牧羊少年咖啡館 (白楊街)

營業中

休息中

好適合打卡📸📸📸雖然呢間牧羊少年咖啡館唔算大但感覺環境幾温馨、幾舒服👍🏻～～～同朋友一齊去食每人叫唔同野試吓個湯幾重蘑菇味，幾creamy🍄‍🟫🍄‍🟫🍄‍🟫～～～蘋果批影相幾好睇唔算太甜佢嘅嘢食都比較健康感覺唔錯

俄式牛仔柳意大利粉 (Beef Stroganoff Spaghetti) 牛柳肉味濃、肉質很嫩。亮點係醬汁配上酸忌廉，令到整個意粉味道層次更豐富。之前試過好好飲嘅橙色歲月Orange Days, 今次想試下另一特色咖啡 - 歡樂葡萄Dancing Grapes Creative Coffee。Grape Juice + Espresso + 提子味爆炸糖 估唔到咁夾，係好完美嘅凍咖啡組合。

很久以前已經光顧過牧羊少年咖啡館的白楊街老舖，個時既每張枱都系碎花布，真系好中意，幾年前佢地既分店漸漸都重新裝潢，同以前既感覺唔同哂，特別系白楊街老舖，變化好大，無左原有特式！加上牧羊少年咖啡館分店越來越多，真系好耐無去過老舖~今次嚟食，最大既感受就系啲意粉好油，唔知系咪因為其中一個系蝦頭油，但連牛肝菌汁雜菌大啡菇意大利粉都一齊油，可以話系我幫襯佢地食過最差既一次，因為經常光顧他們家其他分店，同其他分店比較下，短期內不會再來了~不過也會給個機會，畢竟呢一間系佢地既老舖，事隔耐少少會再回來再看看有沒有正常發揮~價錢來說，太子老舖既地段，定價唔會太高，性價比唔錯~Portabella mushroom spaghetti in porcini sauce牛肝菌汁雜菌大啡菇意大利粉HK$78 *另外加一服務費Shrimp & minced meat spaghetti蝦頭油鳳尾蝦香辣肉碎意大利粉HK$98 *另外加一服務費最近都系去番雅蘭商場分店，好食~

✨文青必到 牧羊少年咖啡館✨💠💠💠💠💠💠💠💠假日中午去食晏，都比較多人，不過好快就有位～有一段時間冇嚟，所以都唔係好記得佢哋有咩食～兩個人點咗兩個餐加一個甜品🥰其中一個揀咗burger，冇乜特別，所以就唔喺度講啦～不過另外嗌咗一個Pizza幾特別❤️💠千島香芒牛油果雞肉薄餅Pizza係即叫即整，出到嚟熱辣辣，好香～而且千島醬配合芒果同牛油果，簡直係絕配！！夏日炎炎食呢款pizza真係啱晒🌸雞肉都好嫩滑，食到停唔到口😂💠卡魯哇咖啡酒提拉米蘇呢款Tiramisu同平時食開嘅有啲唔同，佢冇平時嗰種咁濕潤嘅感覺，我覺得有啲偏乾，如果鍾意食開好Creamy嘅tiramisu朋友就應該唔啱啦~ 不過佢哋嘅咖啡味好濃，鍾意飲咖啡嘅朋友值得一試！💠抹茶牛奶雖然佢哋嘅咖啡比較出名，不過我都係想試吓佢哋嘅抹茶牛奶～飲得出佢哋用優質嘅抹茶🍵好香濃，唔錯🌸總括嚟講，性價比高，而且環境舒服，而家比較少唔會趕人走嘅Cafe🙈🙈如果鍾意坐Cafe嘅朋友一定要嚟✨餐廳環境：🩵🩵🩵🩵🩵/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

去太子真係諗唔到嘢唯有就上OpenRice望吓啦見到呢間唔錯就去試吓，大概下晝2:30左右冇乜人嘅一去到已經有位首先侍應俾咗一張餐牌，我覺得OK喎不過今日假期所以比平日係貴啲本來一個下午茶要一杯flat white 係要加$16平日只係$8 所以就叫咗兩個下午茶，大家不約而同都係免費飲品，一杯就係綠茶只係一個茶包加熱水而另一杯就係冰水果其實就係西柚同埋鮮橙茶底OK嘅叫咗一個漢堡包芝士豬扒味道剛剛好另一個就係三文魚蛋多士同埋牛油果蛋多士都係剛剛好嘅我哋大家每人一半可以試吓整體嚟講坐喺呢度傾偈係唔錯嘅食物質素都係好嘅價錢合理如果平日更加抵😆服務態度都OK呀，不定時都有人執枱！可以再去㗎，因為整體嚟講都係OK ！如果喺旺角太子講食物質素真係好難搵到一間🫣

德福開左新連鎖Cafe 牧羊少年，lunch 日日都大排長龍如果lunch 想食又唔想排咁耐，原來可以系Gulu 攞位，到時到候再去就得午餐時間有set menu ，包一款主食再加餐湯，價錢有少少貴，不過都尚算合理餐湯係蘆筍湯，份量偏細，口感都幾順滑，飲咗幾啖就冇嚕咖喱雞$108咖喱雞係泰式咖喱雞，有好重嘅椰香味雞嘅份量都有五、六嚿，雞肉有少少鞋，份量OK嘅另外有一嚿炭燒菠蘿，酸酸甜甜，都幾好食嘅不過個紅米飯唔係太多，男仔食應該唔夠飽

曾幾何時屋企附近都有一間牧羊少年，都講緊8、9年前啦。甘岩去整車，發現對面有一間裝修昏暗既西餐廳，原來係牧羊，等拎車就過對面食。架車唔生性要整幾次，所以我都食左幾次，試真啲先上黎寫。甘岩食第一次時，佢有優惠coupon比我可以幫襯第二次。牛油果香芒烤雞沙律配日式胡麻醬色彩繽紛，有視覺享受，好味，有生果（芒果）有肉(雞扒)，仲有nuts, 醬另上，甘豐富嘅配撘，如果女士可以當lunch 食。千島海鮮Pizza 好食，每一格都有一隻大蝦，八爪魚仔，即叫即整。外圈脆內芝士軟，有拉絲效果。12小時慢煮安格斯牛小排配烤澳洲西蘭花日本南瓜新薯芥未醬配菜好好味，薯蓉少少就夠。個扒叫左5成熟，食多幾舊會膩，真係要share。香煎鳯尾蝦香草檸檬意大利粉聞落去有啲怪怪地既，有雀粟既味，但食落去正常ok, 係扁意粉。東京醋汁法國雞翼炸雞翼，食到有醋味，都幾惹味。照燒汁煎乾蒜美國牛柳粒好腍，入味，有DD咸，粒數都多。紅桑子廉芝士奶蓋乳酸飲陣味我老公話似跌打酒，哈哈凍牛奶可可朱古力 少冰一般，朱古力味唔夠濃。

牧羊少年，其實不用多介紹，應該是文青最喜歡去的餐廳，不過我都好欣賞背後嘅團隊，細看餐廳的Menu，完全感受到他們用心製作，值得一讚。❤️今次同朋友一行四人，我們享用了四款美食，有沙律、薄餅、小食拼盤和意粉，另外每人叫咗一杯美麗的飲品😆。《🍄牛肝菌大啡菇黑松露醬薄餅》～薄餅用上了希臘品牌出品的餅底，口感似餅乾，同平時出邊食的薄餅有所不同，牛肝菌配大啡菇，味道不錯，適合喜歡吃素的朋友。《🍘小食拼盤（德國香草腸、煙辣腸、法國雞翼、八爪魚丸、唐揚一口炸雞、海鹽薯條）》～這個小食拼盤，非常豐富，滿足一班朋友仔，特別適合飲啤酒的友人，味道正常，沒有太大特別。《🦐蝦頭油鳳尾蝦香辣肉碎意大利粉🍝》 ～ 這個意粉帶些微辣，少少野味，肉碎用上豬肉的，所以不吃牛肉的我可以吃到😆。《🥗火箭菜沙律》 （忘記了名稱）一～ 沙律的汁都幾好味，酸酸的，最喜歡沙律中有果仁，可以多一個口感。平時都有去其他牧羊少年的分店，這間總店第一次去，估不到星期六去人也不太多，坐得很舒服，適合同啲朋友一起去聚餐，坐低傾吓偈。❤️繼續支持！

同朋友2個人叫咗1個牛油果沙律+1個意粉+ Tiramisu + 心太軟! 首先 沙律係有啲驚喜 因為芒果好鮮 另外又有啲Pecan，同埋，佢嘅芝麻醬夠多，每啖沙律都可以點到醬～整體所有料都好夾。意粉就正常～ 甜品方面 2個都好好食！Tramisu中間個蛋糕唔會浸到”腍啤啤”+好重酒味，Cream食落口感好Smooth！最好食係 心 太 軟！佢外脆內軟嘅皮，再加溫度啱啱好夠熱嘅流心抹茶，真係冇得輸。再食多啖雪糕，解一解膩！

星期二的早上 送了小兒上英文課後走來走去 還是進了這家餐廳享用早午餐。我點了全日早餐 這個餐 包了 餐湯+ 咖啡。如圖， 份量很充足而且也煮得不錯。不過食完成個餐 真係好飽差D飲唔哂D coffee。

唔講唔知太子依間牧羊少年係本店，裏面裝飾佈置非常有感覺，喺夜晚食真係覺得好chill好relax，食物質素都很不錯喔！1️⃣照燒汁煎乾蒜美國牛柳粒($88)到枱時好香！小食份量嚟講都夠多，而且味道唔會好鹹，空口食都好ok! 牛柳粒有肉汁又唔韌，會推介👍🏻2️⃣香煎鳳尾蝦香草檸檬意大利粉($118)係道好清新嘅主菜🙌🏻🙌🏻食落雖然creamy但又有香草檸檬好fresh口味去中和，所以食多少少都唔會好膩🫶🏾而蝦都一貫爽口，值得一試🙆🏽‍♀️3️⃣炙燒荷蘭汁豬肉排($88)呢道對我而言係必食～但如果兩個女仔食就唔建議啦🤣一男一女都勉強啦，因為份量真係好多！！而必食係因為好少食到咁嫩口嘅豬排👍🏻👍🏻而且個汁好特別，似芝士但又唔完全係，總之人多嚟食就必選啦🫶🏾🫶🏾4️⃣卡魯哇咖啡酒提拉米蘇($68)之前喺k11食過但覺得個cream唔夠滑，但呢間又okay喔～但同樣都係唔太酒味同手指餅太少😬😬📍總結：📌好喜歡餐廳嘅氛圍～約會同談心都相當有feel🙌🏻📌食物質素有保證👍🏻

👩🏻‍🍳Idiots推介今次去咗牧羊少年咖啡館嘅太子分店～餐廳環境舒適 燈光昏暗～幾有氣氛🥰食物質素唔錯 不過份量偏少 性價比唔算高❤️‍🔥明太子鮮蝦意大利粉意粉較少 但味道唔錯～雖然睇落有啲乾 但都好有明太子味😋上面嘅三文魚籽都好鮮甜🤤唔會話腥❤️‍🔥法式蘋果批配雲呢拿雪糕雪糕叫咗另上 個餅底唔會好淋 個批好薄身 整體唔會好漏😋❤️‍🔥雞扒香芒牛油果沙律呢個有驚喜！🤤芒果好鮮甜～雞扒都好嫩滑😋連埋半隻牛油果🥑底下仲有堆新鮮嘅沙律菜～🌟忌廉芝士牛油果醬墨西哥薄脆片牛油果醬加cream cheese好好食😋脆片都好香脆！🌟熱紅絲絨鮮奶飲到好濃嘅紅絲絨味～幾特別 係平時唔多飲到嘅味道

守齋日 , Lunch @ 牧羊少年 ~Mediterranean Fig salad served w/olive oil and Balsamic dressing 地中海無花果沙律 配初榨橄欖油意大利黑醋汁 : 夏天食沙律最正常不過 , 不過齋係食蔬菜都有會有點寡口，配上鮮甜可口的無花果 , 以及橄欖油意大利黑醋 , 就最正斗 ~薑燒黑糖咖啡：薑汁味道濃，跟加啡的味道十分配合，實在好喝 ~卡魯哇咖啡酒 Tiramisu : 入口質地濕潤 , cream 打得夠細滑 , 甜度適中 , 餅底 "Lady Fingers" 亦浸得夠透 , 啡味濃郁芳香 , 酒香味滿滿 , 有夠好吃 ~本篇完 ~

放工去旺角附近買嘢，朋友突然間打嚟話喺附近，我哋就揀咗一間充滿情調嘅餐廳，我聽佢分享最近新工作嘅開心事。呢度嘅燈光比較暗，整體氣氛係舒適，我哋得兩個人，餐廳居然俾我一張圓形枱我哋。整體嚟講，餐廳嘅座位有空間感，岩曬閠蜜情侶食飯談心嘅好地方！職員好有禮貌，我哋加咗好多次水，佢都會好有禮貌！ 芒果牛油果意大利薄餅 芒果🥭好新鮮同清甜，搭配牛油果🥑，仲有蕃茄仲有蕃茄芝士，田園清新口味！雞柳因為有好多蔬果點綴，食落一啲都唔清淡。 芒果牛油果雞胸沙律 🥗雞胸肉質好鮮嫩，連埋牛油果蕃茄沙律菜一齊食，附上嘅芝麻醬，好食又健康！請問

Chill下新派Cafe-牧羊少年咖啡館Fb:下一站豬欄; IG@Pig7station牧羊平時都幾full, 所以預早book左就唔使怕等好耐😗平日晚餐都90%座滿，好彩唔使等就份座，其實座位都比較迫，都聽到隔籬枱講乜😅點左呢幾款：羊架配法式芥末忌廉汁: 羊架唔太so，唔會太乾身，尚算唔錯是拉差醬法國雞翼: 雞翼炸得好香脆，配上是拉差醬好match蜜糖芥末番薯條: 番薯條比較少食，感覺幾新穎😂唔會太乾，入面仲係軟軟既番薯凍水果茶/ 自家制鳳梨Lemonade: 飲品方面味道普通，而且份量比較少，較為遜色😅