牛奶冰室

營業中

休息中

【尋找香港地道早餐🍳 牛奶冰室杏花篇】早晨咁凍，諗住去搵啲地道嘢食暖暖胃🥰 今朝就特登去咗杏花邨嘅牛奶冰室歎返個懷舊港式早餐！即叫即整嘅雙拼湯麵，上枱嗰陣仲咕嚕咕嚕滾緊😋 湯底係用豬骨熬製，香甜可口完全冇罐頭味！麵底爽口夠彈牙，配上火腿片同埋粗長嘅腸仔，絕對係暖笠笠嘅早餐之選👍🏻跟餐都係老香港嘅經典配搭 - 半焗流心雙蛋配煙肉，加埋丹麥酥牙包！個蛋黃完全係流心狀態，配埋香脆嘅多士，成個早餐組合堪稱完美！😍整體嚟講，呢間冰室嘅出品質素相當有水準，價錢都幾親民，$44蚊食到靚靚早餐🤩 最緊要係份量十足，絕對值得推介畀大家！如果你都想搵返香港地道早餐嘅感覺，記住要嚟杏花邨呢間牛奶冰室試吓啦～

星期日得閑去食早餐，今次係第一次去呢間食早餐，叫咗兩個普普通通嘅早餐，點知十點五十三分叫咗個早餐，等到11：20分都未到，真係早餐變咗午餐. 佢哋真係好忙,下次都怕咗.

牛奶冰室-杏花新城對面有一間意樂，都知道係同一集團，但未食牛奶冰室，所以試吓。淨係份量都足夠，食到好飽。香煎牛扒早餐🍳                        💰47(+$6 配火腿絲濃湯通粉)香煎牛扒中規中矩，易切唔硬，配左蒜蓉汁。可以揀選項目: 炒蛋及餐肉正常水準，蛋仲有蛋汁，唔食炒蛋可以揀煎蛋，餐肉普通煎過吓。其他固定配菜：配粟米，丹麥酥包粟米切咗做3細份，乾身，落咗啲孜然粉幾好食。火腿絲濃湯通粉     套餐本來冇包通粉，想早餐豐富啲，加咗火腿絲濃湯通粉。個湯底好淡味，要自己落多少少鹽。牛奶冰室每個湯麵都有落菜心頭菜心葉，感覺同火腿絲通粉格格不入。見到隔籬枱食蕃茄湯底好似會好啲，唔建議加$6。（凍）新鮮冷壓檸檬茶  💰凍飲加$3好似呢個集團嘅凍檸茶全部變晒沖劑，其實味道還好，有啲似維他檸檬茶嘅味道。

昨晚order了一份肉醬意粉，上桌時已發現好乾，食落要吐出來，好好好硬，攪到成個口都係膠粒咁，超差。跟住叫個侍應换左一份焗飯，點知等左超過20分鐘，個番茄汁重要好酸，超難食，以後不会再去食。

用 QR code 點餐，常餐裡面的炒蛋可以改為 1. 糖心蛋 2. 熟蛋，我哋唔清楚糖心蛋係咪代表太陽蛋，剛好唯一一個男侍應係隔離執枱，我哋就問糖心蛋代表d咩？係咪太陽蛋？點知呢位男侍應話糖心蛋咪就係糖心蛋，糖心蛋即係糖心蛋 (連講2次)，之後又話你哋唔換咪得囉，我究竟聽咗d乜？跟住個男侍應走咗去問另一個女侍應，女侍應又話糖心蛋咪即係糖心蛋囉，點解問得咁好笑？之後另一位女侍應終於係正常回答，糖心蛋即係太陽蛋，真係唔該晒，終於有個係正常態度回覆，講真唔好成日問點解香港飲食業會步入寒冬，劉德華十幾年前都話今時今日咁嘅服務態度係唔夠，我都唔係要求要有咩服務啦，只係想問清楚去選擇想食嘅，點知得到嘅係咁嘅態度，講真我哋當然即刻離開，唔通仲比機會你哋加料咩，永遠唔會再幫襯

之前同朋友行過排隊的餐廳及見到炸雞肶下午茶餐抵食，今天終於有幸食到了。炸雞批配紅豆冰，炸雞肶有點燶，但食落外皮脆肉質嫩，加上黑糖紅豆冰，只係$29。另外叫了蔥油雞扒公仔麵就有點鹹，剛好凍奶茶少甜少冰多茶中和噃。自助落單可以選多（濃）茶味

個餐單完全同百分百一樣,雖然知道係同一間集團。但係味道真係超難食,價錢又貴少少。叫咗兩款飯,全部都係夾生,硬硬地...連焗飯入面都系凍,唔建議大家食尼間環境方面都非常惡劣,竟然叫客人坐喺紙皮箱附近

叫外賣 已事前落單，再係企係餐廳等足半小時都冇得攞，問職員完全唔理、互相推卸，最後仲要慢慢包裝，要逐個員工慢慢攞出黎。不知所謂既服務，食物已經差、仲要態度惡劣，想受氣就幫襯呢間啦

之前行街都經常見到牛奶冰室既身影，今日行街行到攰咁岩又有一間喺左近，即刻入去食個下午茶試一試先！見佢menu重點推介流心芝士菠蘿包，賣相就一流，而且我唔見其他地方食到，一般最多係冰火菠蘿油，所以即係叫左個試下！配埋黑糖紅豆冰解解渴～哇哇哇！睇相就知道佢唔係圖文不符，入面啲流心芝士熱辣辣，外面菠蘿包既甜味配上裡面芝士既鹹味令到成件事好豐富，真係好喜出望外嘅味道，要比十個讚！下次一定會再叫黎食

一家五口第一次來吃早餐，大女最早落單。點知我哋全部到齊佢都仲未到！追問下落，佢哋就話太多外賣等一下。每次追問都係話：就有就有！頂！我哋食晒，隔離枱換了人，都已經上野食！頂唔順行出去追，要大聲問：人哋個個都上晒，我個麵幾時先至有？佢都仲想推我話就有，我要勁惡先即叫廚房做！漏單就漏啦！追幾次都唔理，又冇乜禮貌！以後真係唔使錢都唔來！飲品又上錯！叫d麵內容又撈到亂晒！人又多，位又少，食物又一般。大家想食真係要考慮清楚！

去開杏花邨買嘢， 順便揾食。見到牛奶冰室唔使等位，咁就入去試吓.另一個人未到， 我自己入去先， 有個短髮阿姐問幾位，我話兩位， 眼見有一半空枱， 阿姐語氣好差咁叫我坐搭枱嗰張枱， 心諗有一半枱無人坐， 有啲四人枱都係得一個人坐， 點解我兩個人要搭枱， 於是我唔理佢， 去另一張枱坐， 跟著阿姐用個十分不友善眼神望住， 心諗又無客， 如果唔比坐我一定走。我哋今次叫左酸麻辣豚肉響玲米線- QR code 落單無得揀辣， 都幾辣，豆淋晒， 豚肉都ok, 米線較少.黑椒牛扒飯 - 味道正常， 無咩特別， 牛扒都算淋牛奶鳳梨 - 幾香菠蘿味， 唔算太甜牛奶涼粉冰 - 好甜, 應該要嗌少甜。總括黎講野食都算ok, 但係服務態度真係要認真改善。

今早叫咗2個早餐，一個餐肉通粉，一個魚柳餐，魚柳餐改流心蛋，點知嚟到是抄蛋，於是同服務員講，佢大聲夾惡話，魚柳餐無得改，我話手機落單話可以改，佢媽媽聲話無得改，我比手機佢看，佢話唔看，佢話無得改就無。。。哈哈，我問店員經理在嗎？店員話經理今日不返杏花邨店一間。。。這是一個什麼店舖呢？投訴無門。。。永不幫襯，一肚子氣。

牛奶冰室杏花店是我們家其中一間外賣的選擇，食材味道也不錯. 但想反影用外賣apps的經驗. 每次在apps落單時在”特別要求”的地方,無論你寫什麼也沒有一次做得到, 簡單如蒜多士改白包. 店方從未試過做到的. 還有, 包裝也需改善，因為我的外賣試過3，4次飲品的杯蓋也沒有蓋好，拿走外賣時察覺不到，但當拿回家途中飲品便漏出來, 把其它食物也沾了,袋底更是水浸一樣😔曾經試過2次即時打電話落店告訴店員希望下一次有改善，但今天也是一樣！接電話的姐姐有禮貌的還說可以落去換番一份，但我說已花時間從商場自取回家，不會再行返落去商場換了，我打電話是希望店知道有這問題,其實店的食品不錯的，真的希望店員正視一下apps 客人簡單的要求和包裝做好些, 尤其是杯蓋蓋好些🙏🏻🙏🏻

原本想食得清D，買個通粉餐，點知D湯超咸，牛肉件件有根有大量梳打粉味 ，食完要洗腎，厨師係咪中過新冠，冇左味覺，點解啲QC咁差，蒜蓉麵包又係咸到肓左都開眼，用咸味蓋過食物不新鮮，呢D方法實在差勁！！！請認真檢討，作出改善！不過我就唔會再幫襯😡

The stir-fried bitter melon with beef was tasty, although a bit oily. I don’t like that they don't accommodate requests for "less rice”, but the food was still okay, inexpensive too.