牛一 (生發大廈)

7月14，在太子涼茶鋪金魚街附近搵癲拿，見到牛一，加上職員落力sell＜放題有88折＞，計落等於免加一，所以我倆在此晚餐。面積不算大，自助系列常見的的菜呀～肉呀～粉麵～丸呀～甜品雪糕茶啡汽水都有，連咖哩牛肉飯清酒都有。還有喜歡溏心蛋，紫蕃薯，韮菜花，羽衣甘藍。選擇最便宜的198放題包五款肉，自己剔除雞肉，其他都有Order。 取來大量青菜放在鍋裡，再鋪上Choice牛肉，豬梅花，綠色撞紅色，靚！用蝦眼水慢慢煮，慢慢地等肉肉變熟。以肉肉卷著韮菜花一起享用，保證不肥膩。韮菜花，See you tomorrow！最後要食雪糕和豆腐花作句號。原來八點半後入座，仲抵！78折！最喜歡這個隔油撈撈，撇除油脂更健康。…查看更多

天氣突然間轉涼，呢啲天氣就最啱打邊爐，今日同朋友過嚟食澳洲M6-7和牛放題，每位$328，就可以任食多款高質肉類🥩，食肉獸朋友真係好誇張，encore咗非常之多澳洲和牛！全部冇漏單，亦都冇出現第二轉肉類質素變差嘅狀況，夠晒均真！除咗牛肉之外，都仲有好多其他嘢食，例如係各款日式前菜🐙、和牛咖喱飯🍛等，火鍋配料嘅選擇都好多，目測起碼超過50款，多款丸類🍢都係高質嘢！飲品方面，冷熱飲齊全，有無糖茶🍵、各款罐裝紙包飲品🧃、百香果手搖🍹等，總有幾款啱大家！最後當然要食吓佢哋嘅經典甜品，原味乳酪雪糕🍦！一路都覺得呢一個甜品係佢哋其中一個signature，乳酪雪糕不嬲都好貴，但係喺呢度就可以任食，仲有好多唔同配料可以選擇，超正！…查看更多

尋晚星期五夜收工，試吓一個人上嚟呢間打邊爐。大約8點鐘去到門口，即刻有員工招呼，聽到係一個人呆咗兩秒，但都照俾我入。唔駛等即刻有位坐，叫咗個最經濟嘅$198餐。然後出去自助區，哇，有一大兜芫荽、一大兜翡翠苗可以任夾！夾清咗個兜之後，餐廳轉頭又refill返滿，同埋芫荽係洗得乾淨，食落完全無沙，翡翠苗都好翠綠。佢另外仲有好多種蔬菜，我upload咗相片喺食物嗰版。湯底揀咗姬松茸雞湯，佢係清雞湯，無雞肉無雞油，但有10幾隻姬松茸菇，係我本身鐘意食。雪櫃入面有一個個小碟裝住嘅黑松露溏心蛋，呢個又係好食。佢仲有雪糕機，有3.5牛奶雪糕同埋乳酪雪糕任唧，又有啲唔同味嘅爆珠、椰果可以加落去。嘢飲又係乜都有，包括熱清酒任斟，另外仲有提子沙冰機、台灣茶飲機、汽水機、咖啡機、滾水機、冰櫃、罐裝紙包飲品雪櫃。我攞咗提子沙冰、梳打水同埋熱清酒，溝埋一齊自製cocktail特飲，提子沙冰唔係藥水味，超正。至於任食嘅肉就係百幾蚊任食嘅貨色，有牛、豬同雞揀，因為食肉唔係我個人嘅重點，所以我無乜特別comment，但佢一嚟就嚟咗一大座肉山，已經超大份，我之後都無再另外再加，因為已經飽咗。100分鐘都夠時間，最主要係佢啲嘢即刻嚟到，refill又係轉頭就refull返，唔駛等，食一個鐘就飽咗，留返40分鐘嚟食雪糕同埋溝酒飲。一個人星期五晚，download app做免費會員價，埋單$178+$20，唔駛加一，開心飽足地離開！…查看更多

今日帶咗小朋友去金魚街睇金魚行到肚餓諗住求其食間嘢點知突然有人派咗張$100現金券俾我咁着數梗係即刻上樓試吓啦壽喜燒湯底壽喜燒湯底看似容易實質比例好困難呢一間壽喜燒湯底比例好好唔會太鹹亦唔會太甜加上新鮮嘅食材完全吸收晒湯底嘅香味海鮮拼盤每位一份嘅海鮮拼盤本來以為任食火鍋嘅海鮮應該好流點知佢隻蝦好爽脆生蠔厚肉鮮甜帶子唔會黐牙啲蜆亦都處理得好好冇沙的環境好舒適拎食物嘅時候地方都好闊落而且熟食都有好多選擇火鍋食材選擇亦都好多而且服務員好貼心咁安排位置俾我哋坐卡位好闊落大人同小朋友都食得開心…查看更多

🍚 今日嚟到太子搵午餐，朋友推介試吓「牛一 nabe one」嘅下午丼。Lunch Set 選擇唔少，我揀咗招牌推介「葱蒜塩汁燒牛舌丼」，另外朋友就揀咗「日式和牛咖喱丼」。丼飯本身配有半熟蛋、花椰菜，仲有細細碟泡菜或海帶芽。牛舌丼方面，牛舌夠厚身，燒過後焦香四溢，葱蒜調味亦夠惹味，唔會蓋過牛舌本身風味。咖喱丼偏日式風味，唔係港式辣嗆口果隻，偏甜帶洋蔥味，和牛份量算唔少。🍛 配菜同樣係西蘭花＋溏心蛋，整體味道唔錯。另加$18可以任飲60分鐘，選咗手搖茶，味道出奇地清新解膩，自助區選擇算多，睇得出有心思。✅性價比方面：以太子區、48蚊起嘅丼飯仲包配料+飲品，其實CP值唔差。適合快速簡餐，會回訪。…查看更多