爵士拉麵

營業中

休息中

好好彩呀!!! 下午1:30去到仲未關門 原來而家收2:00pm咁o岩仲唔洗等位tim!!! 見openrice 呢到好似冇人試過中華冷麵, 今次我就試下啦! 中華冷麵係屬於中size 既~ $55 個麵面頭有青瓜絲, 火腿絲同蛋絲d 冷麵汁超好味呀!!!! 酸酸甜甜又唔會太酸~ 我試過食味千拉麵的會酸到有d 嗱嗱地~~ 呢到就冇喇!! very good!!! 一定一定會再去食呀!!!!!!!!!!!!!

想食好多年, 終於去到~入到好空氣有d up味, 我no comment, 男朋友就話係曱甴屎味要一個雜錦拉面一個爵士拉面, 兩個既面都好好味, 個質地係以前味食過既, 一條粗幼不一, 好似handmade面咁餃子一般, 面上既餸都係一般出事在於一路食一路有曱甴走上我地張枱, 仲差d走左上碗枱已經係咁, 眼見唔到個d都唔知有幾嚴重! 老闆/老闆娘仲一d歉意都冇日本食店, 衛生咁?!佢又冇得外賣, 我地又一定唔會再堂食, 可惜冇叫到薯餅啦, 冇下次

同honey送野返上水媽咪屋企， 順道揸車落聯和墟搵好野食記起有間食拉麵，幾年前幇親過，好好味. 好彩當晚人唔多唔駛等便有位。我地叫左兩個爵士拉麵, 一個炸豆腐炸豆腐好滑, 入口即溶, 豆腐汁好好味因為唔多無义燒其中一碗麵老闆用炸雞取伐，個炸雞外脆內軟拉麵湯底可以揀,，湯底好濃， 連我隻肥佬都話好好味我地係當晚最後客人，當晚有另一對客人在吃餃子, 佢地埋怨只有日式餃子汁而無紅醋，真係有啲唔尊重老闆!食餃子點醋去味千或上海店啦! 爵士拉麵唔單只出名好食, 老闆係日本人, 成間食店好有日本文化! 食物好有質素

如果難食有十級，呢間o野一定有十二級。枉我帶一班朋友由香港特登揸車去食佢 （之前去o左三次都冇開門）。唔係一定日本人煮嘅拉麵就好食，老實講，我未食過一碗拉麵難食得過佢。個日本廚有D懶大派，多多規矩但係有唔係好食。我難得去到當然食佢建議最好食嘅爵士拉麵啦，係唔比再反單嘅情況地下，我加哂佢建議好食嘅材料。但係有D瀨o野嘅感覺，成＄80幾蚊都唔知有咩好食。一個字 "差"!!! 唔即得去，有人請都唔好貪小便宜!!!

雖然愛美食, 但痛恨要排隊等食.爵士拉麵是少數要排隊都要死死地氣等的食店.香港食日式拉麵最有名好食的應該是 涵館,札幌, 橫綱吧但比起來我還是比較喜歡爵士拉麵, 我覺得味道同風味都更佳.爵士拉麵無裝潢, 店面唔靚, 但好親切. 好地道日本拉麵小店感覺.煮麵得2個細煲,由老闆親自處理, 其他小食炸物有助手幫忙, 老闆只專心煮麵.呢個亦都係點解爵士拉麵只接受一次order, 就係因為老闆怕控制唔倒質素.麵食:食左無數次, 我每次都係點 叉燒拉麵+麵豉湯底+另加150cc湯佢的叉燒實在太好食, 入口鬆化, 有肉既甜味麵豉湯底加上少許胡椒香辣同埋日本大蔥既香氣, 我每一次都一定要飲曬湯.麵條很彈牙, 煮得岩岩好小食:反而除了炸豆腐同炸咖哩薯餅之外, 其他小食都只係一般水準.比較有名既芝士餃子 我覺得只係一般, 普通急凍貨式關東煮, 一向對呢味野無乜感覺, 就覺得係日本版豬皮羅白服務:老闆的老婆非常的煩, 不停講野. 你落完單唔好理佢就無野.就算我去左咁多次, 佢每次都要係我面前由頭講個menu講到落尾鐘意日本拉麵的朋友如果無試過爵士拉麵, 建議真係去試一下.

當日聯和壚有活動，朋友話呢間日本拉麵好出名，順路品嘗此處的拉麵。最喜歡的是師傅先浸熱湯麵的碗，上桌時，湯麵份外燙熱美味，讚。

朋友住在粉嶺多年，但一直未試過這間爵士拉麵，不是碰到休息日，就是太晚關門了。這次剛好在關門前趕到，小試兩個拉麵，覺得蠻不錯的，有日本的感覺。雜錦拉麵（小）$34 - 本來是有雞蛋的，但是賣完了，我選擇以蟹柳代替。餸方面還有粟米、叉燒、海帶、紫菜，非常豐富，抵食！東京醬油湯底，比較清，幾好味。叉燒拉麵（小）$46 - 應該是因為最後一晚，叉燒特別多。叉燒好好味，很香。湯底是札幌味噌湯底，有一點點辣，幾惹味。店子小小，座位不多，店內連廚師只有兩人。裝修十分有舊式日本感覺。牆上有張地圖，還點出了廚師老闆的鄉下~

今日同男朋友去完深圳書城, 羅湖過完關就黎呢到食晚餐! 到達時間大約7:45 左右, 等了10分鐘就有位啦~ 我地第一次黎咋 好緊張~ 入到去, 咁o岩要同人地一齊坐, d位係迫左少少既~ 不過冇所謂啦!!~ 同男朋友就叫了 札幌味噌湯底的雜錦拉麵(小), 辛味噌湯底的雜錦拉麵(中, 小辛)及煎餃子!呢到好得意~ 落完單就要即刻俾錢, 仲只可以落一次order 架咋! 所以要諗清楚想叫d 咩喇~ 錯過左就要等下一次了.. 等左5分鐘左右, 麵就送上來啦~好香~ 我o個個係札幌味噌湯底的雜錦拉麵(小) 飲第一啖湯.... 好好好味呀!!! 少少辣, 麻油, 仲飲到紫菜味~ 好正! d麵質都唔差! 都幾似我去北海道食o個d~ 男朋友o個個係辛味噌湯底的雜錦拉麵(中)同札幌味噌湯底差不多~ 但就辛d ! 一樣好味 真係食唔停口! 食到最尾.. 我仲飲哂成碗湯tim呀!!! 真係好耐冇試過喇!!! 一碗可以拎我飲哂既拉麵湯底~ 小size 的份量以女仔黎講係剛剛好~ 我諗男仔就要叫中size 啦~ 煎餃子, 好一般~ 個餡咸左少少! 下次再試下其他小食先! 到而家返到家寫食評, 都仲

一間格局似日本家庭式小店的區內名店，並且出名“串”仍是區內人所共知，因為一天的營業時間只得四小時，休息日更難以觸摸，區外人欲山長水遠來北區一試這名店也隨時吃閉門羹，這先給人唔憂做的壞印象。小店經營，師父即老闆一個人要做到有效率，規矩是小不了，不設第二次落單和預先付款，食客都覺得很麻煩。只不過老闆娘不懂得圓滑地跟客人解釋和執行這些規矩，加上食客對日本人開的食店抱有殷勤服務的期望，很多人光顧後對服務不給1分已算是非常俾面。店內是吧枱及二三人枱的混合格局，地方細細擠迫的感覺在所難免。熱還是一個問題，開放式廚房和吧枱射燈也是熱原，這可能是日式拉麵店的通病吧，在日本寒冷的冬天可能會坐得很舒服，在炎熱的香港真是趕客，去過其他的拉麵店也有同樣的問題，有些吃完後還一身油煙味，現在新開的拉麵店都會注意這個問題，再來這裡還留待冬天會比較舒服。已有一段時間沒有來過，這次和太太返完教會便來聯和墟吃午餐(其實每次都是到聯和墟)，十二點幾店內仍未滿座，浦入座店員已經問要點些什麼，因為平時多是要在門口點好才可入座的，所以見怪不怪。再望望原來老闆娘今天不在，請了兩個阿姐一個幫廚房一個幫樓面，還好今天聽不到那些趕客的說

見到有個blog介紹~!好吸引呀!咪走左去試下,不過去之前要打左電話去先!因為聽講佢一日只開4個鐘到,同只開5日,驚白行打個tel去先~ha!本身驚要排隊!不過又唔洗呀!ha!個廚師係日本人(小川)~!同要一次過落單呀~!叫左爵士拉麵and芝士餃子,想叫其他野食又驚太飽了!爵士拉麵~!$74~!幾大碗~!幾多料!有肥牛,叉燒,蛋,蟹柳...好多餸呀!個人feel肥牛好好味,其他普通啦,麵都唔錯,個湯係最好味~!正呀!:芝士餃子~!好似係$33~!明顯入面有芝士~!唔錯呀!不過芝士多d會更好味!綜合feel ok 啦!直得試下既餐廳呀!ha~!

呢間野係粉嶺一向幾出名,新開張時去過一次,當時服務都叫做還可以,多年後再黎,估唔到d服務差到咁樣樣...爵士拉面 - ok,老公話幾好味肥牛拉面 - ok,但略嫌油左d同埋d肥牛好鬆散炸豆腐 - 第一次都有食,好味,d汁係靈魂但幾好食都冇用...比個老闆娘一舖清袋..未入座就叫你睇定食咩,叫左唔准改,冇得加野食,入到去坐低,彭一聲放低兩杯茶,跟住d面到左,老公見隔離台有碟小食好似個樣幾得,想問下可唔可以落order,個老闆娘好似想殺人咁.."話左唔加單架啦"....喂~~問下姐..唔得咪算囉,唔駛咁下話~~跟住一食完,即刻收晒你d野,抹檯明迫你走....講真,個到迫到死,轉個身既位都冇,唔駛你叫我都會走,但咁樣趕客法真係好冇禮貌囉...又話咩日本人好有禮貌,但係佢地身上一d都睇唔到...唔駛旨意再有下一次既光顧...貼錢買難受...

一點幾經過聯和墟，朋友話未見過呢間唔洗排隊，即刻入去食個lunch聽完朋友咁講，加上見到店內掛住月歷，見佢地成日都休息心唸: 生意咁好?! 好期待=]叫左中碗什錦拉面，東京醬油味湯底什錦拉面 = 醬油蛋 + 昆布 + 栗米 + 叉燒 + 紫菜 + 蟹柳真係唔錯，拉面又滑又彈牙湯底，味精點都有d，不過有份鮮味，食完唔會口乾 (幫襯過好多拉面店食完都會好口渴><)不過醬油蛋完全冇味，我叫什錦拉面都係因為中意食醬油蛋/.\叉燒一般，唔夠入味環境真係好唔掂，又迫又熱，食到好辛苦！仲有，d痴住係牆度既紙變黃哂，張MENU又爛爛地咁，仲要裝水d杯用到變黃都唔換，好核突呀-_-咁小既事都做唔到/唔去做...真係夠哂串，朋友話佢地根本都唔休做喎...又真係既但係唔進步遲早比人洶汰囉，幾好食都假。

今日下午到了聯和墟「搵食」，見到一間拉麵店名為「爵士拉麵」，受到這優雅的吸引而進去一試。坐下一看餐牌，心中一寒。一個大碗叉燒拉麵為$50，這基本是尖沙咀日本拉麵專門店的價錢。本想離開之時，想到在聯和墟可收得這價錢，想信質素一定有保證，於是便點了大碗叉燒拉麵。在細細的餐廳內，看到師傳親手烹調拉麵，真是有點在日本的感覺。不消一會，一碗熱烘烘的拉麵便在筆者眼前出現。說實話，這碗拉麵真是很有水準，拉麵彈牙，叉燒足料，湯底味濃，正合筆者心意。這樣的價錢，這樣的質素，如果是晚餐算是合理。午飯的話，間中豪一次也可勉強接受。

1. 服務態度並非一些人所講的惡劣，因我們親身實地視察，發現其服務態度由我們排隊理用餐完畢都是十分殷勤有禮。2. 整個用餐程序極具效率，客人不用久等可有東西吃，這點是值得表揚。基於店舖面積不大，老細以邊排隊邊落單方式，實為大家節省不少時間。3. 食物新鮮程度極高 (特別是一些炸物如炸蝦，熱度充足)，份量恰當。叉燒拉麵，份量充足，有6塊自家製而有質數的叉燒，加上拉麵本身極具彈性，湯底更是用心製作，整體配合不錯，有日本風味。4. 餐廳環境雖然地方不大，但總算理想，沒有擠迫感覺。開放式廚房，可見師傅製作拉麵過程及其他員工處理炸物過程，充份體現其分工合作、有組織的營運。5. 餐廳營業時間不長，這點對我們食客來說相信是一個缺點，希望師傅可以想想可否延長假日的營業時間，以方便其他食客前往光顧。

話說小弟北海道回流, 對食日本野特別高要求, 特別係自稱日本正宗, 而且仲係日本人整既, 要求更高。唔講服務, 因為完全唔係一間日本人所開既鋪頭能交出的服務, 可以話連澳門式服務都不如。唯一一個好處就係老闆娘對白係set好晒, 完全日本feel。食方面, 老細係北海道人, 我又係北海道人, 當然食北海道既味噌拉麵。唔係唔好食, 而係普普通通, 湯底唔係好得, 麵質亦都普通, 但要賣到咁既價錢..........貴左D咁囉, 我食完之後, 同女友講, 味道係OK既, 但再食既意欲唔算好大, 一來有其他選擇, 二來俾咁既錢, 我食老千拉麵算.........