牛角Buffet (裕民坊YM²)

營業中

休息中

第一次係香港食牛角放題🙈 原來真係幾正🤩當牛角冷麵、牛角飯、溫泉玉子任你食…必加海量紫菜😍 真係食完一碗又一碗，好邪惡呀😈 一碗飯加2隻溫泉玉子，我一餐食左4隻蛋🥚我絕對係蛋痴🙊Level 3既美國SRF安格斯和牛牛板腱真心幾高質，睇下啲雪花就知😎 雞爽肉、雞腎、牛脷都好正!! 仲有日式燒年糕，燒到脆卜卜，配上糖漿🍯好好食👍最後又點少得雪糕呢😈 選fact check 蘋果x牛奶味好食過紅茶味🍦實在太飽啦，無食到甜品櫃入面既甜點，下次一定要食曬佢😠

裕民坊新開咗牛角放題店，今日5點先攞飛，等到7:30先入座😖😖我都覺得自己好有耐性，為咗食可以去到幾盡呢～我哋揀咗Level 3 美國和牛 （$408）食100分鐘，好在用app 落單好快上菜！用匯豐卡仲可以送如每人各一客A5和牛同海鮮（帶子同埋蝦）。和牛喺美國SPF安格斯和牛，個人覺得一般般啦，合格嘅，但冇我想像中咁好食！反而平少少Level 2嘅牛我覺得仲有牛味, 可以唔使食到咁貴。必叫嘅係溫泉蛋我哋嗌左三個，因為可以攞嚟當蛋醬汁撈肉食😆☺️呢個好食！推介炸芝士蜜糖年糕，日式燒年糕！因為我好鍾意食年糕煙煙煙韌🥰😍唔推薦嘅係關西唐揚雞串，大概熟食炸物都唔係太吸引都係燒嘢食好D😌雪糕係北海道3.6牛乳，同埋蘋果味揀，我就要咗個扭紋兩隻味都有！感覺清新又開胃😋整體都ok嘅，如果唔使等咁耐就更加好！金會員就最正最快攞到位，其次就係3-5人位，最後就係等得最耐嘅兩人位。

$698嘅LV5放題,呢個Level先食到嘅和牛係好食、高質嘅。不過個價格真係Over左，以一個正常人嘅食量黎計，我諗可能點2/30塊已經夠，因為好油。而當食完作為主角嘅和牛，好似已經冇乜好食，熟食係啲普通$2-300嘅放題質，嘢飲選擇少，大部份都係汽水，甜品就費事講，同垃圾冇分別。剩低值得一提嘅可能係扇貝，幾大粒下，冇乜冰鮮味。總結呢個價錢呢種質素，LV5只可一不可再，有錢貪過癮想試吓嘅話可能先會再幫襯

係新開嘅牛角放題店呀🤩 5pm食就有位😁LV3 美國SRF安格斯和牛放題 US SRF Angus Waygu Buffet ($348)畢竟係安格斯和牛，質素都👍🏻牛肉粒比較韌，其他部位都好腍。落單全部都係用電話掃QR code落。要出去攞嘅係沙律、白飯、日式咖喱🍛、肉燥、關東煮🍢同埋甜品。軟雪糕起碼有6種味😮特別D嘅味有阿姆山茶☕️同埋蘋果🍎。雪糕糯米糍雖然標示住有4種味，但係佢全部撈埋一齊，分唔清邊D係邊種味😅我哋大概6點幾食完，服務員都趕住我哋走（坐耐少少都唔得㗎），出面已經人頭湧湧😆如果要book位，都要去到九月先有🥲所以如果真係想食，就要好似我哋呢D尷尬嘅時間嚟食😆

Lunch 定食: 一份肉，再任食出面嘅食物。。飲品機種類好多，不過熱飲機得一部，等人沖幾杯飲品好慢。我覺得食燒肉飲杯熱茶好重要🤣。不過喜歡凍飲的寶寶就有福了，真係好多選擇。不過我只係影咗一張相😂仲有可以mix不同口味嘅汽水機。。雪糕🍦兩邊都有雪糕機，但係兩部雪糕機嘅味道都唔一樣㗎🤩。牛乳好味。仲有雪米糍。不過我最鍾意都係食牛角飯，大量紫菜，大量醬汁。🥰食咗一大碗。所以點解我冇嗌任食肉，因為又要食甜品，就要食牛角飯，真係冇咁多位落隔。。最後肉我嗌左E,F套餐睇吓啲肉同脂肪分布得幾好😍好味另外出面仲有啲熟食啊，沙律啊，咁上下啦。因為趕住食嘢，冇影咁多相啦😂。改善: 因為我自己大鄉里啦，第一次食牛角嘅自助餐。我覺得唯一改善係，門口等位嗰陣呢，其實我都唔知道要揀任食肉，定係一份套餐。最大問題係，當人哋叫到你個號碼，你要即刻做決定，你唔即刻做決定你就好似做阻住出面等嘅客人🤪，搞到好大壓力🥸。我覺得餐廳可以放一啲餐牌出嚟啦，或者放一啲清晰嘅指示比客人睇。唔係個個都食過，知道規矩。就算真係食過，你冇餐牌望吓，其實人哋叫你號碼嗰一刻，你都冇得即刻落到order，都叫咗號碼之後客人再諗吓叫咩餐，嗰度又

期待已久！住附近肉皇大帝佳音！【會員方面】新開張$100入會，送好多電子優惠券，食一餐減一百，等於免費入會~😄會員優惠係正價有九折，星期一85折~（記住入座30分鐘內拍卡先有優惠）【食物質素】太多選擇，不能盡錄~黎得牛角，最重要係牛肉！澳洲和牛雖然同日本和牛無法媲美，但油花都算靚，唔韌~我地兩人單計牛肉，未計其他海鮮小食，都食咗七十片左右……如果午市定食一個餐得六片肉真係攝牙嚹都唔夠……☺✔：肉類推介：『澳洲和牛』系列的牛胸腹、牛板腱都推介，（除咗牛柳粒，較難掌握燒的時間）海鮮類：雞泡魚幹，海老，蠔小食類：芥末章魚，炸蝦邪惡推介：蒜片，牛油~加落牛肉真係冇得輸！飲品：柑橙汁，雜果賓治甜品：必食雪糕！！蘋果味有驚喜！竟然有果肉！北海道3.6牛乳味好濃牛奶香；阿薩姆紅茶味好有茶味；藍色雲呢拿都好香~還有推介泡芙！識食一定係放落網燒幾秒~外脆內流心！美中不足……✘：1.肉類冇牌仔標示，乜肉都放埋一碟，其實真係分唔到係咩部位2.收碟超慢……二人位張枱又細，收碟咁慢真係冇位擺……3.半殼扇貝超級多沙4.一百分鐘太趕，起碼120分鐘啦~又唔講幾時截單，突然QR落單失敗先知……5.抽風系統一般，成身

一向有食開牛角，之前觀塘無就去九龍灣同旺角食，知觀塘開新店即幫襯啦！因為新開關係100元就可以做會員，抵好多言歸正傳7月1日放假前黎食個快的午餐，因為唔食得多唔食放題，叫左2個定食時間60分鐘，一早用Kabu Apps拎左位，去到等左一陣就入得。入去前已揀好食乜。一座食店員講解左食到幾點，出去拎野食又帶口罩，又問下洗唔洗介紹醬汁，服務唔差的。坐低無耐就送左野食黎啦！我地2個人食輪流去拎食物，一個負責燒。就可以慳番d時間燒肉定食A（$89）:可以揀2款食物，雞腿肉要鹽燒，醃得唔夠味.大腸（味噌）有小小異味，唔建議叫。燒肉定食B($109)可揀2款食物，揀了牛胸腹，味肩脊肉，要燒汁，肉味唔算濃郁的。都好過雞同腸。我只燒左肉無燒菜，因為十世都燒燶，唔想嘥野放棄燒牛角飯必整，我加左肉碎同大量紫菜美味。湯係昆布蔥同肉（無限添加），起初出去仲有一大煲時唔覺得好鹹，剩番細煲再飲多半碗係超鹹，可能攪唔好果汁芒果好飲，巨峰提子古怪。奉勸大家斟小小試下先，免浪費。甜品我拎左朱古力蛋糕，蜂蜜蛋糕，藍莓同朱古力杯子，綠茶（全部一樣特質死甜，應有味道係無）最唔好食杯子果2款，真係完全食唔出乜味道。雪糕有軟雪糕

堂食至晚上10時，其實要考慮出票問題，餐廳可以預計幾多號就去截票，呢間分店坐位超級小！！！！！！下午四時半取票，當時叫號253，三小時之後叫號306，而349號根本無辦法食得到！一個鐘內入10枱客人都做不到如果該店位置非常有限時，到底要幾點去拎票先食到？無限期既等待，兩個人食飯係咪要下午一兩點拎票，先可以晚餐時間進食？對新店非常失望。位置咁細既時候根本做不到buffet ，同等價錢，以後寧願選擇其他分店！！

住新界，第一次帶我朋友在觀塘找食物，見到除左APM商場之外，新開左一個商場，喺地鐵站旁邊，所以就入去搵食順便幫朋友慶祝生日，最後見到呢間牛角buffet任食，朋友話咪試過，就決定試一試，企到差啲暈低，最後排左2小時左右最後終於俾我地等到😵😵😵我們一行4人叫左level 3既套餐，佢啲燒肉薄身同厚身既肉都好好味，不往我排左咁耐隊，另外燒肉以外既小食，紫菜飯亦都可以嘗試。服務及態度都好好。最後幫朋友慶生日，佢都好親民地幫手影相，朋友亦好滿意，下次值得再男友黎試下😊😊

今次真係要好好記錄下，我嗰fd等到暈😅 咁啱就到我哋😂 店員好貼心咁樣俾水我朋友飲，其實只係等得太耐，血糖低😇 不過唔知係星期一，定本身都咁誇張，6點拎飛，要8點先有得食，仲要已經係金會員有得優先入座。下次真係book咗枱先好嚟，咪真係搞唔掂，等位嗰到都真係比較焗，可能商場都要考慮下呢一點🙁 職員都好關心我朋友，行過嚟慰問佢，加分🥰入咗座之後，你未嗌嘢，佢都會放定每人一碟俾你燒住先，不過係app到落單其實都幾快到，5分鐘就有🥰 牛肉就唔特別推介了，佢有羊肉都幾好食😌 大家記得叫温泉蛋，當佢醬汁咁用其實好好食😋我哋有蛋糕，正常嚟講會收切餅費$50，但會員唔洗，佢仲好好服務點埋蠟燭拎出嚟♥️ 真係加唒分🙊總括嚟講，- lv3已經夠食- 如果想有額外5%，要星期一- 拎咗飛，唔好企係佢門口，無乜冷氣- 值得嚟，幾抵食🥰#牛角buffet #第一次食 #好好食 #lv3 #星期一仲左額5% #金會員折左8折 #6點拎飛 #8點先有得食😑

登記完抽樓,去左裕民坊牛角新店,選100分鐘任食Lv3 ,環境舒適,服務ok有收下D碟嘅,仲鞠晒躬,食物牛肉牛板腱好食,最好大塊D,菠蘿好多汁好好食,日本唔知咩雞都好食,最好食就係個飯加隻蛋,已book定位下次再去,最好有多D優惠啦。

六點等到八點，仲要係用金卡攞飛，不過好彩都有得食揀咗Level3 $408係最抵食，選擇都好多食到好多款式嘅牛，都係優質嘅牛，好新鮮蜜糖芝士年糕好好食薯角唔夠熱，好多油出面自取食物中，裝一碗飯加蔥花、紫菜碎、醬油，好好味牛油金菇、蒜頭、原味雞件、洋蔥呢幾款都好好味雲呢拿溝紅茶其實除咗要等好耐之外，食物質素同服務都好好

第一日開就去lunch，真係好多人，好左book咗位，但係都要等咗成半個鐘，啲嘢食同其他果幾間都差唔多，水准之中。不過可以近啲我自己，但唯一嘅問題就係永遠都好難book位，walk in更加唔使諗，希望遲啲開多啲新野之後冇咁多人啦

⭐️等左好耐嘅裕民坊店牛角buffet 終於開左啦🥳作為牛角迷嘅我即刻黎幫襯下先😂$100半價做會員真係好抵🤩Lunch set b 60分鐘 🔸兩款肉定食🔸自助吧40款任食（飲品，沙律，蔬菜，牛角飯，甜品，雪糕）⭐️Set b 嘅肉預左一般啦，正常，前菜好似比其他店少左d🙈牛角飯必食😋關東煮都唔錯，最驚喜嘅係北海道8.0牛乳雪糕太好味啦🤩其實Lunch真係好抵，呢個價超值❗️星期一仲有85折😂❤️