牛扒先生 (德福廣場2期)

營業中

休息中

九龍灣好多野行！德福又大同朋友行足大半日都得～想黎呢間好耐Dinner set好抵！點左薄牛扒，其實都唔薄了😍😍牛味好重！配菜都唔會求其杯啡就好香豆味突出而且空間好大舒服好舒服唔會覺得逼，甜品一啖食食飽飽再來精緻一件唔使驚飽得滯芝士餅一般我食唔曬呢間切好既份量就好適合好少有我可以成件食曬唔使浪費呢到仲有外賣架一啱食都有其他客人點外賣同埋預約定黎慶生呢到既環境都好浪漫🌹紀念日、生日等等黎呢到相信都會有愉快浪漫既晚上而且職員好貼心會盡量滿足要求

今日午餐黎到Mr steak 食個簿西冷牛扒。雖然塊扒真係有d簿，但勝在味道唔錯又唔會好煙韌。我點左7成熟都係好冧。值得加分。有食過既朋友應該都知佢同時係半自助餐價錢黎。出面有沙律菜，蘑菇湯，生果，面包，甜品有蛋糕等。儘量咩都食d順便影俾大家睇下。值得一提既係佢個麵包布丁有驚喜，芒果慕絲亦都不錯。湯就比較普通，有d唔夠熱同糊左一舊，以前係好飲好多。總括來講呢個價錢有半自助餐亦都算抵食。以下送上幾張食物相俾大家參考下。178加一。

想食餐豐富少少就去咗依間餐廳食啦。叫咗set。不是半自助。有湯。比較稀。味道係有嘅。普通。前菜有三款揀。揀咗薯蓉肉丸。不錯。前菜嚟講份量算大。芒果大蝦沙律。蝦都爽口主菜揀咗燒春雞豬肋排。份量超夠。雞唔會太鞋。都有少少肉汁。啖啖肉。豬肋排。骨肉分離唔使瘋狂梅啲骨。都好juicy。調味很不錯。有啲creamy南瓜蓉。Nice另一碟主菜係開心豬柳。究極厚切。唔會太靱。有一條肥膏痴住。煎到好乾身唔肥膩。都係配南瓜蓉。味道還好。仲有幾舊甜品。前面兩舊可以不提。後面芝士蛋糕很不錯。仲附上水果茶一杯。雖然無影但都想讚。味道唔會好假。好似真係有水果浸泡出嚟嘅茶。雖然係set dinner但係都10分豐富雖然甜品湯沙律水果茶都係從半自助餐這邊拿出來。但感覺比半自助餐來得便宜。整體不錯。

自從放寬開返晚市後夜晚出街食飯度度都好多人而我又好怕同人迫嘅知道原來Mr. Steak出左一啲外賣套餐好吸引我哋都一於試吓先哩個2人外賣套餐好吸引可揀四款沙律、四款甜品、主菜同湯我哋哩個Set C都只係$278！🔸是日精選餐湯🔸意式肉丸配幼滑薯🔸海鮮番茄意大利飯🔸烤肉拼盤（牛扒、羊架、燒雞、香草腸）🔸地中海八爪魚仔沙律🔸意式冷肉拼盤🔸香燒雞肉意大利麵沙律🔸香草燒雜菜🔸歌劇院蛋糕🔸綠茶瑞士卷🔸紐約芝士餅🔸朱古力撻以上就係我嘅個套餐內容，係咪超級豐富😂？！主菜嘅意式肉丸薯蓉有好香嘅芝士番茄醬，薯蓉滑溜👍🏻。而海鮮意大利飯亦有好多大隻嘅蝦。而烤肉都香口惹味，燒完嘅肉質完全唔乾，好食！.沙律方面我大推地中海八爪魚仔沙律，味道酸酸甜甜好開胃，八爪魚好爽彈！而甜品嘅綠茶瑞士卷、紐約芝士餅、歌劇院蛋糕都好味！紐約芝士餅嘅芝士幾濃，Opera嘅朱古力味濃又唔太甜！

Mr. Steak 一直都做開半自助式餐點 我地今次就趁住下午無咁多人既時候黎食 果然不出所料 下午時間人流較少 餐點較便宜 又唔洗同人迫住食出面既半自助餐點 相對衛生又舒適其實餐廳半自助的晚餐和午餐相差不大 但午餐較便宜 人流亦較少 所以我比較推介午餐黎食今次我地叫左Burger同薯條餐 Burger都比較大份 所以我地前菜都唔係食好多 但佢地前菜嘅薯仔沙律非常美味 而漢堡包亦充滿肉汁 相對意粉更抵食佢地供應既甜品款式都足夠 每樣都可以攞少少食 因為份量都細 岩哂嘗試

適逢放假，難免想吃得豐富一些。今日下午在九龍灣吃飯。餐廳推出「日本牛嘉年華」，只要掃QR code完成問卷，就可以享有買一送一優惠。半自助午餐還有買一送一優惠，實在太抵食了！餐廳設有自助沙律吧，有不同款式的沙律，例如地中海八爪魚子沙律、香草燒南瓜、熱帶雜果蝦沙律、香燒雞肉意大利麵沙律和芝麻醬凍豆腐等。另外還有廚師精選餐湯，今日是忌廉菰菌湯，入口綿密，忌廉味道突出。⭐️日本牛西冷·熊本白豚大蝦卷$298半成熟的日本牛西冷略有厚度，兩面都輕輕煎過，口感嫩滑，油脂從口腔裡迸發，配上照燒小號香菇、燒秋葵和海膽醬天使幼麵，既豐富又飽肚。⭐️日本牛西冷及肉眼扒$328分別是日本牛西冷及肉眼扒，配上橄欖油炒香菇、烤野菜玉子燒和海膽醬天使幼麵，口感不會那麼單調。還有不少甜品選擇，例如抹茶牛油忌廉卷、木糠布甸、啫喱軟糖、草莓慕絲餅等。套餐還附送飲品。

難得情人節和新年可以一起慶祝我和前世情人食Mr. Steak戰斧扒💋呀！而且今世情人怕羞唔上鏡了😆晚市堂食，叫外賣自取派對套餐，總好過自己煮餐飽，不論在哪裡吃飯，新年飯最重要是一家人團聚，來食個戰斧扒餐過肥年吖!Mr. Steak Family Roast Party SetSet B 英國乾式熟成戰斧牛扒(1.2公斤)HK$1,288+英國乾式熟成戰斧牛扒, 普羅旺斯燒雜菜, 香草新薯,黑胡椒汁1份+芒果鮮果蝦沙拉(3磅)+黑啤肉丸配幼滑薯蓉(4磅)+法式焗芝士海鮮飯(4磅)+意菌忌廉意大利麵(4磅)+是日精選湯 6 份+精選甜品6-8人餐？其實我覺得應該9-10人都吃到有剩🤣，因為飯和麵份量好多，我估最多是戰斧扒唔夠食! 因為太好食而不唔夠分😋。🐮仲大過我個頭的重量級主角是“英國乾式熟成戰斧牛斧”，嚴選天然飼養的英國牛，大廚嚴謹監控溫濕度的控制，要熟成21-28日，粉嫩的牛肉，唔會太生，讓你每一口都充滿了肉汁，牛香味好濃而吾鞋，還有少少筋位，好彈牙！我建議不用沾太多黑胡椒汁，夠份量，6人吃也分得多，配上香醋味的鮮豔普羅旺斯雜菜，我家人都食到讚不絕口！🥗芒果鮮果蝦沙拉&#

環球美食慶生之外賣西餐篇。晚市有堂食禁令, 外賣生意的搶客戰就更顯突出。在Openrice發現Mr Steak外賣自取低至5.7折, 就決定和家人來個外賣生日派對。我們家當晚其實只有5個人, 點了個4人套餐+2人套餐, 再加點了一份德國鹹豬手, 拼出了一份牛肉豬肉雞肉樣樣齊的肉肉肉大餐。除了自己有點選擇困難症之外, 重點也是看在埋單只要600多的份上, 就將想吃的都不手軟地點上了。取餐時間定在18:30, 結果18:31就已經拿到餐, 超準時的。在這麼多款肉肉肉中, 豬肋排和鹹豬手一如我期望的好吃, 燒雞和豬柳扒是意想不到的好吃, 因此表現正正常常牛扒就只能排到最後了。沙律成為稀缺品, 卡邦拿扁意粉也是被搶著吃。整體味道和造型都非常不錯, 沒有因為是外賣而品質有所下降, 媽媽甚至還提議團年飯懶得煮再吃一次這個餐。

幾年前試過一次，覺得啲牛好好味，但近半年來食過兩次，感到失望午市半自助餐大約$200/個餐，可以任飲蘑菇湯同埋食沙律🥗，蘑菇湯幾好飲，入面真係有啲好細嘅蘑菇粒，沙律就麻麻哋啦，見到都唔太想試午市套餐我揀咗龍蝦天使麵，龍蝦同天使面非常唔夾，龍蝦食落唔太新鮮，有一大片綠色的物體，蟹鉗的肉好梅，天使麵味道其實唔錯，醬汁好creamy, 但係配左翠玉瓜片同蘑菇，感覺有點奇怪，唔係好值$200男朋友揀咗頂級肉眼扒，係最貴嗰個餐，諗住會好食啲啦，點知一嚟到我見到，我就話睇個樣都覺得唔好食，因為塊扒雖然好大但好薄，仲要配左好普通嘅gravy，成個感覺似一啲好平茶餐廳嘅牛扒，食到我哋好冇心機。跟餐可以叫杯嘢飲，我哋都揀咗凍檸茶，但係男朋友話呢度連凍檸茶都好難飲，個紅茶好苦澀食到最後，我哋叫咗侍應比意見書我哋填，佢態度都好好嘅，餐廳服務不錯，可惜食物越嚟越差，令人失望

因疫情關係，晚市禁堂食，只好叫外賣。買左外賣2人套餐Set A，套餐 $178，外賣盒需另加$3。由於晚市無堂食，只有一位職員招呼客人，落單、收銀、叫外賣單號都只有一個人負責，搵人落單都難。所以由等候落單至俾錢都需時，落單後等至少15至20分鐘。套餐包括: 1）是日精選餐湯 x 2份 ，2）意式肉丸配幼滑薯蓉， 3）炸芝士黑豚配忌廉汁意大利麵，4）原隻爐燒奇津香料燒雞本來十分期待Mr Steak嘅燒雞，點知返到屋企打開外賣盒，燒雞不翼而飛，變左一盒淨白汁意粉！無左隻燒雞，變左2盒意粉，好齋又好膩……真係冇下次!!!

以前好鍾意食MR Steak 偶爾都會想食自助午餐同晚餐都試過 好正😭好掛住所以搵咗朋友一齊壽食以前印象中嘅MR Steak 前菜有好多選擇唔知係咪因為疫情嘅關係又唔想提高價錢趕客所以唯有減少啲選擇 例如無咗鹹火腿 煙三文魚轉咗兩個圈都只係揀咗啲蔬菜沙律🥗鬆餅🥞基本火腿 值得讚吓嘅係甜品都有唔少選擇 質素都保持到主菜揀咗芝士忌廉焗波士頓龍蝦伴天使幼麵都無咩掙扎就揀咗 因為太鍾意食龍蝦🦞喇佢採用嘅天使麵的確夠晒幼身 易入口😍超多汁 一啲都唔怕乾身 但好好好⋯鹹🥺好用嘅 但真喺好鹹 渴到我傻龍蝦肉質新鮮爽口 但係無提供工具比我開個蝦鉗🙉

自從晚市禁堂食，好多餐廳為左做生意都推出唔同類型既優惠吸引客人，今次比我發現到係openrice 落order 外賣自取有個好吸引既餐，一於試下。✨爐燒脆皮德國咸豬手豬手個皮脆卜卜，咪睇個外表好似好乾咁，其實切開係肉嫩多汁，配上滑溜既薯蓉同雜菜一齊食，感覺好滿足。.✨自家制脆炸吉列魚柳配薯條魚柳有2大塊，肉質結實唔會散收收，唔錯。薯條好夠味，唔駛點蕃茄醬已經好好食。可惜始終係外賣，拎到返屋企啲食物已經淋哂，扣少少分。.✨焗米蘭式豬扒飯呢個焗飯拎到返屋企都仲係熱熱地，豬扒味道唔錯，肉質軟淋又多汁，好正。.✨粟米忌廉湯每個餐都會配一碗是日餐湯，日日唔同款。.🏠 Mr.steak🛤️ 九龍灣偉業街33號德福廣場二期4樓415-417號舖📍 港鐵九龍灣站B出口，步行約8分鐘-----

今日同幾位同事叫呢間自取，難得有57折優惠呀！希望可以推出更多自取優惠菜式小菜啦，義粉份量足夠味道好，包裝都靚。總體幾好，最好可以加野飲做套餐啦如果可以會多d幫襯

禁晚市前去左食Mr. steak的Semi buffet Dinner，覺得都幾抵食，估唔到而家禁堂食，連佢個沙律甜品bar都帶到返屋企！驚喜的是份量絕不欺場，比想像中多！感覺平過自己煮🤣🤣🤣用來做聖誕大餐都唔輸蝕！Mr. Steak Fans 更加要試下～！二人外賣自選套餐有4款，每款都有兩碗湯、自選4款前菜（14揀4）、意式肉丸薯蓉、兩款主菜（由$228-$298）、4款甜品（8選4）。我這個是B餐（$252），已經有蕃茄鴨胸扁意粉和BBQ醬烤英國豬肋排Ribs，真係好抵好抵。今次我在德福分店買，質素唔錯啊！Ribs有6條，幾好食，又好易離骨，我想encore🤣～前菜燒野菌超多菇菇！我仲揀左地中海八瓜魚沙律、芝士腸仔沙律、同埋意式冷肉拼盤（實在食唔哂，留左第二日夾三文治做早餐）。意式肉丸薯蓉份量都好多下，我覺得好食過pizza店肉丸，最後食埋個自選甜品拼盤，勁滿足！！推介opera cake!

自選套餐不錯，只是肉丸薯蓉內的肉丸很難食。 必須 ，請更改菜式。希望餐廳看到能儘快取消這個菜式，例如可改作小型炸魚薯條及更改／推出新菜式及組合。甜品出色，小件可愛。可定期推出新款式。