燦記茶室

營業中

休息中

放假日 去馬灣探朋友呢個朋友搬去馬灣好多年太耐無見聚下 順便附近逛下小島的風景 真的大開眼界平時只識去挪亞方舟同海灘原來仲有一堆小村屋就似一個小市區 很方便買肉買菜 或不同餐廳都有朋友就帶我去食泰國菜晚餐 看到招牌 也想不到是泰國菜在幾間冰室旁 有一間彩色掛燈以卡位為主 小店形式經營餐牌選擇很多很多 而且套餐好抵看到不少街坊 堂食或外賣都熱鬧而我和朋友 叫了二人餐 3餸1湯原來豐富到 差點食唔晒 🤗 //泰抵食 二人套餐$338//任選三款泰式小菜 配 冬陰功湯/椰子雞湯 及白飯兩碗，另加飲品半價及啤酒$18/支 椰子雞湯熱辣辣用熱爐送上，椰子味濃郁，有微甜和泰式香料味道，而且桿材料豐富，除了很多雞肉，還有多菇類配料，溫暖又滋味。 #1.燒豬頸肉豬頸肉燒至燶邊，肥瘦均勻，肉質嫩滑，愈食愈滋味，吃多幾塊都不覺膩。 #2.生菜包肉碎很惹味，用了很多泰式香料炒得好香，味道少少辣而香口，就算不吃辣的朋友都食到，而且份量很足，仲可以送飯 #3.青咖哩雞 (+$35 油酥餅）青咖哩色澤吸引，配料有紅椒，菇菌，豆角等等去調出鮮味，味道甜甜的而帶少少辣味，鮮甜而香口，雞肉亦非常嫰滑不韌。另外我哋叫油酥

馬灣泰菜🇹🇭最近馬灣有好多打卡位，好快又有貓畫打卡。今次就去左馬灣村屋的泰菜試試～🇹🇭二人套餐（$338）🌟揀三款菜式加一款湯🥣冬陰公湯🍤托文蝦餅🐓海南雞🌱咸肉炒芥蘭🥣冬陰公湯香料味比一般重，而且非常多料，蝦係已經拆咗殼，啱晒我呢啲懶人～🍤托文蝦餅十分之香脆，喺無炸粉，而且個蝦味好香，超推介！🐓海南雞係我經常叫的泰菜，雞肉味道都唔錯，個汁酸酸甜甜幾好味。🌱咸肉炒芥蘭的咸肉幾好，是用了腩肉的部分，不會太咸，又不會像臘肉那麼柴！🥭芒果糯米飯（$58）係藍色糯米飯😮！其實味道都係一樣😆又有滿滿的椰汁好正！芒果幾清甜～不錯的配搭！🧉三色冰&椰青

串燒燒到好似肉干咁，咬落又硬又無味。春卷淋哂，完全無脆口感。冬蔭公湯面，食落好重味，食完之後覺得好口渴，飲左好多水同嘢飲解到。蝦餅都係唔脆同淋哂，食落一pat野咁，無蝦味。

落單要45分鐘 打去問就話可以30分鐘拎得外賣去到得兩個飯包好兩杯野飲同一個小食離奇失蹤當面問有個40幾50歲女人相信係老闆娘既人口罩都戴唔好 態度勁差反問你叫左乜野啊？！咩仲有個小食同野飲啊？你俾部手機我！再將部手機放係收銀機上面近視咁望 對左幾分鐘單向住廚房果位 喂 漏左啊廚房又同呢個女人內訌等多左十分鐘仲係錯！ 明明係外賣廚房做左堂食放翻入外賣盒又要等多五分鐘仲要睥翻我 好多單咁講打開外賣明明落左單走辣點知冇走到辣你多單做唔切咪關門大吉囉！做個外賣仲要唔止45分鐘你睇你咩態度啊

秋風起又係時候打邊邊！入到珀麗灣唔驚冇嘢食，行多兩步食返個正宗泰國野👆🏻泰火鍋 😻呢度嘅椰子雞火鍋打邊爐，出邊冇得食㗎！濃濃嘅椰子味，建議打邊爐前可以先飲個湯👆🏻沙嗲雞串燒😼雞肉燒得香滑，點埋個汁好惹味👆🏻手打托文蝦餅😻呢個蝦餅同出邊有啲唔同，蝦肉特別滑👆🏻海南雞😼好滑好滑，而且仲好有雞味👆🏻泰式滷豬髀😻呢個滷得非常入味，而且豬手仲好冧，牙齒唔太好既老人家食突冇用怕👆🏻椰子雞湯😻我地有人唔打邊爐，就咁叫個椰子雞湯都好正！👆🏻 班蘭糕 & 芒果糯米飯😻最後一定要食埋甜品啊，呢度甜品比出面整得更加出色，班蘭糕煙煙韌韌，而且班蘭味濃，唔會有假甜，另外個芒果超甜！

第一次入馬灣去東灣泳灘游水，就邊感覺寧靜好悠閒舒服，食市唔多，除了泳灘那幾間餐廳，向村屋方向一路行見到有間泰國嘢，門面好細唔多起眼⋯就邊又無乜食肆，就試吓呢間獨市泰菜，竟然有驚喜，係近年香港少有的好食泰國菜，菜式正宗味道一流，廚房全部泰國人，店面好細只有三四張枱，但環境算乾淨同埋裝修好泰國feel，最緊要食材食得出係新鮮，我都算係十級咀叼，好少讚好食⋯佢係近年少有覺得好食又會想再回頭嘅食店，只可惜地點真的太遠但我一定會再嚟過

母親節馬灣之旅，晚上下起大雨，食完一間不太夠飽，路經燦記茶室，決定直接買D嘢返去酒店食第二餐。睇下meun都幾多嘢食。泰拼盤 2人份$138二個字-豐富!有春卷、蝦餅、泰式鳳爪、雞翼、雞串燒、除了串燒外都好味。難得係扲返去d嘢都無淋到。泰式鳳爪有小小辣，但好好味。泰式生菜包 $78不錯，如果生菜可以再多一D就好了!肉碎好惹味，份量也足，搞到d生菜唔夠包菠蘿炒飯$88有肉鬆就讚！整體炒得夠干身，內面還有腰果、三色豆、菠蘿、蝦等配菜。蝦醬炒飯$88臘腸和蛋加分，飯整體夠味。值得一試！沙嗲雞串燒$68這間店唯一不推，雞肉太干身，而且只有一種肉可選。有沙嗲醬都救唔返d雞肉串燒。

Happy to see more new restaurants in the island. Always great to walk around in “my island” in my day offHad tried the Hainanese Chicken Rice. Nothing special and definitely not the best I had. But heard their boat noodles are quite good so I tried the boat noodles with beef this time. The soup is quite rich. Love they have the deep fried pig skin as garnish. Very generous amount with lot of beef and meat balls. A pretty decant bowl of boat noodles. I do wish they had some other choices of noodl

當班餓鬼朋友唔會相機食先，唔好話擺位攞角度，我連影張相都要爭分奪秒，結果啲相炒晒（殘念）…不過呢餐都幾難得，我真係好少會入到馬灣食好西，食物質素唔錯既，所以照推下。雖則個名話係茶室，但根本係間泰國餐廳，而且#餐廳太子女仲係鏡粉！托文蝦餅 $88 熱氣邪惡之選！厚身，結實，彈牙，好食。泰式無骨鳳爪 $68鳳爪入味爽口，少少辣幾開胃。炒芥蘭 $68份量幾多，芥蘭夠嫩，唔會覺得油浸。炒咖喱軟殼蟹 配烤餅 $168軟殼蟹應該係兩隻斬件成八件，少少脆口。咖喱汁好似湯咁大碗，入面仲有好多料，不過味道唔算太 濃。雞南雞 半隻$128賣相唔錯，雞肉算嫩，無咩特別。泰式蝦炒金邊粉 $88竟然呢個辣味係最出，可能係因為辣椒碎撈得匀，朋友覺得太辣唔太鍾意，但啱晒我口味！菠蘿炒飯 $88泰式炒飯 $88兩個炒飯都滿滿一盒，賣相配料唔同，菠蘿炒飯甜少少，泰式炒飯有肉粒菜粒，口感同味道豐富啲。.椰汁西米糕 老闆娘送既！一盒六件甜點，面層椰汁糕，底層有西米，粟米同芋頭粒，唔會好甜，口感豐富。.今次山長水遠入馬灣探朋友，響佢屋企望住個靚海景，食住泰國菜，好似去左個小旅行咁，心情特別愉快。

一入到去搵個位坐底見有樓面就落單要海南雞飯距話要油飯要加5蚊OK無問題（奇怪啦係香港食咁耐海南雞飯都未試過油飯要另加錢）+凍檬茶少冰，問可唔可以轉脾樓面問收銀話加10蚊我話得無問題！無耐碟野就嚟跟1碟仔醬汁用筷子尖先試個醬汁死辣無其他味再試舊雞皮唔爽肉都唔滑飯乾身唔油但無乜味道亦無油飯應有既香味埋單88蚊比錢拎單行出門口再望下張單重複左加我10蚊就入去同收銀講比張單距睇距退返10蚊比我，中地雷呢間一定無下次68蚊早知去返華記食即炒小菜/炒粉好過果邊仲可以免費升級大杯凍茶

因為有親戚住馬灣，所以成日都會入去比較馬灣唔同嘅餐廳，呢一間真係有驚喜，質素遠遠好過坊間出面好多泰國菜，食泰國菜一定會試佢個金邊粉，佢金邊粉酸辣到剛剛好，而且好有鑊氣，佢啲海南雞都好入味，值得推薦！更加唔好忘記佢啲小食拼盤，炸得都好香脆

一般親子出遊黎到馬灣通常都係去馬灣公園，但今次小編CK就專程帶家人黎到馬灣一間街坊人人知曉既泰菜餐廳 - 燦記茶室，品嘗正宗泰菜啦 !行到馬灣大街唔洗好耐，經過便利店，行多2 至3 步就會見到一對泰國白象係呢間鋪頭外，就會燦記茶室大大個招牌。餐廳有大約8枱坐位，地方都算大。餐廳職員好有禮貌咁安排左一個接近收銀位置我餐枱比我地！ 老闆即刻沖出黎自我介紹仲推介左幾款菜式比我地。原來呢間茶室，係老闆夫婦既心血結晶品黎架 ! 而且老闆自己本身係泰國人，對黎食泰國菜既我係會對食物更有信心既！我同家人商量之後，食物方面 叫左一個 泰式炒金邊粉、一個泰式拼盤、一個泰式菠羅炒飯。 （泰式炒金邊粉）唔好以為呢個只係好經常係香港食到既泰國菜，你咁唸就一定大錯特錯啦！佢地用既鮮蝦大大隻，味道唔會太甜，又唔會太酸，係岩岩好，濕濕地咁食真係特別又好好味！（泰式拼盤）係一個有四款炸物同無骨泰式鳳爪既泰式拼盤。雖然你睇落可能好似好普通咁，賣得又好似好貴，雖然只係得雞串燒、炸蝦餅、燒豬頸肉同炸雞翼！但聽老闆介紹，有三款醬汁去配合呢個泰式拼盤架！ 分別係有1.（豬頸肉汁）緊係用黎食豬頸肉啦XD 2. （沙嗲醬） 係用黎

菠蘿炒飯勁多鮮蝦，蝦又大隻，炒飯粒粒分明，火喉十足；泰式拼盤有炸春卷，炸蝦球，燒雞翼，豬肉串，香辣鳳爪，各具特色，最後要提的是，泰式拼盤(107)原先不是我想要的，我想要的其實是三色冰(1007),由於落單時我只講1007，可能侍應聽錯了107，最後上枱的是107，這個情況老闆應該要注意一下，為何不重覆一次客人要的食品名稱，或是改一下食品的編號，以免混亂。整體食物水準尚可。

陪小朋友係馬灣參與3日2夜既宿營活動，接近晚上安排好小朋友的活動後在馬灣舊村進行一個探索，之後順路行到馬灣大街遊覽一下，經過熟悉嘅便利店，行多2 至3 步 見到一對泰國白象在呢間鋪頭外，停一停、睇一睇呢間叫燦記茶室。一進入餐廳見到有約8枱坐位，其中3枱有人食緊，根據過往經驗及觀察食客表情，絕對係可遇不可求緣份到要試吓的一間泰國菜！當然生理上由於太早dinner 我已經好肚餓。茶室內的職員好有禮貌安排一個接近收銀位置我餐枱比我！ 冷氣好夠😄，好快老闆自我介紹仲推介左幾款菜式比我同太太。原來呢間茶室，係老闆夫婦的心血結晶品，而且老闆係泰國人！使我對產品更有信心。我與太太商量後，order 左一個 泰式炒金邊粉、一個泰式拼盤、一個泰式生蝦。 （泰式炒金邊粉）好經常係香港食到既泰國菜式，如果要試中菜館有無功夫一定係試乾炒牛河，咁泰國菜梗係是試泰式炒金邊粉啦！ 真係有驚喜，唔敢話自己係食家，但係都食過唔少泰菜館既泰式炒金邊粉！估唔到係馬灣呢度 比我食到個好味既金邊粉！用既鮮蝦大隻，味道又不會太甜，又不會太酸，是剛剛好，廚房炒出黎唔會太乾或者太濕。 我同太太都覺得好好味。（泰式拼盤）一個有四款炸物