牛繁 (海之戀商場)

營業中

休息中

💛荃灣人氣日式燒肉黃店 — 牛繁今次lunch就同朋友去咗呢間牛繁食日式燒肉，佢哋嘅午市一人前燒肉套餐供應時間係由12:00-17:30，見到套餐都幾多款式～▫️套餐會附送埋秋田小町米飯、和風前菜、餐湯、烏龍茶。▫️前菜：豆苗同芽菜餐湯：蛋花湯▫️厚切+薄切牛舌套餐($98@100g,$136@$150g)今次就揀咗150g，厚切牛舌好香油脂味😍而薄切牛舌就好爽口～😋▫️上級澳洲M9和牛腹肉、牛胸腹肉套餐($128@100g,$178@$150g)呢款牛肉就揀咗100g牛胸腹肉嘅肉質較厚實，有少許筋位🤏而和牛腹肉嘅肉質就比較爽口▫️同朋友叫咗每人各一個套餐，其中一個餐+$28轉左盛岡冷麵質感好似蒟蒻麵，食落有彈性，大家可以自由選擇加醋，加咗醋之後冷麵汁變咗酸酸地，可以解膩～▫️套餐本身包咗一碗飯🍚如果想轉其他口味，可以額外再加錢將飯升級至茶漬飯/溫泉蛋拌飯/香蔥蛋拌飯/和風拌飯。如果唔夠食嘅話，仲可以加錢再追加其他肉類～

近日在海之戀經過這間日本過江龍燒肉店，發覺原來她開張以來我們都從沒光顧過。正好餐廳門前擺放的午市優惠套餐看上去很化算，而太太又那麼喜愛燒肉，便抱住一試的心態來獻出我們的第一次✏️位置: 9/10✏️環境: 9/10✏️衛生: 8/10✏️服務: 7/10✏️食物: 8/10位於海之戀商場2樓的牛繁，設於扶手電梯旁邊，位置十分方便；餐廳用上日式裝修而且相當開揚，環境舒適；此店使用流行的日式小型烤爐，火力夠猛，而食材大多從日本進口，質素有一定保證既然是以午市作小試牛刀，於是點了一份性價比高的2人燒肉套餐：🍱午市限定！二人前燒肉套餐 - $496🌟前菜感覺有點韓式的前菜，我們在中間選了最為正路的泡菜及酸辣蘿蔔，泡菜味道正常不算辣，而酸辣蘿蔔用上泰式辣醬，味道獨特🌟大崎蟹柳沙律這款沙律用上椰菜絲、粟米粒及蟹柳絲，拌上沙律醬，味道甜美，但份量略少🌟特上和牛腹肉選了燒肉汁的和牛腹肉，肉質嫩滑兼有牛肉味，燒出來很惹味🌟特上霜降牛五花（+$28.0）同樣選了燒肉汁，霜降牛五花就是不一樣，嫩滑而油花均勻，食下去入口即溶，絕對值得一試🌟特選豬五花味噌口味的豬五花很入味，油出來充滿油香，味道討好，亦不會太油膩🌟櫻姫雞

又同朋友去海之戀商場搵食，經過牛繁見到 午市二人前燒肉套餐，由原價$606 減至 $468 便進店一試！店內環境寬敞，坐位舒服，木枱，木凳，燈具，全都很有日式風情！！✨午市限定！二人前燒肉套餐 $468套餐包括前菜，沙律，白飯，不同部位的牛肉，豚肉，雞肉和飲品～由於唔限時，可以座低慢慢傾，慢慢食，食肉獸表示好開心！✨特上M9和牛腹肉肉質軟嫩，味蕾充滿油脂甘香！✨特上霜降牛五花 + $28油脂豐富，入口肥而不膩！✨櫻姬雞腿肉柚子胡椒醃得入味，肉質細嫩！✨特選豬五花味噌醬增添豬肉的香氣，慢烤下很香脆！食物味道唔錯，如加強服務，定會令客人有更好既用餐體驗！🌈 牛繁🌈 荃灣大河道100號海之戀商場2樓2025號舖🌙月光太太

今晚同一班好同事食好野，揀左間燒肉店，計劃內燒肉飲啤酒🍻開心一番前菜「酸辣蘿蔔」開胃小點，encore 🎉「薯蓉沙律」日本感好重，正呀😊「蔥燒！薄切鹽香牛舌」正呀 包住蔥一併食🤩「鹽醬牛肋條」成條上，好有睇頭🤩燒至剛好剪開一粒粒「上級富崎和牛肩胛肉」果然唔同，牛香好重😍「嚴選箱降黑毛和牛西冷」食得過呀🥰 好香 ，油脂分布多👍🏻「龍蝦尾 」詢問如何煮理無人理會😖 蝦殼竉晒👎🏼「蟹肉甲羅燒」😫完全唔知燒左咩..乾哂「牛繁溫泉蛋拌飯」燒肉配日本飯是一流☺️「焦糖奶油啤酒」👍🏻👍🏻超正！好特別奶油在面，值得一試「蔥烧！櫻姬雞頸肉」我第一次食😺 口感唔錯，滑嫩😋備註：🔺電子下單🔺如果有人協助燒會更好😔 （有啲食物不懂，求指教沒有人回應👎🏼）🔺海鮮no good🫣

同友人行donki，見隔離就係牛繁，自己住呢頭其實一直都冇食過，大家都肚餓就不如試吓～Weekend lunchtime原來都有一人餐～我地兩個都係嗌S2 薄切牛胸花、特選薄切肩胛片、薄切牛舌套餐，我另加左個大人氣溫泉蛋拌飯一人刪除咗頭先講嘅牛，仲包左前菜同飲品～平心而論食呢間冇得同平時食開一啲靚嘅燒肉比較，來呢度一定係食性價比，百幾蚊燒肉食到飽仲想點～ 不過單論產品質素，牛係略嫌切得太薄令其容易失去口感的。大人氣溫泉蛋拌飯好好食，雖然其實佢只係飯素+紫菜+日本米+溫泉蛋嘅組合，但係好簡單嘅嘢放埋一齊其實都好正～仲要大大碗，good！總括而言如果你對燒肉好高要求梗係唔好嚟，但係心血來潮過吓口癮就絕對冇問題👍🏻

經常都會去海之戀行Donki😍😍行完Donki都會喺附近商場搵啲嘢食☺️ 今日就嚟到呢一間牛繁，見到佢嘅lunch燒肉餐非常抵食🤩就黎試試每個套餐都包括左和風前菜，餐湯以及白飯豚肉盛合套餐(100g)我就叫咗呢一個豚肉盛合，因為我食量唔多，所以就叫咗100 g🥰醬汁就選左辣味增醬😍呢一個餐有豬頸肉，豬五花肉豬頸肉燒出嚟肉質粗且有韌性， 而五花肉嘅油脂分布平均，即使係100 g 都好夠食茶漬飯 🍵喜歡清淡啲嘅女仔我會推介呢一款飯，茶漬飯相對比較清淡，所以配埋燒肉你識味道就會啱啱好另外一個餐就叫左牛腹肉套餐150g呢個套餐就包括左上級澳洲M9和牛腹肉，牛胸腹肉牛腹肉油脂比較多，口感爽口，腹肉有適度嚼勁與濃厚風味，牛胸腹肉啲油脂就比較平均，味道較濃😍😍白飯都可以加錢升級做其他嘅飯，我就轉左呢一款大人氣-溫泉蛋拌飯， 除咗半熟嘅溫泉蛋之外，再加咗飯數，加埋燒肉超級惹味😋😋😋巨峰提子梳打蜜桃梳打食燒肉配上梳打清新解瀉

牛繁午市一人前燒肉套餐（雞肉盛合）100g本身唔算好肚餓，就叫左100g既盛合☺️☺️有前菜、湯、飯、仲分別有50g雞頸肉同埋雞腿肉😍雞腿肉好嫩滑，簡左柚子胡椒做醃料 唔會太膩 又有柚子香味🤤🤤至於雞頸肉好彈牙、好有口感，不過相對地 油份較多 但係都係唔錯既選擇午市一人前燒肉套餐（大盛合）150g有薄切牛胸花、牛肩胛片、牛舌🐮牛胸花好靚☺️一層油一層紅肉好明顯，感覺好似入口即溶…牛肩胛片肉質細嫩口感有嚼勁、牛舌好有口感。全部都好有牛味🤤一啲都唔腥套餐可以加$10有一球雪糕😛另外仲有送烏龍茶☺️☺️如果唔想飲茶仲可以加錢換其他野飲

每次經過都忍唔住要望下佢😂😂門口就望到內在環境日系既裝潢🏮，實在太吸精。原本以為佢係燒肉放題，睇真啲先知唔係，今次就試下佢午市lunch set先🤣。-午市一人套餐✨ 隨餐附送秋田小町米飯、和風前菜、餐湯、烏龍茶-💕薄切牛胸花、特選薄切牛肩胛片、薄切牛舌套餐 $118 150g👅好味指數：8.5/10牛胸花油脂比例比較多，肉質嫩腍好重牛味☺️ 薄切牛肩胛片肉質唔會好結實，細嫩有彈性🤤牛舌好爽口，肉汁豐富，配上秘製燒汁，香甜惹味😍。-💕元氣牛小排套餐 $148 150g👅好味指數：8/10牛小排比較厚切😳油脂分布平均，肉質較厚實，燒既過程油脂「滋滋聲」咁流出😍香味四溢。-環境：8/10服務：8/10整體味道：8/10回頭率：8/10

呢日又同好朋友食好西，來到荃灣食燒肉😍係海之戀入面好方便一出西鐵站就到，餐廳環境日式設計，好似去左日本燒肉🤩.🌟午市限定! 二人前燒肉套餐 $468🥬前菜：泡菜 、和風波菜 🥗配料：大崎蟹柳沙律 🥩燒肉（牛）：壺漬牛肋條 、上級M9簿切和牛里脊肉 配 月見汁🥓燒肉（豬、雞）：特選豬頸肉、櫻姫雞腿肉🍚飯/麵：牛繁溫泉蛋拌飯（+$18）、茶漬飯 （+$18）🍵飲品：炭燒烏龍茶.午餐set真係好豐富，大愛上級M9簿切和牛里脊肉😋 口感軟熟牛味濃厚，燒完點生蛋的燒肉醬汁超級好食😌 壺漬牛肋條加蔥一齊燒好香，呢款比較厚肉也不錯👍🏻豬頸肉有驚喜口感好，同雞腿肉一齊燒柚子椒鹽醬汁好好食！雞也相當不錯好嫩滑☺️.牛繁溫泉蛋拌飯幾特別拌生雞蛋撈飯勁夾燒肉，炭燒烏龍茶回甘香濃，用酒杯裝好有feel，非常解膩岩哂燒肉飲

高質午餐之牛餓餓地食烤肉尤其牛 自己十分喜愛 荃灣海之戀熱烈推介 餐牌上午餐十分抵食 叫左份S8牛腹肉套餐先要說 大人氣溫泉蛋拌飯 人氣高企 日本米煮成 飯上面舖滿了飯素紫菜 加上溫泉蛋香 日本風十足烤肉來了 M9 和牛腹肉 腹肉牛味好香好軟腍，相當唔錯 牛味一流 牛胸腹肉 脂肪比例一流 加上鹽燒 保留原有味道 厚切牛舌 本身至愛啖啖牛味加上厚切 不得了 日本雞腿肉烤好後蠻惹味，肉質亦頗為嫩滑 配上柚子胡椒 絕對推介特選薄切肩押肉 薄身一點 食落有點爽口感覺 牛味亦豐富一頓豐富的午餐

#荃灣 @gyushige_hk 🥳放假到荃灣走走, 晚市放寬後街上人流明顯較多, 所以我們選擇食午餐, 加上過咗午餐時間，無咁迫人! 日日落雨無得去 BBQ, 食個燒烤解解饞!🥩蔥燒肋肉套餐 $105/100g ~ 中落牛肋肉, 木屐骨間牛肋肉, 味道可選, 推薦味噌醬味道! 味噌味道溫和, 肉質細嫩有肉味, 無筋但有咬口, 燒至微微焦香, 油脂滿滿的, 讚! 👅另外點了蔥燒牛舌套餐 $98/100g ~ 厚切及薄切牛舌組合, 味道選鹽醬! 100g的份量原來也不少! 2大片厚切牛舌, 8片薄切裹蔥一同食, 想再來一客! 🌱我愛蔥, 所以選了蔥燒, 勁多大蔥絲, 開心仔! 套餐還包括秋田小町米飯、和風前菜、餐湯及烏龍茶! 茶是罕見的大杯, 又夠凍! 餐湯一絕, 不能錯過! 🐥再加一客日本雞頸肉 $38/50g 及 豬五花 $32/50g! 因為唔多地方有雞頸肉, 所以一般見到有也是必點的! 柚子胡椒醬, 第一次賞試, 味道較濃郁, 喜歡濃味的可試試看! 🐖豬五花 50g 足有2大片, 肥瘦算均勻, 油脂經燒烤後變得香脆, 包著大蔥食, 好味道! 🐥雞頸肉好大條, 好似半條雞柳咁, 隻

見到呢間有個Lunch 二人前燒肉套餐幾抵食咁！同朋友仔一齊去食啦～　☀️Lunch限定！二人前燒肉套餐 $468 每個item都可以揀一至兩款～🥣漬物: 泡菜、和風波菜 味道都幾開胃同埋可以清清油膩感～🥗配料: 大崎蟹柳沙律 燒肉, 每款肉賣100g🍖上級M9薄切和牛里脊肉 配月見汁,  薄切關係燒一燒就食得! 沾一沾蛋汁超好食啊! 入口即溶牛味濃郁! 如果可以的話呢款牛encore都無問題😆🍖壺漬牛肋條, 配燒肉醬汁, 浸喺個壺裡面大大條牛肋條! 燒個陣先至慢慢剪開, 表面撤上蔥花, 吸收蔥嘅香味~ 食落入好Juicy! 有少少牙力先咬得開~🍗特選豬頸肉, 配柚子胡椒醬汁, 豬頸肉份量都幾多喔~ 燒完出嚟啖啖肉好爽口! 柚子胡椒醬汁都幾開胃特別啲~ 要好好控制火喉先至唔會燒焦! 有幾塊我哋放太耐就焦咗🤣🍗櫻姫雞腿肉, 配鹽醬汁, 雞腿肉燒完之後好軟腍! 🍚飯: 大人氣! 牛繁溫泉蛋拌飯! 飯表面有大量紫菜、芝麻同七味粉, 味道超香好好食!  茶漬飯,味道比較淡味~食住油膩嘅肉再食啖飯, 剛剛好~  🍹飲品: 炭燒烏龍茶 

今日想食吓日式燒肉，當日係星期六，竟然都有午市套餐供應真心幾抵食就入咗去試👍🏻同朋友一人一份午市套餐女仔都算飽，但男仔可能未必夠😂鍾意呢到個爐夠熱，熱力又夠平均🔥真心係燒肉控嘅福音‼️特上牛胸腹肉 ($128)加咗佢哋推介嘅燒肉汁，燒肉汁係偏鹹一啲，肉嘅油花都幾靚，食落口牛味唔算好重🐮但係冇筋👍🏻烤完逼晒啲油出嚟都幾肥美😛另外仲嗌咗一份雞肉盛合 ($88)，有雞髀同雞頸肉，加咗佢哋推薦嘅柚子胡椒調味🐔雞肉切得夠薄，唔會好難熟，而且都幾嫩滑🤤主食一個嗌咗白飯，一個嗌咗盛岡冷麵(+ $20)，冷麵都幾有咬口，比較清新，送埋泡菜、青瓜同蘋果，夾埋油膩嘅燒肉食就啱啱好喇～除咗主角燒肉，午市套餐包咗大崎蟹柳沙律、牛骨蛋花湯同一份前菜🥗沙律係椰菜絲底，前菜係麻油拌菠菜同芽菜，牛骨蛋花湯啲蛋花夠滑，但牛味唔算好重，不過唔算味精好重嘅湯，都飲得過🤙🏻

一家四口星期六的中午到這店食個燒肉午餐。見到餐牌，花多眼亂，豬牛雞都想見。牛的選擇不少，有薄切牛肉、厚少少的牛腹肉、牛小排、牛肩胛、厚/薄的牛舌等等。一個餐，除了一碟肉，仲跟前菜，今天一小碗內有芽菜同青菜、蛋花湯、白飯同飲品。飯同飲品可以升級至其他，肉也可選擇輕量，或加錢轉重量。而且還可以優惠價追加肉類等。落單後，很快便逐一上菜，很有效率，而且準確無誤。阿仔對牛的質素評價好，我覺得以價錢來說，性價比高，而且每款牛的質感不同，滿足不同人的要求。豬五花，肉同脂肪比例均勻，層次不錯，厚薄合宜。阿仔話雞嫩。一人一個加大餐外，我哋再加了四碟，牛肩胛大大片，厚薄適中，燒片刻便可入口。油脂足，味道濃。再加厚切牛舌100g，有兩片，店預先於牛舌的一邊𠝹格仔，感覺易燒及冇咁靭。是次這餐連加一盛惠$960

估佢唔到幾抵食😇朋友喺呢個商場返工表示想食好耐，難得有時間當然帶佢嚟試吓！午市套餐包左和風前菜 , 餐湯，秋田小町米飯，烏龍茶 和風前菜份量都幾多下，有芽菜同埋中華沙律，淨係前菜已經可以令你飽😂餐牌仲寫咗話男仔或者食得比較多嘅就建議叫150g,細食嘅就建議100g薄切牛胸花、特選薄切肩胛片、薄切牛舌套餐 $118有得揀秘製燒汁當然要試下，佢寫到推薦🥰呢個只有150g,但我想講女仔來講超級飽,估佢唔到原來150g咁多。溫馨提示，真係唔好燒到咁熟，個人認為三成熟啱啱好，食得出牛嘅味道，過熟嘅話就會變咗質。呢三款牛都好好食，口感唔錯，味道更加OK，完全唔需要點汁食。午市盛合 (鹽醬元氣牛小排 , 味增豬五花, 柚子胡椒雞腿肉 ) $125竟然豬五花係最好食，無論係味道定係口感都好唔錯。牛小排都係建議唔好過熟，三成熟啱啱好，配白飯食一流雞腿肉好香嘅有柚子胡椒味，所以絕對唔使點汁食都好香薯蓉沙律 +$15我想講好好食，佢係胡麻醬加薯蓉，超級邪惡！愛薯蓉者表示超級鍾意❤️佢位於荃灣海之戀商場，座位坐得舒服，而且環境好靚，甚至有啲覺得返咗日本嘅感覺，咁抵食朋友表示下次要再嚟食👍👍