牛極 (彌敦道)

營業中

休息中

去这家店解决的午饭，两点左右去的，进店之后会有店员指导你在一个点餐屏上点餐，落单支付成功后，才会安排你入座，入座没多久餐就上来了，铁板现做的黑豚肉味道超级赞，他家的餐具米饭菜汤生菜，全部是可以无限自取的，配上这一板肉实在太满足了。

點左一份200g 西冷$130，一份200g 牛柳$110湯，沙律，米飯任飲任食之前去過通菜街分店食覺得好正，今次試埋彌敦道呢間結果一樣令人滿意，友人第一次食都讚好鐵板夠熱，牛份量目測係足西冷肉味夠，肉汁多牛柳好嫩，同樣肉汁多沙律菜好新鮮，仲有芝麻醬或柚子醋可配個湯非推介不可，係類似羅宋湯，加左牛肉有紅蘿蔔同白蘿蔔，仲有洋蔥飲呢個湯一定要食d 湯渣，如果你本身嗌既主餐份量唔夠，食埋d 湯渣係一定包你飽佢地個湯唔係hea 煲，係足料而且用料靚d 牛似係牛筋腩，肉好淋有肉味牛極係一間值得一去再去既餐廳

本來想食甜品 但又唔想行好遠就揀左呢間 見佢係半自助又貪佢夠平一入到去就會有姐姐帶你放低啲嘢先然後就會教我哋點用部自助點餐機我揀左亂切牛扒 200g $90朋友揀左 肉眼 200g $110自助區有三款醬汁 分別係 蒜蓉 辣味 同原味燒肉汁然後有日式牛肉湯 其實就係羅宋湯入面係真係有牛肉嘅 而且啲牛肉都好淋同有牛味湯入面都有大量嘅洋蔥紅蘿蔔熱辣辣又唔會好酸 我飲左兩碗然後隔離就有白飯任裝啦 佢仲有紫菜飯素俾你落不過枝野嘅設計好唔user friendly 落好耐都得啲啲咁跟住就係沙律任食 有醋同胡麻揀都係正常好食 朋友幾鐘意夠酸夠新鮮 Refill都幾快 因為都多人攞可以考慮下用個大啲嘅碗佢就唔包野飲任飲 你要自己買不過就有提供檸檬水任傾佢個牛上枱嘅時候我嘅亂切牛就五成熟度啦都容易切冇咩筋 咬落都淋唔會好韌朋友嗰份反而熟得三成度而且有啲韌 多筋好多不過都夠牛味 好食嘅 要燒同切耐啲遮總括而言呢個價半自助式都ok

好食的牛扒肉食餐廳，大件夾本身我比較鍾意食血𣺉𣺉的牛扒，店員話一成上鐵板，自己鐘意幾生就幾生，幾熟就幾熟，最平80蚊就有180g算係非常抵食的，勁鐘意食牛的絶對可以一試。除咗食肉同汽水，白飯，紅湯，沙律，清水都係自助形式，鐘意食幾多就幾多，仲有口水肩防油彈到全身都係。食方面係的確值得推介。但講到餐廳環境同服務方面就比較差一點，一入門口就自助售票機落單，但只收現金支付寶沒有了說好的OpenRicePay。入座限時60分鐘。雖然無加一但唯一服務就係俾位同俾肉你，環境就一般唔會好華麗，但成間舖都比較油煙味滿怖，坐到愈入愈油膩，而且望到個洗手間位感覺好唔衛生，食完離開搞到成身都係油煙味。 整體為咗食真係推介可以一試，亦可安歌但其他要求就唔好提了。

每次上網搵油尖旺有咩好食都會見到牛極, 食評好好又有得網上訂位。今晚終於有機會試下。最值得讚既係負責樓面招呼既侍應姨姨💁‍♀️, 由踏進餐廳嗰一刻到離開都笑容滿面, 服務殷勤, 再三溫馨叮囑我要用圍裙, 忙碌既佢, 我地走既時候都專登望過黎笑住同我地講byebye👋。我地點左牛柳300G同日本和牛(赤身)180G。和牛 - 失望😮‍💨, 唔好味。都唔好話佢有冇和牛既味道, 就算連基本既牛味都好微弱, 仲要好韌又乾, 餐廳點解要入D咁既貨做差自己個名, 其實入唔到好貨話售罄咪得囉。牛柳 - 以牛極呢個咁實惠既定價, 就算佢地只賣牛柳呢款牛肉都已經足夠, 已經會有好多回頭客。牛柳質素不錯, 無筋有肉味, 肉質軟腍。另外, 餐廳有兩個好大既問題, 第一, 張枱太細, 兩個人一人叫一款牛, 兩塊火山石板放上枱已經無咩位淨咁滯, 仲要放調味料🧂, 餐具🍴, 飯🍚, 湯🥣, 沙律🥗, 飲品🥤, 我想用險象環生黎形容當時情況, 真係一不小心就會釀成意外, 食到打曬交, 好論盡。第二, 通風好差, 係非常差, 只係食左半個鐘到, 由頭到腳全是油煙味, 搭巴士🚏返屋企嗰程車直頭覺得成車人都聞到我地陣油煙味

最近去左佐敦一帶行街，行到少少攰又肚餓就諗住搵間餐廳黎食，見到呢間石燒牛扒都有唔少分店，而且都幾出名下，於是就入去試下啦。一入到去你就可以搵個位坐底，之後就可以出去部機到禁你想食既牛黎食，都幾有特色下。而我就揀左牛肩排黎食，180g只需要$80，真係好抵食！另外呢到既所有野食都係自助形色同仼食，所以一定可以食飽你！😋落完order，好快已經有人送到過黎，熱辣辣，所以要好小心，唔好彈親。見佢燒得差唔多就可以切黎食，牛肩排既肉都好實淨，但唔會太韌，而且熟度岩岩好，配埋飯好好食😋。另外佢仲有沙律同日式牛肉湯，沙津好新鮮！另外牛肉湯既用料都好豐富，味道就似平時飲既羅宋湯，酸酸甜甜幾開胃👍🏻👍🏻整體黎講，呢到既價錢抵，牛肉既質素都依然好高，值得再食😋😋😋😋😋

今日同朋友係油麻地行完街，突然牛癮發作，就同朋友去咗食牛極。 餐廳環境整潔，好有燒牛嘅香味。🍴餐廳係半自助形式，自助區有唔同嘅醬汁🧂，有沙律🥗有飯🍚有湯🍵，鍾意食幾多就食幾多，加埋一開頭嗌嘅牛就一定夠飽！🍴牛柳 (200g) $110我覺得呢舊牛柳超好食，啲肉軟腍腍，完全唔韌，份量都夠多，非常抵食。你仲可以根據自己嘅喜好，想食幾成熟就煎到幾成熟。而我個人覺得加埋個燒肉汁就更perfect！👍👍👍

今日嚟左「牛極」食牛牛🐄，呢間餐廳係以自助形式營運嘅，主要係食石燒牛🐮，除左有得揀食咩部位，仲可以揀食幾多gram，咁就唔驚食唔曬浪費啦！🤣 🥩牛肩排180g ($80)今次就嗌左呢個牛肩排食，180g嘅份量非常啱女仔食，食完好飽！個牛超好食，一啲都唔韌，但又有咬口。大家可以自己控制牛嘅生熟度，個人就中意燒到大概7成熟，啱啱好！ 🍚白飯 (自助)白飯就係比較乾性嘅，適合唔中意軟淋淋嘅飯嘅朋友食，粒粒分明之餘又唔會太散。 🥗沙律 (自助)自己夾嘅沙律就正正常常，有沙律菜同蕃茄🍅。自己仲可以揀沙律醬加~ 除左以上嘅野之外，仲可以自己添湯🍵，又可以自己揀自己想食嘅調味料同醬🧂，咁就唔驚浪費啦！我就覺得燒肉汁加落牛到食係最正嘅！ 最後埋單都唔太貴，真係非常抵食，極推介啊！！！😍

☀️🐝今日同friend嚟左「牛極」食牛，呢間餐廳係半自助嘅，我地可以揀食牛咩部位同食幾多gram，咁就唔會浪費啦～(´∀｀)♡🤍牛肩排，180g，80蚊。✧٩(ˊωˋ*)و✧🤍我今次就嗌左牛肩排食，個牛幾好食，唔韌，亦又有咬口。我覺得180g嘅份量非常啱女仔食，食完好飽！建議大家燒到大概7成熟，啱啱好！ (´∀｀)♡🤍除此之外，仲可以自己添湯，沙律同白飯。，又可以自己揀自己想食嘅調味料同醬，我覺得燒肉汁係最正嘅！ (๑ʘ̅ д ʘ̅๑)!!! 埋單都唔貴，真係非常抵食，好高cp值，推介大家食～(σ°∀°)σ..:*☆📍油麻地彌敦道464號地舖

放左工後，肚仔餓又見就快出消費券，不如就獎勵下自己，晚餐食返個牛慶祝起Openrice定社交平台 睇到呢間牛極個CP價好高，推介度咁高，就開始搵路去油麻地C出口行過對面馬路，好快就到餐廳門口例牌石燒牛餐廳門口有部自助點餐機，望住部機，個心都15, 16架，店員就指可以入到去坐低左先落單都得，好貼心在自助區準備，一個大大碗的白飯再加上味素沙律菜加上芝麻醬，一碗足曬料(蘿白、紅蘿白、牛肉)既前湯、調味料等真心要讚一讚佢既牛肉湯一撈既時候就feel到佢個底係勁多，應該係拎都唔拎盡既湯料我真心拎到滿滿一碗，牛肉仲要勁多添出場了!!! 我點左牛柳，夠曬大份D，同埋D肉會嫩D熱辣辣的石板，我緊係即時一半放埋一邊先，專心地燒好半塊所以時間、空間都岩岩好，燒得非常靚8成熟咁，好嫩又juicy臨尾仲撈埋D蒜泥一齊燒，特別香，好易送飯一齊食添

放工諗住食埋飯先番屋企，經過見到價錢唔貴，又想食下扒就揀左呢間餐廳🤣🤣入到去，環境比想像中乾淨舒服，唔知係咪仲早，無咩人😆⭐️我揀左200g 牛柳 $110沙律🥗、湯🥣、白飯任食牛柳質地較淋，牛味濃，一食就知無落梳打粉，高級靚肉👍🏻👍🏻沙律🥗菜新鮮，配上芝麻醬，實屬開胃😊😊值得一讚嘅係個日式牛肉湯好好味，雖然有啲油，但個味道好濃好好味，我飲左3碗🤣🤣呢個價錢其實好抵食，貴出面快餐店少少，但沙律、湯、白飯任食，又係靚扒，會再encore😊😊

熱石石燒牛扒屋開到周圍都係，但我自己就一向食開「牛極」覺得價錢大眾化，CP值高呢度嘅牛肉種類都幾多有:和牛、牛肩、肉眼扒、、牛柳等等我自己今次就叫左牛肩肉眼扒一上到黎見都有咁上下厚度，肉味濃👍👍最重要係一個價錢已經跟扒加埋自助沙律菜、白飯同麵豉湯仲係任食保證食到你飽飽🥰店家同貼心，如果熱石唔夠熱，可以轉個新熱石👍滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟🌟

今次同朋友嚟到呢一間位於油麻地嘅扒房鋸扒， 通常鋸扒都每單百幾二百蚊埋單， 牛扒嘅質素亦都麻麻地，但係呢一間真心唔錯， 佢有好多唔同部位嘅牛肉選擇。今次就食咗佢個牛柳同埋牛肩肉， 口感亦都非常juicy唔會話鞋口。特別之處係牛扒上鐵板只會有一成熟，因為個鐵板非常熱 ，上到枱佢會繼續燒住啲牛肉， 所以需要自己切開一舊舊俾個鐵板受熱，跟住中意食幾熟就hold幾耐，呢點可以自己控制， 而出面會有一個半自助食物枱， 分別有羅宋湯同埋沙律菜無限添加， 不過飲品就只有得檸檬水可以飲。

有時想鋸下扒，但係香港地嘅扒房大多數都一百幾十起跳.....而且質素亦都非常參差添....估唔到今次嚟到呢一間牛極專門鋸扒嘅扒房， 佢嘅質素又真係唔錯，性價比極高 ，80蚊至100蚊左右嘅牛扒質素已經相當唔錯，佢嘅牛扒係鐵板 上，只會有一成熟 ，因為個鐵板非常熱所以嚟到就熱住食， 切開一件件， 個鐵板會繼續燒啲牛肉， 食完個鐵板都仲係非常熱 ，所以一定要小心隻手， 而出面就有一個半自助嘅沙律吧， 生菜任食， 仲有羅宋湯飲添。

第一次食石燒牛扒 （牛極）一家三口都吃得開心！係OpenRice 訂位，即時有位食！點左3種牛 1.澳洲什牛扒（*每個牛部位都有）😋2.澳洲牛肩扒 好有牛味😋😋3. 牛舌 ，係厚切3大片，😋😋😋係我食過最好味既牛舌，服務員照顧就到，提供圍裙避免整污糟件衫！Good 👍🏻