牛牛

營業中

休息中

2024年3月10日星期日，今天下雨，天氣有點冷只有14度，聞說西貢有一間沙嗲牛肉麵很出名，就去試試。到了西貢，在店外排了15分鐘，終於可以入內開餐，點了一客沙嗲牛肉麵，一客烤牛脷芯，一客黑椒牛肉飽。這家店的出餐速度不算快，有慢工出細貨的感覺，這也很不錯，因為香港大部分的餐廳驚死返吾到枱，快到不得之了。等了10分鐘左右，端上來的沙嗲牛肉麵，應該說是沙嗲醬牛肉麵，不是湯麵，超濃郁的沙嗲醬，跟我們平常在茶餐廳吃的很不一樣，老實說有點太濃了，完全搶了麵和牛肉的味道，我個人不太合適，需知沙嗲牛肉麵的精彩不是只有沙嗲，牛肉和麵的味道也要取得平衡才算是上乘出品，心裡想試過就算。返來再吃的皆數不高。

今日特登入西貢牛牛食沙嗲牛脷撈同牛面頰肉撈、沙嗲冇沙嗲味，一味死甜又唔香，成Pat芡汁咁完全冇誠意。麵有浸油益末，唔夠爽口仲有黏笠笠，食完仲有啲肚痛，牛面頰肉同牛脷好似煮咗五個月咁，完全淋晒又有肉味，絕對值得入去試吓有幾難食、同好好運真係冇得比，都唔明點解咁多foodie推介，難食到尷尬。第一次打食評因為真係覺得呢間太過分，成個社交平台都係去呢間沙嗲牛以為有幾好味，仲衰過街邊求其入茶餐廳食嗰啲沙嗲牛，百佳買罐頭都好味過呢間。

早幾日foodie朋友介紹完牛牛俾我，點知我咁快就要入西貢，雖然西貢都有好多選擇，但我都係決定試試佢！👀🌟沙嗲牛肉麵（$5x)真係好鬼好食🤤湯底好濃好正，牛肉都唔會敷衍你..有咬口唔係霉更唔係橡根咬唔爛果隻，所以十分好！食完一啖想繼續食下一啖，不過我要忍口留番比老公食，就要迫住停一停口喇😅🌟匈牙利面珠登飯 ($65)有紅蘿蔔，醬汁甜甜地，小朋友都幾鐘意食🤗小朋友都要醫肚咖嘛😝如果我自己食，我一定係叫沙嗲牛肉麵，食完就走😆爽！內在環境較迫，可以去平平地輕鬆食個快餐✨再去隔離買杯肥仔水/歎杯咖啡🥰

西貢好多好chill嘅cafe，但我哋偏偏就揀咗間地道嘢 - 「牛牛」，聽講沙嗲牛肉麵關注組都幾多人推薦🤭 呢到最出名當然係沙嗲牛肉湯麵，不過仲有撈麵同炸脆麵可以揀，牛肉仲可以揀牛脷或者牛面珠登，夠晒多款🤣 另外，匈牙利面珠登飯好似都有唔少人推介～•🥢沙嗲牛肉炸脆麵 $58因為有見過有食評話佢哋嘅湯麵會有啲偏腍，而我又好怕食腍嘅公仔麵，所以我就揀咗炸脆麵嚟試吓😛 呢到嘅沙嗲汁味道係偏向柔和同唔辣嘅，無乜花生香，可能因為有落洋蔥🧅，所以沙嗲味道偏甜一啲，食到尾會覺得比較膩～ 炸脆麵配沙嗲汁都幾特別，而且醬汁嘅稀竭度啱啱好，撈到麵之餘又唔會浸到啲脆麵腍晒👍🏼 牛肉質地軟腍有牛味，比一般茶記食到嘅高質少少😛•🥢 黑椒牛脷撈麵 $55牛脷有5大塊，都幾厚切，食落腍得嚟又帶少少爽口👍🏼 呢到嘅黑椒汁有好多明顯嘅黑椒粒，比平時食嘅更重黑椒味，不過唔會好辣好嗆，加上同樣有啲洋蔥，所以味道都偏甜啲啲～ •🥢 鹽燒厚切牛脷芯 $55呢個厚切牛脷芯切到好似牛柳粒咁，食落口感軟嫩，唔會好乾柴，但又有咬口😋 而且調味啱啱好，食得出牛脷嘅香味～•🥢 椒鹽一口牛面珠登 $50牛面珠登嘅牛味香濃，肉質軟腍，雖然牛

工人人員態度麻麻，一行4人，以為1人1單清楚啲，一見到就話我嘥紙，唔係咁填，一手搶走我啲單，都算快餐，要個半鐘先齊，人手唔夠，門口寫明要等幾耐，等人自行決定嘛等已等約45分鐘，排我後面的2人，反而快過我入，就因為未有4人枱，你唔hold枱就有排等啦！然後啲食物上得極慢，漏單扮唔係，但手改價錢同更新價錢，就露出馬腳啦！改寫差額就正是漏單的餐2個撈麵，啲汁勁醎，炸雞翼好油，叫咗一個飯，就係漏單的，黎到都仲要漏隻蛋全部食物，只有薯條叫做正常可取，無下次

今日特盈黎試下西貢牛牛牛脷同面珠墩都煮到好腍，又好香牛肉味沙嗲汁比較重花生味黑椒汁好香黑椒味，但係唔會太辣炸雞翼就非常出色，做到非常鬆脆，仲可以自己shake 唔同味落去 🥳🥳🥳雖然舖位唔係好大，但就好俾心機整 ❤️推介埋俾你既朋友一齊去試下啦 😁

✨沙嗲牛麵關注組Top3？！西貢人氣大熱小店✨.據聞位於西貢的牛牛是沙嗲牛麵關注組的Top3店，即使平常比較少吃沙嗲牛的我也被吸收到訪，假日約1點半去到，在小巷中等了一組人約10分鐘便到我們了；店內環境簡約，就是坐得十分擠逼，當天我們也剛好只可坐到吧枱位置，而且人手不足，不過這正正就是人氣小店才有的地道Vibe!.▫️沙嗲牛肉湯麵 $50（8/10）我們叫了個湯麵，意想不到湯底十分濃稠(濃得有一刻懷疑是撈麵)，沙嗲味確實挺香，只是花生味存在感好弱，至於麵軟硬度適中，牛肉也不難咬味道也不錯，值得大讚的是吃完後也不會覺得口渴～.▫️匈牙利面珠登飯 $65（8.5/10）牛面頰十分軟腍，配上匈牙利汁更是十分下飯，飯量很多且粒粒分明，煎蛋則不過不失我們都覺得似乎這碟飯比沙嗲牛更出色₍ᐢ.ˬ.ᐢ₎.▫️烏龍茶 跟餐$15.❥…我們吃過後，一致覺得沙嗲牛麵是above average的味道，只是有一點名過其實，有點點失望因為他被吹捧到Top3的level，個人會覺得長洲的陳通記及元朗的永順會出色不少呢；另外值得留言是店內無論員工還是老闆娘，雖然他們沒對我們做什麼，只是從他們跟其他食客的互動所見，態度都好

位於近去彩虹地鐵站小巴站附近嗰條食街金雞海南雞隔離雖然係賣沙嗲牛但係唔做早餐 朝早行山前嚟食係會摸門釘㗎除咗沙嗲牛肉仲有牛脷揀分咗幾次嚟試試沙嗲牛肉湯麵濃 湯底無好似其他出名沙嗲牛鋪咁有花生微粒但無想像中香麵軟硬適中食公仔麵都要有al dente 重要睇返前幾個月啲食評 加價都幾快🫨沙嗲牛肉撈麵覺得沙嗲同撈麵依樣嘢唔太夾唔係我口味沙嗲牛肉脆麵同撈麵一樣睇法都係食湯麵穩陣啲另外一提老闆娘要顧住個樓面又要入廚房幫手都好nice 👍🏿

同男朋友都超中意食沙嗲牛，咁啱周末去西貢staycation就決定一定要嚟試下去到果陣差唔多12點，出面已經勁長龍！本來都擔心要等好耐，但好彩原來大家都只係等開門，好快就入得去沙嗲牛肉湯麵 $50沙嗲面珠登炸麵 $65罐裝汽水 +$10沙牛麵當然係重頭戲！但難得見到有炸麵就決定每樣試一碗沙牛醬夠濃夠香面珠登麵好嫩牛味好重，但我都係中意牛肉多啲～啲肉嘅份量睇相已經好多，食極都仲有咁好幸福啊鹽燒厚切牛脷芯 $55有小小偏咸但燒得好香好惹味男朋友話係全香港最好食嘅沙牛我覺得之後每次入西貢都會忍唔住食返碗先！

行經西貢，發現呢間餐廳都幾多人等，而店舖外面亦都甜滿沙嗲牛既相，鍾意食沙嗲牛既我，都被吸引左，雖然唔係太餓，都要排隊試下呢間沙嗲牛有幾出色😂😂😂在店外除左見到好多人等位外，仲會聞到好香既沙嗲牛味，所以未有位次前，對呢餐都滿滿期待的。😋沙嗲牛肉湯麵沙嗲牛肉湯杰杰的，但食落時味道唔夠味，只是普普通通的，唔會話特別好食；而牛既質地就唔錯。不過可能見到咁多人排隊，未食前係期待，但食完就有少少失望。如果要排隊，未必會食而服務方面就唔太好，而且坐得迫迫的，整體經驗好一般

實在係太耐無食好味嘅沙嗲牛麵🥹星期六玩完獨木舟上岸之後嚟食好好彩唔使排隊除咗麵同飯 仲有好多小食選擇肉 麵 汁 都可以自己隨意選擇肉：牛肉, 牛脷, 面珠登麵：湯麵, 撈麵, 炸麵汁：沙嗲, 黑椒, 匈牙利沙嗲牛脷炸麵 $65加蛋 +$5第一次食沙嗲嘅炸麵沙嗲濃郁得嚟 質感好杰身仲有少少甜甜哋 好好味耶~🥰炸麵相當之脆身 撈埋汁汁食 都唔會話太乾食完都唔係好夠喉 下次再加底先得🥹牛脷好厚切 味道就正正常常啦沙嗲牛脷撈麵 $55撈完之後好吸引沙嗲完完全全咁覆蓋住每一條麵可惜個麵偏淋身 有啲一pat嘢嘅感覺 如果個麵硬返啲 咁就不得了🫡沙嗲牛脷湯麵 $55加咗湯都幾濃郁但相當就無乜特別 試完三款之後 炸麵最好味流沙鹹蛋黃薯條 $45🍟真。流沙鹹蛋黃 好香好濃郁耶☺️加埋落薯條 無得輸再配罐可樂 完美

最近朋友話睇到有間西貢專門食沙嗲牛肉麵嘅店舖，今日放假同朋友一齊去食，$50一碗，價錢中規中矩唔算太貴，但係食完會覺得CP值好低，首先沙嗲味唔夠突出，淨係食到好鹹，個面係一般嘅麵餅，唔係出前一丁果種，呢個都可以接受，但係上到嚟個面似係完全冇煮開，同其他留言嘅朋友形容得差唔多，偏硬。總括而言，可以一試，CP值偏低。

喜歡吃牛的話，西貢巷仔內的牛牛　Ngau Ngau也許是可以再三回訪的好去處以牛肉、牛脷或牛面頰配搭麵包飯麵，餐牌上每道菜式都惹人垂涎然而西貢快閃數小時，我們的目的地卻不少，胃納跟不上步伐就唯有斟酌份量排隊等位時已經要揀定心水，匆匆落單，志在快幾分鐘吃到期待已久的香口滋味雖為店家名物，但對沙嗲牛肉相對地興趣乏乏，反而更想一試配搭黑椒汁、匈牙利醬決定點份酸甜開胃的匈牙利牛脷撈麵　Hungarian Ox Tongue Stirred Noodles　$55用料毫不吝嗇，大件厚身的牛脷肉味濃郁又不帶腥臊，吃起來亦不硬韌匈牙利醬汁一向是牛料理的好拍檔，唯獨質感杰身油潤了些少，若偏清爽重酸就更合心了至於撈麵底彈牙好嚼易掛汁，不會過濕軟爛；這樣想來，或許醬稠是因為要作拌醬之用？小食有新鮮熱辣得稍會燙口的流沙鹹蛋黃薯條　Golden Fries　$45，香脆不泛油如果用上粗薯想必更冶味；店家的黃金魚皮和雞翼亦很誘人，可惜此行未能來場全包宴

濃郁嘅沙嗲牛麵牛🐮🐮分別可以揀牛肉、牛脷、牛面肉麵🍜就可以揀湯麵、撈麵、脆麵各花入各眼🤓但我覺得湯頭方面可以再濃厚多少少同意再杰身啲花生醬味再濃少少嘅沙嗲牛🤣食一碗都真係已經好夠飽

前幾日入西貢 經過呢間嘢 叫牛牛， 都幾得意真係主要食牛， 牛面牛脷牛肉都有， 麻辣叉燒都有創意， 我就梗係試咗個牛 面豬登 炸麵確實幾好， 自己有得揀匈牙利汁黑椒汁 沙嗲汁， 我揀咗個沙嗲汁味道ok， 朋友就叫咗個牛脷黑椒汁飯， 我試咗少少牛脷都夠淋嘅， 不過你話超好食又唔係， 難食又唔 算， 不過我 都 覺得 幾特別， 同埋佢嗰啲汁， 送料 可以任你配搭， 算係咁， 我覺得可以一試， 特別係我個牛面豬登炸麵