牛気 (The ONE)

營業中

休息中

體驗好差本身一張4人枱夾硬拆做兩張2人枱已經好迫左邊得40cm，右邊20cm都唔夠嘢食都係一般般 款式又唔多完前30分鐘前同我講聲，然後預備埋單好make sense，埋完單出去拎甜品，袋同褸都仲喺張凳上面，拎完甜品返嚟全枱清哂（仲有牛肉、豬肉、粟米、拉麵，有啲未煮有啲煮好咗），問員工做咩收哂，佢話以為我同隔離枱都走咗，順便執埋，問返我係咩湯開返俾我1. 同隔離本身分枱點會覺得係一齊走？2. 我褸同袋（超大背囊）都喺張凳度，點解可以覺得個客漏低晒啲嘢走咗？3. 如果覺得個客漏低咗啲嘢，唔係搵吓個客先，反而係揀執咗枱先？個場好空，唔知點解要咁迫，又唔知點解唔了解下個客漏低哂啲嘢去咗邊我覺得開返個爐開返個湯好浪費，我拒絕咗，經理話可以俾我坐耐啲，其實我嗰90分鐘都仲有成廿幾分鐘㗎（埋個單出去攞個甜品唔使10分鐘），講到益咗我咁，其實咁嘅服務你免返我服務費我先覺得合理，仲話下次我嚟一定認得我俾返優惠我，好似恐嚇我咁，真心唔會有下次，出面選擇多好多P.s. 我冇爆粗亦冇狼戾，只係好理性地問佢對於我呢次不愉快體驗有啲咩補償方案，經理一嚟就好似我找佢麻煩咁，冇下次

一個月食咗兩次Lv5第一次食*日本鹿兒島黑毛和牛*入口溶化，肉味濃。而*澳洲極上和牛*比較有咬口。但係第二次食*澳洲極上和牛*竟然好味過*鹿兒島黑毛和牛*（今次比較柴口，侍應都叫我唔好食）所以每次啲牛唔同部位切出嚟都會有唔同口感，但係海鮮質素保持水準👍🏻大海蝦夠大隻彈牙冇霉肉，帆立貝淥咗好耐竟然唔會太韌，仲有鮮味😂 青口都好大隻。 同埋覺得必食推介係蝦滑，滿滿嘅蝦肉又唔使剝殼過足蝦引👍🏻👍🏻👍🏻出面自助區好多熟食、炸物、甜品、醬油、飲品、火鍋配料，牛筋又係好出色👍🏻👍🏻不過熟食唔會成日refill就爭少少😅😅 桃膠雪蓮子燉銀耳朋友當飲品咁飲😜飲酒人士嘅清酒任飲點會放過🤭 特別提示：生日提前一日預訂，仲有和牛生日蛋糕送😍😍個底有音樂盒伴着超級有儀式感❤️❤️❤️

昨日，同朋友食晚飯，食308一位放題，只食了一轉，再order第二轉,催左都冇服務員攞黎，無奈等到夠鐘，服務員摧交枱，冇得食⋯幸好dessert唔錯先開心返！ ！！希望唔會再係咁⋯

天氣凍最岩打邊爐，係尖沙咀行街揀左the one 牛氣，日式火鍋放題黎講，選擇算多！揀左午市定量肉放題，加埋配料放題，一定夠飽！配料區有飯麵、丸類、菜類同好多飲品選擇。蕃茄湯底顏色鮮艷，酸酸甜甜，讓人食指大動。湯底的香味撲鼻而來，搭配著蔬菜的清新味道，讓整體口感更加層次分明。豬肉片口感滑嫩，配料中特別是玉米，甜味十足，增添了火鍋的風味。這次的牛氣午市體驗非常滿意，火鍋的選材和味道都讓人印象深刻。無論是湯底、肉類和配料都顯示出餐廳對食材的新鮮和用心。強烈推薦給喜歡火鍋的朋友們！

在牛氣日式火鍋餐廳的用餐體驗，讓人感到非常滿意。這裡的午餐定食不僅選擇豐富，還有自助區的任食服務，讓食客可以自由搭配自己喜愛的食材。定食的主菜中，豬肉和雞腿肉的輕量拼盤特別平，肉質鮮嫩，口感滑順，埋單都係$100有找，搭配新鮮的蔬菜，丸類讓整體味道更加均衡。自助區更是讓人驚喜，除咗有各款種類嘅麵類，仲有熟食區嘅食物，炸蝦薯條，魚蛋燒賣，仲有湯同埋糖水，多款汽水同甜品，有真。棉花糖同豆腐花，各式新鮮的蔬菜和火鍋配料琳琅滿目，讓人眼花撩亂。特別是蔬菜有多款有機的，煮熟後更是美味。火鍋湯底有多種選擇，昆布湯的清淡和昆布的鮮香，讓食材的味道得以充分發揮。用餐時，湯底的持續加熱也讓食材保持最佳的熟度。整體而言，牛氣日式火鍋的午餐定食加自助區任食的體驗，無論是食材的質量還是用餐的氛圍，都讓人感到物超所值。對於喜愛火鍋的食客來說，這裡絕對是一個不能錯過的好地方。下次還會再來，體驗更多美味的火鍋選擇！

平日day off的好處就是可以任性，隨性之所至，食買玩。今日K-lunch後，就是行街及找美食。17:50入場剛剛剛。牛氣一嗰可以任選自己愛的食品，選了basic 餐：有雞牛豬，講真encore 的牛豬，唔會肥到嚇死你，塊塊勁肥瘦均勻，加了三次單。自取東西選擇多，冷盤有木瓜沙律，蔬菜有雨衣甘藍，雜丸有小企鵝丸仲有麻吉燒，熱食有飯，咖喱牛。。。甜品有榴槤炸彈，榴槤蛋糕，榴槤糯米滋雪耳紅棗糖水，清甜，潤肺。驚喜係：香蕉果乾，椰子果乾，無花果乾與牛奶味雪糕係絕配，必食之選

冬天鍾意食雪糕，夏天鍾意打邊爐，尤其是係嘆住冷氣打邊爐ꜱʜᴀʙᴜ ꜱʜᴀʙᴜ就最開心😚 今次嚟到舉行緊「泰國祭」嘅牛気🇹🇭除咗要食靚牛之外，仲有好多期間限定款嘅美食，真係諗到都流晒口水呀🤤ꜱʜᴀʙᴜ ꜱʜᴀʙᴜ🍲期間限定有得免費升級成泰式船河湯，湯底味道好濃郁，除咗甜甜地之外仲有少少酸，用嚟涮牛肉食一流😋揀嘅ʟᴠ4放題除咗靚牛之外仲有海鮮添嫁，青口、花膠呢啲都係大大的，千祈唔可以錯過😍先嚟要飲下海鮮冬陰功湯，入面有蜆、八爪魚同菇菇，飲落酸酸辣辣，好惹味🤣 涮完嘅靚牛當然要配翻沙嗲醬啦，食落甜甜地🐮仲有就係生菜包同泰式酸辣炒飯，生菜包用咗金不換炒肉碎，層次好豐富；酸辣炒飯既酸又帶辣，好過癮🙈 唔鍾意食飯嘅仲可以揀ᴍᴀᴍᴀ麵，有酸辣蝦湯麵、碎豬肉麵、清湯冬粉，點都總有一款啱食啦😚甜品🍮幾時都話食到幾飽都仲有另一個胃食甜品🤩期間限定推出咗好多用榴槤整嘅甜品，榴槤炸彈、榴槤蛋撻、榴槤糯米糍、榴槤巴斯克、榴槤雪條、泰式奶茶雪糕… 不過我最鍾意嘅都係「ᴅ24榴槤」酥皮撻，一大球榴槤放喺酥皮撻上面，最重要嘅係無限任食，大愛💓

今日去The One食日式牛肉火鍋放題，今次係有泰國主題，所以食物當中都有大量泰國原素。佢地嘅牛真係好靚，全部都油脂分佈得好均勻，所有款嘅牛都好淋滑，牛味好重，所以encore咗都幾多碟。除咗牛，佢地嘅海鮮都唔錯，全部都好新鮮，size都唔細。出面仲有大量嘅泰國熟食同火鍋配料，選擇都幾多。最last甜品叫咗泰式奶茶軟雪糕，楊枝甘露同D24榴槤酥皮撻，每款甜品都勁正，由其是榴槤控必食嘅酥皮撻，全部都係真嘅榴槤肉，個酥皮又勁脆，正。

今晚去尖沙咀打邊爐任點飲食，可以揀選不同價錢唔同嘅肉的種類。最近主打泰國食品, 有泰式船麵湯底， 仲有好多泰國特色食品。今晚我就食咗個Lv5: 澳洲極上和牛 + 海鮮放題 $438 （120分鐘）牛肉款式都多選擇：澳洲極上和牛澳洲穀飼黑安格斯牛美國極黑牛特選牛小排Prime 美國肩胛肉眼穀飼牛肩肉牛肉來自澳洲及美國，肉質鮮嫩，和牛油脂分布非常靚，入口即溶。海鮮款式都十分多，有大海蝦，原隻鮑魚，花膠，帆立貝等。鮑魚彈牙爽口，花膠軟腍腍，其他海鮮非常新鮮。自助區有不同的蔬菜，丸，熟食，雪糕，飲品等，另外泰國製更有泰式咖喱，冬陰功，泰式酸辣炒飯，泰式木瓜沙律等。另外掃描QR code 更有多款肉類及海鮮任君選擇。

牛気 @nabeurawa 推出期間限定：泰國祭可免費升級泰式船麵湯 以傳統船麵為基調湯底味道濃郁 甜中帶酸 提供多款泰式醬料無限追加榴槤美食💛絕對是榴槤控的天堂亦有多款經典泰國料理 連MAMA麵都有！·🥘自助二維碼點餐：。榴槤雪條 (LV2或以上套餐任食)。泰式生蝦 (LV4或以上套餐任食)。D24榴槤酥皮撻 (LV4或以上套餐任食)。貓山王榴槤酥皮撻 (LV5或以上套餐任食)⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯個人推薦宵夜時段 21:00後每位激減$40選擇了LV4 （澳洲穀飼黑安格斯牛 + SRF 美國極黑牛放題 + 海鮮放題）🥩可一次過嚐到上等澳洲穀飼黑安格斯牛美國肩胛肉眼等靚肉 另有豬肉及雞肉選項🍣高質素嘅日本帆立貝 挪威三文魚刺身 大大隻海蝦 花膠及青口等 好豐富 輕鬆回本·🥢熱食推介：手搗黃咖喱牛筋腩｜泰式酸辣炒飯｜金不換炒肉碎｜海鮮冬蔭功湯｜榴槤蛋撻｜榴槤炸彈🥧榴槤產品當然冇得輸值得一讚牛筋腩軟腍入味 冬蔭功湯鮮香惹味·🥢冷盤推介：泰式燒豬頸肉木瓜沙律｜泰式無骨鳳爪｜泰式生蝦🥗好新鮮 全部清爽彈牙 酸辣開胃·🥢甜品推介：榴槤糯米糍｜榴槤雪條｜泰式奶茶雪糕榴槤任食 雪糕

*** 其實我好少寫食評，因為想讚下今次嘅服務和嘢食先至寫。但openrice竟然唔比我登，要我改食評，話係咪有款待。所以我post埋張好皺嘅收據。牛氣不嬲係我比較喜愛嘅hot pot因為肉嘅質素唔錯 CP值高任食嘅自助 熱食，火煱配料和甜品勁多選擇蔬菜新鮮，品類特別企鵝丸任食好正（某hot pot牌子每碟賣得好貴）睇住企鵝喺個煲入面游背泳好治癒蜂蜜雪糕，砂糖自製嘅綿花糖打卡一流韓式即食麵都有3款😆 辛辣麵成日食所以試咗真拉麵，一試難忘第2日去咗超市入貨😅火煱湯底好足料 食物煮完唔洗點醬汁已經好夠味另外，有自助 酸椒湯 和 鮑魚雞湯飲咗鮑魚雞湯 又經 Apps order 咗 花膠糖水最開心嘅係 長佬都好鍾意當值男副經理勁nice唔嫌我煩問長問短兼勁helpful生日月有迷你牛肉玫瑰花生日蛋糕估唔到有生日歌音樂宜家社交媒體網站相仲有靚靚御守送

今晚經過尖沙咀，成日都經過牛氣，但係都冇試過佢嘅食物，所以就揀咗嚟食，入邊主打韓式火鍋放題嚟食，最平有$208 Level one，就係普通嘅牛羊豬俾你食。咁我因為冇咩錢，所以就揀咗Level one試試。首先上嚟嘅係牛肩肉，一碟有4塊。佢嘅牛肩肉同出邊有啲唔同，係大大件。食落去幾有口感，但係味道就同出邊差唔多，因為始終都係最平嘅牛肉。而經過出邊嘅自助區，可以見到有大量唔同嘅韓國食物，韓國公仔麵佢有兩款，一款係普通一款係加咗芝麻，芝麻嗰款我攞咗嚟食，感覺幾香。而佢哋自助區啲蔬菜全部都係用本地蔬菜。食落都幾好味同新鮮。而佢哋嘅熟食都有幾款款。包括有咖喱牛腩、韓國辣年糕、汁煮牛肉。又覺得最好味嘅，就係汁煮牛肉，好過出邊日式嘅牛丼飯上面啲牛肉，而且臨到最尾9:00左右，到佢的員工放飯，佢哋全部都係圍住汁煮牛肉去潷嚟食，可以證明呢個係佢哋嘅招牌菜😂😂，整體嚟講我覺得二百幾蚊食到呢個質素算係唔錯，當係體驗一下同日式唔同嘅韓式火鍋放題👍🏿。

酒店式的服務，經理殷勤招待，值得再次光顧及推介。食品質素可以。商場4樓人流不多，所以唔使等位。個經理真係好鬼好人，所以第一次寫食評讚賞佢嘅招呼。一定會再次幫。我唔係打手。

行開尖沙咀THE ONE見到間好抵食日式火煱🍲放題「🐮牛気」，難得收早可以早食唔洗等位，即刻衝去拎位🤣🤣我哋揀咗Level 4任食澳洲穀飼黑安格斯🥓+ SRF美國極黑牛🥓 仲有任食海鮮🦐都係$338/位咋（90分鐘）依家仲有「🍓草莓粉紅祭」，有好多款士多啤梨嘅特色美食任食，即刻心心眼😍💙Lv 4 澳洲穀飼黑安格斯牛🥓+ SRF美國極黑牛🥓 + 海鮮放題🦐🩵食肉控今次真係不得了，太多款選擇，淨係牛都有6款喇。以我哋牛控嚟講，呢間算高質素任食店，牛嘅肉質都軟嫩又有口感，小妹最鍾意又encore 咗好多次嘅係黑安格斯牛🥓好好味啊😋 今次仲有幸食咗「日本 A4 九洲和牛肩胛」肉眼🥩， 油花分佈均勻，入口好細膩，超讚👍🏻🩵仲有海鮮都係任食㗎🤭 有養顏花膠🥰，又有原隻鮑魚，仲有帆立貝同大海蝦🦐，樣樣都吸引，打邊爐點可以少得海鮮㗎😚💙餐廳除咗QR code 自助落單選食物外，仲有自助區可以自行挑選火鍋配料，又有多款蔬菜🥬🌽，佢仲有🐧企鵝墨魚丸添，勁可愛啊🥰另外，餐廳都設有熟食區：中華風🐷豚足煮物，梨山骨等，仲有木瓜雪耳糖水添啊，多到肚仔都無位再食🫣下次真係要lunch 已經空肚準備大餐🤭🩷草莓粉紅祭

天氣乍暖還寒，打邊爐依然係一個好選擇。the one好多餐廳，今日同fd就去食“牛気”，貪佢做緊‘’草莓粉紅祭” ，好多士多啤梨限定食物！🍓😍午巿佢有定量套餐或者放題。放題分6個level，level5-6仲可以sake / Sapporo 啤酒任飲。level 4就除左牛之外，仲有海鮮任食。入座時揀埋湯底，第1round佢會有d食物serve左先，乜都有d。其後想添/想再order其他，可以QR code 再自助order。上菜都算快，又無漏order。三文魚刺身新鮮，忍唔住黎左2rounds👍澳洲黑眼安格斯牛/美國極黑牛/豬肉/雞肉都不錯，蝦/青口/帶子/魷魚/花膠新鮮。蝦滑必點！⭐️💕成包好衛生既包裝，份量好多，最緊要係勁彈牙、堅好食！除左order既食物之外，外面仲有自助區。熟食都幾多選擇：流沙包、咖哩魚蛋、燒賣、仲有飯。打邊爐當然唔少得醬料區，推介佢個秘製山椒醬，好香好惹味好食！另外仲有自家製草莓醬汁，點肉好夾，酸甜解膩好食！蔬菜區有水耕菜，樣樣新鮮爽脆！飲品全部自己攞，好鐘意佢有埋熱飲咖啡機。最後雪糕一定唔好錯過！自助軟雪糕有牛奶味/期間限定既草莓味/混合兩溝。雪糕配料豐富，