燒鵝大皇

營業中

休息中

昨天跟父母去食，去次前已經預左佢地d野洗唔乾淨，入去要搭檯等，雖說佢d燒鵝係出名肥美，但係地下既"清潔"就有點兒那個~今日叫左，2碟燒鵝飯，1碟油雞鵝飯，一碟通菜，埋單85個大洋蔥油同酸甜醬都要提佢先拎過黎~~我真係啤一聲，呢間野係我老爹話食先會食.......

090307 叉鵝瀨$26佢稱自己係燒鵝大王，見有好多人食，貢入去試吓幾大碗，瀨粉多，叉燒同燒鵝斬得好大件，比起連鎖快餐店嗰啲份量多，兩樣食落夠肥唔乾，冇燒過火，但燒鵝肉唔夠入味，皮唔夠脆，唔夠“波記”好

諗住聖誕前同一大班同學去食餐好既見到 燒鵝大王 個招牌咁架勢又有廿蚊咸魚肉餅飯棟係招牌下面咪興致勃勃走入去見到咁多中亢係到埋頭苦幹食到成頭汗以為今次實冇死啦 心諗唔通真係又平又好食同學叫左個咸魚肉餅 個阿姐問我地 要唔要埋個飯我地當堂你眼望我眼過幾秒阿姐先話 要飯加5蚊25蚊1個咸魚肉餅? 深水埗都要收咁貴 定係個阿姐蝦我地小學生貴係貴左d 但係幾蚊姐都係 但不滿的是佢分明誤導我叫左燒鵝飯 $28 係鵝定鴨我地都唔識分 亦都唔理佢但係d油多到一滴滴留落黎 我真係唔識欣賞而且又唔係好食 我地的不滿阿姐聽到阿姐仲寸我地話你地黎遲d位都冇呀

同男友行完黃金, 食完晚飯先番屋企行左一陣, 見到呢間燒鵝大皇, 見佢個名咁招積, 門口d燒鵝又閃閃下咁, 好似吸引, 價錢又唔算貴, 就入去食喇入到去, 好多人, 十個八個都係食燒鵝飯, 我同男友就分別叫左個了叉鵝飯同燒肉鵝飯, 一黎到,大大碟, 試下d鵝先, 都幾有咬口, 幾香~不愧為燒鵝大皇, 叉鵝我係半肥瘦, 都唔錯, 再試下男友d燒肉, 岩岩好係骨位, d肉好鬆化, 唔錯唔錯~食食下有d口渴,見隔離位人兄碗例湯咁多料, 就叫碗試下, 都只係6蚊, 抵到爛~ 哈哈, 好過飲可樂先啦好喇, 食飽飽, 埋單都係每人三十幾蚊~ 都算係咁下次路過都會食多次

自問於福榮街也吃過不少食店，但吃來吃去還沒有輪到這裏。可能選擇實在太多吧....既然自稱為燒鵝大王，不吃燒鵝，來幹甚 ?要吃好的，除了鵝背之外，當然就是肶位了。結果是肥得一口油，肉質雖然不算十分嚡，但要稱之為王，實在是笑裂嘴矣....低處未算低，燒肉瘦肉部位鹹得要命，皮又不算很脆，而且光皮的燒肉，也不是小弟那杯茶....從此可見，久久未來過，是有一定原因的...

幾次路過深水埗這家燒鵝大王，每當看到掛在玻璃櫃內胖嘟嘟的誘人燒鵝，都說要來吃，不過之後又忘記了，直到下次再經過。這天晚上是「自由活動」時間，下了班累得要死，只想快點吃個快餐便回家休息。以前通常會去蛇王二，現在遷了居，要另筧好的燒味飯店，忽然便想起這裡。晚上七時半左右，店內人頗多，小臣穿著上班服步入店內，引來了不少詫異的目光，畢竟這裡是深水埗。不敢和金毛紋身大漢同桌，便坐在一位默默吃著叉雞飯的伯伯旁邊。點了鵝脾飯加例湯，例水是花生雞腳，淡而無味，又有一層油在飄浮，喝了幾口便放棄了。鵝脾飯賣相甚差，鵝脾給斬至「甩皮甩骨」。入口鵝皮不夠脆，不過鵝肉嫩滑，甘美的肉汁在嘴嚼間輕滲出來，有點意外。鹵汁濃烈，伴飯吃一流，不過怕鹹的朋友可能要吩咐「少汁」。三十九元不算貴，但未至頂級，與「大王」之名不符。

This place is super rubbish.I had 叉鵝飯$28碟and the 鵝 (鴨!!??) is like pieces from everywhere (hundred birds return nest?)1 piece from the back, the chest and some places which I don't even know where is it.They seriously taste more like duck rather than goose. wtf..I think they probably 'hub' me because I'm young, the midage guy opposite to me also had 叉鵝飯...but his 鵝 is far more decent than mine.叉燒 is a bit too 鹹...maybe sugar/honey is getting too expensive nowdays. It is fat too.This crap is not

開初開舖時嘅水準都算唔錯, 一年內加足四價, 但食物質素卻每況越下, 依家仲衰到用燒鴨扮燒鵝, 完全不能接受... 上次我去到叫咗碟燒鵝飯, 碟飯一上枱嗰陣時我已經覺得唔多對路, 一食之下, 發現D餸有一半係燒鴨, 唔係燒鵝 ( 即係佢地用燒鴨溝燒鵝, 搏人唔多覺, 但呢D只係佢地一廂情願嘅諗法, 因為食開燒鵝嘅人係絕對一定識分辨燒鵝同燒鴨有咩分別 ), 我心諗要俾成差唔多$30食燒鴨飯嘅話, 駛Q嚟呢度食咩? 所以我立即向D阿姐投訴, 點知個阿姐大大聲同我講呢度無燒鴨, 係我搞錯, 好彩俾我眼利望到佢地個燒味檔入面掛住兩隻燒鴨 ( 個燒味師傅將D燒鴨同燒鵝掛埋一齊, 同埋掛得好鬼隱閉, 唔認真望根本睇唔到 ), 我立即指住嗰兩隻燒鴨問佢係咩嚟嘅, 個阿姐呆咗一呆之後, 即刻唔出聲拎走我碟飯, 跟住攞去燒味檔同個燒味師傅細細聲傾咗一陣, 個師傅黑口黑面攞走D燒鴨, 跟住斬咗兩舊燒鵝骨 ( 你無睇錯, 係兩舊燒鵝骨) 擺落碟飯度, 然後個阿姐就黑住面攞返碟飯俾我... 俾人識穿咗之入後仲俾面色個客睇, 呢餐飯我實在食唔落, 所以我擺低$27就走咗, 並且發誓以後都唔再嚟...

話說已經係第二次同媽媽去依喥食, 第一次黎食真係覺得o的叉燒好好味, 但今次去就真係嚇死人。叉燒唔再好食, 佢竟然夠膽有大強呀, 好大隻既小強係媽媽碗米線喥游緊水....嘔都唔掂, 因為差唔多食晒....我就唔會再去架啦, 唔知你地會覺得點呢???

叫得燒鵝大王, 當然燒鵝應該係佢最好的燒味啦.......但唔知係唔係我唔好彩, 食親都皮薄肉薄"鵝肋" 令我好期望既叉鵝飯黯然失色呢次食叉雞飯, 俾中隻雞肶我!!!加番分不過, 呢度燒臘真係唔錯, 行完黃金醫肚, 可以既, 但行多兩步, 一定有一間更好食(行少兩步都有)

一碗招牌燒鵝飯, 凍冰冰, 見到鵝皮都已經巢晒皮, 咬落口, 凍冰冰的, D 肉又削, 甘既水準, 仲衰過大檔.

1/5(二) 7:30pm跟友人於又一城話別後,到深水埗會合男友,購下我必備三寶的最後一寶-手機(其餘兩寶乃PC及DC).三寶變身峻工後,於福榮街草草了飯事.步進此其貌不揚的燒味店,跟他人搭桌子,加上環境濕潤,以及被背後來去如風的侍應弄得渾身不對勁,看來還是速戰速決為上策!要了叉鵝飯25碟,灼生菜$8及菜乾淡菜煲雞腳湯$8.叉鵝飯--叉燒稍鹹,入口帶略乾涸結實,蜜糖香也欠奉!燒鵝亦然,肉質並不肥美嫩滑,"燒鵝大王"這美譽枉稱了!而飯粒尚有咬口.灼生菜--份量足;唐生菜嫩綠卻非爽脆;要了走油卻淋上挺油膩的燒味汁!菜乾淡菜煲雞腳--味濃足料,很有住家風味!嚐其小菜也許是重臨之理;若不,無須回頭...

有同事買左隻燒鵝外賣返黎，幾香，真係啖啖肉。路經深水步帶男友去試。以前成日經過都唔知係呢間。大約七點鐘已經好多人開緊餐，全場除左有幾個職員嬸嬸同我之外，其他全部係單身男子。我地都係點燒鵝飯，見大部份人都係要鵝脾飯免切，食得好豪氣。d 鵝微微暖，一般啦。酸梅醬真係好酸梅，不過我唔歡喜呢種。(唔同外賣用機pack好一包包果d)衞生方面比我想像中好(起碼我眼見到都算OK)，燒鵝脾飯比出面食o既平，下次我都會試鵝脾飯免切

今日係電腦節既最後一日但今日公司多野做, 差不多七點先收工去到好野都俾人買晒啦結果同人逼完一個鐘之後, 就去左呢間燒味舖食晚飯見佢寫得出自己係燒鵝大王梗係食佢既招牌野啦, 仲加多個例湯一上到來, 見到鵝皮都已經巢晒咬落口, 凍冰冰的, 但當時只係晚上七點九D肉又削, 真係甘既水準只係一般般而已連碗例湯都係暖而唔係熱甘既水準都叫自己做大王, 麻麻地囉