牛響度拌麵

營業中

休息中

結論：地方闊落舒服、油尖旺區至抵好味之選！⭐️沙茶鮮牛 熱拌刀削麵，焙煎胡麻，面條口感飽和掛汁，牛肉片不單單是有厚度，而且內外口感保持嫩滑彈牙，果然是浪不虛名食牛的好地方！大推👍🏻👍🏻👍🏻如果完全不吃辣，還可以轉沙嗲醬。⭐️慢煮嫩滋手撕雞 同樣選配熱拌麵，試了另外的招牌蔥油汁，闊麵相當上色，賣相吸引🤩手撕雞份量也不少，像雞絲粉皮的雞絲，下次幫襯首選蒜蓉麻辣，味道一定更出眾～⭐️烤地瓜球吃得十分滋味，很香芋頭味，忍不住食多幾粒，饀泥口感像薯蓉，沒有顆粒感，不得不提，中間一層糯米跟外層的金色炸脆衣是絕配⭐️麻油雲耳雲耳似座小山丘般的分量，底下是青瓜絲，是不錯的清新小食。⭐️邪惡魚蛋魚蛋汁濃郁入味，實淨細粒。⭐️黃金大麥茶零咖啡因、適合春季飲用，可連樽帶走沖多轉冷泡。⭐️洛神花茶味道不會太強烈，微酸解毒，降血壓的飲料。

之前都有聽講過逸東酒店嘅food Hall好多嘢食，仲要高質😍今日咁啱經過就順便去試吓牛響度😎汁煮肥牛湯麵：飲第一啖湯覺得清清地，但係越㗳越有味，佢有好香嘅香料味，唔會太鹹，同埋肥牛都幾多喎，真係估唔到🥳（ $56 ）沙茶牛雜熱拌麵配椒麻醬：個醬超香，少少辣，主要香比較多，牛雜都幾足料，撈埋個面，正🥰（ $57）慢煮手撕雞熱拌麵配招牌蔥油：佢個蔥油有煮過㗎，唔係求其淋落去，配佢嘅刀削麵一樣正😋（ $64 ）白桃果冷泡茶：幾好飲喎，好香桃味，味道唔假，佢仲要日日新鮮做架😝（ $20 ）泡椒魚皮：呢個有啲辣，但係非常之惹味☺️（ $28 ）佢呢度啲麵都算幾大碗，全部都係幾十蚊一碗，仲要佢有個收銀姐姐服務態度好好，值得一讚👍仲要佢呢個food Hall環境好好坐，又乾淨，我一早11:30已經嚟到，已經有人食啦，真係平靚正🤩

今日見food hall 開咗新餐廳，仲有蟹黃拌麪喎！$88唔算好貴，就諗住試下先！結果餐一嚟到賣相雖然還可以，但味道實在太差！$88蟹黃拌麪加$4私房牛骨清湯，涼菜有麻醬青瓜、麻油雲耳、車厘茄。成個餐最滿意只有有兩粒車厘茄好鮮甜！蟹黃拌麪味道唔係蟹黃，更多係蟹籽同蟹黃醬味，同以往試過嘅蟹黃拌麪相差甚遠，雖然$88要求唔可以咁高，但係實在同期望中嘅蟹黃拌麪相差太遠。至於手工麪口感雖然有韌度，但較普通。加唔加蟹醋都救唔到。。。至於個所謂私房牛骨清湯呢。。。一個字 「鹹」。。。一啲牛味都冇，更加唔係清湯。成碗嘢有兩大嚿白蘿蔔，不過無炆冧。 碗底有大量薑蒜末同少少芫茜，個湯似係蒸魚啲豉油料加水煲出來，鹹到癲。。。同牛湯毫無瓜葛！麻醬青瓜啲青瓜仲要有啲老，唔夠爽，麻油雲耳最重唔係麻油味，係蒜味。。。太差！！！！

eaton food court just had a new stall and claimed they make superb beef noodles. 叫外賣食個so call最出名牛3寶麵。一打開淨係食條菜陣牛so味出晒來。諗住去換點知唔比話野食係咁。鐘意牛so味既你一定要試but not my cup of tea. will never visit again, how dare the service staff ask us to try their beef food again? great confidence!worst one i have ever visit in recent months

行經永安百貨附近發現Eaton地下有個Foodhall有日式、越式不同的選擇我和朋友揀咗牛雜湯麵🍜❣️沙茶牛雜湯麵身爲牛雜控，湯麵好足料，有金錢肚、牛筋牛肺等，炆得好入味😋配埋牛骨湯底刀削麵，煙靭彈牙，值得推薦❣️一口粟米豚肉雲吞粟米雲吞細細粒，一啖一個～奶白色的湯底好濃郁，雲吞皮薄餡料十足，用咗新鮮嘅粟米和豬肉，啖啖驚喜❣️炸邪惡滷豬大腸吃完好邪惡的炸大腸😆＇外皮炸至卜卜脆❣️烤地瓜球六粒大大粒的地瓜球，簡直兒時回憶，外皮酥脆內裡Q彈有嚼勁，地瓜的香甜味越吃越濃郁，停不下來一定要趁熱食～滿足感十足❣️流心紅糖糍粑店員極力推薦紅糖糍粑唔會太甜，炸得金黃，煙煙韌韌甜滋滋～咬落內裡的紅糖流出，酥脆甜糯的口感好喜歡

Eaton Hotel’s food court honestly has quite a few hidden gems! This vendor is located right next to the door so I decided to try it given its convenience. I was surprised at how value for money the meals were, given the portion and the quality of the noodles they served. We went for two different flavours - one which was a beef brisket, tendon and tripe trio, and the other being its crab roe mixed noodles. The beef noodles were basically LOADED with meats, which made it such a satisfying meal an

去Eaton Food Hall，呢度環境闊落，座位又多，唔使逼逼夾夾，坐得舒服，仲有好多選擇，唔同口味嘅朋友嚟都岩數。有好多野食，好耐冇食牛，決定試吓牛響度！套餐：🔹 牛腩湯麵 + 百香果冷泡茶牛腩炆得好入味，啖啖肉帶少少筋，食落有啲「牛呆」，但又唔會嚡口，口感幾好。湯底濃郁但唔油膩，牛味突出，飲落暖胃又滿足。配埋刀削麵，煙韌彈牙，掛湯力一流！百香果冷泡茶清新解膩，食完牛肉飲一啖，成個胃都鬆晒。🔹 沙茶牛雜拌麵 + 胡麻醬 + 柳橙果冷泡茶呢個拌麵相當惹味！沙茶醬炒得香噴噴，撈起嚟條條麵都掛住醬，入口香濃又帶少少甘甜味。牛雜夠晒齊，牛肚、牛肺、牛筋每款都有一兩件，咩都試到，口感夠哂豐富！胡麻醬令整體多咗陣堅果香，仲有柳橙果冷泡茶幫手解膩，啱晒重口味之後清一清味蕾。小食：🦐 炸鮮蝦豚肉雲吞呢個雲吞炸到金黃香脆，一啖一粒，啱啱好！蝦肉彈牙，豚肉嫩滑，內餡唔會太乾，配埋甜酸醬，夠晒開胃。🌶️ 麻辣牛面頰大力推介！必食之選！🔥🔥呢款牛面頰真係水準爆燈，麻辣味滲得啱啱好，唔會搶過牛肉香，入口嫩滑又帶少少膠質，愈嚼愈香，辣味慢慢滲出，後勁十足，食完上癮！仲有雙重食法，，爽口清新，或者，肉質變得超級

最近天氣凍冰冰，最岩就係食碗熱辣辣既手工麵同豬骨湯雲吞！係港鐵佐敦站 B1 出口或者油麻地站 C 出口, 步行約5分鐘, 就黎到逸東酒店既地下food court, 入面有間牛響度拌麵 !! 非常抵食！蟹黃熱拌手工麵，仲配上數款前菜：胡麻醬青瓜、麻油雲耳和車厘茄。手工製作的麵條彈牙有勁，搭配濃郁的蟹黃同啖啖蟹肉，讓每一口都充滿蟹的鮮美。伴隨的胡麻醬青瓜，口感清爽！麻油雲耳都係爽口又健康！仲有車厘茄的酸甜點綴！一口鮮蝦豚肉雲吞和韮菜豚肉雲吞，搭配濃郁的豬骨湯，湯頭鮮美；而鮮蝦豚肉雲吞入面既蝦肉好彈牙！韮菜豚肉就正常發揮。麻辣牛面頰的肉質軟嫩，麻辣的味道撲鼻而來，為整頓餐點帶來了刺激感最後飲返杯白桃果冷泡茶，清新解膩，為整體用餐體驗增添了舒適感。

同朋友尖沙咀行完街，就走左去佐敦逸東樓下個food court覓食。一入門口，見到呢間主打拌麵既餐廳，價錢又唔算貴就試下佢。初初以為叫呢個名淨係得牛可以食🤣但原來都有豬同雞揀；不過我同fd都係牛魔王黎，所以都係揀食牛～⭐️沙茶牛三寶（金錢肚、牛筋、鹵牛面頰）拌麵 - $80 拌麵醬揀左椒麻，鍾意食小辣既我覺得好惹味；牛面頰既厚薄度幾好，牛肚、牛筋都幾嫩滑彈牙，cp值幾高☺️⭐️沙茶鮮牛拌麵 - $57 朋友揀左蔥油醬；成碗麵幾足料，鮮牛黎講幾滑嫩；本身好少食蔥油醬，但唔覺得佢重口；而且沙茶同蔥油好夾！⭐️ 牛骨湯 - $6 香港好少地方可以飲到，仲要跟餐$6咁大碗，飲落帶有胡椒香，唔會過於清淡。⭐️ 青蘋果冷泡茶 - $12幾清新，唔會好甜，食完濃味野飲啖幾解膩😋⭐️ 青瓜 - $22 爽口清脆，配芝麻醬食幾開胃。⭐️炸地瓜球 - $26外脆內軟，口感有啲似麻糬，作為小食甜點都唔錯☺️叫咁多野埋單都係$200，晚餐黎講非常抵食！

平時我哋響地庫飲茶就飲得多~呀佐敦之友介紹, 話今次不如試吓 都係地庫嘅美食廣場嘅拌麵~佢特別同我介紹, 話呢個美食廣場好企理, 叫我可以放心~現場環境 果然唔錯, 而且落單嘅姐姐好親切~牛響度 (熱拌刀削麵) set $100我哋揀咗: 蟹黃熟拌手工麵 配胡麻醬青瓜 麻油雲耳 車厘茄 蟹醋柳橙果冷泡茶 呢個蟹黃拌麵濃濃啲, 我地 2個都鍾意, 覺得幾好喎~ 牛響度 (湯麵餐) $61我哋揀咗:慢煮嫩滋手撕雞湯麵 (豬骨湯)百香果冷泡茶加咗麻辣牛面頰 $38牛面頰 質地口感唔錯, 呢個價錢 絕對食得過~手撕雞嘅份量超級多配菜都好認真, 一碟裏面 有著不同調味 不同口感, 感覺好豐富~

琴日同老公去咗佐敦，經過逸東酒店，見到有Food hall,入咗去望吓有咩嘢食。天氣咁凍，好想食啲熱辣辣嘅湯麵，我哋揀左呢間試下👍✨汁煮肥牛湯麵（牛骨湯） $54估唔到都好大份，好大個碗，入面裝住熱辣辣又香噴噴嘅肥牛同上海麵，上面有啲蔥花同埋幾條生菜，份量十足，抵食👍✨沙茶牛三寶湯麵（牛骨湯） $77牛三寶湯麵都好足料，有金錢肚、牛筋、滷牛面頰，份量好足，老公都食到好飽👍✨蒜香雞翼（3隻） $24蒜香雞翼望個樣都知道正😋唔會太燶，但又夠脆，又嫩滑，整得好好味👍✨柳橙果冷泡茶 （加$12）好有橙汁味，好飲👍✨白桃果冷泡茶 （加$12）有濃濃嘅白桃味，好飲👍

呢排食開台灣野，特別係呢間超抵食又好味既台式小店———牛響度麵館🐮就值得推介俾大家。有幾家分店的牛響度，沒想到在佐敦這家環境這麼好，算是高級的food court ,而且打卡也超級漂亮的。煮食一定選這裡的湯麵和雲吞，特別這裡秘制的湯底也是絕頂好喝。牛響度湯麵餐——一口韭菜豚肉雲吞配豬骨湯 $61牛響度淨食———一口鮮蝦豚肉雲吞 淨食有10顆 ，配牛骨湯 ，$47炸邪惡鹵豬大腸 $38蒜泥白肉 $32胡麻醬青瓜🥒 $22跟餐配飲料🥤，這裡出名冷泡茶，合適我口味，喜歡喝茶解膩，點了御翠烏龍茶 和黃金大麥茶，茶味香濃不會太甜。

佐敦逸東酒店有一個food court，裏面嘅裝修格局好有復古嘅感覺，整體幾大幾有空間感，裏面有唔少美食，而且價錢平民化🫶！今次見到呢間主打食牛肉拌麵🍜嘅小店，有多款唔同嘅牛肉種類可以揀，配料份量幾足，而且煮得夠入味，加埋日日新鮮製造嘅刀削麵，超正！🤩-——————————————🐂◖沙茶鮮牛熱拌麵◗ $57鮮牛肉份量好多，撈埋沙茶醬，夠晒入味！熱拌麵配料有溏心蛋、青瓜絲、油蔥稣，蔥花同芫茜，麵底揀咗刀削麵，撈埋拾香椒麻醬，麻香惹味，三兩下就食晒成碗麵！🐖◖汁煮肥牛湯麵◗ $54試完一個拌麵試埋湯麵，用上私房牛骨湯，麵底係手工麵，麵質幼身，口感爽彈掛汁，肥牛牛味都夠，但就相對上普通少少～🐓◖大牛雜◗ $85牛雜一碗都幾大份，有齊牛肺、牛膀、牛肚同牛腸，醬汁煮得好入味，而且咬落好軟腍，最鍾意佢個牛膀，好粉好軟綿，底部仲有啲蘿蔔墊底，但覺得佢個醬汁偏鹹少少～🌟Encore指數：8/10

發現酒店入內又一堆隱形食店在地下food court位置，比地面便宜很多，還有最大特色的蟹黃麵，於是點了數種小吃與此麵，價廉物美超大滿足。首先，一口鮮蝦豚肉及韭菜豚肉雲吞中，細細一口大小食完的方便，還有泰式辣醬可沾，邊走邊食也可的小吃。然後是炸地瓜球，超級軟糯帶有芋頭甜香，皮薄餡料多。主菜當然不少得蒜泥白肉及蟹黃熱拌刀削麵。大堆蒜泥加辣醬配豬腩肉薄片涼拌青瓜絲，經典無得輸。而麵食即有3色蔬菜盤和蟹黃醬做餸，可以叮囑店員蟹黃醬與麵分開上，蟹黃醬有一絲絲蟹肉與蟹黃，蟹油溢出於醬汁中，非常咸香，直接食醬感覺超豪華。然後分開上後，淨麵更可混與蒜泥白肉，一麵兩食感覺超值。而3色蔬菜中即有醋雲耳、蕃茄仔及青瓜芝麻醬，沒叫飲品的解渴正好有夠清新。

估唔到逸東酒店而家開咗個美食廣場，選擇相當多。今日想食碗牛肉麵。沙茶鮮牛拌麵唔錯。濃郁嘅沙茶湯底帶微微香辣味，少少甜中帶鹹。牛肉片切得適中，口感嫩滑，吸曬湯汁嘅香氣，麵條煙煙韌韌，厚度十足，拌麵仲有好多唔同嘅配料。汁煮肥牛湯麵牛骨湯香味濃郁，滑潤口感，好暖胃。肥牛片肉質嫩滑且帶有少許油脂香氣，麵條煮得彈牙，吸收晒湯底濃郁嘅精華。粟米豬肉雲吞雲吞嘅餡料非常實在，再加上清甜嘅粟米，甜味足嗰種，好juicy嘅感覺，薄薄嘅雲吞皮包住。配牛骨湯，味道相當不錯。黃金炸雞球配蜜糖芥茉醬 炸雞大大件，唔算油膩，蜜糖芥末醬甜甜酸酸。白桃冷泡茶加配飲品估唔到不錯，白桃味夠香，茶味平衡適中，味道不甜。