燒肉LIKE (家樂坊)

營業中

休息中

ʚ 燒肉LIKE ɞ❀四重套餐四重套餐包括松葉蟹棒、熟帆立貝、牛五花同牛板腱，松葉蟹棒食落好鮮甜，2條真係唔夠，食完想再追加😂熟帆立貝大大粒，味道同樣鮮甜肉質肥厚。牛五花油脂豐富，牛板腱較厚實有嚼勁。一次過可以食到燒肉同海鮮超滿足👍。❀壽喜燒牛小排&牛五花套餐·200g牛小排脂肪比例分佈均勻，肉質較為嫩滑多汁，加上蛋汁，搭配泡菜和白飯層次更豐富。📍 燒肉LIKE (家樂坊) (旺角)@yakinikulikehk#日式燒肉 #一人燒肉 #燒肉like #燒肉LIKE #yakinikulikehk #日式燒肉 #日本產和牛 #四重套餐

YAKINIKU LIKE (燒肉 LIKE) 源自日本東京，主打是「性價比高」的一人燒肉體驗。香港由第一間開設的分店，到現今已經遍布港九新界！而各分店都是大排長龍！無他的，$48起就可以食到優質的燒肉，對於我這些「獨行俠」，又或者三五好友來說，的確幾吸引！最近燒肉 LIKE更有期間限定「四重套餐」！肉類本身就好出色喇！不知道海鮮又如何呢？環境方面：全店以全自助手機點餐及付款，付款後，美食就會有專人送上，座位有單人位或有共享烤爐的大枱，無論你是獨樂樂！還是眾樂樂都無問題！我最欣賞就是這個無煙烤爐，除煙技術非常出色，燒完絕對不會成身油煙味！讚👍四重套餐（期間限定）$168/200g（另外有$138/100g供選擇）四重套餐食材包括松葉蟹蟹棒、熟帆立貝、牛五花、牛板腱松葉蟹蟹棒：肉質嫩滑，味道鮮甜！熟帆立貝：帆立貝好大隻，充滿鮮味之餘，亦很有嚼勁！牛五花：絕對是YAKINIKU LIKE皇牌食物，每次來食都會叫，牛五花油脂較多，燒烤過後會散發出濃郁的香氣，亦不會覺得肥膩！牛板腱：肉質柔軟，稍微燒烤一下就可以，入口融化！套餐還包括：白飯、和風湯、泡菜或迷你沙律，絕對超值！套餐還包括：白飯、和

💓一人燒肉都可以食松葉蟹&帆立貝｜📍燒肉LIKE平時自己都好鍾意一人燒肉🫶🏻因為食親燒肉都食唔到多😂所以覺得一人燒肉計返仲抵食過放題🙈今次嚟到燒肉LIKE見到有新嘅燒肉套餐又幾抵食~就決定試試佢❤️‍🔥♡四重套餐♡｜💰$138/100g $168/200g新出嘅期間限定四重套餐包含咗松葉蟹棒、熟帆立貝、牛五花、牛板腱❤️‍🔥松葉蟹棒比想像中大條，沾上醬汁再燒色澤更為誘人，食落鮮甜❤️‍🔥熟帆立貝仲要超級大粒厚身😍睇到啲膏咁多都流晒口水🤤燒到焦香食落都唔會韌🫶🏻牛五花油脂豐富🫶🏻燒到滴油超級邪惡❤️‍🔥牛板腱嘅牛香味都好重🫶🏻食完成個餐真係好滿足♡日本產和牛上級肩肉&牛五花套餐♡｜💰$162/100g男朋友見到有稀有部位和牛上級肩肉就毫不猶疑嗌咗😂食落肉質較柔軟而且油香十足🫶🏻呢個價錢可以食到稀有部位確實係幾抵玩😏私心推薦要配埋餐廳提供嘅蒜香醬油🫶🏻食落香甜且濃郁嘅蒜香醬油更可突出牛肉嘅鮮味🫶🏻超級送飯❤️‍🔥

【107】用家自費分享，不是打手！Walk In唔駛等，開店第一枱客。7️⃣0️⃣CP值：2023/7/27/四/11:42，平日午餐時段，2人埋單(免加一)扣埋Alipay $20電子券，實付$222，平均每人$111。店在商場地庫，要搵下嘅，裝修正正常常，空間算大，坐得也舒服，感覺都乾淨，可能剛開店，冇油煙味，QR落單，上餐算快，已去過很多次，一樣不過不失，暫時未遇過反感招呼，路經會再去。7️⃣0️⃣牛五花及豬腩300g $102，跟飯及沙律，份量足，今次牛五花冇咁靚。7️⃣0️⃣牛五花300g $115，跟飯及泡菜罐裝可樂跟餐加$10樽裝紅茶蜜桃茶跟餐加$15

今日6點半鬆啲同fd 2個人食,  因為fd去咗洗手間咁我入坐先, 店員話入坐起計限時60分鐘交枱, 無問題嘅。一開頭比咗張卡位, 本來同枱已經有兩個女仔食得七七八八啦, 咁我就睇下menu順便等fd 嚟一齊落單。過咗2, 3分鐘, 準備落單嘅時候,  隔離嘅女仔離開啦, 店員A就話因為有6個人入, 所以安排我同fd換坐吧枱。其實我哋換完枱都即刻落單, 有睇到落單時間係6:40左右。之後我哋食完燒肉正餐, 都只係落單後嘅30分鐘鬆啲。咁都即刻每人加條雪條, 諗住食完先走, 費事出到去天氣熱融曬。咁喺8-10分鐘後（落單時間嘅40分內），同一個店員又想叫我哋換位！！？其實我條雪條真係食得七七八八啦，你咁趕時間不如set 限時30分鐘啦？我依家坐左40分鐘都冇, 同埋食緊野㗎！店員呢個行為真係唔可取⋯😕😕

牛五花套餐200g🥩🥩燒肉like的牛五花套餐是最抵食的套餐，有100-300g揀。牛五花每片都切成適當薄片，容易燒。👍👍牛五花富含油脂，但一點都不肥膩。經過大火快燒後，牛五花肉質鮮嫩多汁，帶有甜味，搭配米飯、泡菜或其他配菜一起食用，好好味。😍😍燒肉like仲有多種醬汁提供，包括大蒜、醬油、胡椒和各種香料混合調製而成的燒烤醬等等，岩哂咁多口味不同人士。😋😋一定會再encore!!#旺角美食#旺角#foodie#hkfoodie#旺角必食#甜品#旺角甜品#必食#香港必食#香港美食#香港网红打卡#香港美食探店#甜品推薦#燒肉LIKE#美食推薦#銅鑼灣#家樂坊#moodzfoodie#moodzfoodz

香港有唔少燒肉店，而燒肉LIKE就主打日式一人燒肉套餐，每次經過都大排長龍，燒肉份量由50g至300g不等，可以按個人喜好選擇喜歡嘅肉類，另外亦可以單點，價錢親民，地點方便，最近仲喺黃大仙同大埔開咗分店，可以一試😋今次要咗期間限定嘅日本產雞頸肉配炭燒汁套餐，有雞頸肉、牛小排同豬五花腩～ 雞頸肉係稀有部位，肥瘦適中，香氣四溢，入口彈牙，而且幾juicy，配上炭燒汁令到雞肉嘅鮮味更加突出✌️ 牛小排肉質軟嫩，牛味十足，豬五花腩油脂感豐富，燒到有焦香味，整體性價比高，豬牛雞樣樣有齊，有料😎另外單點咗牛五花同牛板腱，前者夠肥美，因為油脂最豐富，入口超級嫩滑；後者肉質細嫩，較結實，各有千秋～ 值得一讚嘅係呢度夠多醬汁款式，每塊肉都點一樣試，好玩得嚟又好食，仲可以降低油膩感😂套餐包括白飯、和風湯、泡菜或迷你沙律～ 飯可以加錢轉木魚絲紫菜蛋飯，有生蛋或溫泉蛋揀，而飯嘅份量可以選擇100/200g/300g！飯粒飽滿，粒粒分明，亦可另外單點LIKE芝士咖喱，咖喱醬好惹味，搭配生菜包肉真係幾好味😎 最後以日式年糕配黑蜜黃豆粉同天日鹽窩夫雪糕作結，食飽又係時候返去趕工了👌

今日大概五點幾去左旺角分店食，我order左個壽喜燒牛小排&牛五花套餐，另外散叫左個日本和牛上級肩肉，咁食完就舉手叫店員幫我起甜品啦。咁個甜品黎到啦，我就問店員窩夫雪糕係咪用手食嫁，佢答我係。我話咁我燒完個窩夫雪糕再用手拎黎食咪會有機會焫親隻手，佢答我咁你用你自己既方法食到咪得囉，咩態度？？？成班店員圍係我前面水吧傾計，舉手舉左勁耐先有店員睇到，即係唔收服務費我唔要求d咩服務，但唔係俾d咁既答案個客囉。講真味道同價錢係成正比既，真係唔錯既d牛，但咁既服務態度，幾好食都無用，真係貼錢買難受😣

今晚在燒肉like（家樂坊）有一個非常非常憤怒的對待。我們3人大約下午5：10到達，被告知齊人（我們共有6人）才可入座和入座後60分鐘要走。我告訴他我的朋友是傷殘，她企得太久會很疲累，請給予一張椅子比她休息一會，你的店員望了一眼然後大聲喝"冇”。我當下很不安，感覺不好。過了半個鐘（店內四、五個店員只是久不久就圍埋傾談，可能不太多客人原故），我另外三個朋友即將到，於是我向你店員講一聲我們六人即將齊人，估唔到只得到一個店員大大聲喝下：“我哋唔會留枱㗎，你哋人齊先嚟排隊，我哋唔會留枱㗎”。我當時只想通知店員一聲，但他們的態度令我非常氣憤。於是我準備上Open Rice留負評，居然看到3個新近評語：28/6 服務態度惡劣18/6 服務態度非常差12/6 服務態度有待改善我才知不是我們太敏感，而喺這間店的店員實在大有問題，希望你們可以正視呢個問題。p.s.我們最後沒有入座，因實在太憤怒。

原本想去旺角家樂坊分店試下，之前去過上環店，但一樣有服務態度非常難頂的侍應，對人說話態度十分粗魯，大呼小叫，店鋪營業時間到晚上10點，入店時告知需要在9:50前食完離開，理解無問題。但未到9點半，樓面員工已在周圍收場，大力踢凳，大聲收燒烤爐，態度比街邊大排檔更加惡劣，其他客人見狀紛紛離開，離開時未到9點半，雖然食物質素的尚可，但員工的服務態度真的勸退。

各服務員態度非常差！不會主動協助及關顧客的需要，環境衛生錯，尤其是肉類俾顧客全是冰岩的，似雪藏多久！各類醬汁不會檢查是否足夠給客人和清潔醬樽外的污跡；令顧客感到食肉不安！最後，不會再光顧這本店。

個燒肉爐太危險，燒燒下肉會着火，好彩我哋縮得快，食到提心吊膽，啲食物都還可以，價錢都唔算太貴，但係呢間分店嘅服務態度唔係咁好，有待改善，唔會再食第二次～🙈🙈

個爐非常之難用，調校到火力1就太細，燒勁耐先熟，但係校大少少，個爐就著火！燒到塊面咁高！好危險，根本預計唔到d火幾時突然爆上黎。職員見到就只係會換個網，問題係d火係由爐底d油燒上黎，唔係個網！食過咁多燒肉店，從來未遇過咁危險咁難控制嘅爐！全程都令人非常不安！肉冇咩問題，正正常常，飯都幾軟熟，價錢亦唔貴，食咗300g牛都只係百零蚊。但係個爐真係破壞曬，令人唔能夠安心食野，真係隻手縮慢d都會燒到，好恐怖！

每次黎食都至少等一個鐘起跳好彩有the gulu可以係app㩒飛😌係套餐方面有好多唔同選擇飯同肉都有唔同gram數可以揀岩晒小鳥胃既女仔🤣肉既方面都可以有唔同既調味選擇我自己就偏好揀原味肉無任何調味而本來個燒肉汁會有少少蓋過左牛既香味如果想食濃味啲既可以攞枱隔離調味架上面既醬料有即磨海鹽 黑椒 燒肉汁等等落單採用到qr code落單係位度完成付款就會有職位送餐餐廳有時都會有唔同付款優惠可以留意返整體黎講以單點燒肉黎講都幾實惠

這間主打一人燒肉的日本過江龍在香港開了那麼多分店但人氣還是保持得很好，今天去到餐廳才５點多就已經排起長長的隊了，果然在旺角區就是人氣旺了！這裡最好就是可以自己一個就可以大吃一頓燒肉，不用在意其他人目光，而且燒肉種類也挺多，連日本的和牛也可以吃到，最便宜叫５０Ｇ才幾十元就可以吃到了，認真划算！牛五花３００Ｇ（１０８元）這個應該是性價比最高的套餐了，一個價錢就能吃飽飽了！來到看到是一個小肉堆，真的很過癮！牛五花肥瘦相間，吃起來肉質滑嫩，又有油香，愛吃嫩點就不要燒那麼久，想要焦一點也可以！套餐還包括了湯，沙律和白飯！白飯用上珍珠米，而我就選了３００Ｇ，滿滿一大碗，配上燒肉真過癮！美國頂級西冷牛扒１２０Ｇ（１２２元）雖然是１２０Ｇ的，但也是挺大塊的！燒過以後肉質挺嫩，肉汁挺多的，邊邊的筋位也能輕鬆咬動！油花比想像中的還要多！豬五花腩肉５０Ｇ（１８元）豬五花腩肉外表看起來不會太肥，而且是不帶皮的，吃起來肉質爽滑，帶點油香！生蛋（８元）特意叫來配燒肉的，燒完的肉沾上生雞蛋，然後再沾上燒肉醬汁，吃起來更滑嫩，更惹味！可樂（１０元）天日鹽窩夫雪糕（２８元）看到餐牌說要燒一下，但不要燒太久，試完以後還真