牛繁一人燒肉 (朗晴坊)

營業中

休息中

-【一個人都有權食燒肉？🇯🇵】有時一個人心思思想食燒肉，但係又怕自己一個食會尷尬，喺旺角而家終於可以享受到一人燒肉嘅樂趣！·A7 豪州射和牛🐂澳洲M9橫膈膜肉，里脊肉套餐 (配月見汁）牛肉嚟到嘅時候外表已經其實好靚，更加嘅係啲醃醬又唔會太鹹又覆蓋左牛肉嘅鮮味！牛肉肉色粉嫩，油脂更加均勻散佈，一睇就知靚嘢！其實餐廳亦都有好多唔同款式嘅肉類選擇，我諗一定有一款啱大家口味！ 我想重點講嘅係，現場雖然好多人一齊食緊燒肉，但係餐廳所用嘅系統完全係無煙無味，食完燒肉都唔會成身味咁走人，實在10分推介大家嚟呢度食燒肉呀！- 📍牛繁一人燒肉地址：旺角砵蘭街215號朗晴坊2樓總結： 我諗好多時食燒肉都會因為食完之後成身好而尷尬，但係牛繁食燒肉完全唔會搞到成身都係味！重點係餐廳嘅地點又方便、坐得又舒服！

相信不少人都已經吃過連鎖店牛繁，而最近牛繁就新開一人燒肉專門店，並選址旺角鬧市，價錢還超抵食！#shirley帶你去旺角一坐下店員就細心地問想要暖水或凍水，餐廳特設多個一人座位，私隱度極高，而座位底下亦有位置可以安放手袋，設計相當有心思。·🥩A2 牛繁套餐(牛胸花•特選肩胛片•薄切牛舌) 150g (HKD 112)套餐可以選擇秘製燒汁或鹽醬，白飯亦有大中小選擇。套餐分別有味增湯、泡菜/漬物。肩胛片肥瘦適中，吃起來肉質結實，富有嚼勁！薄切牛舌香口同時易咬，簡單沾鹽及檸檬汁吃已經很美味。·🥩A7澳洲M9橫隔膜肉•里脊肉套餐配月見汁 200g (HKD 178)有更多預算的話非常推介A7套餐，因為澳洲M9橫膈膜肉屬和牛等級，沾蛋汁吃口感更柔嫩，絕對一試難忘！里脊肉是牛運動量極少的部位，所以吃下去肉質細嫩，200g份量適合一人男生吃用。平時吃燒肉全身都會吸滿油煙味，但餐廳採用的爐都是無煙的，即使吃完一整頓晚飯，衣服及頭髮都沒有絲毫味道，非常好！📍 牛繁一人燒肉 地址：旺角砵蘭街215號朗晴坊2樓

今日刻意約老友試吓👉🏻👈🏻大概七點～門口唔係太多人等咗10分鐘已經有位入去都係咁囉掃二維碼自己安排一般都係咁嘅程序上菜都好快啊唔使5分鐘全程65分鐘要完成離開其實食完都唔使65分鐘嘅我就叫咗兩個 set 各300g再加肩胛100g再加牛舌100g嗰度位置冷氣超大，一上菜其實個白飯（亂糟糟）已經係凍咗🥹覺得啲肉就係普通肉囉！（唔覺得有啲乜嘢肉味）不及另一間😅泡菜普通例湯都係啦調味料都係鹽黑椒兩樽醬囉！完全係唔吸引！只可以係話去一次夠了！冇特別！離開嘅時候接近八點門口見擠滿人🫠俾錢係要到counter俾錢嘅就唔係好似另一間咁用二維碼PayMe俾錢～

今日要介紹第二間一人燒肉🥰呢間位於朗晴坊既牛繁，喺尖沙咀同荃灣都有分店，旺角呢間就係最近新開☺️上到去見環境簡單又充滿日系感覺😍都幾舒服😌韓國風 - 豚肉套餐呢個豚肉餐係有豬頸肉、豬五花，仲配有泡菜、蒜片同生菜🥬肉質燒到好香加埋生菜包埋肉同泡菜，非常滋味😋😋佢哋既飯仲可以揀分量，大中細，好貼心👍大滿足 - 四重奏呢個聽個名就知份量非常多🤤🤤有成350g,包括蔥燒牛胸花、汁燒肩胛肉、味增豬五花、柚子胡椒雞腿肉見到已經好想即刻食啦我仲揀左佢哋牛繁飯，食落更香口🤤📌 牛繁一人燒肉 (旺角)旺角砵蘭街215號朗晴坊2樓#燒肉 # 美食 #燒肉推介 # －人燒肉 #性價比高 #美食推介 #旺角美食 #牛繁 #牛五花 #和牛 #yummy #bbq #meatlover #日式燒肉

一個人想食燒肉又怕尷尬？😏😏我就推介旺角呢間新開既一人燒肉店🔥俾大家～～餐廳主打多款CP值高的燒肉套餐🍱，最平$48已有交易！好吸引呢❤️❤️🐮澳洲M9橫膈膜肉+里脊肉套餐(200g) $178✨賣相唔錯！兩款牛肉望落都好新鮮🤩🤩澳洲M9橫膈膜肉大大片，有5塊左右，偏薄身～～兩邊輕輕一燒就食得🔥，入口十分軟腍！牛味重😋😋里脊肉都好食～牛肉紋理好靚，油脂分佈平均！！呢款食落比較有咬口，仲好juicy！兩款肉都用秘製燒汁醃過，好入味👍🏻👍🏻食之前再蘸一蘸月見汁🥚或餐廳提供的其他醬汁食更加滋味呢～～另外套餐仲包味噌湯🥣、漬物/泡菜🥬同白飯🍚，白飯仲可以揀份量架！食完都好夠飽🥰🥰

一人燒最近好hit，呢間「牛繁」主打牛肉燒。用餐時間65分鐘，但絕對夠時間食。今次試左牛舌套餐同牛胸花+豬五花套餐，個人認為值得介紹。首先牛舌套餐，無論薄切定厚切都好好食，唔會太韌，配上秘製燒汁，一流。至於味噌湯同漬物就正常操作。至於牛胸花+豬五花套餐，份量揀左200G。牛入口非常惹味，五花肥瘦均勻；配上柚子胡椒醬，另有一番味道，好食果種。兩個套餐加埋$200有找，晚市價錢公道。兩個人食過番尋味，仲另外加一客牛胸花。呢間仲有個地方值得一讚，就係好貼心咁設有單人座位🥲，一個人食都唔會覺得尷尬。環境OK，整體對餐廳評價7.2/10。

牛繁燒肉🍲 經過左年尾工作埋數，開party，睇埋咤吒，終於回復返正常的生活。今日出左去湊熱鬧，睇左IMAX 版阿凡達2，畫面真係好靚，見時間尚早只係6點幾，又想食下好野，我地就去左旺角食牛繁燒肉。我地叫左兩個一人set , share 食。A2 牛繁套餐［牛陶花・特退局原片・薄切牛舌】（250G)寫得做Top One, 當然要試一試。牛胸花係類似上等肥牛片，燒落去好薄，只有少少醃料，食落去好有肉味，好香口。之後食埋我哋要最鍾意食的牛舌，薄薄的一塊，但係最有牛味地方。A3 牛胸花•豬五花套餐(300G)本身想嗌多一個A4牛舌嘅套餐，但賣晒。撞彩既係，豬五花係韓式豬肉，咁我哋就變咗日式燒烤，食埋韓式燒烤嘅味道。豬五花上面有一點韓式嘅辣醬，食落好juicy。燒肉其實都係凍肉。對於我來講，最主要係食物醃料夠香，另外油份足加上肥瘦均勻，呢間燒肉係做到的。但提提大家要早啲嚟食，因為7:00pm 開始門口已經排隊。另外用餐時間是有65分鐘，建議等齊朋友先好入座。我哋有加埋溫泉蛋飯，同埋一支飲品，埋單每人$170左右。比起另一間出名嘅日式任食燒肉晚餐便左一半有多。味道：4/5環境：4/5服務：4/5

《高質良心一人燒肉🔥》———————————————-#牛繁 🐮-原來一個人都可以盡興🎶 早排去咗呢間位於旺角鬧市嘅一人燒肉，座位間格嘅設計好有心思，令一個人嚟都唔會尷尬😃 -🐮 牛繁套餐男朋友揀咗大份250G ，份量十足，啱哂食肉獸🦖 包咗牛胸花、特選肩胛片同薄切牛舌🤤 牛胸花油脂分布平均，入口嫩滑，油脂味充滿整個口腔🥰 牛肩胛同薄切牛舌肉味濃郁，配搭秘製燒汁，好惹味♥️-🐮 A7 澳洲M9橫膈膜肉+里脊肉套餐我就食個細份100G嘅～ 呢個豪州射和牛套餐嘅横隔膜肉肉質軟腍，而里脊肉鮮嫩多汁，跟餐仲有個月見汁，蛋汁撈飯簡直係絕配🍳-🐔 日本櫻姬雞頸肉另外我哋仲專登追加咗個櫻姬雞，非常驚喜，來自佢哋嘅北海道自家養殖場，雞肉呈現粉紅色，十分軟嫩，而且用上柚子醬汁醃製，味道清新🤗-⭐️價錢參考：（另收加一）牛繁套餐：$155A7 澳洲M9橫膈膜肉+ 里脊肉套餐：$128日本櫻姬雞頸肉：$36🍌抵deal 指數：8/10💰人均消費：$180

係朗豪坊睇完長達3小時既阿凡達，已經非常之肚餓，決定係附近搵野食，最後揀左係隔離朗晴坊2/F既牛繁呢間餐廳係主打一人燒肉，入面裝修都帶有日本風格，座位一排排，但落都算舒服餐牌總共有10個餐，主要係豬牛雞唔同部位既配搭，如果唔夠食仲可以額外比錢追加，我地兩個人分別揀左A2牛胸花配牛肩胛配牛舌(250g) 同埋A7 澳洲M9橫隔膜肉配里脊肉配月見汁(200g)，然後再額外追加一份厚切牛舌先講下A2個套餐， 牛胸花油脂分布平均，入口嫩滑，油脂味充滿整個口腔，而牛肩胛肉味濃郁，但牛舌薄切就相比起前兩者就有點兒失色另一個A7套餐，橫隔膜肉爽口彈牙，里脊肉鮮嫩多汁，再配合月見汁簡直係絕配！最後額外追加既厚切牛舌燒起黎亦非常香，配上小小鹽同黑椒已經好好食，口感亦非常好！

🔺 牛繁一人燒肉 (旺角)有時一個人又想食燒肉點樣唔尷尬？呢到幫到你，唔只係有間格既1-2人座位，除阻落單同加水之外都唔需要搵店員，自己個位已經有晒menu、餐具、調味料等～🔻A2牛繁套餐（$163)有250G牛胸花、特選肩胛片、薄切牛舌，套餐跟湯同泡菜，肉類有跟秘製燒汁，食落甜甜地，燒完好惹味，d 肉質素都唔差，好食過燒肉放題，百幾蚊食得勁飽，份量又大，勁抵食❗️🔻A10四重奏套餐（$165)呢個set 豬、雞，牛都有得食，有350G 蔥燒牛胸花、汁燒肩胛片、味增豬五花、柚子胡椒雞腿肉，跟餐配阻漬物同麵豉湯，白飯仲有得揀大、中、細，唔怕你唔夠飽，最緊要你食得晒😂

同朋友去旺角食燒肉想搵啲平價燒肉唔好咁貴 所以就揀咗呢間啲肉質素真係唔差 一啲都唔會話差過$200-$300食嘅嗰啲質素我就叫咗佢推薦嘅嗰個套餐我朋友就叫咗個比較貴價小小嘅套餐我覺得我朋友叫嗰個套餐啲牛有啲太厚身我自己就鍾意食薄身既牛肉所以我係鍾意食我自己個套餐多啲環境好舒服人流唔算多 同埋我都見到有幾個人係自己一個人過嚟食燒肉呢一點真係好好 好少燒肉店係可以自己一個人食環境視野都幾好 好大透明玻璃窗 可以望到樓下的車同行人最主要係呢個價錢 食到啲質素唔差嘅牛我嗰個套餐$117 有三款牛同埋我同朋友最後都真係好飽所以依間會再去食

講起一人燒我即刻諗起超多人排隊嘅燒肉like，而家牛繁由放題擴展到一人燒，選址係旺角超方便，為食嘅我即刻出動～星期日晚6:30仲唔駛排隊！（雖然食食下就開始有人龍）繁忙時間限時65分鐘，QR code 落單滿腹set四重奏 $122 （250g)選擇困難症又樣樣都試啲嘅話呢個set就岩哂你～有蔥燒牛胸花、汁燒肩胛片、味噌豬五花、柚子胡椒雞腿肉；當中最深刻竟然唔係牛係雞同豬😂雞肉燒到外面脆脆地，裏面夠滑，柚子胡椒清新又吊起肉味；味噌豬亦相當juicy；當然牛其實都唔差，但相對前面就冇咁有驚喜澳洲M9和牛腹肉套餐 $135 （100g) +$16 upgrade 牛繁蛋拌飯牛腹肉比其他部位厚身，燒嘅時間借耐啲更考技巧；第一次燒因為怕佢唔熟，結果燒過龍全部都好韌😂；第二次時盡量短啲，即刻淋好多，不過同之前食過嘅M9西冷嘅牛味有啲分別，可能係部位不同掛？至於牛繁蛋拌飯就係飯素加溫泉蛋，個人覺得重點係蛋，白飯撈燒肉感覺仲夾總結：整體肉類係高質嘅，最推薦雞同豬，下次仲會想試埋其他部位嘅牛～地址：旺角砵蘭街215號朗晴坊2樓評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

有時自己一個人食飯，總會唔好意思去食燒肉/ 打邊爐等呢類嘅食品，感覺少少尷尬～😅 不過一個人黎《牛繁一人燒肉》食燒肉，絕對唔需要怕羞！🤩 餐廳內有好多「自閉位」，岩晒一班孤獨美食家，自己一個人都可以燒得好happy～😍今次叫咗「澳洲M9橫膈膜肉＋里脊肉套餐」🐮，套餐包麵鼓湯、白飯同漬物～ 200g嘅牛肉份量都唔少，每款肉都各有5塊～ 兩款肉都好濃牛味，肉質鮮嫩唔會鞋，醃肉個醬汁亦好好味～ 每張枱都有一樽鹽、黑椒、辣醬同燒肉醬，燒肉嘅時候可以隨個人口味黎調味～😋 燒完點一點月見汁🥚，口感變得更加嫩滑！🤤另外亦好欣賞呢度嘅抽風系統做得好好，食完之後唔會成身成頭都係燒肉味！👍🏼 餐廳就喺朗豪坊隔離，真係好方便，下次想食燒肉時一定會再黎～😻🥩

今日係旺角行街，一個人口痕想食燒肉，記得朋友講話有間牛繁一人燒肉，所以上左去試下。上到去好新淨，裝上晒聖誕裝飾，坐位都夠闊落，坐落都好舒服，唔會好逼夾。😇🔹🔸🔹🔸🔹🔸🔹🔸🔹🔸🔹A2牛繁套餐(150g) $112🫁牛胸花油脂比例岩岩好，唔太肥膩，牛味濃厚，口感滑嫩，配埋飯黎食，完全係享受。☺️🔹🔸🔹🔸🔹🔸🔹🔸🔹🔸🔹🐂特選肩胛片醬汁醃得好香，但唔會蓋過個牛既牛味。🐂燒完唔會乾身，食落去肉汁滿滿，🔹🔸🔹🔸🔹🔸🔹🔸🔹🔸🔹👅薄切牛舌牛味夠晒，質地亦都爽脆，煙韌有咬口，同平時食開既厚切既口感唔同，配埋燒汁黎食，好夠惹味。😋🔹🔸🔹🔸🔹🔸🔹🔸🔹🔸🔹🥗香蔥溫泉蛋拌飯個飯加$16升級左做香蔥溫泉蛋拌飯，D香蔥多到就快跌出黎，個流心溫泉蛋撈埋D蔥好香😙，加埋D燒肉黎食，唔會好油，仲有清新既香蔥味同蛋香，好夾。🔹🔸🔹🔸🔹🔸🔹🔸🔹🔸🔹🐔日本櫻姬雞頸肉$22A2套餐之外，另外仲加左個雞頸肉。平時豬頸肉就食得多，雞頸肉真係第一次試。😲雞頸肉係由日本直送，肉質彈牙有咬口，充滿雞油香，但配飯食既話就唔會油膩，未試過一定要試一試。🔹🔸🔹🔸🔹🔸🔹🔸🔹🔸🔹最後，依到既醬汁都有好多款，有秘製燒汁、鹽醬、味噌醬、辣辣噌醬....，

因為都係附近返工，所以差唔多一個禮拜點都會食一次，而且係一間平價一個人都可以去食嘅燒肉🥩，又可以未啊有幾個價位可以比客人選擇，而且份量都有得選擇添，比較大食嘅朋友仔可以選擇150g以上既餐，10個餐入面都已經識過四至五個餐，但可以推介俾大家可以試吓豬五花🐷，因為佢哋醃嘅醬汁好惹味，而且咬落都好嫩口，牛肉係其次推介嘅都係唔錯嘅。配料方面都有啲飯麵選擇，可以睇返個人喜歡，有次加配一款冷麵🍜，我個人覺得比較普通但係驚唔夠食嘅朋友仔可以試吓嘅不過不失😇-所以一個人食都可以好浪漫🥰，而且lunch去食完全唔會好多人，唔會因為覺得冇乜人食而覺得低質，絕對係一間高質平民燒肉餐廳，可以安安靜靜坐低食吓嘢，又唔使等位直接入去坐🥰