐙蒜香墨魚汁小八爪魚三文魚子意粉📝 素食all day breakfast🥑入面有希臘乳酪、黑松露滑蛋、法邊豆、蕃薯條、雜菇及牛油果 希臘乳酪🧀️上加入咗燕麥片及少許焦糖增加了不少味道～較平時係超市買嘅更易入口又健康👍🏻牛油果🥑味道足夠唔膩口又軟滑😋蕃薯條🍟看似味道一流但其實味道唔重 應該以健康為考慮並無加入調味料📝 蒜香墨魚汁小八爪魚三文魚子意粉 小八爪魚爽口 隻數足夠 墨魚汁非常鮮美 為成個意粉增加不少分數 而意粉亦都爽口

同朋友收工約好黎旺角個頭行街，係雅蘭商場附近就上去順便睇埋啦，睇左好耐食咩，最後揀左呢間望落都幾有feel既cafe，價錢相對商場樓上樓下既所有餐廳都合理。我同朋友各人都點左一碟意粉，分別係香草青醬雞肉蘆筍意大利麵同黑椒香蒜煙鴨胸意大利麵，兩個意粉都落左好足既olive oil, 由其係黑椒煙鴨胸意粉廚師明顯先炒過後落olive oil，黑椒味亦相當出，唔食得辣既朋友要留意番，朋友仔食唔到辣都食到中途停左，淨係食香草青醬個款意粉。不過個人都對香草青醬情有獨鍾，所以對呢個青醬意粉都有番啲要求，呢間餐廳都煮得唔錯，食得出唔hea，每條意粉都沾到足夠既青醬同olive oil，仲有經炒過既松子配搭番，雞肉亦有預先炒香，肉質不鞋係旺角咁多打手cafe既地方黎講，佢2個意粉都分別係$108，味道同份量都對得住價錢，服務亦ok，侍應有主動加水同問我哋需唔需要收走啲碟，自己覺得都算不過不失啦，始終紅日都多客都有顧及客人留意番，餐廳另需加一服務費。

早幾個星期六要一早出旺角整啲野，整完經過呢間牧羊，難得唔洗等位就入去食個豐富的brunch啦~1️⃣ 🥗 英式早午餐 ($118)好耐無食all day breakfast，食brunch梗係要叫番個黎食下啦😍呢個早午餐都好豐富，有煙三文魚、炒菇菇、黑松露炒滑蛋、煎蕃茄、雞肉腸同杏脯包，仲有乳酪添!夠晒營養唔會太heavy~2️⃣ 🧇 京都春日($108)對上一次食牧羊既窩夫已經係好耐之前啦，今次再食發現水準仲keep到，值一讚👍🏻!窩夫夠蛋香味，唔會烤得太乾身，我地揀左朱古力雪糕，配埋新鮮士多啤梨🍓一齊食都好夾啊~3️⃣ 🍹 抹茶可可朱古力（$52）朱古力除左同士多啤梨夾之外，同朱古力都好夾呢~呢杯朱古力屬於比較濃郁既口感🥰唔會好稀好似水咁，抹茶同朱古力既比例都調得好好，推介!4️⃣ ☕ 玫瑰牛奶咖啡（$44）玫瑰牛奶咖啡味道香濃，我地揀左少甜都飲到好出既玫瑰味😋而且可以選擇加熱，適合鐘意飲熱辣辣飲品既朋友🤪

兩年幾無卑過負評，激到我晒啲咁嘅時間上來打。吃四次3次都要受氣，雅蘭呢間嘅侍應認真不得了🙂明明已經係掃code 落單，有幾何麻煩到人！？水我又無叫你卑杯，紙巾又無叫你卑多張🤷🏿‍♀️事緣咁嘅，叫咗個pizza 上到嚟又凍又硬。啲芝士都係凝固狀態！咬咗啖覺得唔係嘛，唔係外賣都要凍食呱，於是我就伸手嗌，唔該，可唔可以幫我加一加熱？！（我係絕對無話要整過/或者換）因為我自己都唔鍾意浪費嘢食！個女侍應就秒答我：我哋無咁嘅服務！如果枱枱都好似小姐你咁，我哋都幾難做（外加一個反上天花板嘅白眼）我當場，係唔識反應嘅😂，我點估到一間餐廳連加熱都算係難做？？？咁難做，我又點好意思為難人呢，結果咪埋單走人囉😅實屬無奈呢間耶，我但凡踏足多一次，都係我有病。

呢日同友人係旺角行山，見到呢間餐廳唔太夠人，好似幾舒服咁，就入去試下。叫左沙律同pasta, 都大份，味道唔錯。不過食到好激氣，啲waiter 好唔合作，全程都黑面，仲見到個waitress 執枱係度發脾氣扔啲刀义，好無禮貌，完全唔係以客為先有啲失望！

呢間咖啡館相信大家都唔陌生，餐廳主打西式食品，喺香港有八間分店，🖤黑白配⚪️覺得呢度嘅食物好味道之餘，環境亦都好舒適，而且成個裝修風格好小清新嘅感覺係行文青路線，啱晒朋友聚餐👩‍👩‍👧‍👦流心蛋腐乳卡邦尼長通粉 $108呢度嘅卡邦尼同出邊食嘅有啲唔同，因為有腐乳嘅香味，所以令到個通粉有鹹香味🥳而且個流心蛋🥚撈埋啲蛋醬一齊，所以食落去creamy 得黎好掛汁😋+$48 是拉差醬法國雞翼雞翼外層炸到好脆，個雞皮食落去好香口，辣辣地好惹味！配埋個拉差醬有少少微辣然後甜甜地，好似食緊韓國炸雞咁🍗 而且雞肉食落去都幾Juicy 🤩

係出面望咗兩眼個餐牌，以為會有好多野食揀，但實際食物款式比較少。-❤️牛油果香芒烤雞沙律 酸 胡麻醬幾fresh，唔錯。烤雞幾出色，口感偏軟熟，有少少燒烤嘅香味。🔥 -❤️英式早午餐煙三文魚好鹹，而炒蛋配咗少少黑松露，成件事即刻升華咗，好香。🤤豬肉腸就冇咩特別，齊柏林好食好多。乳酪反而最有驚喜，值得一試！-整體來講，食物唔錯，但氣氛一啲都唔似cafe。記得好耐以前去過太子個間，個感覺好chill好温暖，而家做大咗，就冇個種vibe lu。

黎到旺角做嘢，行黎行去腳都軟搵個地方坐低食d嘢，hea 下先一口小食拼盆 $68入面有 辣味香腸，炸八爪魚丸，炸春卷，炸番薯條最好食係辣肉腸 好惹味 番薯條都正 夠甜又夠熱厚切芝士雞扒蕃茄沙律菜漢堡包 $88上枱好香 熱辣辣 睇到d雞油同汁流出來個汁同個漢堡包 好夾老公係好鍾意食漢堡包既人 都大讚高質冰果茶 隨餐奉送可以選甜度 冰量 乎合一貫水準自家調製鳳梨lemonade +$14冇得揀甜度，不過酸酸甜甜 好開胃整體而言，位於雅蘭中心，地理位置方便食物質素高，店內環境都幾靚，又好坐傾計一流，入坐起有一個半小時用餐時間夠唔夠就見仁見智啦！我就覺得都ok

未黎過雅蘭分店，幸好上網卜定枱唔洗等，店員安排坐窗邊卡座，感到開心。用餐限時1小時45分鐘，食下傾下都唔算趕。 明太子鳳尾蝦意大利粉 $118意粉掛滿忌廉汁，主要配料有明太子、鳳尾蝦及日式魚片，蝦球大隻爽口，整體味道不錯，唯份量唔算多，3人分享每人可以分到少少。 千鳥香芒牛油果雞肉薄餅 $138批底中等厚薄，咬落煙韌都幾好食，但個人還是比較喜愛薄脆批邊，餡料有滿滿的千島醬及芝士，批面舖滿芒果、牛油果及蕃茄，但好似唔多覺有雞肉，唔知係咪漏左定溶化了在醬料中。 酸忌廉蕃薯條 $68呢個極度推介，條條熱辣辣脆卜卜，正宗外脆內軟，配有酸忌廉及茄汁，份量好多足，3人分享都唔會爭食。 韓式辣汁雞翼雞翼好大隻，醬汁好濃掛滿成隻雞翼，啖啖肉又啖啖韓式醬汁，望落以為好辣，但食落係甜辣，超yummy，又一推介之選。 自家調製鳳梨lemonade $48自家調製薄荷lemonade $48 2杯飲落好清新感覺，帶有酸酸甜甜的口感。