牛肉拉麵

營業中

休息中

今天去紅磡Duetcup找朋友剪髮，剪完就開始肚餓了，行行下去到寶其利街，見到這家標榜即叫即拉的手工拉麵就行左入去了，望望餐牌都是以拉麵及小菜為主，肉類就以牛及豬。我就點了個清湯牛肉拉麵，麵質要寛一點，口感好一點的。等了一會麵上菜了，牛肉主要是以牛腩肉為主，湯是牛骨湯，非常夠味，而麵質就正是我最喜愛的粗麵，口感非常好，夠彈牙，原來餐廳還可以免費加麵的，整個麵肉都算多，再加少少辣椒油非常好吃，下次一定會再來，要多麵的。

這碗牛肉拉麵的湯頭濃郁，肉質鮮嫩，入口即化。麵條彈牙，與湯汁相得益彰，整體口感層次分明。配料新鮮，香菜與蔥花的點綴增添了風味，讓人一口接一口。無論是冷天還是想要慰藉，這碗拉麵都是完美的選擇。強烈推薦！

行過見到，標榜～手工拉麵，再加上牛肉二個字，入去試吓。單點滿足唔到我，揀咗～牛展、牛筋、同牛腩，正常麵，同二個小食，涼拌皮蛋同涼拌皮蛋。睇吓滿滿嘅料，見到都流口水，牛展夠「淋」，但無乜味，牛腩同筋正正常常，靈魂係個牛骨湯底同拉麵，牛骨湯底無得輸，個拉麵又唔算彈牙，但你會食得出新鮮麵條。二個小食，木耳係我必叫，皮蛋係老闆推薦，我又唔好意思話我唔食皮蛋，咁都胆粗粗去試，佢哋啲秘制醬汁加埋青瓜絲～好食，真係令我一個唔食皮蛋嘅人而改觀。唔係吹水，真係幾乎飲晒啲湯見底。回頭度～8:10如果唔係好似我咁叫三個餸，其實4/5拾蚊有一碗拉麵，今時今日嘅香港算扺，呢啲小店真係要支持利申～我係無收到過任何呢間小店嘅物品同款項而作出上述嘅陳述。

在寶其利街發掘了這家小店，名字簡單就叫牛肉拉麵，是源自內地的手工拉麵🍜剛進去就見到一位叔叔在手推麵團，即刻信心大增，店內約有十個坐位餐牌左邊就是各式麵條，右邊是涼拌小菜📜都是經典味道，以湯麵為主加上微香小麻辣小食，最重點是加麵底是不用加錢，很有善心，有需要就得下單時說好🪇我點了一份熱炸醬拌麵，見到師傅即叫即煮😍由生麵變成熱騰騰的麵條，充滿肉碎的炸醬和花生粒滲出誘人香味，不過最出色是麵底😝咬口勁度恰到好處，是手拉麵條應有的口感，烹煮時間剛好，加了兩粒牛丸帶點油花，值得下次再來試其他款式拉麵👍

星期六下午茶時間試了這一家位於紅磡的中式麵館，是朋友推介的店，牛肉麵是他們的招牌菜，所以我們也點了這個麵。他的牛肉不像本地的切薄片牛肉中國北方的，可說是牛肉粒或牛肉件，牛肉夠入味、不羶、不煙韌，麵條嘅質素唔錯，好有彈性。湯底的味還可以，只是個有點多油。另一碗我們叫咗豬軟骨拉麵，佢嘅豬軟骨煮得幾淋，唔會咬唔開。佢啲面同湯底就同碗牛肉麵一樣啦，都係好食嘅。另外我哋仲叫咗碟菜心，走豉油走油，食得健康啲都好嘅。

香港有蘭州拉麵嘅地方唔多，連鎖店嘅又好唔抵食，終於搵到間價錢比較相宜嘅！平日夜晚嚟到已滿座，咁啱有人走就即刻直入。一入舖頭就聞到好香麵味，就知道嚟啱地方！叫咗牛肚拉麵同番茄牛肉拉麵，另加一個蒜蓉菜心。麵符合預期般好食，份量正常，menu有寫多麵唔使加錢，都幾好。但清湯麻麻哋，無乜香味，加咗枱面嘅辣椒油都係無乜味😂菜心都幾靚仔，份量都ok。啲蒜好似蒸開邊蝦嗰種，好好味，而且唔油膩。整體都滿意，留個食評希望小店繼續做，以後想食蘭州拉麵都有個好選擇！

#牛肉拉麵平時同同事去食飯，有時唔知食乜好就諗住去食麵，依間牛肉拉麵會係其中一個選擇。講緊拉麵唔係日本嗰隻，餐牌寫住手工拉麵，呢啲都係功夫嘢。佢最大嘅賣點係比較低調，加底唔使錢，而且味道相當唔錯🤪次次去食都係叫牛肉拉麵，其實係好似牛腩咁樣碎上，但每嚿都有少少肥，完全唔係瘦肉，好好食👍 今次就叫咗 #牛筋 ，同樣有好多件，好足料，都係$48。麵底有幾款選擇，試過粗麵比較硬身，幼麵就比較淋身，所以正常麵就啱喇🤪一般我哋都會加$5要酸菜，同樣都係畀好多，呢間小店位唔多，但一去到中午時間就坐滿曬。 #港飲港食平靚正 #紅磡 #午餐 #抵食 #麵食

紅磡的食店有平有貴，選擇甚多，但我與朋友二人光顧的主要原因卻是因為門口有勁多人等外賣，便認定了是好嘢！店員親切招待，我們就懶得看餐牌，就點了牆上面貼了照片的牛肉牛筋麵。我人們二人都揀了麻辣湯底的牛肉牛筋麵，我點了粗麵，因為寫明粗麵偏硬，正合我口味，麵條彈牙有咬口，不錯！應該真的是手工拉麵！最有驚喜的是其牛肉和牛筋，牛肉似是坑腩那質感，但成粒狀，牛筋也整得好，不會是橡膠質感。朋友點了正常麵，感覺是份量更多！菜可選生菜或菜心，上面加了一些蒜蓉，正常。豆腐則是樽裝的，全都價錢合理。

學校附近非常之多餐廳，今次嚟咗牛肉拉麵食牛肉拉麵🍜‼️：✨$48牛肉拉麵（選麻辣湯底、正常麵）牛肉就普通啦，味道唔會話好特別，同樣又唔會有明顯嘅調味🐮麻辣係譚仔嗰種二/三小辣，所以辣度啱啱好，同埋有好香嘅天椒味🌶️。反而拉麵好有驚喜！份量多之餘，麵條嘅咬感好煙韌。✨$8豆漿同普通嘅豆漿差唔多，飲得出似係少甜，啱曬我！又唔會冇味又好飲🤍最緊要嘅係有少少解辣🙈如果你係學生，有得免費嗌汽水/滷蛋，不過聽我嘅同學講 滷蛋有少少似藥材味(?)，佢話唔推介滷蛋🤣🫣

下午茶時間路過，見有點肚餓，又未到晚飯點，ok、一於搵間粉麵店祭祭五藏。屬於小店經營模式，全店22 個座位左右，未坐低已經嗅到淡淡清湯香氣。牛肉湯麵～ 粗麵、麻辣（小）湯底先呷一口湯頭，熱辣辣、清澈見底、滿滿牛骨熬煮嘅清香，麻辣係用自制嘅亁辣椒、芝麻加花椒用猛油炮過，入口略帶焦香得嚟香而不辣，靈魂嘅粗麵入口夠勁度，牛肉份量又足，要挑剔的話缺小了幾片清湯蘿蔔。。。不過個人覺得已經有95 分了，香港地好難搵到有呢種水準嘅牛肉拉麵，而且價錢只係賣$48 一碗，加麵又免費（下次幫襯一定要加麵！）。支持小店！

手工即拉麵    牛肉應該新鮮的  好有口感  建議可以加小小蘿蔔片就好了 其他加配配菜 牛筋不錯 軟 入味 湯麵最緊要湯夠熱 但第一次是東北拉麵 類似清真牛肉麵 係香港要食正宗蘭州拉麵 真難 為你加油

牛肉拉麵味道好，麵體吃得出是手工即整。有種蘭州拉麵的味道，湯頭也不錯，推介辣味。牛肉意外有8-9塊，大小可接受，味道濃厚。可惜拌面太油，味道一般，可以加以改進。如果外賣湯麵建議分湯更好吃。