燒記港式串燒

幫襯過呢間野幾次，次次我都有讚佢好食，今次幫佢宣傳下啦😂首先佢個牛丸係無敵，必須要食，總之就係正宗潮式牛丸，有肉汁，12蚊串抵食鹽燒鯖魚廿皮一條又係平到離地，仲有照燒汁跟，離曬譜雞中翼18蚊兩隻略貴，食落直頭就係去燒烤場食果種味，好有本地風味，我自己就相當岩食，唔算好抵但值得試岩岩新出既糯米釀雞翼，價錢正常，味道普通🤣煙肉車厘茄，重點推介！車厘茄燒到入口即化，配搭煙肉既焦香，好有一體感，係完成度好高既一道菜式👍自家製沙嗲醬同咖哩醬都好高質，真係醬狀唔會好稀趁佢仲係拍烏蠅狀態要食多幾次，遲下應該會好旺🤣…查看更多

早上星期行過路德圍見到間$12串燒店就想試下 試完真係覺得好正宗好味 特別係個汁 串燒真係最重要個沙嗲汁 做得好出色有辣有唔辣 最強潮汕牛丸 老闆大方$12 可以有3大粒 配上秘製醬汁 食起黎爽口彈牙 飽滿牛肉味 串燒豬頸肉特別醃漬甜中一小小辣 自家製沙嗲汁想不到的配搭 沙嗲汁同咖哩汁係每日老闆早上即炒香 我相信大家都係為了醬汁而到訪 即燒奶油豬使用上乘新鮮當地麵包牛油+奶油即燒好味到令人驚嘆 口水直流必試*唔明點解無乜人幫襯 個個都係隔離買雞蛋仔…查看更多

荃灣區真係好多串燒店，一雞死一雞鳴，但十間有九間都係川式，全部都係孜然味，淘寶科技粉末全開，所有野都係一樣味反觀我地本土以前既街邊沙嗲汁串燒，就買少見少，好似失傳左咁，最近發現呢間新開既燒記就食到呢種「兒時既味道」🤤呢度有老闆聲稱自家製既沙嗲同咖哩醬，唔係講緊好唔好食，重點係充滿街頭風味，配得起「港式」兩個字👍牛丸質素最高，雞頸肉同羊肉都唔錯，其他一般，每一款都有應有既肉味，價錢非常平，性價比好高…查看更多

本次消費：咖哩魚蛋$12/8粒魚肉燒賣$12/8粒間野響路德圍停車場對面，非常唔當眼，有串燒有飯有魚蛋燒賣，係典型既港式小食店。我只係路過買左兜魚蛋燒賣，同我想像中既好唔同，佢淋左一大pat咖哩醬上去，係真既咖哩魚蛋。個咖哩醬應該係佢自己整，有大量香辛料味，濃香惹味，質地似巴基斯坦咖哩，辣味複雜，非常有特色，下次會試下串燒。另外見到餐牌有扒飯$30個好誇張，唔知係迷你飯定係點，搵日lunch試下。…查看更多

有次去左荃灣搵朋友，經過見到呢間串燒鋪新開（喺正媽咪雞蛋仔格離）🤡肚仔又餓，雞蛋仔有排等喎～唯有食住串串燒醫左個肚仔先😆😆😆見到d串燒 呢樣又想食果樣又想食唔覺意叫多左幾串🤣好彩都係十幾蚊串，如果唔係就要等朋友過黎找數🤣🤣🤣叫左潮汕牛丸、煙肉車厘茄、午餐肉、仲有當日special（唔on list但喺雪櫃）嘅花枝丸同杏鮑菇有得揀唔辣嘅沙嗲汁/辣嘅咖喱汁15/16 唔係好食得辣嘅我唔知叫辣唔辣好🤣但因為我叫左幾樣野食，個老闆就話兩隻汁都俾d我試下🤣個沙嗲汁好正！如果辣dd會再惹味d🤤🤤牛丸超juicy，爆汁好好食😋😋😋煙肉車厘茄係是日MVP ，大鄉里第一次食呢個神奇組合，原來係咁鬼夾！爭d想encore多串😋燒午餐肉原來都幾正其他就正正常常 佢地燒得幾好，唔會乾～～決定下次再試埋餐牌其他野🤡…查看更多

荃灣發現隐世小食店，好耐無食過咁好食串燒啦！正宗汕頭牛丸串燒，香港極度罕見。入口彈牙有口感，仲會爆汁，一定要試。咖喱汁超正，濃厚香味令人回味無窮，真係會食上瘾。本人最中意食雞肉類串燒，佢尼度有勁多選擇，除普通雞腿肉以外，竟然仲有雞心，雞腎，雞軟骨，雞翼。其中最好食就係雞頸肉，真心推介。菇類都非常出色，食材好新鮮，燒到剛剛好，可以完美帶出菇本身果種風味。包裝用心，老板親切，食物超高質。連平時唔寫食評既我，食完都忍唔住一定要同大家介紹返。…查看更多

呢間港式串燒堅要推介！！睇咁既價錢，普通既門面，無預到原來咁好味咁有驚喜 連個秘製沙嗲醬都俾到驚喜呢~ 好有港式串燒 feel~ 食左好幾款，絕對唔係燒到乾爭爭咁~ 勁正 我詞窮~ 所以勁少寫食評，但今次忍唔住好想推下呢間，咁正咁高CP值咁高質既食店~ 所以只識簡單講下： 潮汕牛肉太丸 我個人未聽過 第二度有用黎串燒咁食喎！ 勁！ 可能師傅自己創先河啦，但燒完原來仲好有肉汁好有牛味架又有驚喜位呢雞軟骨，豬頸肉，台灣腸，韓國午餐肉，奶脆豬，魚蛋 (配沙喇醬後更係超超超好味) 聽落好似無咩特別，但師傅好有心機，每一樣都燒得好香口絕對唔 hea 囉堅好好味呀 其實 香港好多仲有呢類好有 heart 好有水準既食店，堅係果種食過返尋味既感覺呢~ (一拎上手就閒到超香！係咁忘我地食~ 所以無影相呢)…查看更多

荃灣路德圍掃街系列！呢間串燒舖新開冇耐，網上同Op都冇太多資料，又同大家試試佢🤓串燒即叫即燒，價錢大多數$12至$15一串最推薦招牌潮汕牛丸！爽彈爆汁，牛味極濃郁🥹黑椒台灣腸夠晒脆皮，雞翼外脆內嫩豬頸肉焦脆脂香重，有啲似蜜汁叉燒感覺另外一定要嗌佢地自家製咖喱醬！香濃蒜味，辣辣地好惹味，昇華咗成件事🤪-🔸各款串燒價錢參考潮汕牛肉丸 $12/串雞軟骨 $12/串雞腎仔 $12/串雞心 $12/串豬頸肉 $15/串黑椒台灣腸 $18/串珍寶雞中翼 $18/串脆脆奶油豬 $22/份-味道：7/10性價比：8/10-📍#燒記港式串燒 @grill_kee荃灣建明街15C號昌華大廈地舖…查看更多

見佢開咗幾個月，終於有機會試下，簡簡單單幾樣野，比想像中好食，招牌潮汕牛丸$12/3粒，呢個價錢照計就無可能真係潮汕牛丸，但一食就知，係正宗潮汕牛丸，有肉汁爆出黎果種，大癲！醬汁都唔錯，試左秘製沙嗲醬，濃度適中夠惹味，一定會再食！裝串燒既紙船相當好用，揸住食唔會整到周圍都係，比起一般雞皮紙袋真心好好多。總之各方面都相當高質素，但見佢完全拍烏蠅，真心必須分享下，唔可以得得一個知，老闆服務態度都係一流，響現今飲食界已經好難得…查看更多

今日去買雞蛋仔，見到旁邊哩間串燒店因為雞蛋仔要等30分鐘，咁我就買埋哩間串燒試下。我買了3款，雞腎/ 雞軟骨/ 牛舌，因為我平時喜歡食日式嗰隻，冇乜特別醬汁的，只加鹽同胡椒，所以我叫佢都只係鹽燒便可以了。佢問我，係咪即係唔需要沙嗲醬，我就冇揀。3串都係即叫即燒的，我哋都等左一陣，大約10分鐘左右就可以了。今日天氣得十度多少少，但幾串串燒剛燒起，拎起手熱辣辣，正爆！雞腎同雞軟骨 平時都係我至愛，不過估唔到 哩到只賣十幾蚊一串，都一樣好好味喎！好抵食，材料都好新鮮。如果雞腎可以大粒少少再有咬口啲就仲正。因為一路行一路食，2/3下就食完，忘記了影相佢個袋係裏面係錫紙，外面係紙的，感覺比較實用又環保，唔洗下下都膠袋，讚！…查看更多

以呢個價錢，食到咁高質嘅串燒，真係有驚喜。個沙嗲醬好好味。午餐肉同台灣腸有兩串，好抵食。個人推介牛肉，煙肉車厘茄同豬頸肉，燒得又香又juicy。下次路過一定再幫襯。…查看更多

之前經過媽咪雞蛋仔見到隔離開咗間新嘢，價錢幾抵，呢日試吓先😋 我都幾鍾意食串燒，因為每樣少少，#貪心的me 可以試到多款嘢食🤭 仲要呢度啲串燒只係$12/$15，好抵😳 叫咗 雞腿肉、牛肉、雞腎仔、雞軟骨、韓國午餐肉、潮汕牛肉丸、廚師腸、芝士腸推介 #韓國午餐肉，好厚肉～ 午餐肉粉絲必點🥰 #雞腎仔 唔會燒得好dry👍👍 跟咗個 #咖喱汁 同 #沙嗲汁，個咖喱汁好食！好有童年食街邊檔嗰款，好食呀😍～ 個沙嗲汁都幾多蒜茸，呢個都唔錯～整體都好食！可以再encore！如果再多啲選擇就好喇～…查看更多