牛角J

見到咁多正評， 專登過去試下牛角J， 點了相撲手牛五花， 冇錯係大大碟， 不過啲肉"鞋十十"， 比起另一間日本燒肉Like 的牛五花輸好多條街。如果想填飽個肚嘅可以即管試下， 又或者想食返靚啲啲嘅牛都係去返「牛角」或者燒肉Like舖頭食! 不過有一樣嘢係值得讚嘅就係招待嘅職員非常友善和有禮貌! 今時今日有咁嘅服務態度係值得讚嘅! 環境也算舒適， 不過如果二人枱嘅爐要share一個細細嘅爐便較為狹窄! 如果兩個人都點相撲手的話，60分鐘的時間未必趕得切食! :(…查看更多

『碌完鈴』醫肚，都係取其最近果間～牛角。極上牛三重定食～日本A4黑毛和牛肉眼、牛五花和牛頸脊(150g)，同埋女友嘅上選牛三重定食 講真如果無學一般燒肉店插支標籤喺度，我點會知佢嘅名堂？食燒肉最緊要肉質新鮮同靚，當然要加埋佢哋啲醬汁，呢三款肉加埋150g, 飯可以有三個份量選，我當然唔客氣揀300g最大嘅一碗。今日唔趕時間，一塊塊慢慢嚟，三款都有不俗嘅口感，嫩-小小牛味，肉質唔錯，再加埋醬汁～收貨，紫菜加啲櫻花蝦咁樣撈飯又真係幾好食，攪到我要全部「消滅晒」佢。因為肚餓又真係無諗住寫嘢，所以無影到果幾隻醬汁🙏。埋單$450回頭度：7/10食物質素ok,價錢平貴好個人嘅接受程度。以上純粹個人食後分享，絶無收受任何利益同優惠，亦願意承擔所有責任。…查看更多

估唔到牛角都會出平價版本🤩🤩🤩，見到真係即刻想去試吓，平時食親牛角都起碼要成百幾$200 ，呢度竟然可以最平$48識到一個set🫢仲要係有返牛角嘅感覺。試咗最平$48 牛五花加雞爽肉 肉嘅質素都正常，牛五花都唔會淨係肥肉你，依然好享受到燒肉嘅樂趣，而且咁嘅價錢已經冇得挑剔， 一個人去食都可以好滿足。其他牛嘅部份都唔貴，真係值得去食下😋😋😋😋😋😋😋一定會再過嚟享受平價燒肉樂趣💕👍🍽️…查看更多

牛角J 燒肉位於啟德零售館2期，平日夜晚嚟食都要等位，不過因為我有金會員，所以都唔使等好耐。牛角J 係近年新開嘅燒肉line ，好適合一個人去食燒肉或者想食燒肉但係又唔想咁heavy 食buffet 放題的朋友。定食都包左沙律菜、味噌湯 同埋 一碗飯，肉嘅分量同組合都係可以選擇，而飯可以揀招牌嘅牛角飯、溫泉玉子飯 同 櫻花蝦鰹魚紫菜飯，而飯嘅份量都可以自由選擇。………………………………………………赤•濃雙牛定食 ⭐️⭐️⭐️⭐️選擇了200g份量的牛肉（牛板腱赤身、封門柳），肉的脂肪含量較少，但係牛味比較香濃。超特撰牛三重定食 ⭐️⭐️⭐️⭐️⭐️選擇了200g份量的牛肉（A4野崎牛西冷、骨附牛肋肉、牛五花），肉質比較林，脂肪含量較高，牛五花肥瘦適中，牛肋肉就過肥，而A4野崎牛西冷就最好味，果然一分錢一分貨！番茄味噲海鮮湯⭐️⭐️⭐️⭐️味噌湯可以加$18 升級做番茄湯，升級完大碗左，裡面仲有唔少海鮮，有魷魚同扇貝，番茄味都濃，又唔會太酸。原隻燒蠔  （蒜香辣油脆脆）⭐️⭐️⭐️⭐️限定menu 叫定食可以加$18 加原隻燒蠔，蠔本身都幾大隻，燒完縮細左都仲幾肥美鮮甜。免費醬汁⭐️⭐️⭐️⭐️⭐️牛角J 提供多款醬汁點燒肉，包括韓風辛辣醬、特製燒肉醬、牛角燒肉汁、山葵燒汁、魔法鹽醬以及七味粉。…………………………………………………查看更多

今次去咗牛角J試佢哋嘅燒肉set，兩份一齊上枱，450g黑白胡椒牛五花真係超震撼！肉質新鮮，油花分布靚，燒起嚟香氣撲鼻，每啖都Juicy又有咬口，配埋五款特色醬汁，點邊款都好夾。牛五花食得多會比較膩，因為油脂比較多，建議同人哋share會比較好，但係講真送飯真係一流😚牛角飯都唔輸蝕，300g份量超足，紫菜加生蛋黃撈飯好香口，食完真係大滿足！套餐仲包埋前菜沙律、味噌湯，啱晒大胃王同肉食控，價錢合理，環境又舒服，服務都好有禮，會再回頭！🥰🥰…查看更多