燒味滷師 (成城大廈)

26蚊燒味飯🙃🙃🙃🙃好平仲送半隻咸蛋撈飯但係燒肉同燒鴨就一般啦😵‍💫😵‍💫😵‍💫😵‍💫燒肉皮脆既，不過就做唔到芝麻皮燒鴨好開心😚😚😚😚係比髀位，可惜係黑左d可以比多次機會既…查看更多

估唔到以家仲有22蚊燒味雙拼飯，呢個價錢真係時光倒流返左去十年前咁。第一次食，叫左燒肉叉燒飯同燒鵝燒肉飯，叫燒鵝既雙拼收30蚊。打開飯盒既時候都好有驚喜，因為並唔係每樣燒味得四小舊，呢個份量唔會食唔飽。而且味道都合格，如果加錢有埋例湯就更加完美。呢間價錢都比較親民唔貴，岩哂夜晚斬料加餸，一隻雞都只係78蚊，見到佢仲有燒腩仔，海蜇，泰式鳳爪，薰蹄，牛展，滷水鴨同手撕雞等等，選擇都好多，總有一款岩你口味。…查看更多

朋友在附近雍字頭樓盤新居入伙，今日去佢屋企，梗係唔可以兩手空空啦！見到前少少有呢間燒味滷師😍👍🏻，就知道一定要買，因為食喎佢哋分店都相當好味！今次都係嗌返照舊啦，至尊燒鵝$120下庄，味道唔錯，外皮香脆，唔會太肥。叉燒$40一斤，好抵食，肉質夠軟熟，唔會太肥，喜歡。沙薑鹽焗雞，$40半隻，啖啖肉，唔錯，而佢哋沙薑醬汁係分開，喜歡可以將鹽焗雞點一下啲啲汁，幾好。最後仲有海蜇鳳爪，佢哋嘅鳳爪係去晒骨，食得好方便，好推薦大家買！…查看更多

放假約咗朋友去葵涌飲茶，回程時路經石蔭路，醒起街角位有間「燒味滷師」，平時好少會嚟開呢頭，難得今日經過，一於過去買啲燒味返屋企今晚做餸。櫥窗入面掛滿了各式各樣嘅燒味，有貴妃雞、豉油雞、燒排骨、燒鴨，燒鵝，琳琅滿目，另外仲有唔少滷水同涼拌冷盤等供應，款款都好吸引。店舖入面設有自家工場，聽店員講，佢哋嘅燒味全部都係即場燒製，十分新鮮，絕對係斬料加餸嘅好選擇！樣樣都想食，心大心細，就一於買多兩三款返去，同屋企人一齊分享。至尊燒鵝 (下庄) $120：之前都喺其他「燒味滷師」分店買個燒鵝，知道佢嘅品質唔錯，所以今次亦二話不說再翻兜。果然冇令人失望，雖然拎到返屋企先食，但係外皮仍然好香口，鵝肉不韌，皮脆肉滑又多汁，吃得人津津有味。 燒味佬叉燒 $40：叉燒水準亦不俗，半肥瘦，肉質鬆軟又唔嚡口，咬下更帶油脂甘香，調味亦啱啱好，唔會過鹹或過甜，而且有幾件仲有燶邊添 👍👍另外盒沙薑鹽焗雞 $40 都好正，雞皮爽滑，雞肉幼嫩又有雞味，入口不肥不膩，咸香入味。睇得出師傅刀工唔錯，雞件斬得乾淨俐落。海蜇拼泰式鳳爪 $42：鳳爪用左秘製酸辣汁炮製，入口酸酸辣辣，加上鳳爪已作剔骨處理，啖啖都係肉，口感一流！海蜇粗幼度適中，入口爽脆彈牙，配埋面頭嘅芝麻一齊食，超惹味。…查看更多

假日時候，又係唔想煮，決定出街買啲燒味斬料🤪🤪呢一間之前已經喺其他分店試過，價錢又平又大份🫶呢間分店喺轉角位，非常容易睇到～肉類全部整齊地排好，色澤鮮明～勁靚❤️價錢真係好優惠！雙拼飯都係$22咋！今次又斬幾樣嘢返屋企😇 等咗幾分鐘已經拎得🥢至尊燒鵝～必食推介，油香十足 特別係個外皮 ～鵝油勁香 💯🥢砂礓鹽焗雞肉質鮮嫩，佢仲俾埋啲蔥油 同埋砂礓汁 ，鍾意點邊隻醬汁 悉隨尊便👍🥢燒味佬叉燒 非常多汁又好吃，半肥瘦勁正 ！🥢泰式鳳爪 配埋海蜇，爽口彈牙，夏天食呢個冷盤一流！咁多樣嘢加埋都係二百幾蚊，性價比真係好高！想特別提一提呢度啲姐姐超級好人，態度非常之好 又滿足你要求呢間燒味舖已經成為我日常加送嘅地方啦~~…查看更多