影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
做完運動，好肚餓，從體育館行返出來經過新都廣場見到呢間牛奶冰室，晚飯時間道道多人，見佢可以即入就佢啦。雖然打完波個身體仲熱熱地，但係今晚想食咖哩，點左佢個咖哩巨人雞扒飯。送到上來，他的咖哩汁是另外用碗裝起的，雞扒果然夠巨人size, 外皮煎到金黃色，切開時，雞扒香味撲鼻。咖哩汁有幾舊連皮焗薯仔粒，咖喱汁偏鹹，所以用嚟送飯啱啱好，咖哩份量也很準確，最後一口飯都可以撈到汁。呢個咖哩食完即刻火辣辣，要飲返杯西洋菜蜜中和下。等上菜途中有一個小插曲，剛好我在邊個位置係四人座位，有對夫婦斜角對坐，部長為佢落單時禮貌地問佢有幾多人，佢話得兩個，部長回他們繁忙時間，要坐埋一邊，因為出面好多人等緊，個男嘅就起身話唔食，唔好阻住人哋做生意。我作為一個旁觀者，我認為店長態度誠懇，表現專業，食客都有佢自己嘅選擇權利。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9
繼續閱讀
今次係第三次去食，上次新開張，所以走入去試吓，聽人講就聽得多呢間餐室話差，但我自己食嘢一定睇服務先，如果講到食物質素，差又唔算，但好好食又未至於，咁我覺得如果用茶餐廳嚟形容又唔可以太高要求，但一入到去D服務員好有禮貌，我食嘢一定係服務行先，佢哋嘅親切服務令人有一個好的印象👍——————-食咗三次，三點次都食咗唔同嘅嘢，咁我就將呢三次食嘅嘢講出自己的感覺⋯⋯😇一口豚肉蔥油飯：蔥油好惹味、豬扒都算OK😉厚切豬扒勁香蔥油飯：同上五香脆雞翼：香口夠熱好脆😇拍蒜豉汁蒸鯇魚：味道算OK，但個魚就諗咗D新鮮冷壓檸蜜茶：始終都係新鮮檸檬茶好啲😅———————-常餐：叉燒通粉配炒蛋及多士：叉燒唔似叉燒❌但通粉炒蛋OK巨人雞扒勁香蔥油飯：這個可以算合格😄黑糖牛乳紅豆冰：呢個紅豆冰唔錯😁香脆牛奶卷：合格埋單後憑單仲冇9拆買麵包見到呢個拉絲菠蘿包好吸引，所以又買嚟試吓真係好Creamy好好食，不過食完飯食又真係好飽🤣———————-今次係食晚餐二人餐，包兩餸+兩湯+兩飯，我哋再加多一個蒸鯇魚😊不過食唔哂要打包😁今次食晚餐蒸鯇魚，比上次蒸得好吃☺️二人餐，我哋揀咗咕嚕肉和霸王雞🥰咕嚕肉甜酸味道適中，大小一口吃好方便，霸王雞滑溜好味，整體上三次吃都不過不失😇——————食物不過不失，但每一個服務員都很好禮貌👍食肆令人回頭的感覺就是他們的親切服👍其實開心🥳簡單就在我身邊😇食….拍…寫.. 已經成為我生活中的一部份鍾意食..鍾意拍.. 鍾意寫..留下美好回憶——————
繼續閱讀
牛奶冰室係我食過最難食嘅餐廳碗粉一pat 嘢杰撻撻豬扒飯啲飯凍嘅 爛嘅一食就知預制飯仲要咁多人排隊 以為好好食 本身我係垃圾口嚟 乜都ok 點知又要唔平 又唔好食 真係食唔落臨走見憑單有9折買麵包 仲有小插曲無俾9折本身諗算 但對方態度問題都係決定搵經理解決咗不過真係一次過喇但服務態度總算係好嘅 好幾個都好好禮貌
繼續閱讀
只有半小時吃午飯，就要去開會，能夠不用等位、快上菜的餐廳，就想到牛奶冰室。五香肉丁湯麵，轉米粉，份量少些，不會太熱，可以快吃。五香肉丁真的很久沒吃了，少少辣又有五香粉的濃香，真醒神！米粉爽口入味，好開胃。喜歡湯粉麵裏會配搭一點蔬菜，平時去茶餐廳比較少有。滑蛋酥包，把炒滑蛋轉成熟蛋，是煎雙蛋呢！煎得很漂亮，還加了一點香蔥豉油。酥包最特別，真的是牛油酥皮的麵包造成方形，最初以為是普通方包焗成多士，拿上手，脆脆的，咬下鬆軟牛油香，才知道平凡中的美味。猴頭菇響螺燉雞湯，湯清不油膩，還有很多猴頭菇、響螺、雞肉、瘦肉，全都可以吃，雖然吃過米粉份量不多，但喝湯把湯渣都吃完就非常飽肚，滋補養顏，為冬日增添溫暖，喝完工作更醒神。
繼續閱讀
星期日都要OT ，實在累透了，總算完成手頭上工作，竟然過了午飯時間，和同事一起速速醫肚。 來到我們近來的主場：牛奶冰室。點選了燉湯，芥菜咸蛋肉片湯飯。在寒冷天氣時，喝一口燉湯，暖笠笠的感覺很舒服，皆因用料足，有喉頭菇響螺雞肉，連湯渣都吃光。 芥菜咸蛋肉片湯，完全有媽媽的味道，肉片浸湯後更鮮甜，芥菜有抗氧化作用，清甜爽脆，滿滿的把整碗湯飯吃完。 同事叫了厚切午餐肉半焗流心蛋葱油飯，還有免費提升為三蛋，午餐肉厚切的程度令人驚喜，像吃掉一罐小午餐肉的份量，而厚切還可以把餐肉的每一面都煎得香脆，正！流心蛋加葱油伴飯，再加特製的甜豉油，增進食慾，整個飯的配搭很完美。 飲品點了西洋菜蜜，手機落單有濃一點的選項，同事則點了賣相和味道一流的雪糕紅豆牛奶，冬日飲冰的東西，工作累透也回過神來呢！
繼續閱讀