燒肉LIKE (京瑞廣場2期)

【沙田區】【燒肉LIKE】難得有人就我，去我屋企附近食嘢，我梗係捨命陪君子。呢位仲要係美女朋友，實到啦。不過我住嗰頭又真係諗唔到食乜，於是去咗石門，本身佢想食陳根記，但係我上次去，態度真係好差，唔益佢。跟住就決定食附近嘅燒肉 LIKE，始終係美心集團，正呀。佢食！$116 嘅「LIKE套餐150g」，有牛肉蘿蔔湯、迷你沙律、牛舌、牛五花、橫隔膜肉，再加 $13 食「木魚絲紫菜飯150g加溫泉蛋」，加 $12 飲「可口可樂」。我就食都係 $116 嘅「三部合奏套餐300g」，有牛肉蘿蔔湯同鹽漬昆布椰菜，肉就有三款。分別係豬五花腩、豬上肩肉同雞腿肉，我加 $20 食「木魚絲紫菜飯200g加溫泉蛋」，唔飲嘢。肉類我哋都係 share 食，正正常常啦，冇乜進步。就算叫埋 $38 嘅「牛板腱50g」都係差唔多貨色，本身都冇乜期望。加埋一要 $346.5，一餐半餐冇乜所謂。。。（地址：沙田石門安群街1號京瑞廣場2期地下G07號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：沙田區新城市分店：1am0578中西區分店：1am1129大埔區分店：1am1146#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #石門 #燒肉LIKE #LIKE套餐 #牛肉蘿蔔湯 #迷你沙律 #牛舌 #牛五花 #橫隔膜肉 #木魚絲紫菜飯加溫泉蛋 #可口可樂 #三部合奏套餐 #牛肉蘿蔔湯 #鹽漬昆布椰菜 #豬五花腩 #豬上肩肉 #雞腿肉 #牛板腱 #1am1866 #1ambackup…查看更多

1人1爐燒肉 小朋友勁like. 因為可以比佢地自己試下燒肉比自己食。佢哋除左有兒童餐外同埋甜品雪糕都唔錯。佢哋主打平靚正餐牌。 豬、牛及牛舌都有。 有時仲有限量款式。 今次去有牛油燒帆立貝☺️好多餐都係八十幾蚊有200g 肉跟有沙律/泡菜、白反同熱麵豉湯。 細食D 仲可以叫50 蚊個餐。 性價高同埋D🥩質量都唔錯👍 枱面提供唔同醬汁配料調味。 難怪咁多人食。 佢哋仲有GULU 取票服務👍 它們仲採用抽氣式爐，所以唔怕食完成身油煙味☺️…查看更多

做完運動好肚餓🤤突然想食燒肉，咁就去咗燒肉like 食，叫咗個平價燒肉set $45 , 中飯，加多杯$5 熱茶，一個人慢慢食，慢慢燒，其實都好relax ☺️☺️可能比較晏，2 點先食，所以無乜人，職員態度亦ok, 話比你聽用餐時間60 分鐘，手機點餐同付款，一站式自助服務，方便快捷👍🏻這個價錢這個環境，性價比十分高👍🏻…查看更多

9.30入座 同frd食 我話用2個爐 唔比用2個爐 明明冇人 就收鋪 就係度串人話用2個爐 得罪你呢（男店員）如果話我自己一個坐咪自己用一個爐 咪都係一樣，要用兩個 唔明有咩問題 用兩個爐好似要死咁態度語氣都好敷衍無禮無誠意…查看更多

第一次食燒肉LIKE，終於明白點解咁多人都keep住排隊食佢，因為性價比實在太高啦！見到佢好似近排主打呢個「鹽蔥牛舌三重套餐」，仲要做緊推廣價$128@250g，見到咁抵，真係冇理由唔叫呢個set。平時食呢啲燒肉，最驚就係碎件上，呢度每片牛肉都係好完整嘅，同埋份量好足。以$128食到咁高質嘅牛真係好均真！用咗推介嘅燒法去整佢嘅牛舌，牛舌包住鹽蔥醬打對摺咁樣燒，令到鹽蔥味大爆發，同埋keep住牛舌咁juicy 然後呢一set仲配埋牛板腱同牛五花，用生菜包住，連埋泡菜、韓式辣醬一齊食，同一時間食晒三款牛，好正！.「牛油粟米」以香濃牛油包裹著豐滿香甜嘅粟米，看似簡單，但絕對係經典又好味嘅小食！最後仲有個S‘more，燒到個棉花糖外脆內軟，之後再用餅乾、朱古力醬夾住食，簡單美味。…查看更多

間舖已經又細座位又少，有啲位仲要冷氣滴水坐唔到客 。攞飛又混亂，居然有現場攞飛同手機攞飛相同號碼（據女職員親述） 。有正門又唔開，要人迫狹窄嘅側門，指示又唔清晰，個個戇居居去拉正門 。個女帶位職員表面上用詞客氣，實際上態度語氣都好敷衍無禮無誠意 。兩位以上去呢間分店前請三思 。…查看更多

「燒肉like 」作為一間嚟自日本東京嘅一人燒肉專門店應該好多人都試過，主打「美味、快捷、超值」，簡直係一人恩物，一個人都可以食到平價高質嘅日式燒肉，而且餐廳仲採用先進除煙技術，難得食燒肉唔會有油煙，今次食嘅時候見到佢哋有新搞作，由即日起至7月2日喺全線分店推出期間限定「墨魚&牛五花&牛板腱配喇沙醬」套餐同「墨魚配喇沙醬」單品。日式燒肉竟然可以配喇沙！一於試吓佢！墨魚&牛五花&牛板腱配喇沙醬」套餐$88（150g）-配白飯、和風湯及泡菜或迷你沙律墨魚片以「燒肉 LIKE」秘製醬料醃製，灑上紫菜碎，以4度火加熱2至3分鐘，品嚐墨魚極致鮮甜味道！配上星馬國民調味料— 喇沙醬，濃郁醇厚嘅咖哩同椰奶煮成，帶淡淡甜味，辛香甜集於一身，多重香料令海鮮鮮味更突出，秒速喚醒食慾！套餐更配搭我最鍾意嘅牛五花同牛板腱，牛五花軟嫩多汁，牛板腱結實香濃，蘸上惹味喇沙醬享用別具風味！牛小排 & 牛板腱 & 日本產和牛肩胛肉套餐 $198 （150g）-配白飯、和風湯及泡菜或迷你沙律日本產和牛肩胛肉雪花紋超級靚、脂肪比例好高，牛肉味道香濃，口感軟嫩多汁，份量多唔少，輕輕加少少海鹽，品嚐和牛原始嘅味道就非常足夠。牛小排賣相都非常吸引，紋路好靚，入口同樣juicy，口感結實。一個人都食到咁高質嘅燒肉 大滿足😋…查看更多

難得晏就經過見到唔洗等位，最平個豬牛套餐都係$48，平過食粉麵就即刻試下每個套餐都包1 set肉，飯（可免費選100g/200g/300g），湯，沙律/泡菜裡面係手機落單，落完單要比埋錢先送餐不本想試豬牛套餐100g佢寫售罄，但係200g又有賣🤣不過諗住lunch想食平平地就算，最後簡左個牛五花套餐100g，都只係$52免加一佢既醬料都幾多款個人認為 原味BBQ醬岩燒燒肉之前落落啲肉到咁樣燒完食果陣啲肉汁都好夠又好食蒜香醬油我用左嚟撈飯 都好唔錯鹽味醬點過燒肉試 都ok 無咩特別韓式辣醬味道都唔錯 但口味太重就會影響左原本食燒肉既味道其他無試個人最鐘諗係BBQ醬燒肉，燒完再落海鹽食簡左300g飯，但感覺都唔係好多，日本米 好食泡菜味道都好食 湯都好飲一人燒肉嚟講呢間都真係算平又好食，一定會再訪！…查看更多

老老實實，我已經試過3次以上外賣自取吾接單，如果你地係吾想做外賣既，就吾好係度上外賣啦浪費晒我時間，我一生人第一次寫投訴食評，就係送左俾貴公司，麻煩你地自己好好檢討一下……查看更多

開著冷氣食燒烤，食火鍋，已經是中、日、韓人士的習慣了。雖然，好似不太環保，但可以令大家舒服地，不需分季節來品味所謂的冬日美食，也是件開心的事。這一天，我同一班同事就在大熱天時，來一試新開業的《焼肉ライク》 ，大家一於感受一下開著冷氣食烤肉的暢快感覺。一班人來這《焼肉ライク》是最開心的。一個網格，兩至三人一起燒，一起分享。這就是食燒肉的樂趣。雖然，我們是一人叫一份，但爐就只有一個。霸位，夾錯人家的肉，交換分享.....大家不會埋怨大家，反而是一件好開心的事，好 team work 的事。一人一盤牛肉，最簡單的就是牛五花肉 300g。也許，大家會覺得，這 300g 肉未必會夠食。不過，加埋飯，加埋湯，其實是剛剛好。大食一點的，可以再豐盛一點。像我，就點了他們的 "LIKE 套餐，包括了牛五花、橫隔膜肉 同 牛舌。肉來齊了，大家就開始燒燒燒。燒肉的網格已經附有通風設備，所以在烤肉的過程中，不會搞到大家一身都油煙。肉方面，就是以肉的原味為主。質素夠高的肉，真的不需要添加任何外來的味道。不過，輕輕地加點醬油會令到烤肉的味道更出眾，更加適合伴飯吃。豐富的肉餐，濃濃的牛肉香味連肉汁伴入米飯中一起吃，絕對是一個滿足的體驗。總結一說，這間《焼肉ライク》 可以說是一個給無肉不歡的朋友一起大吃大喝的好地方。…查看更多

一路都想試燒肉Like，但每次去到不同分店都見到門外大排長龍，冇耐性嘅我每次都敗走。今日嚟到石門京瑞廣場搵食，見到門外條龍唔太長就嘗試攞飛。點知人齊可以直入，於是喺冇需要等嘅情況下就試咗第一次燒肉Like。當日叫咗兩個套餐，分別係牛五花(300g)套餐，同埋日本產牛肩胛肉&牛板腱套餐 (100g)。每個套餐都跟前菜（泡菜或沙律）同埋白飯，白飯亦可因應個人食量選擇唔同份量。飲品要另外加錢，價錢合理。坦白講，當肉送到餐枱時，感觀唔太良好。肉望落去唔算太新鮮。牛五花肉質尚算滑，但牛味唔重。牛肩胛肉同牛板腱肉質俾牛五花「嚡身」，牛味亦唔突出。如果兩個套餐相比，牛五花套餐CP值更高。值得讚嘅係每張枱上面都有五種醬汁俾顧客選擇，五種醬汁都好適合配搭牛肉。牛五花 (300g)牛肩胛肉&牛板腱套餐 (100g)整體來講，如果要大排長龍去食的話就唔太值得。但如果未試過一人燒肉，經經濟濟嚟講都可以一試。…查看更多

下午茶入去食，當時店鋪無咩人，店員指示坐吧枱， 因為其他枱無人所以就轉坐二人枱，但係店員拒絕。直到食完鋪頭都無人。唔明點解唔俾人坐。真心呢間野俾錢買難受。搞到已經唔會想再食…查看更多

一個人也能輕鬆吃燒肉，不用再大費周章約朋友，想吃就去吃，一份100g的燒肉套餐最低只要48元起，平實的價格CP值超高，肉質吃起來無可挑剔、覺得滿足，我以後一定會常常來吃。環境乾淨整齊，無煙燒烤的感覺十分良好。…查看更多

開左都一段時間 留意到佢有The Gulu apps可以拎定飛 提前8個字拎定飛 等11個🤤點知半個鐘頭都無郁過😂😂😂 最終等左一個鐘頭 先入座叫食食飯時間真係咁上下😭😭.呢到係qr code落單 所有野都好仔細 連飯都有size簡我就叫左 牛五花 500g$80+$8生蛋最近好多都係個apps到比埋錢呢度都唔例外.上菜速度快但個爐既熱力就一般般 要食到最後先夠熱力😔啲牛份量係夠食 牛既質量當然還好啦始終係成個套餐最平既牛😂.大致上都還好 預左食完有油煙味😕…查看更多

嘢食選擇嚟講，石門本身都算多最近新開嘅燒肉店，價錢合理質素又好，性價比算高，因此lunch又多個選擇啦講返價錢先，最平嘅餐係$48，而且份量都唔會太少 ，有肉有飯有菜有湯，啱晒慳錢一族或者學生如果想食好少少，可以揀靚小小嘅或者肉份量多少少嘅套餐，一般200g/300g肉已經好夠食如果食食吓唔夠嘅， 仲可以單選加肉，一般幾十蚊就有多一份肉，埋單一百蚊鬆啲都可以食得好豐富我最鍾意佢有好多醬汁選擇，啱晒鍾意醬汁嘅我…查看更多