牛響度拌麵 (黃埔天地Aeon Style)

試咗最強拼最強套餐（$78/份），真係好抵食又滿足！我哋叫咗兩個套餐，都係配牛骨湯刀削麵，湯底濃郁🤍 套餐 1：牛筋、牛筋腩、汁煮肥牛湯麵牛筋同牛筋腩炆得好入味又軟腍，肥牛都好嫩滑！份量超足，食到啖啖肉！小食-灼生菜🥬飲品-可樂🤍 套餐 2：嫩滑炸豬扒、香濃豬軟骨湯麵 炸豬扒香口，豬軟骨炆到一夾就開，骨膠原滿滿！小食-甜品 A5和牛慕絲（2件），口感都幾特別😆 係士多啤梨味，飲品-黃金大麥茶，清爽解膩👍🤍 另叫小食蒜泥白肉（$32）白肉切得薄身，淋上滿滿嘅秘製辣油蒜泥！辣度🌶️同麻香味十足，撈麵食超正！…查看更多

邊個話foodcourt 既野食質素一定麻麻地？呢間係紅磡AEON food court入面嘅牛肉刀削麵，我已經encore 過好多次！平民價錢❤️野食份量又多又好食😋真係好抵食✨⋆🐮慢煮牛舌•炸雞髀扒湯麵套餐 $79最近佢哋推出咗幾個雙拼套餐，全部都係$80樓下，套餐仲送小食，可以揀灼生菜，A5和牛慕斯甜品，麻油豬耳(三揀一)，仲送嘢飲，真係超抵食😍 佢哋嘅慢煮牛舌炆得好腍，牛香味濃，炸雞髀扒外皮炸得鬆脆，肉質juicy! 湯底先最好飲，係長時間熬製嘅牛骨湯，好香又唔油膩👍🏻⋆🐮牛筋•牛筋腩•汁煮肥牛湯麵套餐 $78牛筋同牛筋腩都係佢哋招牌✨煮到好入味，牛味濃郁，而且好腍好滑，食落滿滿骨膠原，好正！另外加咗$7叫左個青蘋果冷泡茶，青蘋果味好清新🍏而且唔會太甜好好飲👍🏻⋆🐷炸邪惡鹵豬大腸 $18豬大腸明顯有處理過，完全冇臭味，外皮炸得好香脆，而內裡仲保持多汁，好惹味😋…查看更多

老友約我行Aeon，順道去位於紅磡黃埔天地第五及六期Aeon Style 地庫一樓WP08號舖的<牛嚮度拌麵>食午餐，食街形式經營，先購票後取餐，自己找座位入座，食完餐後，自己清理餐具。我哋點咗：🔅嫩滑炸豬扒飯 $54：豬扒炸得皮脆肉嫩，配菜有芝麻紫菜粟米，送飯一流。🔅慢煮牛舌 + 手工去皮炸雞髀扒（牛骨湯刀削麵）套餐$72，送A5和牛慕絲兩件(甜品）+ 黃金大麥茶：牛骨湯底清甜，牛舌有咬口好味，雞髀扒嫩滑，刀削麵好食；慕絲滑溜好味，大麥茶好飲。🔅牛筋、牛腩、汁煮肥牛（牛骨湯手工麵）套餐 $78，送灼生菜 + 黃金大麥茶：牛筋牛腩軟腍入味，肥牛鮮甜，手工麵好食。…查看更多

食物份量足，價錢親民，啱晒求快靚正嘅香港人。仲要係正吉之島入面，地點真係好方便　我地今日大胃王上身，叫左沙茶鮮牛飯❤️牛肉切得厚身有啲嚼勁，味道帶少少香辣嘅沙茶醬，配白飯啱啱好，唔會太油膩。汁煮肥牛米線❤️牛肉肥瘦剛好，米線吸滿咗牛汁，好有香氣，湯底濃郁。蘿蔔牛腩lam飯❤️係呢度嘅人氣推介，牛腩燉得軟腍入味，蘿蔔吸收晒牛腩汁鮮甜。五香豬手米線❤️味道濃厚，豬手肉質結實但唔硬，五香醬汁好入味，米線爽滑彈牙，整體味道香濃唔會過鹹，啱啱好。…查看更多

Food Court之中我幾鍾意黃埔AEON呢一間牛響度麵館😌😘我想讚一讚呢度嘅職員，佢哋知道我想食牛雜同時又想食辣，但我個人本身又唔食得太辣，職員都好好，特地放開一碗辣椒同辣椒油喺旁邊，睇吓邊個想食辣啲先至後加😆🐮😈惡魔牛雜煲配刀削麵$138牛雜超級入味，最重要係肉質唔韌，比我想像軟&易咬😍😍😍難怪我啲同事介紹我食呢款🦀蟹黃熱拌手工麵$88🙈個人本身覺得蟹黃鹹咗少少，但係我朋友就覺得啱啱好，因為手工面本身都係淡，一定要撈勻佢味道先至出眾👍🏻蟹味非常濃郁🐷炸邪惡滷豬大腸$38呢個真係睇得出嘅邪惡😂😂佢嘅調味非常之好，有啲微辣之餘，胡椒味加七味粉配合得都唔錯，不過食完一定要做吓運動，如果唔係好似對唔住自己身體🤣☕️黃金大麥茶$12我會推介大家另加呢款大麥茶😍🥰麥味非常濃郁，尤其而家炎炎夏日，呢款絕對係解渴之首選！…查看更多

真係好鍾意食呢間牛麵，今日喺黃埔搵食再來幫襯！沙茶鮮牛肉刀削湯麵：最濃郁嘅沙茶醬，甜中帶鹹帶輕微辣味。牛肉片切得厚薄適中，口感嫩滑，沾滿茶沙醬，香氣四溢。刀削麵煙韌有嚼勁，厚度均勻，充滿彈性。湯底係呢碗麵嘅靈魂，經過長時間熬煮囓牛骨湯，牛味夠香但又唔覺油膩，好清爽。另一款揀左最經典嘅牛筋腩麵，份量超多，最鍾意牛筋非常軟糯嘅，膠質豐富。牛腩亦都好腍滑，牛味濃郁。一碗麵加$12有一枝水果冷泡茶﹕青蘋果冷泡茶酸酸甜甜，茶底幾甘香，夠解渴。另一款白桃冷泡茶仲正，白桃味香，酸甜適中。小食都有好多款，見到好邪惡嘅炸大腸好吸引，出面比較少見。大腸炸得香脆，脂肪適中，唔腥，加左少少椒鹽，惹味。…查看更多

上次喺佐敦食過一次 **牛響度**，真係好有回味。今次喺黃埔見到都有分店，即刻決定再食！🔥 **期間限定 –沙嗲牛雜煲（加麵）**限定款式真係要試！牛雜炆得入味，牛肚、牛肺同牛粉腸都齊全。特別係牛粉腸，洗得好乾淨，冇異味，食落安心又夠腍香。沙嗲湯底香濃惹味，帶花生香同微甜味，加埋麵一齊食，湯汁掛麵，勁滿足！🦐 **十粒鮮蝦雲吞**雲吞大大粒，一啖一粒，蝦肉爽甜彈牙，配清湯食落清新舒服。🥤 **飲品*** 青蘋果冷泡茶：酸酸甜甜，夠清新，食完牛雜嚟一啖即刻解膩。* 洛神花茶：味道偏淡，如果再濃啲會更突出。✅ 總結：食物選擇多樣，味道惹味實在。特別推介今次嘅 **期間限定沙嗲牛雜煲**，牛雜控必試，牛粉腸乾淨無異味，食得更放心！…查看更多

又係食牛既一日！我地叫左蘿蔔牛筋腩飯 ❤️ 蘿蔔清甜零渣！牛筋軟冧Q彈，牛腩啖啖肉，肥瘦岩岩好，送飯一流慢煮手撕雞湯麵 ❤️ 先講隻糖心蛋勁正🤣手撕雞食落，一啲都唔嚡口，份量十足，麵條掛湯，仲跟白菜，抵食！老牛面頰香辣 ❤️小食之一，食落香口好咬！但係留意返都真係幾辣🤣但真係好惹味！邪惡牛雜 ❤️ 愛牛必點，港式牛雜風味，如果再大份d就更滿足😄佢哋仲有個新出過期間限定嘅惡魔牛雜煲就咁睇圖應該係爆辣🤣🤣 當然佢都有個唔辣版本，下次買返屋企加餸食🤓…查看更多

牛響度麵館 • 黃埔今次同女朋友簡簡單單試呢間位於黃埔天地food court入面，賣牛肉粉麵為主嘅小店，估唔到出奇地好食，推介俾大家✅ 沙茶牛三寶湯麵牛三寶係佢嘅招牌，包括牛筋、金錢肚、滷水牛面頰，三樣都老得好入味，牛面頰尤其嫩滑。面底係刀削麵，煙煙韌我鍾意✅ 慢煮牛舌熱拌麵軟腍嘅牛舌不嬲係我嘅至愛，呢個試吓配搭拌麵，揀咗蔥油味道，非常好食。除咗蔥油，仲有麻辣同胡椒口味選擇✅ 特濃牛丸湯麵果然有別於一般嘅牛丸，入面肉汁更多、更有嚼頭…查看更多

近排成日都落雨濕濕，喺屋企冇嚟精神，想落街食午餐，唔想行咁遠，就決定去黃埔aeon入面覓食，喺food court經過呢間，睇落都好多選擇，所以就決定坐低食，的確覺得啲嘢幾好味，而且坐得舒服，整體嚟講都幾推介呢間。牛筋湯麵牛筋嘅份量都唔少，口感好好，而且面嘅口感亦都整得剛剛好，絕對唔似food court quality！沙茶牛三寶湯麵真係香港人嘅味道，沙茶醬味夠濃郁！另外都叫咗啲小食一齊分享嚟食，就係腩汁生菜，清清地，特別健康，腩汁加咗唔少精華！另外都叫粟米豚肉雲吞20隻，包得好紮實，yummy！…查看更多

今日約咗好友去行黃埔，順道去位於紅磡天地第五及六期Aeon Style地庫一樓WP08號舖的<牛響度麵館>食手工拌麵，食街形式經營，先購票，自己找座位，後取麵。我哋點咗：🥢蟹黃熱拌手工麵配胡麻醬青瓜、麻油雲耳、車厘茄 $88 : 蟹黃醬味道鮮美，拌手工麵，好好味又好食。🥢嫩滑炸豬扒熱拌刀削麵（拌麵醬係焙前胡麻）$57：豬扒炸得香脆可口，伴菜豐富份量多，刀削麵伴烚前胡麻，十分好味。🥢蘿蔔牛筋腩飯 $56：牛筋牛腩十分軟腍入味，牛味香濃，蘿蔔入口即溶，最啱送飯。…查看更多

先講佢哋嘅份量真係好足料大大碗！呢餐真係牛魔王🤓我哋叫咗蘿蔔牛筋腩飯❤️蘿蔔入口即溶，無渣清甜！牛筋軟韌得黎有咬口，牛腩較瘦，但食落一啲都都唔係，仲好入味😬邪惡牛雜飯❤️ 金錢肚 大腸 細腸 牛肺 牛傍 草肚，鍾意食牛雜嘅你必點！呢碗真係大滿足😌慢煮牛脷湯❤️牛骨湯底 刀削麵！刀削麵都幾掛湯汁，口感實在，牛脷一啲都唔韌仲好好咬😄汁煮肥牛飯❤️ 燒汁鹹鹹甜甜夠晒開胃，如果肥牛再多啲就更好啦😄呢餐真係啱晒牛魔王嘅胃口…查看更多

同朋友尖沙嘴睇完戲，慢慢由海旁行吓兜吓，不知不覺行到紅磡，索性去埋Donki 掃貨。買到一袋二袋，又行左咁多路，諗起呢度有個foodcourt，咁就去果度唞吓，順便dinnerFoodcourt食物都有好多，Burger、日本菜、泰國菜、麵檔等等……最後俾呢檔嘅大電視介紹吸引到，想食佢嘅刀削麵。朋友揀沙茶牛雜湯麵、我就要慢煮手撕雞湯麵，再揀埋小食一齊開心Share沙茶牛雜湯麵，朋友評語係：牛肚、牛肺、牛腸、金錢肚、牛膀都有齊晒，煮得入味夠腍，係個湯太濃味。慢煮手撕雞刀削麵，幾鍾意刀削麵嘅口感，有一點點韌度、厚薄適中，能索湯。估唔到手撕雞嘅份量有好多，而雞肉都ok，唔嚡。湯底都幾好，清清地，帶少少肉味。炸邪惡鹵豬大腸，整份晚餐裡邊最出色，脆口、入味、脂肪唔會太多，入口唔會覺得肥膩，真係好正！而流心紅糖糍粑則驚喜欠奉，唔難食嘅，味道ok，口感煙韌、軟綿綿；流心嘅紅糖漿甜度適中。Foodcourt嚟講呢度坐得好舒服，坐位夠寬敞、亦光淨光猛，個人感覺比坐茶餐廳還要好，起碼食物選擇多，唔會有催迫感。…查看更多

估唔到黃埔竟然有咁高性價比嘅餐廳！✨原來就係藏身喺黃埔AEON大船地庫嘅小food court～今次試咗呢間叫「牛響度」💥聽講佢哋佐敦仲有分店，主打濃郁牛骨湯底同辣湯底🌶️，真係一試難忘！ 今次叫咗👇🏻： 🍜「牛筋湯麵」配刀削麵（$54） 湯底超濃牛骨香，牛筋軟腍入味，刀削麵煙韌有咬口！ 一定要講嘅就係佢哋有部即叫即制嘅刀削麵機！！可以睇住佢整刀削麵嘅過程！！🦐「鮮蝦豚肉小雲吞」10隻（$35） 皮薄餡足，蝦肉彈牙，豬骨湯底清甜～ 🐔「慢煮手撕雞」配胡麻醬（$38） 雞肉嫩滑，芝麻香好突出，撈埋醬汁超開胃！ 🥢「蒜泥白肉」（$32） 蒜香撲鼻，肥瘦均勻，唔會膩～ 🍢「邪惡魚蛋」10粒（$16） 彈牙爆汁，加辣汁仲正！ 黃埔地段算好抵食😍！食完仲可以順便行吓AEON，完美週末行程～ ✨支持本地小店，發掘隱世好味！ …查看更多

🍜紅磡隱世麵館驚喜大爆發！牛魔王同麵癡注意～呢間「牛響度」專賣熱辣辣拌麵，啖啖濃香仲有超足料牛三寶，食完即刻想Encore！今次試咗幾款招牌，真心想同大家share吓🥢🔥【沙茶牛三寶熱拌麵】 牛魔王必點！牛腩、牛筋、牛肚三兄弟浸滿沙茶醬汁，腩肉鬆化、牛筋啫喱咁Q彈、牛肚爽脆無渣，掛埋刀削麵啲坑紋真係超惹味～沙茶香得嚟唔會死鹹，食到底仲有微微蒜香，正到想舔碗！🌶️【拾香椒麻刀削麵】 麻香控尖叫！刀削麵厚薄均勻，咬落煙韌有麵香，椒麻汁嘅麻感慢慢滲上舌頭，唔會辣到噴火但夠晒過癮。加埋炸菜碎同花生粒，口感層次爆燈～🐔【慢煮手撕雞蔥油拌麵】 驚喜位係雞肉！慢煮出嚟嘅雞絲嫩到似食緊雞髀菇，蔥油香得嚟帶少少甜，撈勻刀削麵食簡直停唔到口。怕膩嘅可以加少許辣椒油，醒胃程度即刻+100！🍗【黃金雞球】 邪惡但停唔到口！雞球外層脆卜卜，咬開爆出流心鹹蛋黃漿，鹹香濃郁到好似食緊迷你版黃金蝦～記得趁熱食先有拉絲效果！🍑【白桃果冷泡茶】 食完濃味嘢飲呢杯超refreshing！白桃果香清甜，茶底完全無澀味，仲有粒粒桃肉咬下，解膩一流～…查看更多