牛蓋

營業中

休息中

呢間小店牛扒飯分幾個價錢，我最貴同最平嗰個都食過，貴嘅的確好好食，肉質鮮嫩，煎得剛剛好，份量足。加上醬汁同個牛好夾。最平嗰個係冇咁好食，但係價錢爭好遠，所以都合理。一定會繼續幫襯。

入到去，要自己行去落單，基本上全部野自己黎。落完單之後等勁耐都未黎，大約20分鐘。入面比人感覺系日式小店，播住日文歌。整體價錢貴 ，一個單點牛扒飯 $74 唔包任何野。麵豉湯要加$10，野飲全另加$。賣依個價錢令人以為會幾高質，但實質上品質強差人意。 首先，成個飯就係得肉+飯+ 唔知想點嘅生菜。 肉嘅質感普普通通，但係個汁明顯地係現成既超級市場牛扒汁。 飯方面，一舊舊口感偏硬，而且唔係珍珠米。價錢同質素完全唔成正比

朋友話想食慢煮牛，咁啱經過呢間，就入去試吓。鋪頭細細，座位唔多，繁忙時間應該都要等下位。但今日下午三點左右去，都有空位。見到店名，都知道係主打牛，但都有啲雞選擇。咁呢間餐廳，係自助式，需要先比錢落單。落完單之後，就會俾個感應器，感應器一響，代表個餐整完，需要自己出去攞。茶水、筷子、其他調味等，都係需要自己攞。咁其實店員好好，落單嗰時都有提及，牛嘅話需要等15至20分鐘，都有個心理準備比客人。咁呢個係我叫嘅，牛扒胡麻撈烏冬。其實整體都唔錯，但烏冬就太熱，冇過冷河，冇咁彈牙，牛就有陣甜甜的味道，幾好食。而呢個飯係朋友叫嘅，佢就話普通冇咩特別，牛就有啲韌。整體來講就普通，價錢偏貴，收咁貴，又要自助，就好似唔太抵。

呢個係全店最貴既餐～牛排肉飯，係幾好食！肉多飯就顯得唔係好夠，食晒啲飯仲有幾舊牛剩返，多啲飯就好啦！ 男士食可能唔夠飽！150g！呢個係最多人食，味道係唔錯，但個牛有少少un, 再林啲就好喇！ 始終價錢都唔算平，份量好夠就差在啲牛要咬多幾口先咬爛。至於店內環境，轉左新鋪多左位，但一樣係好迫。由於要自己取餐又要好似canteen咁執返執啲餐具去返却口（日式），中間條路好窄，食得唔太舒服，要迫黎迫去。琴日食戈陣仲要天花版滴水，好在無滴落我碗野度😂😂

又難食又耐入面間鋪好細但又要自助要自己拎盤自己收盤 行兩步都撞到隔離枱嗌左個牛肉蓋飯啲肉無味都算啦仲要無牛肉汁衰過吉X家啲牛肉飯仲要啲飯係超爛 唔係粒粒分明我唔知佢其他好無食但食個飯都要等30分鐘以上真係唔會有下次（成個飯我都靠七味粉先食得落）

首先我是第一次幫襯然後咁岩服務員又行到門口就同佢講2個,當晚入面客滿而佢又望左陣冇位,我就企係門口等啦.咁岩有一pair用餐完畢行左出黎服務員又冇乜反應就係門口等多陣啦就係依個時候有個auntie入左去買飛就知道比人打左尖果陣時先知道係快餐式有辦法啦, 唯有等多陣啦去到叫野食地方又唔係大又要行黎行去買餐/拎杯水/拎餐具/拎餐/還餐盤都要經過走廊行去出餐位同人迫叫左2set慢煮牛扒蓋飯(牛肩胛)牛扒十分鞋乾身冇牛味有幾塊邊位硬身(燒太耐?)有幾塊咬唔斷慢煮汁仲出味過本身塊牛扒一個餐接近100蚊既餐冇諗過係咁既質素餐盤底仲要好油滑手真係唔建議為左慢煮黎試或者極上牛蓋會好一點(牛小排)

入面好細，計埋所有位，一共12個。落完單俾左錢先可以拎餐，所以野要自助，冇人幫你，咁細間舖，仲要客人自己走尼走去，出去點餐，拎餐，其實真係好吾方便，價錢係依個商場尼講係偏貴，仲要係自助，冇人幫，我覺得已經扣左分了。吾知點解放吾到張相上尼我試左個個胡椒鹽雞扒配半生不熟蛋。我覺得個雞扒係處理得吾錯，好味嘅但如果計埋環境服務，吾應該收依個價錢。其實食物質素係吾差，再用心做應該會有回頭客，但可以改善一下個服務啦🤔

屯門華都商場有好多小店，lunch想食熱辣辣嘅烏冬，就想起呢間餐廳。呢度嘅烏冬雖然比起飯貴$10，但烏冬夠滑，湯夠濃，慢煮牛扒剛剛好，無overcooked，配埋燒汁更加好味。雖然午餐黎講價錢有啲貴，但真係幾好味。

間鋪好細，大概有6張枱，所以得兩個員工，佢地仲要係廚師👩‍🍳👨‍🍳～～餐廳算係半自助式，食完要食客擺返碟去餐具回收窗口，大家都好自律💁🏽‍♀️抵讚！！分別叫咗慢煮牛肉飯同慢煮烏冬，分量好足😏😘 牛肉肉質偏粉紅，但其實已經熟透，唔知係咪因為慢煮，我覺得口感偏實，有啲難咬開🙈🙈但慢煮係可以鎖住肉汁～～ 兩款餐大概需要等候10-15分鐘。衛生情況唔太好，我見到有隻超大嘅曱甴🙈🙈雖然職員用9秒9速度KO咗佢，但都真係幾得人驚😖

牛蓋舖位唔大，得20個位左右，以自助形式經營，買完坐低等攞餐，食完自行將餐盤放番返卻品。見個個都話差，我就唔係咁諗既^^❤️同男朋友食第3次依然鍾情C2餐❤️個牛勁好味，又唔會乾，份量都好夠～而且上面有隻蛋，覺得唔夠喉可以加隻溫泉蛋，隻溫泉蛋係原隻連殼上，唔係已經倒左出黎，感覺比較新鮮！飯上面既汁好惹味，撈飯一流，唔會話好少！總括而言，食得又飽又滿足👍雖然以屯門區黎計，價錢可能貴左少少，但係呢個味道絕對值得💕

昨晚路經此店正想入去時，剛剛有一對男士迎面出來，其中一人說下不為例....初時不明他說什麼？...坐底後點了一個牛扒蓋飯和芝士漢堡排飯，落單後十分鐘牛扒飯就到了但芝士漢堡排飯反而要等差不多25分鐘，這都不是問題，最大問題係：1. 衛生問題，店內有至少兩三隻吸血的蚊飛來飛去，我老婆著短褲就不幸做了受害者...2.牛扒蓋飯還可以，但芝士漢堡排飯完全唔掂，已經等得耐，仲要切開塊漢堡排內的芝士仍然係塊狀的固體，同餐牌講的爆醬名不符實，而且塊漢堡死死實實，初時以為自己黑仔，但見隔離檯的情況一樣...總結：以呢個價錢的話，食物和環境質素都不合格，想試的朋友最好趁早試，因為咁既質素應該唔使好耐會關門大吉⋯⋯

作為屯門人華都好多餐廳我都食過不過呢間就覺得有啲貴一直冇試呢一日終於試左餐廳係自助形式揀完食物比完錢就等部機震震就出去拎食完就自己清理番呢個慢煮牛扒飯 價值 $74份量好足 牛扒好多 飯好多 但冇汁撈飯之餘啲牛扒非常un...另外嗌左個雞扒滑蛋飯..$58完全冇味 又冇汁但同上都係勁多飯好多肉其實如果食物質素好的話我絕對唔介意自助但佢價錢又唔平 又唔好食 服務又麻麻真係好難幫襯第二次咁既價錢 我會覺得吉野家都好過佢囉

小店剛開未出名時，真的好好食，當時人龍不絕，想食碗牛肉飯都要等起碼45分鐘或以上。成名之後再有食過，質素開始下降，牛肉都無以前咁好食。小店之前換了大鋪，昨天第一次來到新店，叫了咖哩牛肉飯，賣相很好，咖哩汁味道也很好，配菜有紅蘿蔔、薯仔，配菜也很入味，薯仔唔硬唔淋，控制得很好👍🏻。唯獨牛肉真的很差，很乾，有焦燶味，一入口，無牛肉味，鞋熠熠的。如果以慢煮作綽頭就真的不合格👎🏻另外一提，有位女士職員態度不太友善，可以改善一下啊。