牛屋餐廳

營業中

休息中

去咗佐敦一間懷舊扒房食晚餐🍽️，當然要試下佢哋嘅威西冷牛扒！我哋叫咗套餐，裡面有扒、餐湯、餐包同飲品🥖🥤。七成熟嘅西冷牛扒真係超正！外面係香脆嘅酥皮包住厚厚嘅牛柳，份量大到爆！酥皮即使放咗一陣都仲脆脆的，一切開就有煙霧飄出，肉汁熱辣辣，真係好吸引😋！西冷厚而且滑，味道超香，我哋仲配咗粗薯條，分量多到夠晒，旁邊有沙律菜作陪襯🥗。我哋仲叫咗比目魚配忌廉汁真係好夾！比目魚皮烤得脆，裡面肉質軟滑，味道一流👌。餐湯有羅宋湯同忌廉湯，而餐包已經抹咗牛油再焗香，真係加分！最後飲返杯凍檸茶，完美收官🍋✨

Foodie @foodpilgrimage.gps ➲ 佐敦 牛屋餐廳佐敦街角低調老字號，開業已久仍堅守高質鐵板燒技藝！復古紅磚牆x暖黃燈光，懷舊撐枱腳首選。酥皮威靈頓 x厚切牛舌，雙重暴擊，驚喜度滿分。 ➳ 招牌德國鹹牛脷粒𝚂𝚒𝚐𝚗𝚊𝚝𝚞𝚛𝚎 𝙶𝚛𝚒𝚕𝚕𝚎𝚍 𝙾𝚡 𝚃𝚘𝚗𝚐𝚞𝚎 𝙲𝚞𝚋𝚎厚切彈牙，鹹香惹味爆登。顛覆薄切鐵板牛舌印象，牛舌粒厚切如骰仔卻毫不乾柴，炭火猛攻鎖住肉汁，帶微微焦脆邊。➳ 焗酥皮羅宋湯𝙿𝚞𝚏𝚏 𝙿𝚊𝚜𝚝𝚛𝚢 𝚁𝚞𝚜𝚜𝚒𝚊𝚗 𝙱𝚘𝚛𝚝𝚜𝚌𝚑酥皮烘到金黃蜂巢紋，鎖住熱氣，脆到刀叉輕碰即「咔嚓」碎裂！羅宋湯番茄濃郁帶微酸，燉到蔬菜軟爛入味。隱藏吃法：牛脷粒蘸羅宋湯，解膩同時激發肉香！➳ 焗酥皮忌廉湯𝙿𝚞𝚏𝚏 𝙿𝚊𝚜𝚝𝚛𝚢 𝙲𝚛𝚎𝚊𝚖 𝚂𝚘𝚞𝚙酥皮界天花板，湯底足料到犯規 。忌廉湯奶香絲滑如天鵝絨，藏滿煙肉碎提升層次，餐包預塗牛油超貼心，激推餐包蘸忌廉湯，奶味 MAX！➳ 招牌威靈頓牛柳𝑆𝑖𝑔𝑛𝑎𝑡𝑢𝑟𝑒 𝐵𝑒𝑒𝑓 𝑊𝑒𝑙𝑙𝑖𝑛𝑔𝑡𝑜𝑛酥皮與牛柳的完美二重奏。酥皮薄如紙卻層次分明，包裹粉嫩七成熟牛柳，配上一層鵝肝一層火腿，增加層次同口感。切開肉汁洶湧而出，肉香濃郁

老牌餐廳，環境擠逼，侍應手腳快，一坐下就問紅湯白湯？300蚊以下要現金找數，全場爆滿要等位。午餐食焗豬手配意粉和牛脷配薯菜，碟頭份量夠，賣相吾夠靚仔。紅湯味道不錯，夠熱但欠肉味；傳統附牛油餐包，翻焗未夠香軟。豬手皮脆肉軟，牛脷都夠淋，整體味道可以啦！茨汁揀黑汁，吾香吾辣。意粉就吾掂啦！似齋烚冇炒過，淡而無味，食剩半碟；薯條新鮮熱辣，加茄汁食有驚喜。68蚊+凍飲3蚊，冇加一。試下無妨，短期內不會翻焯了。

前晚去左佐敦呢間懷舊扒房餐廳食晚餐，當然唔少得叫一份威靈頓牛柳😋 我地係叫套餐，除左有扒仲有餐湯、餐包同飲品.威靈頓牛柳，即係有香脆既酥皮包住牛柳，份量大，酥皮就算擺左一陣都仲係脆！一切開，裡面有煙飄出，果然鎖住肉汁熱辣辣！牛柳厚大，肉質軟嫩，夠香，我地揀左配薯菜，粗薯條都俾得多，旁邊仲有沙律菜.我地仲叫左德國鹹豬手配蜜糖芥末汁🍖豬手既size幾大，豬手既皮烤得脆，配蜜糖芥末汁真係幾夾！裡面既肉夠軟，唔錯.餐湯有羅宋湯同忌廉湯，而餐包本身已搽上牛油然後烘香，是加分位👏🏻最後飲返杯凍檸茶就完滿了

好耐之前已經Save低咗呢一間懷舊平價西餐，今日行過佐敦附近諗住平平哋試吓，發現抵食之餘質素幾好！一入去個侍應已經問我哋要紅湯定白湯，嘢食都未叫，好快手就出咗餐湯同麵包🤣餐包係傳統嗰款入面搽埋牛油幾好，微溫個面有少少脆。羅宋湯有好多蔬菜喺入面，仲要足料到入邊搵到一大嚿牛肉，雖然係個餐附送，但質素幾好！我哋一人叫咗一個lunch set ，有得揀配飯、意粉、薯菜或者淨菜，主菜有得揀蒜蓉汁或者黑椒汁半隻無骨鹹豬手配薯菜$68雖然一上嚟睇到兩舊好似份量比較少，但係食落發現都夠，豬手嘅皮整得少少脆又唔會太韌，個筋位都幾入味香煎牛脷配薯菜$68原本以為得一兩塊，點知原來有4-5塊牛脷都幾抵食！佢係炆腍咗再煎，所以食落幾香口唔錯啲薯條全部食得出係即炸，沙律菜比較少，但係收得呢個價錢已經冇得挑剔🤣加咗凍飲都係$3，最後埋單每人都係$71 算係咁見到隔籬枱嗌西冷，塊牛扒同隻碟差唔多大😂應該會再去食。食完出去已經見到排晒長龍🫨睇嚟下次食要早啲去

呢間扒房開業已久，一直都好受歡迎，今次我哋專登過嚟試吓佢哋嘅懷舊牛扒！.✨招牌威靈頓牛柳 HK238✨美國一級安格斯肉眼 (10oz) HKD258.餐湯有羅宋湯同忌廉湯，仲配咗一個餐包，兩款餐湯各有特色，值得一試！每份牛扒都配意粉、飯或者薯菜，我哋揀咗薯菜同意粉，薯條非常香脆，意粉口感爽口🫶🏻🫶🏻🫶🏻.值得一讚嘅係肉眼扒肉質軟腍，牛肉味好香👍🏻威靈頓牛柳不愧為呢度嘅招牌，肉質軟腍，非常入味，配埋酥皮一齊食，口感更加豐富🥰.📍 牛屋餐廳 (佐敦)佐敦吳松街143號地舖

你會不會偶爾就想吃一頓懷舊扒房？回憶小時候那種"吃大餐"的感覺，可能是回億，反正每次吃還是覺得很好吃！這家餐廳已經在港幾十年了，無論是裝修風格和味道都可以''想當年''~ ❤ 美國一級安格斯肉眼 $258上桌忍不住"嘩"了一聲！有夠大份的！😱整塊年扒擺佔了整個盆子，墊底的是人見人愛的粗薯條。肉質腍滑，經典的調味下不失牛肉香，煎的香口，保留肉汁，沾上燒汁，真的很好吃！❤ 招牌威靈頓牛柳 $238聽說這是平民威靈頓牛柳的天花板～漂亮的烤酥皮，裡面裹著磨菇醬，牛柳很軟熟多汁，這次配的是黑椒醬，一點的辛辣和牛柳是絕配~❤ 招牌法式焗田螺 $68上面放了點芝士和脆粒，熱辣辣的薯蓉中間，是大大顆的田螺，所有味道都很配！喜歡！

黎到佐敦搵朋友，佢就介紹咗呢間懷舊扒房。餐廳環境懷舊風格，富有格調。➰ 招牌威靈頓牛柳 $238威靈頓牛柳外層包裹著酥脆嘅酥皮，咬落去係嫩滑多汁的牛肉，搭配特製醬汁。而配菜則揀左薯條，薯條炸到金黃香脆。另外，酥皮湯（+$18）濃郁嘅湯底配搭鬆脆嘅酥皮。➰德國咸豬手配蜜糖芥未汁 $238 超級大嘅德國咸豬手外皮香脆，肉質鮮嫩，搭配微甜的蜜糖芥未汁，既食到咸味與甜味。跟餐嘅羅宋湯材料十足，飲落酸酸甜甜。牛屋餐廳不僅提供多款食物的選擇，還營造出一種懷舊的用餐氛圍。

朋友介紹佐敦有間唔錯嘅食牛扒餐廳，今日嚟到附近，就決定一試☺️⚫️裝潢都比較懷舊同有格調🔴坐低之後職員就會比兩個甜餐包🔸美國安格斯肉眼（$276）安格斯肉眼份量唔少，肉質軟腍，juicy，滿滿嘅牛香味，加埋黑椒汁更加昇華左牛肉嘅味道😼羅宋湯味道濃郁，色澤吸引😚🔸招牌英國威靈頓牛柳（$238）另一個套餐叫咗威靈頓牛柳，七成熟，滿滿嘅誠意，肉質有咬口，唔會太腍，呢款都有配埋醬汁，價錢嚟講都幾抵食😋酥皮羅宋湯好好飲呀，飯前開胃必選🥰

人生第一次食威靈頓牛扒就喺牛屋 都好多年前嚕🍽️一直對呢度有種情意結 亦好鍾意呢度嘅懷舊氛圍點咗套餐包埋餐湯同飲品 餐湯紅白各一 紅湯即係羅宋湯 白湯係忌廉湯 特別要讚配嘅餐包好好味 上枱仲係熱嘅 已經搽咗牛油🧈而且做到外脆得嚟中間十分鬆軟 有驚喜ꕥ 美國一級安格斯西冷ꕥ 紐西蘭牛柳兩份都點咗7成熟 配蒜蓉汁(另有黑椒汁選擇) 熟度合格 西冷好大塊 肉質緊致 味道濃郁 就算唔點汁都好味 而牛柳雖然好厚 不過中間好軟嫩 果然係嫩肉皇者 而且亦較juicy💦兩者各有各特式 我哋都覺得滿意

適逢今日天雨，一入到去已經俾人喝我，叫我擺把遮喺出面先，我話我有袋袋住，企多2秒擺好先都已經俾人喝我坐低一坐低已經隊個麵包俾你，問你紅定白，一坐低要即刻嗌餐，懷孕中，個肚已好大，仲要俾佢吩咐我，攝落去兩張枱中間唔知有冇一個pat pat嘅位置嘅卡位進食時間只係20分鐘，不停聽到佢喺度呼喝其他客，人哋唔夠現金，問佢收唔收卡，佢係咁話$300先收，叫人哋出去諗吓先，之後再喺其他客面前數落佢，咁嘅服務態度，難怪個個都要北上我個羊架餐唔係好貴，連凍飲$121 ，但午餐食到咁即係背脊骨落。

情人節就快到，見到呢間西餐廳好多好評，決定試一試。餐廳使用木質枱凳配上柔和的燈光，充滿懷舊的氛圍。整體環境乾淨，侍應服務友善。招牌威靈頓牛柳絕對不容錯過，CP 值極高！牛柳軟熟，外層包裹著金黃酥脆的酥皮，切開時都幾juicy，調味適中，口感豐富。二百幾蚊食到呢個質素其實相當唔錯。薯菜有大量沙律和薯條，份量相當慷慨。除了威靈頓牛柳，餐廳的各式扒類同樣出色。我地揀左香草燒羊仔架，十分有驚喜。羊仔架肉質鮮嫩，烹調恰到好處，沒有太大的臊味，十分合我口味。配上新鮮沙律和意粉，賣相相當吸引，絕對色香味俱全。作為牛舌喜好者，更加大推招牌德國鹹牛脷。厚切牛脷煎香後鮮嫩多汁，肉質緊實，簡單調味已經好好食，一定要趁熱食！此外，餐廳的紅/白湯也十分有誠意，湯料十足，推薦加配酥皮湯，口感更加豐富。總括嚟講，餐廳的性價比幾高。五百幾蚊食到精緻西餐同威靈頓牛柳。無論是慶祝特別的日子，還是普通聚餐都合適。平日晚市都座無虛席，座位比較相近，建議要提早訂位避開人潮。

中肯地講：差評，唔算係好嬲嗰種，但係真係可以做得更加好。食左出名嘅威靈頓，另外叫左一份肉眼。埋單$600唔算平，我個人感覺唔值。介紹下佢招牌威靈頓：-個酥皮非常之薄，出完汁之後成張變咗濕立立一片、正常應該係用厚嘅，咁入邊嗰層索完汁，出邊都起碼有酥皮食；-第一次食到威靈頓入邊唔係用蘑菇醬、而係麥當勞嗰種口味嘅酸黃瓜醬。-入面嘅牛柳非常之梅口、唔係腍滑嗰種、而係梅爛既口感。成件事好似食咗一個創意料理、多過食咗威靈頓。加18蚊酥皮湯，然而個酥皮一樣好薄，明明已經加咗錢都咁孤寒，現成酥皮都要分開兩疊用、得正常一半咁厚。我哋當日冇紅湯、剩係得白湯，見識到佢嘅忌廉湯剩係得忌廉牛油同埋粟米，超市一包蜆肉都唔使$40，就可以煲一大煲、魚柳都係少幾十就一大包，但係咁樣都唔用，成個湯剩係得粟米，孤寒又有創意。成餐真係唔知食咗乜嘢咁。

睇到好多片分享平台網路紅人介紹呢間港式扒房都係見到好多好評於是慕名而去試吓去到門口要等位 前面都是內地人 不禁問一問 會唔會係社交媒體網站嘅關係？ 一入到去 環境暗淡 地下濕濕地 比較舊式印象已經唔好 叫咗兩個主菜 威靈頓牛柳及比目魚大蝦兩個餐湯 酥皮羅宋湯及周打海鮮湯兩杯餐飲 凍好立克及凍檸茶一個前菜 焗田螺 先上兩個湯 周打海鮮湯多料但味道普通6分/10 酥皮羅宋湯 唔可以用湯形容 只係可以用水去形容 酥皮羅宋水？！ 3分/10 前菜焗田螺 勝在好熱 但品質普通 你屋企有焗爐都做到 7分/10再上兩個主菜 首先係比煎目魚大蝦 賣相已經唔得 沙律唔敢食 好似好污糟 明明係煎比目魚 結果係炸比目魚 大蝦 普通質素 唔算大 好明顯係雪蝦 3分/10。再來威靈頓牛柳 賣相都似樣 以為話晒都係signature菜式 都係有沙律 唔敢食 跟意粉 意粉齋烚個 無味 冇誠意 去到牛柳方面 睇落去 以為應該唔會輸 點知食落口 啲牛肉好霉 非常失望 3分/10 最後係兩杯餐飲 一般茶餐廳會好味啲 最後埋單六百幾蚊 我覺得去大家樂大快活會比較好啲

香港經典牛扒餐廳就一定要試試這家啦，和朋友特地過來吃！6點鐘已經座無虛席了，果然是很受歡迎的店！氛圍很復古，座位不算很多但是很舒適，菜單可選擇的也很多，來到這裡肯定是吃牛扒啦～～😄芝士焗雜菌💰58牛油味和芝士味道的搭配真的好邪惡啊，但味道很好，停不下來！好吃😊招牌法式田螺（半打）💰68田螺很清甜，配上牛油的焗烤，也是很突出它的鮮！下面是有薯蓉，吸收了牛油和海鮮的味道，也是別有一番風味😋招牌英國威靈頓牛柳配羅宋湯💰238這個其實挺考驗廚師的呀，外面的麵包要夠酥軟，裡面的牛柳也不能太生或者太柴，我要的是五成熟，很滑嫩，和麵包一起吃👍美國安格斯肉眼配酥皮忌廉湯💰276肉眼扒就是要吃它的油脂味，七成熟我覺得就是剛剛好好了，切開紋理好好看～味道也不錯！酥皮忌廉湯也好好喝！這邊總的來說，還是很超出預期的！味道很好，而且份量也好多，很實惠！