影片
更多
2019-06-23
699 瀏覽
【注：本題目不是指和牛西冷😂】話就話短期唔食日本料理，以免觸景傷情，不過牛角張百元巨額coupon就黎到期，加之生日月雙倍積分，最終都係重訪牛角，一人獨享燒肉割引的快樂！🤓其實牛角就快變成我家食堂，而且每次去幾乎都係叫果幾款牛，不嫐覺得佢d主打牛肉質素穩定有保證，特別係和牛，雖然貴少少也值得叫。香蔥溫泉玉子飯（$38）食日式燒肉，梗係要一啖燒肉一啖飯先過癮，香蔥溫泉玉子飯係我每次必點，麻油帶出紫菜和蔥香，紫菜狂人一本滿足👍🏻遺憾蛋黃過熟，tamago time failed飯香但調味淡，我通常會再加d燒肉汁撈黎食。送上和牛全家福一張：左上：美國和牛牛肋肉右上：日本和牛牛肋肉下：和牛腹胸肉和牛牛肋肉 黑松露月見汁 4片 （$109）和牛牛肋肉係我覺得牛角第二值得推介既牛肉（首推當然係薄燒月見黑毛和牛），味道純正芳醇，不需要燒得太熟，吃的是柔軟的口感和油花的鮮甜。而黑松露月見汁食食下會上癮，有改變味蕾的神秘魔力！就算唔叫呢款肉都值得單叫一碟，靚和牛點佢自然錦上添花；而資質平平、燒到徐娘半老的普通肉，遇著佢都會即刻化腐朽為神奇，教你食得津津有味齒頰留香！本身係滿分體驗，不過今次竟然4片都畀到
話就話短期唔食日本料理，以免觸景傷情，不過牛角張百元巨額coupon就黎到期，加之生日月雙倍積分，最終都係重訪牛角，一人獨享燒肉割引的快樂！🤓
其實牛角就快變成我家食堂，而且每次去幾乎都係叫果幾款牛，不嫐覺得佢d主打牛肉質素穩定有保證，特別係和牛，雖然貴少少也值得叫。
香蔥溫泉玉子飯
$38
20 瀏覽
0 讚好
0 留言
香蔥溫泉玉子飯（$38）
食日式燒肉，梗係要一啖燒肉一啖飯先過癮，香蔥溫泉玉子飯係我每次必點，麻油帶出紫菜和蔥香，紫菜狂人一本滿足👍🏻
遺憾蛋黃過熟，tamago time failed
飯香但調味淡，我通常會再加d燒肉汁撈黎食。
送上和牛全家福一張：
左上：美國和牛牛肋肉
右上：日本和牛牛肋肉
下：和牛腹胸肉
和牛牛肋肉（4片）黑松露月見汁
$109
52 瀏覽
0 讚好
0 留言
和牛牛肋肉 黑松露月見汁 4片 （$109）
和牛牛肋肉係我覺得牛角第二值得推介既牛肉（首推當然係薄燒月見黑毛和牛），味道純正芳醇，不需要燒得太熟，吃的是柔軟的口感和油花的鮮甜。
而黑松露月見汁食食下會上癮，有改變味蕾的神秘魔力！就算唔叫呢款肉都值得單叫一碟，靚和牛點佢自然錦上添花；而資質平平、燒到徐娘半老的普通肉，遇著佢都會即刻化腐朽為神奇，教你食得津津有味齒頰留香！
本身係滿分體驗，不過今次竟然4片都畀到咁多筋，前所未有，扣一星！😤
美國SRF和牛牛肋肉 燒肉汁 4片 （$95 ）
美國和牛（左下）無日本和牛（右下）咁肥膩，但身為牛肋肉油脂依然豐富，牛味濃郁少少，要燒燶d先好食！燶完會散發穀物的香味，難道這就是穀飼牛の奥義？😆
Google時間：
美國蛇河農場「金牌極黑牛」 Snake River Farm
簡稱（SRF）為日本和牛與美國安格斯牛排的結合，保留安格斯牛精純紮實的肉質，更多了和牛豐富的油花。
（嗯，呢個混血兒都混得幾成功🤔靚仔來的！）
美國SRF和牛牛腹胸 原味 6片 $105
牛腹胸（最上的兩片）顏色最深，油花也最少， 食落接近我地平時食既牛扒；牛味重，有一絲野性的血腥味，厚度也令人過癮，似乎比牛肋肉更加補血氣！💪
牛腹胸總算Hold得住重口味的蒜蓉醬或辣醬，有d後悔無叫啤酒添！🍻
烤蜜糖芝士串
$46
32 瀏覽
0 讚好
0 留言
無人同我爭食芝士，一次霸佔三串烤蜜糖芝士串（$46）係咪太猖狂呢，嘻嘻🤓
呢d鹹鹹甜甜的甜品向來是我的最愛💖隔空燒到芝士流心需要耐性，但燒完放入口中溶化的一刻，個人真係會發光！充滿住金黃色的幸福能量！🏵
一邊食芝士一邊飲茶，順帶發現一個秘密：
蜜糖+芝士+烏龍茶 =烏龍奶蓋的味道？！👀
食完先見到相入面隻碟殘留些許油漬，雖然我完全唔介意，但清潔方面都希望可以仔細少少，以免有礙觀瞻嘛😅
用完優惠後埋單不到三百，對比日本食到既三百蚊燒肉尚有一段距離，不過在香港，三百蚊有咁豪華的和牛燒肉食，知足了。
重點：黑松露月見汁居功至偉，如果你想頹食而有feel，記得叫埋佢助陣呀🤟🏻🤟🏻
張貼
