燉湯奶奶 (大有街)

行過新蒲崗大有街，比呢間「燉湯奶奶」個名同埋陣陣藥材香吸引咗入去。今次試咗佢哋嘅蟲草花雞湯，一啖飲落去，真係成個人成個胃即刻俾佢征服咗！個湯一上枱，已經聞到好香好純嘅藥材味，絕對唔係味精湯可以比。睇個湯色，金黃透亮，一啲都唔油膩，真係睇得出係足料燉出嚟嘅精華。急不及待飲一啖，嘩！個口感超級順滑，入口係濃郁嘅雞湯甜味，跟住蟲草花獨特嘅甘香慢慢滲出嚟，兩種味道融合得天衣無縫，飲完成個喉嚨都好舒服，又潤又暖。重點嚟喇！湯料一樣咁精彩。啲雞肉燉到極之軟淋，一撕就開，完全唔會「鞋口」，索盡晒湯汁精華。蟲草花份量絕不吝嗇，食落仲有少少咬口，增加成碗湯嘅層次感。飲完成碗湯，成個人由內到外都暖晒，好似即刻充咗電咁，嗰種治癒感真係難以形容！呢碗湯絕對係打工仔嘅救星，收工攰到散晒，過嚟飲一碗，真係即刻回魂。以後經過新蒲崗，必定要再嚟拜會呢位「燉湯奶奶」！…Read More

天氣開始涼，好想飲啲暖笠笠嘅湯，今日嚟呢一間出名無添加嘅燉湯蒸飯到買外賣。蒸飯加湯嘅套餐，最平只係$65，飯同埋湯嘅選擇都有好多。蟲草花蒸雞飯蒸雞有六大嚿，面頭勁多蟲草花，雞肉好入味。梅子排骨飯酸酸地好開胃，排骨好腍。銀魚仔肉餅飯好足料，就算佢冇其他額外豉油醬汁都好好送飯。土魷肉餅飯一樣係足料夠味，食完係唔會口渴。老黃瓜章魚赤小豆燉排骨湯姬松茸螺片淮山燉竹絲雞湯三菌素湯黑蒜蟲草花螺片燉排骨湯每種湯就算外賣拎到返屋企都超熱，每一款湯都真係落足材料，又鮮甜，懷疑佢唔使落鹽都做到呢個咁有味嘅效果，因為落足材料，飲完個人真係暖笠笠。另外仲嗌咗涼拌木耳，份量超多佢啲蒜蓉香味好香，再加上酸酸地嘅汁，真係好開胃呀。佢啲冷泡茶都唔錯，分別嗌左白桃烏龍同埋糯香茉莉。桑寄生蓮子茶都好滋潤，好啱抽冬天飲。呢間呢燉湯蒸飯10分推介，又抵又好食。…Read More

天氣開始涼涼哋，就會好想飲啖湯，對於我哋返工嘅人嚟講煲湯其實都好有難度，朋友就介紹咗燉湯奶奶話佢個湯係真材實料而且又有飯食，今日我就決定試吓。今次我總共買咗四個套餐，最初我一望到我套餐價錢我都有啲驚嚇，咁嘅價錢竟然有一湯一飯，真係去邊度搵。鹹蛋肉餅飯、蟲草花蒸雞飯、土魷肉餅飯、魚肚蒸滑雞飯，首先講吓兩個肉餅飯，佢哋分別嘅肉底都係好鮮滑，好怕食肉餅係好嚡，佢呢個絕對唔會而且鹹蛋味都好香，我自己就係食土魷肉餅飯，食到啖淡嘅土魷香味，另外兩個雞飯望落見到啲雞係好大嚿，而且屋企人都話啲雞係滑嘅好食。湯方面我哋叫咗兩個老黃瓜章魚赤小豆燉排骨，姬松茸螺片淮山燉竹絲雞、海底椰蟲草花雪梨燉排骨，成個湯一打開入邊全部都好真材實料，滿滿嘅湯渣你就知道啖湯係幾咁甜，而且就算飲完湯都唔會覺得好頸渴，就知道唔係味精。…Read More

💰消費：$65/位⭐評分：★★★★☆「一碗燉湯 一份人情味」係觀塘工廠區發現呢間燉湯專門店，簡單裝修卻充滿住家溫暖。$65一個套餐包燉湯+蒸飯，絕對係打工仔的滋補首選！---🍲【燉湯系列】真材實料見真心「姬松茸螺片淮山燉竹絲雞湯」湯色金黃清澈，姬松茸香氣突出，螺片厚身，飲落甘甜潤喉，絕對係誠意之作！「日月魚合掌瓜螺片燉竹絲雞湯」日月魚明目功效顯著，合掌瓜清甜爽口，成個配搭養生又美味。「海底椰蟲草花雪梨燉排骨湯」最近轉天氣喉嚨唔舒服，飲呢個湯最適合！海底椰潤肺，雪梨清甜，飲完成個人順暢晒～「老黃瓜章魚赤小豆燉排骨湯」祛濕首選！老黃瓜清熱，赤小豆祛濕功效一流，味道濃郁得嚟唔會過鹹。---🍚【蒸飯系列】住家風味滿分「鹹蛋蒸肉餅飯」肉餅鬆化唔會過肥，鹹蛋黃流油撈飯真係無得頂！「魚肚蒸滑雞飯」雞肉嫩滑，魚肚索盡湯汁，養顏之選。「滋補黃酒雞飯」酒香濃郁但唔會過嗆，雞肉入味，冬天食最正！「豉汁蒸排骨飯」排骨醃得入味，豉汁香濃，係經典嘅味道。「土魷蒸肉餅飯」土魷香口惹味，同肉餅出奇地夾，值得一試！---💯整體評價：燉湯真材實料，火候充足，飲得出無落味精。蒸飯充滿住家風味，份量足夠。$65呢個價錢係觀塘區絕對超值！👍推薦指數：9/10適合想食得健康、追求住家味的上班族。會再幫襯！#燉湯婆婆 #觀塘美食 #住家湯水 #燉湯專門店 #打工仔飯堂 #真材實料 #OpenRice…Read More

新蒲崗大有街新開嘅「燉湯奶奶」係間專賣燉湯嘅外賣小店，最抵食係$65嘅蒸飯套餐，任揀$48燉湯一盅加任何蒸飯，啱晒附近打工仔輕鬆飽肚。- 土魷蒸肉餅飯：肉餅細滑，土魷鮮甜，飯香味足，好有家常味。 - 豉汁蒸排骨飯：排骨醬香濃郁，豉汁夠味，蒸得嫩滑入味。 - 蟲草花蒸雞飯：雞肉嫩滑，蟲草花帶淡淡草本香，健康又滋補。 - 魚肚蒸滑雞飯：雞肉滑嫩，魚肚軟糯，湯鮮香，配飯一流。 - 老黃瓜章魚赤小豆燉排骨湯：湯底清甜帶鮮味，章魚鮮嫩，滋潤解膩。 - 海底椰蟲草花雪梨燉排骨湯：甜潤雪梨配蟲草花，湯頭清甜透心涼。 - 姬松蓋螺片淮山燉竹絲雞湯：滋補又香濃，淮山軟糯，雞肉入味。 - 黑蒜蟲草花螺片燉排骨湯：湯色濃郁，黑蒜提香，味道層次豐富。 這裏還可以$10優惠價加購冷泡茶一支，性價比高。…Read More

平時都好少飲湯水所以見到附近有呢一間又有飯食，又有湯水飲嘅就諗住試一下店員好Nice同埋好勁，自己一個處理晒所有嘢😂舖頭細細應該主要都係做外賣，見到佢店內都有一張小枱仔相信都可以方便一啲朋友仔企喺度食因為轉頭就要上朋友舖頭玩，所以就叫咗幾個飯加兩個湯，仲叫咗支飲品試吓佢真係值得一讚嘅係佢嘅湯超級足料！！！章魚大大隻！一打開個蓋已經聞到好香嘅章魚味我自己就飲淮山螺片竹絲雞湯，勁多料，螺片食極都有咁，同埋佢湯嘅味道唔會好淡口味好濃郁！我自己比較鍾意佢嘅豉汁排骨飯，佢豉汁排骨個底粉絲，因為給晒啲味啊，所以啲粉絲都好好食蒸雞啲雞嘅質素相當好全部都好滑，其他配料都好入味，肉餅不過不失全部都係送飯一流！…Read More

29/8 7:30pm左右，我地叫左兩個蒸飯（有一個冇影相），一個係土魷肉餅蒸飯，一個係魚雞滑雞蒸飯。最初店員有預告後者要等大約15分鐘，我覺得可以接受，就落order。點知等完又等，萬萬估唔到等左45分鐘，大約8:15pm先有外賣。當時出面落緊雨，我企喺度等外賣，加埋悶熱天氣，令人更加煩燥。我知當時兩位店員盡哂力，佢地冇停過手，唔係話佢地偷懶乜乜物物。建議佢地唔好再亂咁接單(我眼見佢地收工前仲密密接單)，可以衡量當時工作量及收工時間，設立截單時間。又或者更加準確預告客人製作時間，而唔係由15分鐘變成45分鐘。兩個蒸飯係香，好食，抵食，但已經好難再幫襯，真係好抱歉！…Read More

啱啱去咗家附近新開嘅「燉湯奶奶」！餐廳主打燉湯加蒸飯，環境簡單乾淨，好適合同家人朋友嚟慢慢嘆🍽️。.我哋點咗梅子排骨、土魷蒸肉餅、黃酒雞同榨菜牛肉蒸粉絲，味道夠晒正宗。.梅子排骨酸酸甜甜，好開胃；.土魷蒸肉餅肉質嫩又帶啲海鮮鮮香；.黃酒雞有陣陣酒香，好惹味；.榨菜牛肉蒸粉絲夠鑊氣，同埋粉絲吸收晒肉汁，好好食！.飯方面就係中規中矩，唔會太出奇，但同啲菜夾埋一齊幾夾味。.最推介係佢哋兩款燉湯——雞煲翅燉花膠湯同老黃瓜章魚赤小豆燉排骨湯。.湯頭濃郁但完全唔鹹，無味精嘅感覺，用料扎實又有誠意，飲落好清甜滋補，掛住都想再喝一碗！🌟.整體嚟講，呢間餐廳性價比唔錯，氣氛舒適，適合想食健康又有媽媽味嘅朋友…Read More

新蒲崗的燉湯奶奶真是個驚喜！他們的套餐只需$65，包含豐富的湯品和蒸飯，性價比極高。不用加錢，湯的選擇有五至六款，口味濃郁，材料新鮮，讓人感到超級滿足。湯品嘅外賣盒保溫亦一流，除了有個鋁盒裝湯外，盒的外面亦有保鮮紙避免流出，非常方便我帶回家。每個配菜都極具風味，特別是肉類部分，梅子排骨，肉質鮮嫩，搭配米飯更是絕配。整體來說，這家店的食物不僅美味，還讓人感到物超所值，絕對值得再光顧！如果你在找美味又實惠的餐廳，燉湯奶奶絕對不容錯過！另有多款小食同埋飲品，小食包括有三款，兩半皮蛋，涼拌青瓜，涼拌木耳都是各$25。而飲品亦有羅漢果茶，$12一大支非常足料，亦有冬瓜薏米水及其他養生飲品及甜品。😋😋😋…Read More

喺屋企附近發現咗呢間外賣蒸飯燉湯小店，絕對係打工仔同我哋街坊嘅福音！所有燉湯都係新鮮燉製，真係飲到媽媽嘅味道～✨ 招牌自選燉湯套餐 $65▸ 海底椰蟲草花雪梨燉排骨湯：清潤止咳，啱晒轉天氣飲▸ 蟲草花紅棗蒸雞飯：雞肉滑嫩，倒落個飯度令到飯粒吸盡雞汁精華就仲正$65有湯有飯，仲要係燉湯，真心抵！✨ 豪華滋補湯品• 雞鮑翅燉花膠湯 $88真係有素翅有花膠！飲落膠質豐富，養顏之選• 羊肚菌響螺燉竹絲雞湯 $58菌香濃郁，螺片爽口，補氣一流• 姬松茸螺片淮山燉竹絲雞湯 $48松茸味突出，湯色清澈但味道非常濃郁• 黑蒜蟲草花螺片湯 $48黑蒜香甜，蟲草花足料，增強免疫力✨ 養生飲品▸ 冬瓜薏米水 $18祛濕消腫，由冬瓜嘅甜味但唔會太甜，啱晒夏天飲消暑解熱😛▸ 桂花圓肉紅棗桃膠 $26女士恩物！桃膠煮得軟糯，養顏又養生，材料超級足！基本上飲完都飽😋…Read More

點了咸蛋蒸肉餅飯，果然如朋友所說，是很健康的一間店。肉餅很juicy,肉味香，難得的是一點也不油膩，亦沒有我害怕的肉腥或肉羶味，明顯用的是高質的豬肉。再配上咸蛋，是無敵的組合，咸蛋黃蒸完很香，好吃得來又是很健康的烹飪方式，我都很推介這店。店名是燉湯奶奶，所以必試他們的燉湯，結果亦沒有令人失望，首先他們的燉湯很熱，他們用一個完全密封的容器去盛湯，所以保溫功夫做得很周到，湯最重要的是熱騰騰，這裡做得很好。湯用料很足，也給了很多湯渣，又夠濃味，一流…Read More

喺OpenRice外賣自取咗一個蟲草花紅棗蒸雞飯加淮山燉絲竹雞湯👍🏻😋落咗單大約15分鐘內就有得拎，而個雞湯包裝亦都密實夠衛生，不過個拉蓋設計就有啲危險，因為個雞湯都好熱，好易開個陣整瀉會焫親🥲估唔到咁好食，比原味手作好食，個雞飯啲雞好滑嫩💖肉嘅份量都算足夠，蟲草花都好多，而個雞湯亦都好足料！睇相就知有好多雞肉，唔會話係好味精重好咸嘅湯，有啲雞嘅鮮甜味👍🏻 $60我覺得有飯有湯算係咁✨…Read More