牛響度麵館 (Aeon Style)

營業中

休息中

去Aeon採購完，最方便就係去地庫food court解決埋晚餐。呢次揀了牛響度麵館，特意點了牛以外的餐品，原來都係好好味。♥️韮菜豚肉小雲吞配湯麵 $47呢個好適合小朋友食，好多粒小雲呑，豚肉湯底唔咸，小朋友都食到2小碗。♥️豬三寶湯麵 $75大大碗又多料好抵食。♥️慢煮嫩滋味手撕雞(口水雞) $38雞肉嫩滑，好大份！♥️黃金大麥茶 $12跟餐唔係配汽水，配冷泡茶，健康之選。總結: 好食，抵食，快靚正的選擇！

本人和朋友點了一個沙茶牛雜米線、炸蝦豚肉小雲吞和百香果冷泡茶。收銀嬸嬸比左兩對堂食筷子給我，因為我地一其有3個人想share食炸雲吞，但係收銀嬸嬸已經唔係收銀櫃入返廚房，咁我見到櫃面有外賣筷子，就順手攞左套，收銀嬸嬸見到就衝出黎搶返我手上外賣筷子，無錯～係搶！極之無禮貌🙄而我都比佢嚇到唔知點對應😒我亦都無任何回應，我只係話我地有3個人想要多對筷子，跟住佢就比多對堂食筷子我地，我想講佢下次可唔可禮貌啲對待客人呢！食物方面，我朋友話沙茶牛雜米線係無味道，難食🫣百香果冷泡茶唔太甜，炸蝦豚肉小雲吞略嫌炸得唔夠脆口🤨

好耐無去黃埔天地，趁今日放假去行下。來到Aeon才知道裏面Food Court有好多唔同嘅美食。睇下有乜嘢啱食，見到個名都幾特別「牛響度麵館」又有好多牛的唔同部位可以揀，就入去試下啦。📍沙茶牛三寶湯麵(牛筋、牛肚、鹵牛面頰)牛骨湯 $75牛筋炆得軟綿，牛肚爽口，鹵牛面頰好入味。秘製牛骨湯香濃，上海麵煮得啱啱好，唔會太淋。📍沙茶鮮牛熱拌刀削麵 $57沙茶鮮牛肉嫩滑，我揀咗胡麻醬，加左青瓜絲、芫茜、炸蒜片和刀削麵，撈埋食爽口彈牙。📍炸邪惡鹵豬大腸 $38豬大腸鹵水味好香，然後再將豬大腸炸得香脆，有咬口又入味。📍白桃果冷泡茶 (跟餐$12)有淡淡嘅白桃果味道，唔會太甜。📍百香果冷泡茶 (跟餐$12)百香果酸酸甜甜，清新開胃。

🐮牛響度@黃埔船AEON美食坊 🍽️💫🐂牛三寶刀削撈麵，濃郁的滷水牛三寶搭配爽口彈牙的刀削麵，讓人一口接一口，回味無窮. 🍜🤤🐽豬手麵蕃茄湯底，這道湯底充滿著豐富的骨膠原蛋白，讓人在品嚐的同時享受美食帶來的美容效果. 🐷🍅🥣不可錯過的是手撕口水雞🐓，它的風味十足，每一口都能感受到鮮嫩多汁的口感. 🍗😋🐂牛響度還提供有無糖凍茶 健康💪🏻🍹🌿👌😍🌟🌼🎊💯🔥💃🌞🌺🤗🥰👍🌸💪💥👏🌟🌈✨🍻🥳🌹🍴🌻🌞💃🌺💖🎉🥢

黃埔Aeon入面嘅一個角落有幾間餐廳，好似小型Food court，當中見到呢間好似食牛肉麵唔錯咁👍🏻呢度主打湯麵同刀削麵，而且小食都好抵食，啱晒想平平地食餐飯嘅朋友仔☺️.味道：🌕🌕🌕🌕🌑人均消費：$50～100手工去皮炸雞髀扒熱拌刀削麵 $57熱拌揀左招牌蔥油，蔥油撈麵真係好正🤩刀削麵麵條偏粗但可以掛晒啲蔥油汁，所以食落好惹味😍雞髀扒炸得有水準，去埋皮同骨真係食落啖啖肉☺️熱拌麵另外會俾埋糖心蛋、青瓜絲、油蔥酥、蔥花同芫荽！撈埋一齊都好夾🥰沙茶牛三寶 $75牛三寶有金錢肚、牛筋同鹵牛面頰，三款都好入味👍🏻金錢肚好爽口，牛筋好淋同埋牛面頰土有啲筋位食落有口感，牛味都好出😋而湯底一定要揀牛骨湯，飲落好濃郁，值得一叫😍炸邪惡鹵豬大腸 $38份量都多，食落幾有咬口，冇乜酥味👍🏻蒜香雞翼(3隻) $24蒜蓉好香，食落雞肉幾滑☺️

唔講你唔知 原來黃埔條船入面咁好行😆 有大大間Aeon 行到攰入邊仲有個大food court 有好多選擇👍🏻 今次就比呢一間食牛麵嘅餐廳吸引左 佢有湯麵同埋乾拌麵揀 仲有多款小食😽我哋今次就試咗牛面頰牛筋湯麵同沙茶牛三寶乾拌麵🍜 2款牛味道係唔同 湯麵嘅係滷水口味 拌麵係沙茶口味 個人偏好沙茶味多d 可能因為唔係放湯 味道會濃d惹味d😋 牛腩 牛筋好腍好入味 金錢肚爽口 不愧為牛嘅專門店幾好食👅 拌麵有3款口味可供選擇 分別有拾香椒麻 招牌蔥油同焙煎胡麻 我就揀左椒麻 食落少麻少辣 刀削麵口感好好 麵餐同跟咗溏心蛋好正😌主食可以以優惠價跟飲品 加左一支白桃果手工冷泡茶 好香好解膩👍🏻 另外仲叫咗一個小食 慢煮嫩滋味手撕雞 可以揀胡麻醬/蒜泥/口水🤤 我哋揀左胡麻醬 雞肉好嫩 下面有大量青瓜絲咁講好清新 整體嚟講係food court一個唔錯嘅選擇🌟

Aeon呢幾日減價，買完野直接係food count 食埋野、又幾意想不到地好食😋。🥢手工去皮炸雞髀排熱拌刀削麵 $57:呢碗手工去皮炸雞髀排熱拌刀削麵真係好過癮！拌麵醬用咗拾香椒麻，味道香辣開胃。麵條削得粗粗，有啲嚼勁，仲有糖心蛋、芫茜、蔥花、青瓜絲同油蔥酥配搭，口感豐富。而個炸雞髀排外脆內嫩，真係好好味！。🥢沙茶金錢肚鮮牛私房牛骨湯上海麵 $64:呢碗沙茶金錢肚鮮牛私房牛骨湯米線好濃郁好滋味！湯底用咗鮮牛骨熬煮而成，有濃郁嘅牛肉香氣。上海麵爽滑彈牙，配上滷得剛好嘅沙茶金錢肚同糖心蛋，食落好過癮。仲有時菜、芫茜同蔥花增加口感層次。。🥢炸邪惡鹵豬大腸 $38:呢個炸邪惡鹵豬大腸真係好香脆！炸到外脆內軟，沾埋鹵水更加入味。鹵豬大腸嘅口感彈牙，而且味道濃郁。。🥢炸韮菜豚肉小雲吞 8隻 $26:呢啲韮菜豚肉小雲吞真係好可愛好好味！韮菜同豚肉嘅組合好香濃，每隻雲吞炸過後都好有嚼勁。

個個禮拜都去黃埔Aeon行一轉，成日都見到呢張食「牛」響呢度poster，我又真係忍唔住行去試下咩都想試我就點左沙茶牛三寶湯麵，$75 promo仲送一支洛神花茶樣，三寶金錢肚、牛筋和牛面頰，肉質軟腍唔靱，配埋半隻溫泉蛋，值得一試👍🏻粟米豚肉小雲吞10粒凈食，店員推介椒麻蕃茄湯，雲吞皮薄餡料啖啖肉，蕃茄湯小小辣增加食慾食唔停口，下次應該要叫20粒分份量。酥炸孜然鷄翼，味道香口不過小食炸嘢對我有點油膩，朋友就話ok。

鹵牛面頰湯麵（$50）轉刀削麵（+$2）牛面頰約九片，唔似潮式粉麵店，口感不是膠膠哋的，反而似牛展質地，牛味是有的；刀削麵標榜日日新鮮香港製造，麵身滑，但咬口稍稍不足；湯底要咗牛骨湯，清，一啲都唔油膩，有些少牛味，味道算不錯（之後無口渴）；半隻溏心蛋幾好食。牛筋湯麵（$50）轉刀削麵（+$2）牛筋有六舊，夠腍，亦有少少膠膠哋嘅口感，但可惜無咩味道。綠研茉莉茶（$12）手工冷泡茶，味道正常，普普通通。PS：是日有95折。

經過Aeon Food court主打多款牛筋牛雜麵價格親民可以一試沙茶牛雜湯麵個人對牛雜一般般，朋友見到即刻心心眼😍牛骨湯底濃郁，上海麵軟硬適中，配料十足冬菇紅蘿蔔生菜和蔥花等～五香豬手熱伴刀削麵套餐配菜有糖心蛋、青瓜紅蘿蔔絲蒜乾等，豬手炆得好入味，刀削麵日日新鮮製造，有咬口。食之前可撈埋青瓜絲和蒜乾味道香濃惹味，整體來說不錯👍手工去皮炸雞脾扒熱拌刀削麵炸雞髀扒移去骨食起嚟好方便，啱晒我哋呢啲懶人😆外脆內軟雞扒好Juice，手工刀削麵夠Q彈，非常推薦跟餐➕$12青蘋果冷泡茶白桃果冷泡茶

行完Aeon買零食就去左地庫food court醫下肚😜望左冇耐就比間主打食牛既麵館吸引左🤩入面除左牛🐮嘅唔同部位之外，豬同雞都有👍🏻仲有精煉熬煮既牛骨湯麵、熱拌麵、小雲吞、等小食選擇，樣樣都好似好吸引咁🤩我地最終叫左：👉🏻✨手工去皮炸雞髀扒熱拌刀削麵✨$55以便當形式分開擺放熱拌麵、切左嘅雞髀扒、溏心蛋同青瓜絲🥒；材料豐富又整齊削成粗身既刀削麵爽口彈牙之餘仲掛滿哂蔥香撲鼻嘅蔥油汁，食落真係好鬼正👍🏻可能係雞髀位置，手工去皮雞髀扒既肉質嫩滑得梨仲好juicy👍🏻✨沙茶牛三寶淨食✨（牛骨湯）$128三寶分別係金錢肚、牛筋同埋鹵牛面頰；全部都煮到好入味😍牛筋唔腍唔韌，軟度啱啱好，每一啖都充滿住滿滿嘅骨膠原🫶🏻金錢肚煙煙韌韌有咬口，厚薄適中唔難咬🤘🏻鹵牛面頰個樣同口感都有啲似牛展，但比起牛展，佢嘅感覺更加嫩😋牛骨湯底牛味濃得梨又唔會好鹹，雖然搶唔到牛三寶嘅風頭，但都有好強烈嘅存在感，值得－試既😆✨白桃果冷泡茶🍑✨跟餐+$12桃🍑味香濃得黎唔會太甜，味道清新🌱同茶味好夾✨柳橙果冷泡茶🍊✨跟餐+$12冷泡茶入面加入咗大量新鮮嘅橙汁，🍊橙味超濃，酸酸甜甜咁好開胃🫶🏻餐廳地點方便，系正商場入面🥰而且

🍜經濟抵食台式拌麵🍜-聖誕假期剛過去 荷包虛耗唔少😢 係時候要食得節儉啲 今日去咗黃埔天地美食廣場-🍜汁煮肥牛湯麵 $50可以揀豬骨湯或者牛骨湯 牛骨湯底唔係想像嗰種深啡色 味道清清地 唔會太濃太鹹 半肥瘦肥牛切片 每件帶啲肥膏 嗰半隻糖心蛋好好味😋-🍱沙茶鮮牛熱拌刀削麵 $55麻辣/胡麻/蔥油呢三款拌麵醬 麻辣最惹味 我鍾意麵條香啲所以揀蔥油 啖啖柔韌有嚼勁 少辣嘅沙茶鮮牛好惹味 啲醬如果有粒粒花生🥜就好喇-🧆炸滷豬大腸 $38🍗孜然雞翼 $24小食比較一般 豬大腸唔係件件好食 有啲太乾冇滷水香 雞翼味道唔錯不過賣相一般-🫒百香果冷泡茶/🍏青蘋果冷泡茶 加$12用跟餐價錢追加 價錢實惠 青蘋果味鮮酸開胃-📍牛響度紅磡黃埔天地第五-六期Aeon Style地庫一樓WP08號舖

黃埔Aeon 地庫的food court 有間「牛響度麵館」，今日一試，很有驚喜，出品真是快、靚、正。牛的選擇眾多， 鮮牛肉、肥牛、牛筋、牛腩、牛肚、牛脷、牛肺……數之不盡，不吃牛的朋友，還有豬和雞選擇，飲品除了汽水，還有多款冷泡茶。落單後，很快就煮好了。「沙茶牛三寶湯麵」$70有金錢肚、牛筋、鹵牛面頰和半隻溫泉蛋，份量非常多和豐富。牛骨湯清甜不油膩，薄切的牛面頰很入味，牛筋大大舊，食得很滿足。「牛腩湯刀削麵」$52牛腩炆得很軟腍入味，刀削麵更有口感，加五元就可以轉，超抵。「粟米豚肉小雲吞10隻」$29小小的雲吞一口一隻，隱約見到雲吞皮內包住豬肉和粟米粒，粟米粒清甜，配豬肉好正。「蒜香雞翼」$24雞翼皮脆肉嫩，好吃到停不了口。「青蘋果冷泡茶」$12「百香果冷泡茶」$12跟餐加12元有冷泡茶，真材實料，健康有益。

通常去得food court通常都係快叫、快食、快走，好少會細味品嚐食物，不過今日食到呢間位於黃埔food court入面的一間餐廳甚有驚喜！沙茶牛三寶配刀削湯麵 $70以牛骨熬成的湯底，呷一口就感受到牛味非常，值得一讚的係湯底一啲都唔油膩，無乜油花，好飲之餘又無罪惡感，正！配料方面有金錢肚、牛筋、鹵牛面頰，三款不同口感的牛肉部位，有嚼頭有軟腍有肉感，集合晒喺同一碗湯麵之中，尤其適合啲有選擇困難症的人。另外仲有溏心蛋、芫茜、蔥花、時菜，都幾豐富。炸邪惡鹵豬大腸 $38將滷得入味的豬大腸落鑊炸起，加埋好香的孜然粉，的確幾邪惡。白桃果冷泡茶 跟餐 $12 單點 $18白桃味都幾突出，茶味帶微甜。

牛響度麵館-很久沒有吃台灣關廟刀削麵了～聽聞黃埔Aeon牛響度麵館都很受歡迎!這家刀削麵入口都幾Q彈，十分推薦沙茶牛三寶湯麵，三寶十分足料，食落亦很惹味,自家沙茶醬炒得惹味, 食落也帶點點很刺激。牛筋入口滿滿骨膠源。牛展牛肚也炆得很入味的說，-配搭流心蛋有不同層次和口感。--想吃撈麵拌麵的，建議選擇沙茶鮮牛 熱伴刀削麵。沙茶鮮牛，簡單吃出鮮牛肉的味道惹油拌刀削麵也簡單好食，--小食也十分推薦韭菜豬肉小雲吞和蒜泥白肉, 前者入口滿滿韭菜豬肉香, -蒜泥白肉的秘製辣醬也很過癮,-是我喜歡的辣醬油香味道。