燒肉 DON DON

營業中

休息中

食物一般 又貴 之前仲睇到服務員裝水喉水落水樽到比客人自己斟 到時有啲咩事就自己負責 唔好話我無同你地講明明客滿到爆 啲服務員仲企係側邊一直吹水 我有舉手搵佢地幫忙都完全聽唔到睇唔到

“三部曲套餐(150g)”($78)“Don Don套餐(150g)”($102)宜家周圍都多咗好多一人燒肉店🔥今次就去咗喺旺角開咗冇耐嘅燒肉Don Don呢道嘅一人燒肉套餐非常抵食包咗日本珍珠米飯🍚和風湯,泡菜/沙律🥗最平嘅牛五花套餐只需$48🤑我地點咗三部曲,Don Don套餐三部曲套餐有豬五花,豬頸肉🐷,雞腿肉🐔而Don Don套餐就有牛肩肉,牛五花,牛舌🐮其中一個飯加錢轉咗做紫菜蛋飯😋各款肉類質素都唔錯特別鍾意豬頸肉😍燒完後焦脆又爽口😚雞腿肉都十分嫩滑🥰牛肩肉紋理分明,食落牛味濃郁每枱都有好幾款調味醬汁配上燒肉味道就更豐富☺️

一人前燒肉店☺️諗返轉頭其實都好耐冇食過燒肉啦～想一個人靜靜地食燒肉其實而家坊間都好多選擇 今日就到坊位於旺角通菜街嘅一間燒肉店～超值套餐$48～就有啦 佢哋係用電子方式落單 方便快捷又衛生😎手機QR code點完餐直接付款 如果需要現金支付都可以同職員提出 🤩方便晒我哋 我叫咗一份100 g 牛五花套餐～半肥瘦相當有口感 再混合埋紫菜溫泉蛋撈飯 真係極級嘅享受😎如果100 g牛肉唔太夠 散點最平$18都有交易☺️一個人食得招積 絕對要黎試吓燒肉Don Don 啦！燒肉 DON DON (旺角)旺角通菜街35號地舖

尋晚咁啱喺OpenRice見到有間新餐廳，諗住去試吓，點知當堂嚇一跳，然後得啖笑，五花肉太薄食完同冇食一樣仲有嗰浸星味，個湯同豬頸肉勁鹹，牛肉正常，通風系統好差但係冷氣好凍，成間鋪煙霧離漫，其實坐唔滿，仲有好多空位，食完成身都係嗰陣味，比平時去其他燒肉舖嚴重十倍，食食吓途中，見到一隻手掌咁大嘅曱甴，喺牆行過，即刻通知店員，佢哋就安排換位，好嬲，冇下次，報咗食環署同埋東張西望，仲有一樣嘢想補充就係個爐好難控制，一時好細火燒唔熟，一時太大，燒燶晒勁搶火

今日成日去左旺角開會😅 中午就搵下附近有咩好食😂 比我搵到一人燒肉🔥店鋪裝修都好新 餐廳有自助區比大家加水 座位坐得都算舒服😌 而每檯都提供左5款醬汁調味🤗 好貼心今次我就叫左個150g 嘅Don Don 套餐 都算抵食 個套餐包左湯、溫泉蛋紫菜飯、一大碟牛（牛舌、牛五花、牛肩肉）仲有沙律/泡菜牛肉好新鮮 好好味😋 配上溫泉蛋紫菜飯就更加好味 而且份量都好多 食左餐滿足嘅午餐雖然係燒肉 但餐廳通風做得好好 食完唔會成身燒肉味 值得一讚👍🏻

晏晝唔係好肚餓，見到呢個一人燒肉可以選擇唔同gram數啱晒😆我order左100g嘅牛五花套餐，只係$48咋😎呢個牛五花唔好睇佢好似好肥咁，其實半肥瘦相當有咬口，肉質鮮嫩，牛味都幾重，本身佢都有啲鹹味，所以唔使落咁多醬汁，不過我就覺得蘿蔔蓉牛排汁同佢好夾，可以點少少更加惹味😋佢嘅飯粒粒分明，加上啲紫菜同埋芝麻，鹹鹹地，撈埋啲蛋汁好正呀❤️湯入邊d牛肉好稔幾好飲❤️沙律就略嫌少咗啲😆呢度仲有唔同種類嘅肉類同埋牛嘅部位，一個人唔知食乜嘅時候都不失係一個幾好嘅選擇👍美味指數🍽：8/10 環境指數📸：8/10整體表現💜：8/10CP值指數😎：8.5/10

有次被朋友飛機左 自己一個喺女人街度盲揾嘢食 見到呢間新開嘅燒肉店幾得意一人一個爐對住幅牆食都得 眾樂樂不如獨樂樂❣️三部曲套餐(豬五花, 豬頸肉, 雞腿肉) 150g + 和風湯 + 泡菜 + 溫泉蛋紫菜碎拌日本珍珠米 $78一個餐有齊咁多個部位 啱晒我呢啲貪心鬼👻一個套餐都包幾多嘢 女仔一定夠飽👍🏻最令我意外係個湯 原先以為只喺味噌湯改左名 點知出奇地係豬肉白蘿蔔湯 飲落清清地唔係平時勁鹹個種感覺豬五花極靚 脂:肉比例做到2:1 油脂厚燒起嚟先香㗎嘛被油香包裹住嘅肉片入口即肉 燒耐左就可以變成脆卜卜豬肉片添至於豬頸肉食落幾爽口 吱左啲燒肉醬咸中帶甜 估唔到都match最後雞腿肉呢個就算唔記得睇火燒耐左依然嫩滑 原先無醃製嘅關係 返小小鹽味醬調下味啱啱好

喺旺角周圍搵吓嘢食，見到佢一人燒肉幾吸引就入咗去食，食物價錢同埋質素都OK亦都成正比但係店舖內嘅抽氣唔得，成間舖頭都係煙，好似置身於迷霧中，連唞氣都有啲辛苦，冷氣開到幾凍都冇乜用一出舖頭聞到件衫臭到想即刻換價錢合理，200g適合男仔同埋比較大食啲嘅人女仔嘅話，基本上100-150g已經足夠不得不提佢嘅醬汁選擇都好多，可以每樣都試吓👍🏻同埋碗飯都好大碗如果佢搞好啲抽氣系統，絕對值得一試！燒肉店嘅抽氣真係好重要

最近熱愛一人食飯🫶🏻一人燒肉🥩岩哂我🤩價錢經濟實惠😋🥩三部曲套餐一大碗白飯配肉肉食🍚隨餐附送餐湯🥘前茶選擇泡菜肉肉方面有豬五花，豬頭肉，雞腿肉150g $78燒時zizi聲好治癒😋而且每款都有大概5-6塊😍份量對小編而言是絕對足夠👍🏻✨豬頭肉肉質比較爽滑，值得一叫👅唯獨若豬五花更肥會更有口感😅😅😅另外，有大概5款醬料配搭，總有一款岩你口味😋而小編比較鐘意Don Don自家製醬汁🍽想過下燒肉的口癮，Don Don性價比高👍🏻不妨一試🍴

越嚟越多燒肉店開幕，而且仲係一人燒肉添。旺角又有新開一人燒肉店，新張優惠100g牛五花套餐只收$48，Lunch 時間經過就吸引咗入去試吓新嘢。入去安排坐好就可以手機落單，直接點咗100g牛五花套餐，前菜可以揀沙律或者泡菜，我加多$12將白飯Upgrade做紫菜溫泉蛋飯。成個套餐有飯、前菜、湯、同埋你點嘅肉。100g牛五花大約有6-7片肉。旁邊就有五款醬料可以俾你揀你點肉。我個人就鍾意蘿蔔蓉牛扒汁、同埋胡麻醬。牛肉燒好點嚟食，或者落啲燒肉汁落碗飯度撈勻一齊食。出面有免費檸檬水可以俾你飲。今餐都係食咗$60，冇投訴啦。

一人燒肉店🥩- Don don 套餐 $102包左個紫菜溫泉蛋飯 和風湯 同沙律 而肉呢就有牛舌 牛肩肉 同牛五花 五花薄切 最快燒熟 油脂滿滿 牛肩肉就大塊啲 燒耐啲 但食落就冇咁膩 而牛舌就口感最煙韌 爽口 仲可以點好多款醬汁 包括燒肉汁 胡麻醬 辣椒醬 蘿蔔醬 鹽味醬 亦有鹽粒同胡椒 任君選擇 點完再送飯食 一個人食都叫啱啱好 仲有檸檬水自助任斟 都叫坐得幾闊落…………………….🌝一個人想食燒肉過下口癮嘅平價之選 🌚位於通菜街啲巷仔…………………….

今日同朋友放假同朋友相約左去旺角按摩，按摩前諗住食個lunch☺️見到新開左一間食店，餐廳裝修新穎，而且地方都好大，大概中午時間都唔洗排好耐隊👍🏻👍🏻另外，餐廳員工服務態度都好好，而且十分健談。一入到間餐廳，環境十分企理，就算一整間主打燒肉點都冇好大浸油煙味👍🏻絕對唔會好似外間咁食完燒肉成身都係味。而且佢主推一人燒肉，所以每個位前都會有一個燒烤爐同埋多款醬汁（例如韓式辣醬、燒肉醬、芝麻醬等等)，真係好貼心！餐單上有各式各樣的美食提供，而今次我叫左牛五花&豬牛花套餐($75)，套餐包括一碗湯，泡菜和飯，簡直係令人好飽肚，而且唔會令人好容易食到濟，肉類都好新鮮，呢個價錢真係好抵！ 如果口渴既話佢仲有個自助吧，可以自己浸檸檬水飯！簡直好方便🌿🌿🌿🌿🌿🌿🌿🌿🌿燒肉 DON DON (旺角)旺角通菜街35號地舖🌿🌿🌿🌿🌿🌿🌿🌿🌿

一人餐廳愈來愈多，一人火鍋、拉麵、居酒屋(原來都係日本野)到一人燒肉店，燒肉DON DON，主打一人前燒肉套餐🥓簡潔時尚裝修，超值既燒肉套餐由$48起就食到，仲要$48食到牛肉😯電子落單唔出奇，直接網上俾埋錢連收銀埋單都慳返，極度方便👍🏻👍🏻👍🏻👍🏻👍🏻👍🏻👍🏻👍🏻👍🏻三部曲套餐，雞腿肉、豬頸肉、豬五花，有150g，配泡菜、和風湯同紫菜蛋飯，好豐富既賣相😍日式燒肉爐，好快熟，先試豬頸肉，幾厚身，油份當然夠，燒香後配個燒肉汁，好好味，肉汁爆發😗加埋必食既紫菜蛋飯，蛋汁加紫菜加肉就係幸福💓好正既享受豬五花係薄片，可以燒到香脆，加啲鹽醬同韓式辣醬，好惹味😆送飯一流，好正，雞腿肉，正常既，肉質都嫩，配蘿蔔蓉牛扒醬都幾特別，原來份量都好夠😌最後梗係要啤啤佢，先至真係食燒肉，爽😎其實大部分人都唔係一個人黎，正常既又抵食又好味，但一個人食都可以好舒服😘值得儲存起既餐廳😋

我食開家樂坊 燒肉LIKE ,經過見到呢間燒肉don don ,不知是同一集團 還是翻版 就姑且試一試一進入店裏面，就覺得好大油煙選了靠門第二張檯坐，都好大煙 眼好gip個menu直頭係同燒肉like一模一樣，給點誠意好嗎？？牛肉到了，肥到呢….. 跟拜神肥豬肉一樣！澳洲M5和牛胸腹肉….只能說我係佳寶買最平易的 就是這個質素 ，牛沒有牛味，比放題差一直燒一直燒煙好大，應該是肉太肥 肥油一直滴到爐裡冒煙吧 ，簡直是貼錢買難受，一直在想什麼時候吃完！另外：迷你沙律菜 變左 青瓜加沙律醬日本miso soup變了韓國白蘿蔔湯唯一讚的是 挺大份的 但我寧願 要quality not quantity !食完 我覺得大味過我早一個禮拜去殯儀館燒衣的味！

最近通菜街裡開了家很適合Me Time來的一人燒肉，燒肉Don Don沒有傳統韓燒的大魚大肉吃法，就一日一個份量，有牛有豬有雞，當然肚子胃納大可以散叫再叫多些，但一人想靜靜地享受燒肉樂趣，簡單一份就可以了\\^^//。-三步曲套餐，有豬頸肉，豬五花和雞腿肉配白飯和湯品，-桌上亦有多款醬汁供調味。豬頸肉，豬五花都油花滿滿，豬頸肉切成條狀，咬落爆晒汁，豬五花薄切肥瘦層層相間，雞腿都啖啖肉，燒得金黃就已經不錯。