爹哋雞蛋仔

營業中

休息中

間唔中行過都會比佢香味吸引到今次見出左開心果系列就試下啦 個底係原味雞蛋仔加左朱古力同開心果碎開心果碎都落好多，食落甜甜咸咸咁即做，外脆內軟，好食下次再試下其他口味先

今日經過gateway，發呢間舖頭幾多野選擇，咁啱都幾肚餓就去幫襯啦。今次買咗開心果格仔餅、開心果麻糬雞蛋仔、港式奶茶同埋沖繩黑糖珍珠奶茶。佢哋有個好大嘅玻璃窗，可以清楚睇到雞蛋仔同格仔餅嘅製作過程。嘢食即整，大約等咗15分鐘就有得食啦。開心果雞蛋仔，每一粒都有麻糬同開心果粒，食落去都幾脆身但係開心果味就唔係好夠， $38唔算好抵，反而開心果格仔餅就唔同啦，好濃嘅開心果醬同開心果碎做餡，而且一啲都唔甜，真係好抵食！嘢飲就普普通通，港式奶茶並唔係平時飲嘅味道，而係近似台式奶茶嘅味道，鍾意飲港式奶茶嘅就會失望啦。沖繩黑糖珍珠奶茶普普通通，黑糖味唔夠濃，不過珍珠都尚算煙靭，但係呢個價錢就有少少貴。如果幫襯嘅話會推介雞蛋仔同埋格仔餅，嘢飲就唔使特別試。

以前啱啱開舖嘅時候，候都已經成日幫襯而家都會一星期食一次當初啱啱開嘅時候真係好好食外面脆 入面係半個實心而家就間唔時先至會撞到一次有時都未攤凍，就已經俾咗我一陣間個外皮已經腍晒以前覺得$20底都可以接受因為真係好好食而家就覺得唔係太值另外杯檸檬茶要微糖，我覺得先至好飲

今日晏就放工番到坑口想搵啲野食，經過街市旁邊聞到好香雞蛋仔味，所以特登想叫黎試下，另外見有啲口渴就買埋杯凍珍珠奶茶🧋雞蛋仔即叫即製，新鮮熱辣食落好香蛋味都脆脆地，不過轉過頭冇咁熱果陣就開始有啲變腍…珍珠奶茶夠冰凍，但個人認為珍珠過硬同埋好淡味，奶茶味道都偏淡，如果珍珠可以再腍啲就好🥲