燒肉LIKE (青衣城1)

營業中

休息中

其實乜都客人自助搞掂都要加一已經無言，加$12生菜諗住包住啲肉一齊食冇咁膩，點知嚟到得兩塊，係兩塊，加埋一即係呢兩塊菜盛惠$13.2，好唔好意思呀，有時真係唔好怪咩啲人外遊生意唔好，我留港消費俾呢啲商人撳住搶，又有邊個可憐

今日去食呢間燒肉Like，叫咗300g既牛，一開始食啲肉都ok既，因為300g可能都多，成碟d肉係搭住咁擺，食到一半先見到餘下半碟既牛係脂肪多過肉。覺得半碟都係咁實在太多所以同職員講，職員回覆如果一開始講就可以換。我話但係d肉搭住一開始係睇唔到。職員都係回覆同一句說話。我無再同職員講落去喇，覺得爭論都無意義。最後真係肥到食唔到唯有放棄咗呢半碟。本身價錢唔係平，一碟入面如果有少部分既肉係脂肪較多都可以諒解，但300g入面一半都係咁就少癲，希望餐廳可以改善下！

真係唔知咩事 食一餐飯可以係咁比人撞到張凳幾十次 係店員既問題定係環境既問題？ 已經張張凳縮到好入盡量唔佔通道位置都可以大大力撞過黎我張凳我覺得店員可以留意下唔好成日撞到客人張凳 下次再比你撞 我實爆間餐廳

星期六放工後，約咗朋友去青衣城食午餐😄由屋企搭地鐵到青衣城都差唔多要一個鐘，所以去到商場都差唔多下晝三點啦😅 去到之後同朋友急急會合，因為佢一早已經到咗啦😅 我哋成個青衣城一期好快咁行咗一圈，睇吓想食乜嘢，諗嚟諗去決定都係食燒肉like😆 其實我係俾佢嗰個hk$48嘅牛五花加豬五花腩燒肉套餐吸引咗，想試吓😆🤣 由於已經三點幾，所以好好彩唔使等位，就可以直接入座😄其實我哋想試燒肉like好耐㗎啦，不過一直都冇一個合適嘅時機，所以其實嗰日我都好興奮😆對於我嚟講，其實我覺得hk$48燒肉餐都好OK😄 雖然肉嘅份量唔可以話有好多，但對於我嚟講其實都好足夠😄而且都幾有肉味，符合我心目中嘅期望😄 雖然我朋友話食得出肉嘅質素係一般，唔可以話係好出色，但係其實我都覺得好好味，同埋以佢嘅價錢嚟講，其實佢嘅性價比都已經好高😄💪 尤其係其實我唔係話想食好多肉嘅份量，所以其實我已經好滿意呢個份量同埋質素😆😋👍 加上佢係成個餐嚟嘅，有飯有湯有配菜，食完我覺得好飽肚😄店員服務態度好好，同埋落咗單冇幾耐就有得食☺️👍 以後想食燒肉又多一個選擇☺️

平安夜午餐都想食好d，於是一個人去青衣城。見未食過燒肉like就入去； 果然性價比高，叫左個一人set(牛5花+豬5花腩200g都只是82元），見有牛舌想食，於是加多份牛舌。味道不錯而且5花腩不太肥，加埋湯及飯（我加左隻蛋）真係大滿足，吾怪之得咁多人排隊。 下次想試埋其他肉🤭

而家佢哋改善咗好多今日下晝 叫咗個下午茶餐 $58 ， 飲凍可樂另外加捌蚊 upgrade 白飯變成沙律菜， 有湯餸另外仲有 酸菜( 我唔使錢同服務員改咗西沙律)下午茶跟餐 仲有 一罐可樂送今次食得好開心喇因為有好多沙律菜。

開張已經約一星期， 冇幾耐已經食過兩三次， 味道 ok ，價錢其實同其他分店一樣， 不過 覺得除咗味道唔錯之外好可惜就係 好多時又冇沙律菜連生菜都冇。 我覺得最抵食就係牛五花 ，容易煮味道調味唔錯， 豬頸肉就一時時 今日食嗰餐就唔錯， 豬五花我就唔太推介不過勝在好夠平。 牛小排同埋 牛橫隔膜肉就非常好食， 又容易快熟好煮。 湯就真係一細碗，不過我覺得好好飲。 沙律 都好好食調味汁唔錯，不過啲飯就好難入口，太冧亦唔係上等 good quality.... kimchi 就真係好普通的泡菜。下午茶 有微型套裝， 唔想食咁多可以一試。

一間新開的燒肉店，少少不快的體驗，希望餐廳能改進。 用膳時間只有60分鐘，如果30分鐘還未到的餐，真是很難令人安心用膳。跟進了多次還是沒有送餐。點餐時已經系統付款，要退款就有點麻煩。 今次點長加快立即立即退回。