牛角日本燒肉專門店 (海運大廈)

營業中

休息中

每次一想食燒肉，至不然會諗起牛角，不過我通常會黎呢度食lunch set，因為貪我最愛嘅牛角飯可以任添今次lunch set叫咗和牛三味定食，當中包括一份沙律、湯、牛肉拼盤、牛角飯，仲可以加$12添加一份雪糕。其中三款用上美國同日本嘅和牛，肉味濃而且充滿油香，呢個價錢黎講，實屬不錯！最鐘意lunch set可以無限追加牛角飯，滿滿嘅紫菜碎加上燒汁同芝麻，連唔鐘意食白飯嘅我，都可以食到兩碗。加$12嘅牛角雪糕，有雲尼拿同綠茶味選擇，雪糕灑上黃豆粉及醬汁，味道非常特別。

牛角一直都有大量捧場客，小弟亦不例外今天試試佢午市set lunch有幾抵食去到門口，竟然有2-3枱人排隊等位，但眼見餐廳位子充足，原來是服務員忙到一下子不能把座位安排妥當還忙著換襟票機的紙張，可能是新人沒經驗吧？不過幸好，店內的員工服務很好，午市$109 有豬、雞燒肉拼盤兩食，首推雞肶肉，雞皮的油份令雞肉燒得更香，少焦的口感我最喜愛豬頸肉略嫌太厚，欠口感另外，紫菜白飯任裝，吞下整整兩大碗附送的飲品推薦有氣碳酸飲品，跟燒肉匹配之餘也可幫助消化

好耐冇食，今次叫了一碟牛角豚雞六品燒肉盛合，有雞翼、雞胸肉、雞俾肉、豬頸肉、梅頭肉、同埋豬腩肉，最好食就係豬腩肉，肥瘦均勻將啲油迫晒出嚟，咬落去滿口油香，其次就係雞俾肉，燒到皮脆肉亂剛剛好，雞胸肉實在太過鞋口一般，其餘幾樣不過不失，跟餐嘅飯還是一樣如果食完可以冇限再任潻加，大胃王就啱晒

去牛角食飯，多數都要等位，今日去咗尖沙咀海港城牛角，等咗成45分鐘先有位。 海港城嘅牛角環境舒適，有啲座位仲可以望到海景，用電腦點餐，可以慢慢揀。我哋叫咗：牛角十品燒肉盛合（燒肉汁）$538，包括日本佐賀極上和牛肉眼、牛肋肉、西冷，美國極上和牛板腱肉、牛肋肉。啲和牛真係好食，有溶化嘅口感，加上燒肉汁，好夠味，唔須要點豉油。和牛三品&牛角二品燒肉盛合定食$228（加錢轉牛角飯），包括沙律、湯、飯、飲品。牛角飯係溫泉蛋加紫菜，這個一定要食，超好食，牛有水準。

温泉玉子蒜香牛肉飯 (外賣) $68牛肉選用肥牛肥膏超多😥個人麻麻地肥牛煮到過熟有幾片頗硬🥴肉質較韌牛味都算濃郁👌🏻 温泉玉子🥚刺穿玉子🍳果一刻好治療！撈飯食一流仲要係珍珠米無得彈👏🏻 洋蔥🧅淋甜✅ 紫菜好可惜外賣送到黎被飯既濕氣整淋左😣不過紫菜+温泉玉子🥚+珍珠米🍙既搭配一定無得輸💯米飯🍚選用珍珠米粒粒分明質地帶少許煙韌🥰有咬口唔錯👍🏻 醬汁唔係自家製醬汁平時超市買到既燒肉汁🍾味道偏甜 整體而言，中規中矩👀第一啖食落有啲似吉x家既牛肉飯牛肉失色，偏乾偏肥🤭

食開牛角都知道有會員計劃，但是儘管有金卡，排S隊也見到要得差唔多一個半小時，更何況是大眾取籌排隊呢？（所以由7月1號開始牛角收緊了金卡計劃，要實名確認）以往都是食旺角牛角Buffet或是其他放題店，由於時間緊迫大家都急急忙忙的狼吞虎嚥。今次選了散叫Grand menu的尖沙咀店，反而可以慢慢點、邊聊天慢慢食。今次由於不太餓，兩人只點了6合盛、三味牛與新瀉雞頸肉、牛角飯x2與飲品。飽肚之餘，埋單$500有找。

今日係補祝番我同我fd生日嘅晚餐🤣🤣🙈尖沙咀lee間牛角成日都要排好耐不過剛好我朋友有會員卡，可以排gold卡隊，快少少😏實在都有一段時間無食牛角原來佢ipad點餐有一頁可以叫服務員過泥幫忙我覺得非常好！我地坐得比較入d嘅位成日就見唔到服務員行過Lee個function就可以快靚正！我地三個人，叫左一個會員嘅二人餐，再加少少單點先講二人餐啦！都好豐富🤤🤤🤤二人餐首先，前菜有 蕃茄 同 沙律🥗蕃茄食落好開胃，咁樣整法好有趣🤣沙律內有紫蘇葉，我朋友唔鍾意紫蘇葉個種味(不過我覺得食落無差🤣)整體來講幾好食，同佢份量都算大三個人完全夠！然後有各種菇菇🍄放落牛油再燒，牛油完全被d菇菇吸晒d精華而且咁燒d菇菇先唔會乾👍🏻不過我都有就咁燒d菇，都唔會太乾可能係因為我技術好😏😏海鮮有兩隻大蝦都唔錯👍🏻肉類方面，基本上都係4件起對於我lee個選擇困難嘅人泥講Lee盤基本上都滿足到我🤣🤣🤣但係燒豬頸肉個時小心d，好容易燒焦其他嘅見出血水就可以反（秘技🤣）咁肉質先會嫩👍🏻我哋叫燒肉汁，so far調味都唔會好咸，好食🤤另外一定唔少得嘅有 牛角飯 同 加左温泉蛋嘅牛角飯🤤🤤🤤我的最愛💗紫菜依然出色👍🏻👍🏻👍🏻

今日相約同事去尖沙咀食飯，我哋一早就唸住食牛角喇，因為有coupon既緣故，甘食就覺得好抵，因為平時就甘去叫，都幾貴下😅，我哋8個人，食左2000左右，減左coupon，人均消費$230連加一，牛角既和牛真係好好味😋

永遠行LCX都見到好多人排隊食牛角，一於試試佢！雖然呢間無得任食，但而家海港城做緊泊車優惠5pm後堂食消費$100就可以免費泊到12am。所以貴小小試下食呢間牛角真係一分錢一分貨，好食過任食既好多真係唔怪得咁多人排隊，book左7點半都要成8點先入到。

海港城購物有優惠券送，所以就選擇咗牛角啦！難得可以扣券😝⋯⋯12點Apps攞飛，2點幾終於到我地入。店員話有setlunch 當然要一個啦！因為要試下唔同款㗎肉，另外我地選咗牛油帶子，飯同飲品。d肉方面有牛板腱同牛肋肉，另外個兩款肉就唔知乜名，但都ok啦😉話曬都係專食牛！試左d肉後我地再叫咗牛板腱，厚切牛舌同牛肋肉。呢3款都係我地至愛因為牛板腱係肉味香濃，牛肋肉就肉身淋！最後，忍唔住join咗會員🤪佢有多唔同類型餐廳！希望之後真係用得著😜之前都食過牛角Buffet 都唔錯🤪如果唔想等等等咁耐就最好download 個Apps禁飛。。。

💛去親牛角最期待既唔係燒肉而係雪糕😋😆·1行4人點選4組套餐🐮套餐包昆布湯🥣沙律🥗牛角飯🍚燒物小食🧈飲品🍵好抵食～～🥩牛角嚴選六品燒肉盛合（$125）🥩牛肋肉四品燒肉盛合 （$159）🥩牛肋肉四品燒肉盛合 （$159）🥩和牛三品&牛角二品燒肉盛合（$228）·🍨必定要追加$12牛角雪糕😋加入黃豆粉同埋黑糖，完美配搭啊❤️❤️❤️❤️❤️好滿足·📍牛角日本燒肉專門店尖沙咀廣東道3-27號海港城海運大廈3樓37B號鋪

星期六下午等左個幾鐘先有位。。。不過d牛牛又真係幾好食😋超juicy 。。。但份量就少左d之後個飯就太大了係可以塞爆個胃一個set 有海帶湯沙律再配多個小食我地就揀左牛油帶子，係一齊係個爐度燒架帶子有口感加左個枝豆。。略嫌無咩味。。。失色左d不過可以當小食咬下咬下refresh 下都可以嘅額外加多份牛，因為原本跟Set 既真係唔夠食和牛係零舍不同，好香有d熱氣，飲埋個柚子蜜潤下先凍飲走飲管可以減2蚊添架😂😂

冇得去日本又好想食燒肉，牛角絕對幫到你🤩🤩由於之前買嘢有啲海港城coupon ,同朋友一齊去食牛角先牛肉實在太好味，太多人食，所以門口人龍都晤小，要早啲去拎飛唷🤨🤨入得！好肚飯，梗係乜都點啦原來飲品晤要飲管會平$10, 梗係晤要啦，多謝支持環保！食物方面，必點牛舌，豬大腸，牛角飯，菇拼盤，佐賀和牛牛肋肉食物新鮮已經好ok, 重點係醬汁，有3種，有牛角醬油，蒜蓉鹽醬，同辣醬牛角醬油點肉最好味，甜甜地，同牛舌最夾蒜蓉鹽醬偏咸，點左海鮮用呢個醬岩岩好辣醬就因人而異，都好好味，鐘意食辣嘅朋友要點埋牙整體和黎講好高分，重點係抽氣做得好好，食完無烤肉味，值得推介

個麵好甜，甜到離曬普，仲要熱到死，好難食，燒烤OK，但係避免點個麵咯，好難食，好熱啊。The ramen is too sweet, and it is heating hot,the meat grilling is ok though.

想搵平價望海景既餐廳，牛角(尖沙咀分店)就岩晒你啦不過提提大家 可以望到海景位既座位唔多嫁 要留意番星期日經過尖沙咀 就決定係海港城食午餐，由於好耐冇食燒肉 就揀左牛角仲好好彩比左個海景位我地，雖然因為係中午落左簾但隱隱約約都見到海景 如果晚上黎食 一路望住海景一路食燒肉 就係好嘆我地叫左假日限定—A餐「牛肋肉四品燒肉盛合」同B餐「牛角嚴選六品燒肉盛合」每個套餐都包括迷你沙律、昆布湯、燒物、飯、飲料燒物有:秋葵、牛油金菇、牛油本菇、牛油帶子同埋石斑魚飯有:牛角飯、香蔥溫泉玉子飯、白飯每樣都係自選其中一款我喜歡尖沙咀既牛角飯有埋溫泉蛋，如果牛角Buffet就沒有溫泉蛋的A餐「牛肋肉四品燒肉盛合」牛肋肉肉質睇落去好好靚 牛肋肉唔會太薄食落去仲有油脂滋出來 好滿足B餐「牛角嚴選六品燒肉盛合」依個餐可以食到不同部位:豬頸肉、豚肉、雞腿肉、牛舌、肩脊肉、牛舌腸一個套餐可以滿足我多個願望總結:我覺得假日黎講依個價錢都不算貴加上牛角肉質我認為一直都保持水準 個人覺得牛角既午市套餐抵食!!