燒肉駅 一人燒肉·丼飯

星期五收工在旺角搵食，經過呢間在旺角花園街附近的燒肉，被門口的價錢牌吸引咗。開始以為是燒肉定食，估唔到傝地仲有供應燒肉放題。$158 限時90分鐘，雖然肉類只有幾款選擇，但質素都唔差，有牛味，也不會太多肥肉，呢個價錢我已經收晒貨。放題除了肉類，還可以點翠肉瓜、金菇、粟米和生菜。嫌燒肉太油膩，可以用生菜夾著一起吃，也有幾款醬汁可以拌著吃。另外，加$18可以有汽水放題，入面單買一罐也需$12。座位以bar枱為主，也有兩三張卡座，環境舒適，也不會太熱。…查看更多

肉質大家自己睇圖片啦，豬肉牛肉都系咁质素，勉强食佐少少算啦 衛生方面：食嘢不停有小飛蟲係隔離飛另外態度也差 ，其中一個可以話完全無禮貌，見到都冇胃口 將心思放係出品入面，將出品做好，先係長久之計呀…查看更多

有時候得閒都會自己一個人去食燒肉，但去開個啲連鎖式燒肉店都係限定一個個set，然後再令加肉。以我一個食肉獸來講，每次咁樣食一食，都差唔多要二百蚊，所以都想揾啲可以一個人仼食燒肉既店舖。點知最近又真係揾到！仼食餐牌分咗3個Level ，而我自己就揀咗Level 2基本配置都係有飯有湯同泡菜佢哋首先會直接比碟肉你先，食完唔夠可以寫紙再加。飲品好似另計，但水就仼你飲 ~而飯隔離個碟係Level 1既肉。再隔離個碟就係 Level 2既肉。依碟係Level 1既肉，但燒咗幾塊先記得影相。依碟有齊豬牛雞，就正正常常，唔會有臊味。Level 2既肉~依碟就係牛小排、雞頸、牛舌。總括而言，我覺得係一間幾好食既燒肉，至少可以滿足自己一個人食燒肉，但又想仼食既我🤣…查看更多

最近新開咗好多一人燒肉店，好多間都用平來做賣點，但係食物質素比較參差，朋友介紹話呢間質素高之餘，而且仲有放題選擇，咁就一於嚟試吓啦。一去到估唔到咁多人，如果想段就記住早啲嚟排隊啦。而且呢度嘅座位比較舒服，好多一人燒肉都係位置比較迫，但係呢度竟然有卡位，坐得好舒服。而且呢度嘅任食一人燒肉最平嘅價錢只係$158 ，真係好抵食。一上枱，已經見到呢度嘅牛肉真係好高質，平時啲一人燒肉嘅牛肉成日都雪到好實，但係呢度感覺牛肉好新鮮。急不及待試咗一嚿牛肉，食落真係好新鮮，牛味好夠，唔使任何調味料都好好食。不過呢度有好多唔同嘅調味料，啱晒重口味嘅人啦。而且除咗肉類之外，佢仲有海鮮任食，呢個帆立貝真係好高質，佢嘅食材好新鮮，而且好大隻，食多幾隻都回本啦。最重要嘅係呢度有好多蔬菜任叫，平時食燒肉太滯，就可以叫啲蔬菜嚟幫助消化。而且佢嘅蔬菜都好新鮮，食物有啲清新嘅感覺，食多啲菜又可以食多啲肉啦。而且呢套嘢抽風系統做得好好，食完燒肉都唔會一身臭味，真係好推薦大家嚟試吓呀。…查看更多

位於旺角既燒肉駅 一人燒肉·丼飯推出大滿足90分鐘任食放題🥳價錢由$158即嘆無限量燒肉，一人定多人都一樣可以盡興❤️✨燒肉駅90分鐘放題分成三款套餐，包括”山” ($158)、”海” ($228) 同”天” ($528)，今次K揀左中間既”海”餐，可以任食美國牛小排、牛肩胛、牛舌、豚五花、豬頸肉、鹿兒島赤雞頸肉同半殼帆立貝等！😋一開始會成Set咁上枱，咁就可以一次過試勻幾款肉，岩食既就Encore啦！醬汁方面有燒汁、蒜蓉牛油汁、照燒汁、岩鹽同辣椒粉等提供。除左燒肉，套餐仲有紫菜飯、味噌湯同泡菜。另外蔬菜eg. 生菜、金菇、翠玉瓜同粟米粒都係可以任食既！一人一個爐燒肉都好方便~ K最愛美國牛小排，輕輕燒一燒就食得，夠juicy！赤雞頸肉口感好爽彈、雞腿肉都啖啖肉咁😝好嫩滑，帆立貝都唔錯、味道幾甜，仲可以用生菜包住燒肉黎食，減輕膩感！蔬菜建議落蒜蓉牛油汁一齊煮😛味道好香😚📍 燒肉駅 一人燒肉·丼飯 (旺角)旺角西洋菜南街200號地舖…查看更多