牛角日本燒肉專門店 (皇室堡)

營業中

休息中

自從上次去東京食過好好味既牛舌，食開草既我都有時想食下燒肉。對唔住🐮🐮係日本隨便入一間都咁好味，唔會預期香港既質素會比得上，一般水平都可接受。燒肉六品盛牛豬羊都有得食，$218算幾抵食個牛舌咬唔開既😢😢😢，都係返鄉下食吧啦。不過其他豬頸肉、雞肉果d都ok既，重點係燒得好味。另外仲叫左個海鮮盛合 $118反而海鮮有驚喜，蝦、青口、同塊魚柳都好好味喎。個蠔就唔太新鮮。整體感覺還不錯，起碼環境舒適，服務好。

Gyukaku 牛角 is one of the most famous budget Japanese-Korean BBQ houses in Japan, and has since expanded to various countries to serve reasonably priced Yakiniku cuisine. Yakiniku Ya restaurants are classified into many different levels in their homeland, much like the concept of Sushi houses - they can range from lower family oriented prices, to ultra high end restaurants serving rarer, prized beef carcasses and butcher's cuts paired with top wines and sakes. Reviews have been a mixed bag with G

老公約左朋友，我都約下朋友先！6點已坐低，完全唔需要等位，用餐時間限90分鐘，由天光食到天黑，哈哈。牛角青瓜野菜沙律（$42）：餐前食沙律，均衡一下。香蔥牛舌（4片）（$55）：薄薄的牛舌加少許香蔥燒，再點啲鹽醬，正！柚子鹽拉麵（$62）：冷麵加柚子鹽，清新又不油膩。肩脊肉（鹽醬）（4片）（$45）：偏瘦嘅部位，比較之下牛肋肉好味啲。牛角上級牛肋肉（燒肉汁）*唔記得影相*（4片）（$59）：牛肋肉比肩脊肉肥些少，燒出黎都幾香，肉味濃。王樣！魷魚 *唔記得影相*（$89，用電子優惠卷免費）：估唔到份量咁大，淨係煎魷魚都煎左陣，輕輕燒一燒，魷魚都幾彈牙！埋單$263（會員免加一），幾抵食嘅。

星期日，同老公在銅鑼灣搵食，大家都話好耐無去牛角，知道皇室堡有分店，便決定前去。牛角兩年前我們曾是會員，自從2016更改了會員優惠後便沒有續會。 個人覺得食烤肉不便宜，所以都很少會選擇！入到食店，覺得沒有以前的乾淨，服務員亦沒有以前熱誠。 兩個人不是太餓，就點了豬，牛，雞，腸，白飯。 可以讚是食物質素沒有下降！可能是星期日關係，進入食店客人不少！遊客亦很多，始終牛角是集團經營吧！個人評分食物：B服務：C環境：C

一向都有幫襯牛角，貪佢地點方便，又唔會太貴，食物一向都唔太差，服務都不錯。今次再吃，我覺得食物質素和服務都直線下降。首先一入到餐廳坐下來，已聞到很臭似是不乾淨的味道，幸好問職員時仍有其他位可以掉，餐廳有必要加強清潔，當時只是剛開始晚市不久，應該不會太污糟才正常。服務也不及以前貼心，以前職員都會耐心介紹一下醬汁，不同的肉有時會說說怎樣燒才好吃，也會有點笑容，現在完全冇，明明未吃完又趕著收碟，誇張到係你隻手夾住野燒緊佢係伸隻手埋尼要你縮開比佢攞碟走，我地唔係食好慢果d,45分鐘內已埋單，算是超快吧。食物我們叫了溫泉蛋牛角飯，這個是全晚最好吃的，每次必叫，始終淨食肉是很不健康。我們叫了和牛，但勁多筋，完全唔值。另外有個壺漬牛肉，一來唔新鮮，二來完全冇佢講的味憎味。另外仲有個豬，最平，正正常常。質素咁樣下降應該不會再去吃了，真心失望。

因為朋友生日 一行3人去左食牛角燒肉來講 質素都算唔差始終三個女仔食唔到太多，去放題又唔抵去過2次 都覺得蠔好好食牛肋肉都唔錯，不過百幾蚊得6舊下次會再encore ! !

牛角日本燒肉店 係我食過最好食嘅 yakiniku 佢喺日本有成六百間分店 果真名不虛傳 今日下晝 我自己一個 食下午茶 未入門口有個 招待員 好有禮貌地 畀咗張卡位我坐 跟住就有位男侍應 過嚟 簡介一下點樣點樣食 咁我點咗和牛牛肋肉燒肉汁 牛油本菇 石斑魚柳 仲有車海老 先講 和牛 118蚊 有6片 好新鮮 燒起上嚟食落口好彈牙 加埋 牛角本身嘅醬汁 鹹鹹地 我真係好鍾意食 但因為海鮮嘅味道會令牛嘅濃度揮發 喺個鐵燒 上面所以正確食法 係應該燒咗海鮮 冇咁濃烈味道嘅嘢食 然後先 燒牛肉嘅 所以我食咗魚柳 先 石斑好新鮮 連皮食 真係誇啦啦 最後我食埋隻 差唔多 比我燒燶 嘅大蝦 真係冇得彈 埋單之前 同另一位男士應king傾下想申請牛角會員 原來只要畀200蚊 就可以join佢會員 仲會送返 張一百蚊同兩張面額50蚊嘅食物券 下次等我join埋先

星期六晚上同朋友黎到皇室堡分店嘅牛角晚飯。今晚我地叫左一個牛肉拼盤，一個王樣腹胸肉，一個黑胡椒蜜糖豬肉，一個牛油蕃薯，一份生菜拼盤，兩碗牛角飯，飲品牛肉拼盤全名叫燒肉六品盛，內容包括有豚肉燒，雞腿肉，牛肋肉，牛舌，豬頸肉，腹胸肉，其實全部燒完都好味，當中最喜歡係燒牛舌，有無加檸檬汁都咁好味。王樣腹胸肉，因為有王樣字眼所以次次都會叫，好味多肉汁黑胡椒蜜糖豚肉，朋友推介，唔係幾食得出啲調味，但都好食，豬肉唔會覺得鞋生菜拼盤，生菜爽口清甜，解膩一流牛油蕃薯，第一次食，亮點，原來俾心機慢慢燒可以做到外脆內軟，作為甜品結束是日晚好圓滿！咁方便就可以食到好好味嘅牛角燒肉，而且價錢合理，正

最近很來沒有吃過燒肉，一直念念不忘，所以就趁着今天和朋友去吃牛角，我們相約在銅鑼灣皇室堡那間分店去吃。這是牛肋肉，顏色十分鮮紅。而且這種牛肋肉是屬於脂肪含量比較少的牛肉。這是豬頸肉，脂肪分佈十分平均，而且這是預先加入醬汁的，因為是豬肉，所以要燒得比較耐。入口肉質十分爽口，另有芝麻香，而且味道十分香口。甜品方面選擇了銅鑼燒，是抹茶味。首先，先燒兩面各燒45秒，如果喜歡脆一些，可以燒耐一點。外皮十分香脆，但是入面還是實淨的抹茶雪糕，抹茶味很濃，偏甜的。

今日老婆諗住去維園行花市，當然順度係銅鑼灣食飯，係皇室堡見到牛角好耐無食，當然想再試試，諗住開咗咁耐既鋪頭無咩人食，會好快有位，點知一等等咗45分鐘，等到夜宵時段先有得食，真係估佢唔到。等到好肚餓，兩個人叫咗成台嘢食，最令我難忘既係個沙律「羽衣甘藍沙律」，味又好口感又好，超讚！其他燒肉就一般啦，覺得牛舌、豬腸難咬d，牛肉唔係好夠牛味，可能我只係叫d 特價嘢，不過整體黎講，不錯👍不過最低係加20蚊，有任飲啤酒，超低！

衣間銅鑼灣牛角真係永遠都咁多人，之前幾次都等得太耐放棄等候！不過等位食野下下要響門口焗住等又冇得坐真係好討厭，結果成日因爲衣d原因就好快放棄等候，求其是但食！但衣度好就好在我㩒完飛，可以輸入埋電話號碼，自己就可以周圍行下，約10-15分鐘前佢會自動打比我電話錄音提示我就有位，衣個功能真係唔錯雖然衣家都有d餐廳都有衣個功能，但始終唔係間間有！㩒飛時見仲有十幾張飛要等，結果等左半個鐘左右就得，初頭見要等十幾張枱～頭都暈一直想食燒肉終於食到喇入座後以平板電腦落單，佢係冇套餐的，只得單點！不過燒肉就有d拼盤，可以一嘗幾款種類落完單唔夠一分鐘店員就已經比返張電腦落單紙我地，效率十分快！食物都極快就到，先黎飲品。再黎碟燒肉拼盤、骨付牛肋肉、和牛牛肋肉。和牛牛肋肉真係食落特別唔同，非常非常好味食下食下發覺人地枱有菜可夾黎食，結果我都叫埋個綠葉生菜拼盤黎夾肉食，不過菜既份量個人覺得算少，大概得6片左右，另外會附上d醬汁、泡菜、杏仁片比我地夾黎一齊食的。中途豚角拉麵都黎埋了，熱辣辣睇見都吸引店員仲好窩心提示小心熱添！本身驟眼夾好似份量唔多咁，食落其實屬於正常，可能熱辣辣特別覺得好味，仲好維持到個溫度一段

由前年加入左牛角會員開始，牛角已經成為左我同大少嘅飯堂，平均一個月都會去消費一次而好多時我地都會選擇「宵夜」時段，即是晚上九時後先入席，因為如果你會點飲品的話，宵夜時段有飲品放題，個半鐘任點餐牌內的無酒精飲品。只需$39，飲到三杯其實已經回本不過如果要享用飲品放題有個附帶條件嘅除左九點後入座之外，就係要點其中一個盛合拼盤然後先可以用$39享用飲品放題而且仲會附送每人一盤生菜同韓式醬料用黎包住燒肉食，既可消除燒肉的熱氣，同時又附合我的找素原則今次就點左個有六款肉嘅盛合拼盤拼盤包括：牛肪肉，雞肉，牛舌，豬頸肉，一口牛等但食咁多次都係覺得味道好淡，醬汁似係是但搽上去咁，縱使已經叫左醬汁由於拼盤啲肉無味，加上本人又愛吃豬頸肉所以通常我都會另點一碟辛味醬汁豬頸肉剩餘的醬汁就放拼盤果啲豬頸肉落黎調下味去食燒肉，好唔好食真係決定於你燒烤手勢好唔好，但以肉質同水準而言，我覺得可以☹︎由於今次我地坐最入靠窗的卡位，侍應唔係成日行過黎，所以好多時我地想加茶/加飲品或換網都無人理

不错的一间日式烤肉店，据说是日本品牌开过来的店，食材装修都是跟日本的样子。吃普通的牛肉性价比不错，想吃高级的雪花也可选择贵价的牛肉。牛肉拼盘，不错，各种部位各有特色吃得出不同感觉。牛肩肉，比较鲜嫩。鱼就一般般了，烤鸡肉还不错，品种还是很丰富的。烤肉火候还是要控制好，8成熟，外香脆內鲜嫩，这里最棒的是各种酱汁，再配上一碗紫菜饭，整体感觉还是很不错的，比得上很多贵价的烤肉店。两个人大概600元港币，吃得还比较饱。

二人七點到黎到，唔洗等位叫左四碟肉，一個沙律同兩個小飯豬頸肉，唔太咸，唔入味，肥瘦剛好沙律其他ok，蝦唔夠爽口朱，普遍牛肉都幾 juciy, “葉”味夠，可惜分量太少 紫菜丼加左個汁，好好味，但好細碗，唔夠食俾$200做會員有啲貴，優惠卷又唔係特多

休閑嘅端午節假期，黎到最後一日。去到皇室堡牛角嘆個午餐。話係午餐其實都兩點幾三點架啦。黃金時間呢間野呢就排長龍，所以就要呢啲時間先會嚟食啦。由於太肚餓呢，乜嘢肉都叫左一啲。例如牛舌啦、牛肋骨啦、然之後又嗌左一個金錢肚等等。其實比起我上一次嚟食嘅時候，食物水準都有輕微嘅下降。咁多樣嘢最記得都係牛舌架啦。又爽又好食又入味。喜愛食蔬菜同菌類嘅我呢，就叫咗翠肉瓜同埋鮮冬菇。因為未試過燒蔬菜，所以就試吓啦。點知原來如果就咁燒呢，就會乾爭爭嘅。所以大家記住燒蔬菜呢，一定要將個蔬菜整濕佢，例如點啲汁啊、或者倒啲汁係過瓜菜到。或者係燒個菇嗰時淋d汁上去。如果唔係呢燒濃晒，又乾爭爭。浪費食物。一啲都唔好食架啦。Service方面呢，有時㯲咗制呢都冇人理你。話晒幾百蚊食一餐唔係咁對我啊？有待改進啦。