牛角日本燒肉專門店 (德福廣場2期)

營業中

休息中

拜完年兩點幾2個人搵地方食野環境幾濶落一d都唔迫去左呢間牛角order左2樣野1cm Cut Beef Tongue (Shio Tare)$49厚切牛舌(鹽醬)得4條呢個唔好食因為食落去有根嘅咬唔開Premium Karubi (Short Rib) (Tare)$59上級牛肋肉(燒肉汁)只有4片呢個幾好味肉質幾滑3款醬左起：燒汁、辣味麵豉、魔法之鹽最好食燒汁其次係魔法之鹽魔法之鹽係海鹽唔係好醎辣味麵豉唔覺有麵豉味似豉油多d服務算合格添水頻密又幾殷勤冇黑面佢嘅肉份量太少完全唔值呢個價錢伊呂X好好多

最近，牛角大紅大熱，每逢晚市都人龍不絕，未到六時，門口已經排了數十人，準備拎籌。可是現在人氣急升到有過火的境界，未夠八時半，籌已經派發完畢。這天，我六時半到達取籌，門口的店員說大約一個半小時後回來差不多有位，朋友和我唯有到商場行一陣。八時左右回來，可是得到的結果是一半籌都未嗌到，我的籌號是A23，而回來時只是嗌到A11。如果以我平時的性格一定走了，可是我又真的想試一下是何方神勝，唯有同朋友堅持等待。直至九時十五分左終於可以進入了，門口等待的人各自也流露出羨慕的眼光，因為大家都等到呆哂。講回食物方面，只叫了七樣，都係以牛肉為主，先到來的是鹽味牛油王樣！腹胸肉，論賣相一般，大約只有手掌般細少少，每塊都有一本雜誌般厚，上面舖滿蔥蒜芝麻，另有一小碟牛油附上。waiter會解說怎樣食用這味招牌菜，可是這樣一塊的牛肉整塊燒，一定會燒過火，所以都沒有依照他們的說法，應該先燒兩邊，再先行分開成小塊，再烤邊位，待肉還熱時，放上牛油在面，這樣不單止有肉的鮮味，還索滿牛油，肉質也不會過靱，實在美味。再來的是燒肉汁上級牛肋肉，這肉佈滿雪花，雖然看得見根的位置，可是卻沒有靱的感覺，充滿牛味，很好食。燒法都是以餐

牛角開業一段時間，晚市依然大排長龍，和朋友兩次5:30pm前都入唔倒第一輪晚市2小時的等待，自問做唔倒，走人(我覺得佢帶旺左附近食肆，好多二攤客)前幾日放假一個人去開德福，1點多，經開問下，即刻入得好驚喜個iunch menu選擇算幾多，最後選左牛舌&牛胸腹(醬汁)set呢個就係魔法之鹽，打開已經好香個set到，D份量好似偏少(同盛八lunch set比較)但跟餐個飯十分美味，咩米黎？太好食啦(無影到已經俾我食哂啦):牛胸腹唔太ok，無油香，肉味都好弱，伊呂波好吃很多牛舌幾好，配香蔥吃幾夾，但我又係鐘意盛八圓形果種多D總括而言：地方ok，唔迫，抽風佳，因一、二人都係用一張四人檯坐得舒服(唔怪得晚市等死人) D肉好一般，個笑臉係俾個撈左魔法之鹽的白飯 如果食iunch我會揀返伊呂波&盛八，晚市唔建議大家排啦

剛開的時候, 12/18 和友人等了2hr, 最後放棄了...由於那天接近做冬的日子, 明白是多人, 不過我8人,等6人枱, 因為不多, 明白要耐D.6:30PM就等, 叫G1, 我G8, 但1hr, 終於叫G2, 但G2話枱細, 唔坐, 但又不再叫G3, ...G2十人更唔坐, 但那裡最大都是6人枱, 點解唔叫下張??因為我想試, 朋友們陪我我等, feel so bad..最後等佐2hr, 無再叫過一張, 放棄了...只見佢叫2-4人...去了意粉屋 ;(1/13, 因為公司係九龍灣, 那天2pm才吃lunch, 見到沒什麼人等..等一張, 下張到我地..所以才等.不過, 我覺得門口個戭眼鏡叫枱的女仔好有問題, 成日入佐去, 出黎又掛住聽電話落BOOKING, 唔叫枱, 令到WAITING TIME更長, 其實上次佢都係咁..今次見到一個WAITER出黎細聲和她說, 叫一, 兩張入去先啦, 仲唔叫, 我比人鬧啦...入到去, 我見到其實有好多枱, 其實係咪為佐造勢?講返食物, 係OK O既, 不過我覺得其實同好味O既韓燒其實差不多...王樣豆腐, 都幾好味, 唔太辣..以加6PM放

文迪很喜歡吃烤肉, 特別是日式的. 見有新的日烤店, 當然要來一試, 但這店的人龍實在太過恐怖, 不想這樣去等的話, 唯有先行在別處打底, 看完電影, 差不多十點先來到, 想不到還要等十分鐘先有位, 認真誇張. 兩個人坐係大卡位, 當然好舒適. 由於這餐只是宵夜, 就不要那麼多了, 在人氣十大推介料理那邊揀了四個選擇, 另加兩個自己的心水, 就成為是晚的菜單.等食物上的時候, 可以看一下這個3大燒肉美味秘技. 不過, 坦白講, 是很難去學到甚麼又24秒又8秒, 還是用回自己的雙眼去判斷吧.叫了一碗飯, 怎知道就是最早來的一樣食物. 等得肉烤好, 飯都凍了.麻香椰菜 $19: 6分, 相當大碗的椰菜, 只收$19, 幾經濟. 椰菜脆脆的, 也爽口, 但那麻香實在偏鹹, 下得過了火, 越吃越不對勁.上級牛肋肉 $59: 7分, 跟著就是烤肉的時間了. 揀了鹽醬的上級牛肋肉, 烤完是幾香口的, 肉味幾濃, 但肉質就偏粗糙, 不夠嫩滑, 要多咬兩口去消化.王樣! 腹胸肉 $69: 6分, 另一個招牌就是腹胸肉, 揀了鹽味牛油. 大大塊, 烤完後要自己用鉸剪去剪開, 幾麻煩. 肉是幾厚身的, 或

塞翁失馬，本以為上一回因公事未能出席沙嗲沙嗲之試食會，沒想到下一次的機會這麼快就來臨，而且還要是最近燒得火熱，紅得發紫的牛角。去過兩次日本，也從來沒想過吃燒肉，原因除了因為貴，還有當然是唔識燒，怕暴殄天物，有不好的印象，還不如不吃。這一次的試食會，我會稱之為「鑽牛角尖」之旅，因為實在是鑽了很多我沒想過的領域，大開食界之餘，也大開眼界。第一驚喜，當然是不用排隊、有人介紹、又能吃到名物。門口長期現人龍的牛角，老婆在試食會前一星期才剛吃完中午，評價不俗，但中午時間已經要幾星期前訂位，跟工作人員聊天，才知道原來晚市訂位已經去到四月！當然每天只會有小數檯是供預訂，其他檯也還是能walkin的，但牛角是下午五至六點休息清潔的，如果想吃晚市，等六點開門食第一轉應該係最快攻略。第二驚喜，今天原來有專人為我地燒肉，還要是牛角的CEO廖先生！廖先生十多年燒肉的經驗，完全俾我地知道好味的燒肉到底是如何的味道。在日本住過的廖先生，燒肉時的輕描淡寫，但又燒得一手好肉，彷彿就好似我地睇過的日劇咁，談笑風生之下已經燒到好肉，諗番之前自己燒肉的情況，只能用「雞手鴨腳」黎形容，當真大開眼界。標題的「燒肉達人」，除了是給

新開張GE關係同朋友一齊去食下點左2個牛肉 1個豬同其他熟食照住佢餐牌提示 牛肉只燒30幾秒或者20幾秒我都怕生所以燒多左陣都幾好食GE 可惜.....................食完幾個鐘之後個肚開始唔舒服初初以為自己食得太飽之後想嘔同好暈行行下街估唔到仲嘔埋出黎 成陣牛味之後果晚斷斷續續嘔左7次咩都嘔哂出黎 飲水都嘔真係洗胃咁濟!!!!!我個FD都肚痛不過我情況嚴重D千其唔好去食阿痴線GA!!!!都唔知D牛新唔新鮮.....定係話佢教人燒GE時間係錯GE!以後唔會再食仲要咁貴以上為事實間野同我冇怨冇仇我唔會咁得閒老屈佢

之前工務繁忙，錯過兩次參與開飯飯局的機會，今晚終於有幸加入開飯搶先試飯局，地點是近排人氣旺盛的牛角日本燒肉店。 牛角在日本分店眾多，香港則是中國市場第一個試點。日式燒肉一向給人高消費的感覺，但由於這裡定價較大眾化，故不論閒時假日，小店門外均擠滿排隊等位的長龍，有人笑言等候時間足夠到附近戲院看場電影。 小店位置頗大，環境清雅，裝潢以深淺棕色為主調，簡約得來格調頗高。這裡的座位用上軟座梳化，卡位較多，舒適之餘空間感也較大。另外，這裡與坊間其他燒肉店最不同的，就是沒有半點油煙，感覺較清新潔淨，像身處一間高級西餐廳多於燒肉店。 燒肉店主打當然是各式燒肉，而這裡單是牛肉也有很多種類，由頂級和牛以至牛內臟也一應俱全。除牛肉外，餐牌上亦有豬肉、雞肉、海鮮及多種蔬菜供客人選擇，加上前菜、飯麵、甜品及飲品等項目，令人花多眼亂，建議在等候時先看看餐牌，選定心頭好哩。 今次被獲邀請，最高興是可以一次過嘗盡牛角各種招牌菜，不用為點菜而多花心思，而且更有牛角的老闆廖先生為我們介招日本燒肉文化，還親自操刀示範各種肉類燒烤的方法，否則再好的食材也隨時被小弟糟塌哩。 飲品及前菜：　 飲品：燒肉與酒一向是絕配，

人氣!人氣!超人氣! 一早已知「牛角」是長龍店，我倆只有星期六得閒，可以早些去排隊食飯，於是五時正去到德福二期這間「牛角」吃飯，但都有三/四十人在排隊了！不用半小時，排隊已經排到近UNY那邊的超巿，幸好有店員維持秩序，安排打蛇餅，不過有Ｄ阿叔趁混亂博懞想打尖，當然不會得逞啦。。。。。。六時正！好野！條隊開始動了！由於我前面都有差不多廿張枱，所以我倆六時十五分才能入坐～雖然我們只有二人，但都有四人枱坐，很闊落，我們被安排入座最入那間房中，看看餐廳幾乎沒位，真是遲一點去怕且要等下一輪了～我們在排隊時已一早想好吃什麼！（餐廳門有ＭＥＮＵ紙任取）一坐好便立即點餐了！等吃期間，搞呢搞路，玩下醬汁先，左起：魔法之鹽、辣味麵豉、燒汁（３款都好味！） 香草芝士雞肉＄４９－混合３種芝士超濃郁，不過沒人教我吃，原來將那錫紙盤放在燒爐上，我太笨將沒溶的芝士放在剛熟的雞肉上待溶，不過都ＯＫ，雞肉很嫩，平時我不吃雞皮的，但燒過後的雞皮很脆很香口！ 豬頸肉（味噌）＄３９－呢個正！很入味，入口又鬆化，一定咬得開！王樣！腹胸肉（蒜茸味噌）＄６９－肉厚ＪＵＩＣＹ，燒好後再以剪刀剪開，因為都幾厚肉，好像牛扒般，牛味重～

由於打電話佢職員話訂枱的話要去到4月中，所以唯有一放工就去試下攞飛排隊，當時係6點40分。我地張飛係B38，排3人枱，但由於佢哋係無限制人食既時間，所以我地一直等到9點半依然係叫到B18！可能啲人都走哂唔等，故等多15分鐘就可以入座，足足等咗超過3個鐘！但佢地10點半就last order，所以我哋要喺45分鐘之內完成落單，餐飯食咗1個鐘！以要排3個鐘去食呢個燒肉，我覺得其他的品牌會更好味，應該不會再去。

本來4號想去食，6:30pm到已經已派飛，仲要可能等到9:00pm先有得入坐，所以改左第日再去過。星期四朋友5:30pm先去排隊，6:10pm左右已經可以直接入坐，不過佢就要等我6:30pm收工先叫野食。我地叫左上級牛肋肉(正!)、王樣腹胸肉(超正!)、腹胸肉(一般)、厚切煙肉(bad)、海澡野菜沙律(正!)、溫泉玉子飯(正!)、銅鑼燒(超正!)

近期網上d 朋友成日都講, 九龍灣德福開左間日式燒肉店, 日日都好多人排隊, 5點幾去排籌9點幾都無得食, 訂台要3個星期前, 嘩..呢種情況好似多年前o既板x壽司咁, 既然係咁, 一於的起心肝搵多幾個friend去試試佢..5點15分到場, 可以開始排隊, 我地排第二, 排隊只供攞籌, 5點45分, 後面已經二三十人, 果然名不虛傳, 5點55分, 後面有成40幾人了, 6點正前, 開始安排入場, 侍應相當有禮貌, 問我地幾多位, 我同我朋友當時都好擔心, 驚未齊人唔比入(兩個人拎9人台), 不過佢地又真係好nice咁講, 請入黎..入到去, 間格鬆動唔迫, 燈光柔和, 全店完全無煙味, 冷氣十足 , 台椅爐頭地板相當清潔, 加上侍應完全唔急並面帶笑容, 使食客有一種親切感覺..望望個錶..6點10分, 咁早竟然有咁多人食晚餐, 企起身周圍望望先, 原來好多人都係一個排隊, 先霸台再等朋友, 所以6點半前都唔多覺有人order 食物燒烤, 由於我d朋友都未黎, 於是就開始order小食..辣油豆腐 -- menu得兩款 (叫晒兩樣..) 兩個汁都ok, 不過感覺似百福豆腐加d汁, 貴

當日6:10pm去到排隊,拎飛咋=.=竟然拎到A7因為第一次我拎A47,所以冇繼續等落去~好彩今次都唔洗等好耐~野食都算OK既,$99既和牛肋肉,望落去個樣好靚,但食落又冇咩特別~最喜愛佢個雞肉,好好食,上級牛助肉都不錯帶子...豬頸肉都好普通,佢個腹胸肉好難食><我係想叫王漾腹胸肉嫁,點知叫錯左=.="(我見到人地用較剪剪嫁0.0)除左肉食,亦另外叫左個拉麵,都不錯喔~到甜品喇,竟然冇牛角雪糕食囉最終都只係叫左個銅鑼燒(綠荼)其實我一開頭就係咁點燒肉,食到一半,已經覺得好膩喇,下次真係要叻D,慢慢叫,唔好一次過叫晒所有野食~順帶一題,佢個爐烘到我個人好唔舒服呀

This BBQ Restaurant has a nice interior few seats for 2 people. I spent 45 minutes to finish the dinner but I waited for 90 minutes. The restaurant opened for not a long time, the quality was disappointing. Beef is almost the same as supermarket's. Salad is not as fresh as it should. I am not saying it is a bad one but a normal one that will give you no surprise.Consider to pick other Cuisine better.

去年底，日本燒肉店牛角首度進駐香港，設店於九龍灣德福廣場二期，開業之初曾試過 walk in，七點到達，以為時間尚早，點知二人細檯竟要等超過 30 個號碼，我們沒可能癡癡的等，唯有即場跟店員訂座，但 booking 也排至 2011 年 1 月，看來人氣並不下於中環豚王，結果等了近三星期，終於可以一試了！牛角雖以美而廉的燒肉作賣點，但論環境也不比價錢高一個檔次的盛八差，抽風系統一流，完全沒有煙霧迷漫的感覺。這晚我們二人獲安排坐在四人檯，空間感十足，超繁忙的晚市時段也不設限時，客人不用吃得頻頻能能，絕對值得嘉許。甫坐下，女友主動提出要吃麻香椰菜 ($19)，這冷菜很爽脆，看起來沒甚麼特別，但入口卻傳來一陣麻油香，令人欲罷不能。第一回合先要了四款肉，分別是王樣！腹胸肉-蒜蓉味噌 ($69)、上級牛肋肉-燒肉汁 ($59)、厚燒牛舌-鹽醬 ($49) 及牛胃 ($39)，再加香蔥溫泉玉子飯 ($25)。餐牌列出了牛不同部位的燒烤方法，但我並沒有跟足指示，個人認為最重要是反肉不能多過一次，厚身的肉可以烤得燶身一點，那份焦香更可口，薄身的肉就講求快狠準，放在爐上約十多秒便反轉，但往往不是太熟就是