燒肉LIKE (英皇鐘錶珠寶中心)

營業中

休息中

今日黎到銅鑼灣既哩間日式燒肉店。餐廳四周既紅磚牆好靚，而且有吧台位同二、四人座位可以選擇。枱面上面放左多種唔同既醬料，包括BBQ醬、蒜香醬油、鹽味醬、辣味增醬、韓式辣醬、胡麻醬、海鹽同黑胡椒，滿足晒唔同口味既人既需要。而且餐廳有提供口罩套，真係唔錯。哩到係用手機點餐，想睇餐牌亦可以問店員拎。🥩美國頂級西冷牛扒套餐 $178 180g所有套餐都會包白飯、和風湯、泡菜或者迷你沙律，而且佢嘅飯都可以揀大中小三種唔同既份量，大家可以因應自己需要選擇。西冷牛扒厚身大塊，上面既紋理都幾靚，而且佢已經切好左一嚿嚿，好方便燒。牛扒入口肉質軟腍，油脂豐富，哩個價錢黎講性價比真係幾高。🐮LIKE套餐 $125 250g（牛舌、牛五花、橫膈膜肉）哩個套餐可以試晒三隻肉，牛舌有五塊，係薄身爽口個款；牛五花真係超好食！！！入口完全係油脂四溢；橫膈膜肉非常軟腍，三隻肉都好食，而且$125有咁多份量，同樣非常抵食。✨就算再加配肉類，個價錢都好抵，不過大家要留意店舖唔收現金，淨係收Mastercard、Visa同電子支付。整體黎講，餐廳既食物性價比真係相當高而且因為餐廳用無煙烤爐既關係，成間店舖唔會話有好大油煙味，想

元旦日第一餐，去左呢間燒肉Like位於銅鑼灣既新分店食燒肉。呢度套餐有8款，包唔同部位嘅牛，唔同重量做唔同價錢，包白飯，和風湯，泡菜或者迷你沙律。另外都有單品叫，有牛豬雞同其他飲品等。尋晚食嘅野仲飽緊，一行二人叫左個300g牛五花套餐，再加兩份單品壽喜燒牛五花，同豬頸肉分享。300g牛五花套餐 $98300g牛五花有好多塊牛，不過我好後悔揀左牛五花，因為肉太肥而又唔夠嫩，壽喜燒汁味道又唔係好食到，係近排食過嘅最劣質牛之一，真係一分錢一分貨。個餐跟白飯一大碗。和風湯似清湯，有昆布同白芝麻粒。泡菜或者迷你沙律我就揀左泡菜，質素好麻麻。壽喜燒牛五花100g $35壽喜燒牛五花可揀生蛋或者温泉玉子。我哋兩份都揀左生蛋，其實係為左隻生蛋先叫佢，寫明係日本蛋。豬頸肉100g $38豬頸肉100g有5塊，都好厚身，燒完好脆口又啖啖肉，唔洗沾醬食都正，早知叫多啲。枱上面有4款燒肉汁，黑椒同鹽，仲有胡麻醬同韓式辣醬。蒜香醬油好味。個爐好細個，不過火力夠猛。餐具喺櫃桶自己攞。呢度唔收服務費，唔好期待有服務。總括而言，呢個價錢下次都可以再試吓其他野，牛五花就唔好預我。