燒肉801

營業中

休息中

再次到燒肉801，位於尖沙咀加連威老道14號地舖。 上次食過， 絕對值得encore， 喜歡這裏環境舒適， 最重要通風系統好，食完唔會成身燒肉味😆。 餐廳主打日式燒肉😋，晚餐🥢 ～ 801盛Single$198、 冷麵set$38、 可口可樂$20、 杏仁豆腐$28、806牛舌盛$98、生菜set $25、辛辣味噌九州雞心$68、玉子湯$38、 日本熟成豚香肉$58、 日本蜜瓜汽水$25。 📍801盛Single🍱 ～ 套餐有三款肉類， 大判燒黑毛和牛肩胛肉、腹前牛小排、蔥鹽味雞腿肉。黑毛和牛肩胛肉燒起來肉味好濃，入口即溶，配日本雞蛋吃，口感更加細緻嫩滑。腹前牛小排醃得很入味，肉汁豐富， 配上生菜和泡菜一起吃，更美味。蔥鹽味雞腿肉很肥美， 加上蔥粒一起吃就更香了。 📍806牛舌盛🍱 ～ 鹽味和醬油味兩款都好正， 鹽味牛舌有濃香的牛肉味，醬油牛舌醃得好惹味。 兩款都是薄切， 入口爽嫩。📍日本熟成豚香肉🍱 ～ 豚香腸的外皮很脆口， 裏面非常juicy。 📍辛辣味噌九州雞心🍱 ～ 雞心爽口入味， 成碟放上去燒爐度烤就可以， 非常方便👍🏻。 📍冷麵set🍜 ～ 湯頭清新帶點酸， 冷麵口感煙韌彈

係 THE ONE 睇完生日展,  肚餓想食嘢, 甘岩行經這間燒肉店, 可能時間嘗早, 所以唔需要等位.我地柬左801 套餐; 加埋散叫. 店員細心解釋雞蛋混埋牛肉如何進食. 基本食材是高質和新鮮, 食法應該都會一樣. 黑毛和牛入口溶化好味,  雞略為細件燒完有點縮細容易燒憹;   牛舌沒有腥味. 個人感覺 cuttlefish口感麻麻地.  值得讚, 食後唔會有燒烤味, 也唔需要飲大量的水去解渴.  價錢也公道. 可以再有一次.       

呢間燒肉每次經過都好想試，呢排天氣轉涼，食燒肉就一流，開頭以為價錢唔會平，睇完個Menu直頭覺得係抵食👍🏻👍🏻 性價比好高🫶🏼.▪️802 樂盛 (Double) 300g300g嘅份量果然驚人😂好大盤➰腹前牛小排➰黑毛豚無骨小排➰蔥鹽味雞腿肉牛小排有驚喜，富有肉香之餘咬落又有嚼勁；雞腿肉嫩滑多汁，爆香蔥花撈埋一齊食，肉味更香，食肉獸至愛👍🏻.▪️805 黑毛和牛盛 150g➰黑毛和牛肩胛肉➰黑毛和牛小排和牛肩胛肉值得試，油脂分布均勻，入口即溶😍 沾埋蛋黃醬，肉香滲哂出來；和牛小排肉質鮮嫩，點買燒肉汁簡直食唔停口。.▪️米飯套餐我兩個餐都加咗$25米飯套餐，有一碗米飯、味噌湯及泡菜，佢另有冷麵 & 生茶set加，但個人認為肉汁撈 🍚係無敵組合，強烈建議加呢個set🫰🏻

啱啱喺尖沙咀The One行出嚟，見到對面條街都好多嘢食，望到呢間燒肉好似都唔錯，就入去試吓💖❥801盛 Double $388一眼望去801係最吸引的🤩入面有黑毛和牛肩胛肉大判燒、腹前牛小排、蔥鹽味雞腿肉🥩和牛大判燒配溫泉蛋，軟嫩嘅肉質配上濃郁嘅蛋汁，令到成個口感更加順滑🫶🏻牛小排雖然唔係特別嫩，但勝在牛肉味重👍🏻雞腿肉燒得啱啱好，好嫩滑，而且雞皮好脆😽❥806牛舌盛 Single $98牛舌一共有兩款調味👅一個係醬油牛舌，一個係鹽味牛舌😋切得比較薄，所以唔使燒咁耐🥰燒完出嚟都好彈牙，唔會太韌😆❥水冷麵 套餐+$38食燒肉一定要配水冷麵🤤酸酸甜甜，冰冰涼涼，麵質好有彈性😻超級解膩～❥生菜 套餐+$25生菜同烤肉都好適配🥬包住食好有韓國風味🇰🇷

係尖沙咀行完街，見到呢間燒肉幾好，就去食! 可以單點又或者套餐，個人覺得套餐更抵食! 見到佢名叫燒肉801，咁就一定要叫番招牌801號餐試下，包括黑毛和牛肩胛肉，腹前牛小排同埋蔥鹽味雞腿肉。牛肩胛肉好大塊，而且係可以配住個溫泉蛋食，食落口感更滑。肉質鮮嫩，提提大家呢塊好易熟，唔洗燒太耐就食得! 另外加左生菜set，有泡菜同埋個醬，配埋冇咁膩。神盛就包括特上牛胸腹肉，腹前牛小排同埋牛板腱肉。個人比較鐘意牛板腱肉，牛味香濃，而且肥瘦岩岩好。肉類本身已有調味，單食都唔會單調。呢款就配左冷面set，極度推介大家要叫冷面set，食落好fresh，好解膩!另外加點左款牛腸，可以成個pan就咁擺上去燒，牛腸冇腥臭味，調味幾好!

😍高質日式燒肉😍-今日係尖沙咀食左間日式燒肉，除左佢既黑毛和牛好高質之外，海鮮亦都相當好食。🤓-😝涼伴三點盛（$58）三款涼伴前點都好吸引，特別係芽菜真係冇得輸，又香又開胃。☺️-🐮805 黑毛和牛盛套餐 （$323）非常高質素嘅黑毛和牛肩胛肉大判燒，雲石紋既油花細緻均勻，滑得黎唔油膩，加埋蛋漿一齊食簡直係味蕾嘅享受。🤤黑毛和牛小排肉質嫩滑，配上店家既燒肉汁味道更加豐富，即使唔點其他醬都已經好好食。😍-🦐海鮮盛套餐 （$176）兩隻蝦都好爽口彈牙，烏賊鮮甜好食，仲有三隻肉厚既帆立貝。😝-🍜 泡菜牛肉湯（$58）泡菜牛肉湯菜爽肉鮮，酸酸辣辣咁配飯一流。🤣- 📍yakiniku801尖沙咀加連威老道14號地舖

又去食我最鍾意嘅燒肉 呢間燒肉店走性價比高路線 有多款唔同套餐選擇 入面有好多卡位坐 抽氣做得幾好唔會食完一陣味 🔸️801盛(150G) $198呢個套餐入面有一塊必食嘅大判燒！黑毛和牛肩胛肉 呢塊肉夠大塊 油脂分佈均勻 沾埋蛋漿食入口嫩滑有即化感覺 雞腿肉夠嫩唔乾柴夾埋蔥一齊食夠惹味 另外仲加咗$25要米飯set 包一碗日本飯、泡菜同味噌湯🔸️803神盛(150G) $168呢個套餐入面有三款唔同嘅牛 有特上牛胸腹肉、腹前牛小排同牛板腱肉 三款肉都有唔同嘅口感 我最鍾意牛小排 肉味濃 好啱牛魔王食🔸️極上厚切牛胸腹柳 $138呢塊牛胸腹柳超級長又厚肉 已經𠝹好一行行 成塊燒完再剪細嚟燒 肉質唔韌加埋醬汁香濃 會想追住食🔸️806牛舌盛(150G) $98牛舌食燒肉必點 好爽口 一份已經有好多塊 正🔸️杏仁豆腐 $28杏仁味濃又香又滑 必食

開始轉季，又係食燒肉嘅時候喇。燒肉801坐得舒服之餘，抽煙做得幾好，食完之後唔會成身都係燒肉味。今次同朋友兩個人叫咗一個套餐再單點其他食物，好食之餘性價比都唔錯🍖🤍801 盛 double (300g) 🖤黑毛和牛肩胛肉黑毛和牛一睇就知靚，肉既油花分佈均勻細緻，入口即溶，和牛香氣同油份充滿口腔，而家諗起都好想好想再食呀🖤腹前牛小排比起和牛，牛小排嘅牛味更濃，更有咬口，食落唔會有渣或者有根，呢份都唔錯🖤蔥鹽雞腿肉雞腿肉切開細細一嚿，就算自己都可以燒到皮脆肉嫩，好食🤍鹽燒牛舌我自己鍾意嘅係厚切牛舌，呢度嘅牛舌係屬於薄切嘅一款，🤍檸檬冷麵🍜清新又開胃嘅檸檬湯冷麵，冷麵夠煙靭彈牙，燒肉容易食到飽飽滯滯，呢個係一個非常好嘅配搭。燒肉801 (尖沙咀)尖沙咀加連威老道14號地舖

偶然發現這地方，最美味又親民之味道。肉質美味，填飽肚子也不覺得厚重。推薦主打親民日式燒肉店子～九州黑毛和牛，輕鬆和朋友聊天，吃燒肉，棒！先來個快樂～店子的美食多，裝份如置身日本吃燒肉，感覺很好呢滿滿日本黑毛和牛燒肉店一客盛合大判燒！有黑毛和牛肩胛肉和黑毛和牛小排，看到很多肉肉，朋友也非常快樂～大片厚身小件之口感。 在氣氛輕鬆日式燒肉餐廳，以紅白色作主調，令人輕鬆感滿滿。肉類🥩選擇多，和牛滿滿的油花，好新鮮，上菜快，主打由日本直送、九州產的黑毛和牛，另外亦供應豚肉、雞肉和海鮮，更備有多款小吃，真的很不錯冷面彈牙口感，不錯又好吃，人多一起吃，更可以吃到不同的肉，時間不緊迫，有需要可隨時要求換網，效率非常高，夠吃的多牛燒肉之晚，高質之味道，已經很快樂了，氣氛很棒，加上炭火味道，值得之快樂

〰️801盛（$223）有單人同雙人份量可以揀，加$25有埋🍚。801盛入面有黑毛和牛肩胛肉、腹前牛小排同埋蔥鹽味雞腿肉。黑毛黑胛肉味香濃，脂肪同肉比例均勻，沾上日本蛋，香味更加升級！日式鹽醬同青蔥調成嘅蔥鹽同滑嫰嘅雞肉好配。〰️803神盛 （$206）加$38轉set有埋個冷面，冷面煙韌，仲有醃酸瓜等等，清爽解膩。餐有特上牛胸腹肉、腹前牛小排同埋牛板腱肉。牛胸腹肉肉質結實有咬口，油花經過燒烤後風味更濃厚。〰️牛小腸 （$58）牛小腸處理得乾淨，唔會覺得有腥臭味。醬汁醃製得好入味，愈嚼愈香。〰️烏賊 （$48）外層輕輕烤至微焦，內層依然保持柔軟。🥹〰️帆立貝 （$58）帆立貝新鮮，肉厚身。好新鮮嘅味道，唔使任何調味。〰️〰️📍 燒肉801 (尖沙咀)尖沙咀加連威老道14號地舖

見到同事食燒肉，講到鬼咁正。睇到我心癢癢又想去試吓。餐廳以紅色及木色為主調，座位闊落舒適。每個爐均有自動抽氣，唔使擔心食完全身燒肉味。😋餐廳使用QR code落單，是日選擇：1️⃣801盛り(Single)🔸大判燒！黑毛和牛肩胛肉🔸腹前牛小排🔸蔥鹽味雞腿肉🍽牛肩胛肉好大塊，配上半熟溫泉蛋，令肉更嫩滑，入口即溶嘅感覺，肉味濃郁。牛小排厚度適中，醃得夠入味。雞腿肉肉質嫩，配上小蔥花，雞腿肉更惹味。2️⃣鷄肉盛り🔸 蔥鹽味雞腿肉🔸九州鷄脛柳🔸九州鷄心🍽份量多，鶏脛柳不會太乾或過於油膩。九州雞心質地細嫩，肉質有點彈牙。3️⃣黑毛和牛小排（汁燒）🍽油花細緻，脂肪紋分佈均勻。4️⃣黑毛豚無骨小排🍽油脂多，一燒就會好大火，但不會燒焦，好夠味。5️⃣烏賊🍽新鮮，口感軟腍，容易咀嚼。

上星期二訪呢間尖沙咀人氣燒肉店，佢地主打多款燒肉套餐，價錢經濟實惠，入面裝修好有日本風。801盛 $198呢一個set好抵食，有大判燒黑毛和牛肩胛肉、腹前牛小排同蔥鹽味雞腿肉。黑毛和牛肩胛肉一大塊，油脂豐富，入口即溶，可以蘸埋溫泉蛋漿。腹前牛小排重肉味，肉質細嫩。 202鹽味牛舌 $78一碟有六塊牛舌，爽口彈牙，燒一燒就食得，牛舌控必叫。102極上厚切牛胸腹柳 $138厚切牛胸腹柳揀咗汁燒，牛胸腹柳都好嫩滑，醃得好入味。893冷麵set +$38燒肉set仲可以揀紫菜飯或者冷麵，我就揀咗冷麵，冷麵麵質好煙韌，配埋泡菜解膩一流。888杏仁豆腐 +$28最後叫咗我最愛嘅杏仁豆腐，杏仁味好濃郁，口感滑溜，大滿足。

📍 燒肉801 Yakiniku801🌍尖沙咀加連威老道14號地舖 G/F, 14 Granville Road, Tsim Sha Tsui📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸ ８０１盛 ◂＄１９８ / １５０G✿ 大判燒！黑和牛肩胛伕、牛小排、蔥鹽味雞腿肉✿ 大判燒脂肪均勻分怖，口感特別柔軟，拌生雞蛋同壽喜燒汁，更加滑嫩~▸８０３神盛 ◂＄１６８ ／１５０Ｇ✿　特上牛胸眼肉、胸前牛小排、牛板腱肉✿　全牛套餐，三款肉當中最愛係特上牛胸眼肉，肉味濃郁~▸ 特上厚切牛胸眼柳◂ ＄１３８✿ 厚切牛胸眼柳帶少許脂肪，有嚼勁且多肉汁▸牛舌盛 ◂＄９８／１５０Ｇ✿ 鹽味及醬油味✿ 爽脆焦香，油花豐滿~▸ 杏仁豆腐 ◂＄２８✿　杏仁味醇厚，食完勁清爽

有一陣子無食過燒肉，朋友都想一齊去食，就來了尖沙咀燒肉801 ，感覺很不錯，座位寬躺，通風系統也做得不錯，而且食物質素高質。餐牌的選擇好多，這裏主打牛肉，所以就叫左燒肉803這個牛肉餐，朋友都想試吓其他肉類，叫咗802💗🌟803神盛Double (300G)這個餐可以滿足喜歡吃牛肉的朋友，有牛肉三個不同位置，質素都非常好，吃得非常滿足🥰三個牛肉的不同部位分別有：🔅特上牛胸腹肉🔅腹前牛小排🔅牛板腱肉這三種牛肉各有千秋，質素很好，油脂分布非常均勻，牛脂滿滿，成個口腔都籠罩着牛肉的香味，油香夠出，配上白飯十分滋味👍🏻🌟802樂盛Single (150G)這個餐純粹想試一試黑毛豚同雞腿肉，結果冇令到我哋失望，都非常好食😋這個餐有🔅腹前牛小排🔅黑毛豚無骨小排🔅蔥鹽味雞腿肉黑舞豚脂肪較多，但燒焦香後，唔會太肥，脂肪香味都好夠，配上生菜一齊食，就唔會太膩✨雞腿肉有蔥鹽的香味，非常彈牙， 肉質鮮嫩，而且多汁，很不錯🥰🌟杏仁豆腐食完燒肉，叫了杏仁豆腐來下下火，杏仁豆腐是冰凍的，又香又滑，滿滿杏仁味，為這餐畫上完美的句號🫶🏻

有一排都冇食燒肉，心郁郁，去咗尖沙咀店燒肉801，水準保持到， Yummy😋😋 餐廳光線充足，通風系統都做得好好，唔怕食完有一浸油煙味😎食物的選擇都非常多，豬牛雞的不同部位，內臟等等👍🏻👍🏻之前試過招牌801， 今次選了802，803兩個餐：🌟802樂盛Single (150G)特別叫了這個套餐，有牛，豬，雞，一次過滿足晒三個願望， 樣樣都可以試吓🥰另外加錢有一碗白飯同麵豉湯，同埋食燒肉不可缺少汽水☺🫶🏻腹前牛小排：脂肪比例非常靚，紅白分明，肉質滑溜，牛味重，油香十足，配飯一流😋🫶🏻黑毛豚無骨小排：燒到焦香，非常香滑，脂肪十足，配埋生菜一齊食最正✨🫶🏻蔥鹽味雞腿肉：雞腿肉非常彈牙嫩滑，配埋香蔥一齊食，非常滋味👍🏻🌟803神盛Double (300G)日式燒肉，牛肉的不同部位都各有特色，這個神盛套餐非常推介給喜歡吃牛肉的朋友✨唔想食太多米飯，所以呢個套餐嗌咗生菜🥬生菜配燒肉冇得頂😁🫶🏻特上牛胸腹肉：肉質比較實淨，但都非常juicy，燒完後，牛肉都充滿肉汁，牛香四射💗🫶🏻腹前牛小排：脂肪比例較少，但牛香最出，味道很不錯✨🫶🏻牛板腱肉：薄身，肉質非常有彈性，包埋飯一齊食，非常香滑，配埋醬汁，