熊貓小雲吞 (莊士倫敦廣場)

營業中

休息中

行過佐敦就發現一間熊貓小雲吞，擺滿了四川小熊貓嘅裝飾。一試之下令人驚喜連連！🥳 搶眼嘅紅燒肉上海幼麵，幼滑嘅麵條蘸滿既紫菜湯底，配上豐腴嘅五花肉，真係幾正！啖啖肉豬扒撈撈嘅豬扒大件得嚟唔膩口，一咬滿滿肉汁，真係夠晒驚喜。芝麻雞手作涼麵提供咗啲不一樣嘅清爽，醬汁香濃，撕開雞肉加上麵條，清新得嚟又唔失味道。小雲吞叫咗一盤一口韭菜小雲吞，小小粒嘅雲吞每啖裏面都包得滿滿嘅韭菜餡，真心不錯。食得我都忍唔住要加多啲店家自製嘅菜脯同辣椒醬，一搭一味就更加出色！😍 再講返個手工涼皮，皮實彈牙，配上麻辣湯底，簡直爽口到不得了。糍粑又軟糯又香甜，嚟到佐敦真係要試吓！總之，呢啲平民價錢嘅正宗小吃真係食過唔忘，推介俾大家一齊嚟品嚐吓！🥢🤤🐼

四川菜雲吞專門店價格親民,人流多,好受歡迎.試過外賣後家人即隨愛上,更額外買 了鋪頭自家製醬汁.怪不得分店可多達七間~🔸麻辣手撕雞涼麵($55) 涼麵幼身彈牙,加上微酸醬汁,黃豆及香蔥,非常開胃,十分喜愛!麻辣手撕雞大塊而不是幼絲,啖啖肉.配上拍青瓜,辣菜脯,海帶絲,惹味爽脆🔸紅燒肉油蔥酥熱撈麵($58)麵質有咬勁.夾雜脆豆,花生,口感豐富.紅燒肉亦入味.同樣搭配不同配料,灼生菜,五仁菜莆,蘿蔔,豐富飽肚🔸卜卜趣炸雲吞($26)韮菜炸雲吞共8粒,炸得脆口但不油.小小一口,塞滿香味濃郁韮菜🔸孜然雞翼($35)雞翼共5大隻,炸後灑上孜然粉🔷西柚柚子茶(+18)🔷香桃茶($18)特製飲品有多款,支支樽仔包裝,選購時自取方便簡單.兩支同樣茶味作底,然後慢慢滲出果味清新而不偏甜🔸麻辣醬($38)香濃惹味,配燒賣,涼菜或加落粉麵,更添風味～

【熊貓小雲吞】好鍾意食川菜🌶️ 成日都想搵啲辣嘢過下口癮😂 老北京旦旦麵 💰$115加咗肥牛 肥腸 牛肉丸 雞絲 午餐肉湯底都唔錯 幼麵掛汁 午餐肉薄切香口 牛肉丸彈牙 雞絲頗大件 肥腸滷得好入味 肥牛就正正常常啦🤣🤣一碗份量都幾多 叫咗小辣唔算係好辣 鍾意食辣嘅朋友可以叫辣啲🌶️金錢肚涼皮 💰$48金錢肚俾得好足料 涼皮唔係平時食開嗰種 望落有啲似豆皮 切到大大塊 有少少厚度 咬落係煙靭嘅 同啲醬汁撈埋一齊食 都幾滋味 仲幾抵食 食完勁飽🫣🫣紅糖糍粑 💰$32糍粑就發揮正常 外脆內軟 黃豆粉同埋紅糖都好平均咁幫你淋好咗係面到😋豆漿 💰$10/洛神花茶 💰$12洛神花茶飲落清清淡淡啱晒攞嚟消滯解膩~~

今日突然好想食酸辣粉，睇完牙就去附近呢間熊貓小雲吞買番屋企慢慢嘆😋叫左個二人套餐$138：主食：有10粒一口高麗菜豚肉雲吞，酸辣粉小食：芝麻鹽焗手撕雞，香脆紅糖糍粑加多個：啖啖肉豬扒上海幼面$522個人食剛剛好☺️10粒一口高麗菜豚肉雲吞熊貓小雲吞的招牌菜每一顆雲吞都包著鮮嫩的豚肉同椰菜好分明 足料 雲吞皮滑捋捋 佢細細粒 迷你size好岩我 我平時鍾意食細細粒🤣酸辣粉今日心血來潮最想食呢個我個人都幾麻煩😀走蔥走茜BB辣 次次都要勁淋煙靭薯粉搭配酸辣的湯汁有肉碎花生菜脯我就夠了每一口都能感受到辣椒和醋的鮮明滋味舒服😇芝麻鹽焗手撕雞唔只手撕雞嫩滑 佢有青瓜絲 好清鮮甜食完呢個辣野 食d青瓜清清個口 很好喔每一口都帶來了豐富的口感和香氣香脆紅糖糍粑是一道經典的甜點外層酥脆 內裡柔軟 每一口都能品味到紅糖的甜美還有他們的啖啖肉豬扒上海幼面豬扒肉質鮮嫩，配上彈牙的幼面和濃郁的湯汁。

今日我同朋友約咗一齊食下午茶😍我哋去咗一間食四川川菜嘅雲吞店😍menu有set有散叫，朋友都比較大食😛最後我哋叫咗一個二人餐，再加一客一口雲吞！其實二人餐都好抵食，小食一款，主食兩款，甜品一款，飲品兩支都係$138咋，勁抵lo😍小食揀咗芝麻鹽焗手撕雞，wow,大大件，真係食唔停口😍 一口粟米雲吞：迷你版😛（仲有其他口味可以選擇，例如鮮蝦，韭菜….）肉燥熱撈麪，仲有啲青瓜絲，花生…出奇意外地好食😍（極力推介）酸辣粉食咗不傷心🤣係咪好爛gag 😂茉莉花茶：淡淡嘅茉莉花香味，甜甜地，飲落仲有啲回味洛神花茶：抗氧化，降血壓😛甜品都幾特別：香脆紅糖糍粑，都係比較煙靭嘅甜品配上紅糖飲品自助取，下午茶時段唔係太多人，作為一個攝時間嘅好地方😛

是日經過莊士倫敦廣場，見到好可愛嘅熊貓標誌，發覺原來係賣小雲吞嘅餐廳，見價錢唔貴就一於買返屋企做晚餐。雙拼雲吞 :叫得做熊貓小雲吞，又點可以唔食佢地嘅雲吞呢？呢度有四款雲吞可以揀，20粒都唔駛50蚊，相當抵食。我地揀咗粟米豚肉及鮮蝦豚肉雲吞，小雲吞一口一粒，食得相當方便。湯就揀咗蕃茄湯，味道好濃郁，仲有輕輕嘅芫茜味，食完雲吞飲埋碗湯就啱啱好。麻辣雞絲涼皮 :涼皮煙韌有咬口，吸收晒麻辣醬汁，辣得好過癮，雞絲份量都幾多，配料有花生、脆豆、菜脯及青瓜絲，全部撈埋食非常豐富。椒麻豬耳手作涼麵 :賣相相當精緻，五格盒分別放咗麵條、豬耳、青瓜、海帶絲及菜脯，條理分明，幼麵條入口彈牙，豬耳好爽口，加埋其他配料，味道辣辣地食得十分開胃。芝麻手撕雞 :以密封形式包裝，一打開包裝已經聞到陣陣麻香味，雞肉保持鮮嫩彈牙，一d都唔鞋，味道唔會太鹹，食埋底層嘅青瓜絲，感覺更清新。冷泡洛神花茶 :加$12有冷泡茶，味道唔太甜，飲落減辣解渴。餐廳仲有自家製醬料、菜脯及花生脆豆賣，見今晚有波睇，一於買樽花生慢慢歎。

今早去咗莊士倫敦廣場欽完茶，落到地下有間專賣四川食品嘅 "熊貓小雲呑"，係店舖堂食又得，外賣都得，那我就外賣咗涼麵同雲呑，返屋企晏少少食 ~入到店裡覺得地方闊落，座位都幾多，有大凍櫃擺放餐盒、小食、飮品等，以及多款醬料選擇，亦設有自助付款服務，都好方便。芝麻鹽焗雞川式涼麵    $55依款好開胃嘅拌麵，幼身麵條，Q彈爽滑，鹽焗雞鹹香味足夠，肉質軟嫩，與自家製醬汁、脆花生、黃金豆、芫荽拌勻一齊食，更滋味。配備青瓜、海帶、菜脯，翠綠爽口。啖啖肉豬扒油葱酥熱撈麵    $55豬扒都幾大塊，肉質鮮嫩，食落去好juicy，無骨啖啖肉  ;  呢款係熱撈麵，特色嘅油蔥與麵條同花生、黃金豆撈埋一齊，味道香濃，另有一番風味。配菜有風琴豆卜、蔬菜、五仁菜脯丁，全盒份量好足。芝麻鹽焗手撕雞    $38另單點一份手撕雞，雞肉同樣地爽嫩，不乾身，咸咸香香嘅味道，配合翠綠嘅青瓜絲，呢個用嚟撈麵或小食都咁美味。一口韭菜豚肉雲吞    $28/10隻  細細粒雲呑，一口一粒，方便食嘅。韭菜豚肉餡料，每粒份量都唔少，韭菜味特別濃，與豚肉很配，鮮甜美味，肉汁豐富，嫩滑嘅雲吞配合清甜湯底，好味道。孜然椒麻炸雞翼   $

自從大胃食過一次熊貓小雲吞，覺得又平又好食，就愛上咗食佢原來佢地有幾間分店，其中一間好近上堂嘅地方，又可以喺佐敦食個飽二人餐都幾多嘢食，包兩款主食、一份小食、一份甜品再加兩支飲品。嚟得呢度當然係食雲吞啦，鮮蝦雲吞啖啖蝦香，皮薄餡靚肉燥熱撈麵可以揀辣度，撈啲調味材料，辣香醬香好出色小食揀咗鹽焗手撕雞肉，喺雪櫃自己攞，冰涼保持肉質香嫩，麻香十足，有青瓜絲墊底更爽甜品必定嗌紅糖糍粑啦，脆口香甜又解辣，食四川嘢必食呢度嘅飲品特別在係自家新鮮氮氣沖製，果茶茶味更出，無糖都帶有回甘。雪梨茶有幽幽果香，食完辣嘢可以冷靜吓自己涼皮就食得多，水晶拉皮就冇乜聽過，比涼皮更透明、更大條更厚，口感彈牙，撈埋辣醬配料惹味非常見到涼拌皮蛋就忍唔住啦，皮蛋好大粒，切到好多份，醃得香又唔會有押味，質感Q彈又滑溜，一食愛上平時食嘅冰粉比較傳統，係落啲山楂碎同花生粒，呢碗期間限定係落百香果醬同脆波波，開胃又有多層次Q彈頭先食麵食到一粒粒脆脆地嘅黃豆，好似薯片會食上癮，食完就好想買一罌返office帶飯撈嚟食，價錢仲要好平喎

餐廳位於莊士倫敦廣場地下，主打快餐形式嘅川式湯麵同雲吞，落單後自己取餐🍜店員嘅服務態度亦好好！上次試過呢間餐廳一次，今次決定帶埋佢哋個辣椒醬返屋企！•麻辣雞絲涼皮($43)同平時食開嘅涼皮唔同，呢度嘅涼皮厚實啲，更加掛汁，作為開胃菜係幾好！•二人優惠套餐($138)套餐有得自選粉麵、雲吞同小食，咁多嘢食只係$138💖肉燥熱撈麵同傳統川式涼麵原來可以另外加配配料，秘製紅燒肉($18)同台灣蜜味香腸($13)個人鍾意傳統川式涼麵多啲，幾開胃🤤芥末雞翼有兩隻，芥末味就唔算好重，醬汁偏甜，雞翼皮脆肉滑！

熊貓小雲吞位於佐敦莊士倫敦廣場地下G04-G05舖佐敦莊士倫敦廣場整幢大廈好多餐廳以往大堂只有肯德基，近呢幾年有薩莉亞，北海道蛋糕熊貓小雲吞係新開的由大堂行入去上一層扶手梯的旁邊舖頭非常大坐位有卡位，四人檯同長檯熊貓係四川又係國寶熊貓小雲吞係專營四川菜門口擺放著自家製醬油菜脯，麻辣醬，辣椒油等等熊貓仲有下午茶包埋汽水10粒雲吞 $32擔擔麵加6粒雲吞 $38涼拌海帶絲手工涼皮$32仲可以用優惠價$10加小食椒麻炸雞翼海帶絲木耳熊貓涼粉仲有冰粉等等10粒雲吞韮菜豬肉皮薄多汁韮菜嫰擔擔麵香濃花生醬配上中辣辣得過癮手工涼皮粗粗彈牙索滿辣汁惹味落單方便，職員友善

熊貓小雲呑size幾好 一啖食晒有5款小雲呑可揀我揀左小棠菜豚肉同埋鮮蝦豚肉講真雲呑味道就好普通勝在皮薄 正常味道咁啦我本身好期待老壇酸菜雞湯印象中喺慈雲山分店係好食點知職員俾錯左櫻花紫菜湯😪然後問職員佢就幫我倒左啲湯就咁倒返岩既入去變相其實啲小雲呑同湯既味完全分開真係好失望所以依間分店唔會再幫襯另外，啲餐枱無抹過，好污糟😪

經過佐敦原來都有呢間小雲吞嘅分店一於外賣返屋企，今晚唔洗煮飯揀咗二人套餐，有麵．雲吞．小食同飲品而且價錢唔貴✨栗米雲吞 ✨蝦肉雲吞唔同餡料各有特式薄薄嘅餃皮滑嘟嘟✨肉燥熱撈麵撈麵有粗幼選擇．揀咗粗麵加入充滿辣味嘅肉碎同花生，非常惹味✨炸雞翼大大隻雞翼炸得香脆好鍾意孜然椒麻 嘅味道✨炸雲吞炸得乾身唔油膩餃皮脆卜卜韮菜真係好香口✨紅糖糍粑必點四川甜品軟軟糯糯嘅口感淋上紅糖 好好味等候期間見到放有一樽樽嘅調味揀咗樽✨香辣菜脯丁打開粒粒好足料，爽口之餘還 帶點微辣平日喺屋企食麵 / 煮餸都可以食到

雖然踏入10月，但係天氣都仲係KEEP住熱辣辣，最爽莫過於吹住冷氣食辣野～熊貓小雲吞主打細細粒手工小雲吞、涼皮同麵食等等，叫返個外賣返屋企慢慢嘆先‼️招牌一口豚肉雲吞嚟得熊貓小雲吞，緊係要食埋佢哋嘅雲吞啦～一啖一粒嘅雲吞浮喺湯上面好可愛，我叫咗雙拼口味，分別係韭菜同高麗菜味。雲吞皮好薄，入面嘅鮮肉餡透皮可見，粒粒都溢滿汁水，熱湯夾雜住油脂嘅香氣，好味直接連湯都飲埋，食完成碗成個胃都暖晒😋芝麻手撕雞一碟都幾多份量，雞肉呈現油光油光狀態，所以一啲都唔會乾仲好嫩滑✨另外成隻雞都醃製得好入味，但同時唔會太鹹調味剛剛好！雞皮爽脆肉質嫩滑，咸香味滲透晒入雞肉同雞皮入面，雞油伴隨住獨特嘅芝麻香氣，直接品嚐到最原汁原味嘅味道！招牌手工涼皮一碗涼皮入面有齊脆豆同青瓜嘅清脆爽口、涼皮嘅筋度韌性，辣油嘅香氣，一碗手工涼皮涼皮就此生成～涼皮口感Q彈爽滑，細膩入味，每啖都感受到嗰種獨特嘅嚼勁，撈完塊塊涼皮都被染成紅色，雖然每一片都掛滿曬紅油，望落以為好辣，實際唔會，更多嘅係紅油嘅香味 (因為我叫咗小辣)QQ水晶拉皮水晶拉皮呈透明有彈性，質感非常Q彈但唔會斷，由水晶拉皮嘅製作，到料汁嘅調配都好出色～熊貓涼粉打風前天

小店主打多款川式料理，酸辣粉、擔擔麵、熱/涼拌撈撈、涼粉、涼皮，仲有小雲吞、脆炸/涼拌小食、自家製甜點同飲品！堂食外賣亦可，地點方面而且價錢夠親民化，唔想煮飯嘅可以試😋叫得熊貓小雲吞就一定要試試呢度嘅雲吞🤣 雲吞有幾款口味，韭菜係招牌菜，外皮好薄，肉餡飽滿，啖啖肉好滿足～ 高麗菜都唔錯，感覺更fresh！另外有炸雲吞，外層酥脆可口，邪惡又美味🤤 兩款各有千秋，我全都要！主食款式眾多，擔擔麵係四川特色，菜脯、黃豆、青瓜絲，味道幾清，麵條軟硬度適中，仲有六粒雲吞，一定夠飽～ 油蔥酥撈麵都唔錯，味道香濃，惹味可口，麵條亦唔會黐住曬，唔錯😌個人推介手工涼皮，適合夏天享用，麵條Q彈，好厚好特別，旁邊附上涼拌海帶絲，撈住食都幾好味！小食有好多選擇，蜂蜜芥末雞翼有兩大隻，肉質嫩滑，肥美厚肉、海帶絲同黑醋木耳夠清新，仲有自家製熊貓涼粉，為呢餐作完美ending😍

#20231003 📝📍 熊貓小雲吞 @pandawonton_hk 佐敦彌敦道219號莊士倫敦廣場地下G04-G05號舖 🍽️油塘｜大角咀｜何文田｜柴灣｜慈雲山｜深水埗均有分店➖➖➖➖➖➖➖➖➖➖➖➖➖➖➖➖➖➖#雙拼雲吞 $48 🫧 #一口高麗菜 #一口鮮蝦 🫧 #美顏蕃茄湯💭 呢度全部雲吞都係豬肉餡做底，再外加其他料，比較推薦鮮蝦口味🦐咬落爽口啲，雲吞細細隻可以一啖一粒好方便，20隻都係四十幾蚊其實好抵，尤其係呢啲地區，簡直係窮人恩物🤑湯底有辣有唔辣，蕃茄湯唔似出面果啲有層油係面，好重茄膏味果隻🥫呢隻係稍為清啲順喉啲.#重慶酸辣粉 #BB辣 $35 🫧 #糖心蘿蔔 $7 🫧 #五香豆腐串 $10 🫧 #台灣蜜味香腸 $13 🫧 #秘製紅燒肉 $18💭 個薯粉好煙韌，食得出唔係一早煮定等人叫再淋啲湯落去果隻，要加分💯bb辣唔辣咁滯，枱頭有菜脯任加，第一次食菜脯入面有青豆，啲青豆好入味，食落似枝豆咁好好味😋食過好味仲可以買返罐返屋企，酸辣粉本身無咩餸，想食豪啲可以好似車仔麵咁加餸，豆腐串索湯汁好惹味，台灣腸漲卜卜尸吸引，紅燒肉煮得好淋，細細粒食落方便，雖然細粒但都幾多👍🏼.#芝麻手撕雞