燈籠滷味 (德福廣場1期)

營業中

休息中

今日喺九龍灣德福廣場嘅《燈籠滷味》，享受咗一頓好好味嘅台灣餐！😍🍽️首先試咗 **豬軟骨「甜蔥香醬油」拌QQ刀削麵**，軟骨嫩滑，醬油香氣撲鼻，搭配QQ彈嘅刀削麵，真係絕配！🍜✨跟住係 **滷味「內在之美」**，入面有大腸、豬耳朵、麻吉燒、金針菇同黑木耳，仲有Q彈嘅手工烏龍麵，味道層次豐富，真係一口接一口停唔到！😋🍄然後係 **啖啖肉鹽酥雞**，配埋山葵醬，外皮酥脆，肉質鮮嫩，真係炸雞控嘅最愛！🥢🍗 而且旁邊嘅脆炸粗薯條都令我欲罷不能，完美嘅搭配！🍟飲品方面，我點咗 **古早冬瓜茶**同 **茉香奶綠**，清爽嘅口感令我心情愉悅，特別啱呢個夏天！🥤☀️最後，甜品係 **芋芋冰奇脆**，入面有香芋雪糕、芋圓、地瓜圓、黑糖珍珠、紅豆同脆脆，令我整個人都融化喺呢個甜蜜嘅滋味入面！🥰🍧 而且 **燈籠芋見你**，滿滿嘅芋圓同地瓜圓，搭配仙草同黑糖，簡直係夏日必試嘅清涼甜品！🌈💖總括嚟講，燈籠滷味每一道菜都令我驚喜連連，絕對值得一試！下次仲會再嚟！

朋友話介紹我地佢最近常去的食堂, 地點係德福廣場一期, 九龍灣港鐵站上蓋, 好方便。餐廳名叫 [燈籠滷味], 原來係新開無耐。係門外睇左一陣餐牌時, 讚一讚在店外的職員, 有禮又熱情。餐廳採光度高, 裝修簡潔, 而且好乾淨。餐牌食物種類多, 有散叫, 有1人及2人套餐, 便當及拌麵只係$73起, 而且位於大型商場內, 真係超值。朋友成日食, 仲介紹埋我可以DOWNLOAD佢的APP, 可以儲分換食物我同朋友揀左2人餐$238 :主菜: 滷味 – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵 +$1主菜: 滷味 – 大腸, 豬耳朵, 麻吉燒, 金針菇, 黑木耳配QQ刀削麵 + $4小食 : 甘梅香脆地瓜條飲品 : 凍台味奶茶, 阿里山黃金夕陽果茶 +$8甜品 : 燈籠芋見你(冷) + $28上菜速度好快, 難怪人流會咁多, 未到7點都坐滿人, 而且職員多, 好快手。甘梅香脆地瓜條即炸即製, 上枱時仲熱辣辣, 地瓜條好甜, 好脆口。滷味 – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵好鍾意食王子麵, 彈牙又好味。佢的湯好濃郁, 配埋咁多材料好豐

聞名不如一見，今日終於試到啦！之前想試呢間好耐不過都冇機會，今日試咗佢嘅蛋餅再加佢嘅套餐果然佢將啲牛都整得好腍好好食！啲拌麵都好彈牙，好有台灣嘅風味啊！本來呢排都好想去台灣！佢嘅價錢都好合理！好推薦大家去試吓

路過見到台灣菜啊,入去試下,叫咗幾耐野食 圖片吸引，實際嚟到就知己經中伏,牛肉麵冇乜湯都算,問題係一啲都吾好食🥲未食過台灣野咁難食,有興趣既人試完就知,叫完食咗幾啖要走人！價錢方面又吾係平,真係九份飽都好過佢😅😅真係絶對無下次！

比我發現咗😍燈籠滷味2人套餐，好抵食✨2人套餐包括2款主食＋1款小食+2杯飲品$238我哋揀咗🩷呢2款主食 💫滷味「台灣至尊」-雞翅膀、黑輪條、凍豆腐、鳥蛋、大豆皮、空心菜（通菜）配手工烏龍麵- 滷味味好香，所有配料吸哂湯汁好味💫 夜市香酥雞扒「麻辣麻醬」拌手工烏龍麵- 雞扒外皮炸得酥脆，雞肉軟嫩，配麻辣麻醬非常惹味💫小食：涼拌滕椒魚皮醋香木耳真係好好味，滕椒好香，辣得好過癮，魚皮爽脆💫飲品古早冬瓜茶，冬瓜味濃；蜂蜜荔枝紅茶，不太甜荔枝味清新

早幾日同朋友喺德福行街，行到肚餓，咁啱見有間台灣嘢，我哋就走咗入去食！佢嘅菜單真係多樣豐富，絕對可以滿足你對滷味嘅渴望！首先，我哋食咗麻辣鴨血冬粉。呢款菜式真係辣辣又鮮美，鴨血配上滑溜嘅冬粉，每一口都帶嚟一陣辣辣嘅風味，真係令人垂涎欲滴！接下嚟就係麻辣香滷豬耳。呢款菜式真係滷味嘅經典之選！豬耳滷得香氣四溢，麻辣味道令人回味無窮，每一口都帶嚟一陣辣辣嘅快感！然後，我哋有食啖啖肉鹽酥雞。呢款菜式真係鹹香又酥脆！雞肉滷得入味，外皮炸得金黃酥脆，每一口都帶嚟一陣鹹香嘅滋味，令人欲罷不能！如果你鍾意海鮮，香脆酥炸牡蠣拌麵絕對係你嘅首選！牡蠣炸得香脆，配上彈牙嘅麵條，每一口都帶嚟一陣海鮮嘅鮮甜，絕對係一個美味嘅組合！最後，我哋嗌咗蜂蜜荔枝紅茶。呢杯飲品真係清新又甜美！荔枝配上蜂蜜紅茶，帶嚟一陣果香和甜蜜嘅滋味，絕對係一個消暑又解渴嘅選擇！燈籠滷味嘅菜單真係多樣豐富，絕對可以滿足你對滷味嘅渴望！

今日星期五出面落雨，德福商場啲餐廳基本上都爆哂場，見到呢間燈籠滷味呢間新開既餐廳咁岩仲有位，就同朋友一齊入去食。入去坐低見到佢有午市套餐嘅Menu，大概七十幾蚊就有一個套餐連飲品。我自己就試咗佢個麵餐要台式冬粉，個麵餐既餸跟左有蜂巢牛肚、麻吉燒、百葉豆腐、白蘿蔔同花椰菜，另外有杯凍既水蜜桃綠茶。用料充足而且滷水味好重，味道唔錯。另外朋友就要咗個夜市香酥雞扒麻辣·麻醬伴QQ刀削麵餐，睇落都好吸引。另外仲可以鴨血、地瓜條等小食，不過好飽就冇叫到啦。埋單個套餐要收加一服務費，每人大概八十幾蚊左右啦。

🧋🥢🦪滷味 x 台式拌麵▫️QR code點餐▫️設加一服務費☑️香脆酥炸牡蠣配 柚子沙拉醬 -$46一份有四粒，炸粉唔會好厚，而且炸得好脆，入面嘅牡蠣都好Juicy仲會爆汁，沙律醬應該係普通嘅蛋黃醬，食唔到柚子味。☑️墾丁大街（橙汁、西瓜汁、葡萄柚汁、氣泡水） -$25飲品幾靚，層次分明，上面有好多柚肉，亦都有薄荷葉令到顏色好豐富。至於味道都OK，飲到柚味，酸酸哋，但係就唔係好覺有西瓜味。🆗鐵路熱炸大排骨 配手工烏龍麵 配古早香菇滷肉醬 -$83排骨炸得幾鬆脆，比較薄身，大約有五件左右。烏龍麵同烏冬十分相似（我分唔出有咩分別），吾算好彈牙，香菇滷肉醬比較淡口，但都有口感。配料仲有啲沙律菜、青瓜絲、紫薑絲、酸黃瓜，半隻滷水蛋。🆗牛孖寶（滷牛筋肉、滷蜂巢牛肚） 配QQ刀削麵 配麻辣．麻醬 -$96QQ刀削麵要加$3 ，係闊條面嚟，但係口感比烏龍麵好，而且比較掛汁，配料同上面嘅一樣。而麻辣麻醬就要加$5，會比香菇滷肉醬惹味一啲，微辣，但係唔算話特別好食。牛孖寶要加$15，每樣三件，份量唔算多，不過煮得幾入味。

以前常在師大夜市吃燈籠滷味，是日在九龍灣做完野，途經德福，就決定去緬懷一番。二人餐的食物種類看似多，但所有滷味上菜也只是一個中型碗的份量，如果不是還有白蘿蔔充撐場面，碗內沒有多少滷味可吃。所以另外加了米血糕，甜不辣。不過同樣少得可憐，只有3小條甜不辣，4舊米血糕。賣相雖精緻，但比在台灣吃到的味道有差別，食材浸泡滷水時間不足。鹹酥雞脆口不硬，炸得不錯。台式香蒜腸中規中距。九份芋圓內的芋圓未煮透。滷味份量很少，老實說我們吃完這份$300的午餐，仍覺肚餓，仲要另覓下場填肚。 性價比超低，亦尋不回在台的味道，頗為失望。

熱桂園紅棗蜜唔值得飲Size 只係茶餐廳跟餐咁大杯價錢要$28又過甜中伏絕對無可否認主食不錯，價錢都係少貴不過香港人已習慣咗但一杯價錢同實物比例不太符合的，就是絕對不接受，只得一粒紅棗就係$28 ，熱飲溫度又唔係好熱。

手機點餐嗰時碟菜張圖係菜心，點知上枱係生菜，仲要得幾片，仲要好難食，啲滷肉都好難食，完全唔值$38，真係好難食，菜要整得難食都好難，但佢竟你然做到，犀利。份量好細，完全唔知食緊乜。要要食飽起碼要$100，服務又冇乜。俾張滷味圖大家睇，咁樣$51。

餐廳位於德福商場1期內，地點方便。The location of the restaurant is convenient. 我們選了二人同行餐 ($238)主食選2款，小吃選2款，飲品選2款。 We chose a set dinner for 2 people ($238)The set includes 2 main dish choices, 2 snack choices and 2 drink choices . 台灣至專 配ＱＱ刀削麵有雞翼，黑輪條，凍豆腐，鵪鶉蛋， 大豆皮， 通菜。鹵味味道ok不會太咸。材料足，有很多通菜鋪係面，感覺幾健康。ＱＱ刀削麵 – 不是自家製的，不算很QＱ。 Lomei Noodle ‘Taiwan Supreme’The ingredient includes chicken wings, fish cake strip, chilled bean curd, quail egg, fried bean curd and water spinach.The lomei item has enough flavor whereas not s

燈籠滷味一人下午茶餐除咗滷味，仲有好多其他選擇今日就揀咗招牌滷味餐: 滷水雞翼 鵪鶉蛋 金菇 豬耳朵 冬粉 加飲品一直都好鍾意食滷水雞翼 呢間做得好入味 雞肉肥美 雞皮嫩 每次都一定嗌鵪鶉蛋同埋金菇就正常操作 金菇新鮮最鍾意食豬耳朵 份量夠多 口感唔會林姐姐 好爽口再加一杯凍奶茶走甜 無糖的確冇咁好飲，下次都係叫返微甜抵食下午茶餐連埋+1服務費都係70幾蚊一位環境乾淨 坐卡位坐得舒服 只係冷氣凍咗啲職員都很好服務態度 下次下午茶可以再嚟幫襯

燈籠滷味 (九龍灣)九龍灣偉業街33號德福廣場1期1樓F23號舖一直以來都係燈籠滷味嘅擁躉，行九龍灣發現原來佢都開咗間係德福。我覺得呢一間同平時嘅風格好唔同，連隻碟嘅擺位都唔一樣。豬耳炆到好腍好入味，其他蔬菜一律都吸滿晒滷味嘅精華，而最重要當然係台灣獨有嘅王子面，成個味道都非常之夾！

燈籠滷味由初初一兩間分，去到依家幾間分店，可想而知香港人有幾鍾意食台灣野！燈籠自選滷味米線、大腸、蜂巢牛肚、牛筋肉 $77食材都經過滷製，十分入味。最驚喜係連米線煮得剛好，口感較淋，不過就好濃滷水味！搭配著滷味的香氣，大腸和牛筋肉都煮得軟嫩，蜂巢牛肚入味得黎都keep到爽口。醉翁酒浸滷豬手 海苔醬香伴飯 $86豬手好入味，加入少少酒香，同米線個感覺又唔同。伴飯嘅海苔味香氣四溢，一羹接一羹咁食。香脆酥炸牡蠣 配柚子沙拉醬 $46牡蠣炸得金黃酥脆，口感鮮嫩，而裡面都keep到水分，搭配上柚子沙拉醬的微酸，增添了整體食物的層次感。黑糖珍珠奶綠 +$18最後點左杯台式飲品，黑糖的香甜與奶茶的濃郁完美結合，珍珠Q彈有嚼勁，完美！