影片
更多
2024-05-20
76 瀏覽
天后啱啱開咗間新嘅燒肉店，舖頭名直接叫燒肉屋，一於試吓佢。入邊裝修好靚，燈籠，燈罩，燈飾同埋裝修都係日式風格。 店員喺我哋坐好之後就擺咗五小碟，生菜，同埋一大壺清水俾我哋，同我哋講五小碟同生菜如果唔夠食，可以免費再加，實在太好喇！佢哋既五小碟分別係白蘿蔔，海苔，芽菜，泡菜同埋青瓜醃菜。好醒胃！八爪魚柚子沙律（$88）：八爪魚質感軟熟，廚師將八爪魚切成幼絲，令客人更加容易咬開。沙律菜新鮮爽脆。配埋柚子汁味道更加開胃。超長日式牛仔骨-日式醃製（$188）：好長嘅一條牛仔骨，賣相吸引。牛仔骨食落帶點油香，而肉嘅部份都唔靭，易咬開。我鍾意帶少少甜味，所以揀咗日式醃製。如果唔鍾意食已經調好味嘅朋友，係可以揀原味的。厚切割牛五花（$138）：呢個份量都幾多幾抵食。五花肉肥肉相間。五花肉已經經過調味醃製，醃料味道唔算太強烈，所以唔會掩蓋左牛肉本身嘅味道。蒜蓉牛油帆立貝（$158）：四隻帆立貝都幾大隻下。職員放咗蒜蓉同埋牛油喺帆立貝度，我哋一路燒，就越嚟越聞到香味。帆立貝好鮮味，肉質軟熟。佢仲配有紫菜飯，等客人可以食咗個帆立貝之後，潷啲飯落個貝殼度，撈埋啲牛油同蒜蓉汁一齊食，真係惹味到不得了。士多啤梨
入邊裝修好靚，燈籠，燈罩，燈飾同埋裝修都係日式風格。
店員喺我哋坐好之後就擺咗五小碟，生菜，同埋一大壺清水俾我哋，同我哋講五小碟同生菜如果唔夠食，可以免費再加，實在太好喇！佢哋既五小碟分別係白蘿蔔，海苔，芽菜，泡菜同埋青瓜醃菜。好醒胃！
八爪魚柚子沙律（$88）：八爪魚質感軟熟，廚師將八爪魚切成幼絲，令客人更加容易咬開。沙律菜新鮮爽脆。配埋柚子汁味道更加開胃。
超長日式牛仔骨-日式醃製（$188）：好長嘅一條牛仔骨，賣相吸引。牛仔骨食落帶點油香，而肉嘅部份都唔靭，易咬開。我鍾意帶少少甜味，所以揀咗日式醃製。如果唔鍾意食已經調好味嘅朋友，係可以揀原味的。
厚切割牛五花（$138）：呢個份量都幾多幾抵食。五花肉肥肉相間。五花肉已經經過調味醃製，醃料味道唔算太強烈，所以唔會掩蓋左牛肉本身嘅味道。
蒜蓉牛油帆立貝（$158）：四隻帆立貝都幾大隻下。職員放咗蒜蓉同埋牛油喺帆立貝度，我哋一路燒，就越嚟越聞到香味。帆立貝好鮮味，肉質軟熟。佢仲配有紫菜飯，等客人可以食咗個帆立貝之後，潷啲飯落個貝殼度，撈埋啲牛油同蒜蓉汁一齊食，真係惹味到不得了。
士多啤梨牛乳乳酸（$48）：酸酸美美嘅乳酸飲料。入邊仲有士多啤梨果肉。
蜜桃烏龍紅茶（$58）：俾佢隻熊啤啤吸引咗所以叫咗呢杯嘢飲。少少甜，烏龍茶味香，感覺清新解膩。
值得一讚係職員服務好殷勤親切，令我成餐晚飯時間都好愉快。
張貼
