喺OpenRice已經收藏咗呢間餐廳好耐，一直都未有機會去食，今次終於去食啦，一早打咗電話去book位， book咗7:00 ，不過我哋記錯時間，以為係六點就去到，點知原來餐廳6:30先開門，但係餐廳好好，我哋撳鐘問可唔可以入去坐先，佢都俾我哋入去坐，仲已經可以開始食，店員非常友善。店員會同我哋解釋食嘅流程，一開始係食雞煲，可以任食雞煲，食完之後就上蒸海鮮，之後就可以轉火鍋。餐廳比我想像中細，通常放題餐廳嘅座位都幾多，餐廳都比較大，而且呢個仲係無限時任食，但係竟然只有10張枱左右，類似係一個居酒屋改建嘅，因為佢攞嘢食嘅位置，睇落都應該係一個居酒屋嘅吧枱位置，餐廳細細的，一眼睇晒，不過冇乜人食，我哋由六點食到10點，都冇坐滿。任飲嘅罐裝飲品款式都算多，仲有啤酒出面自助區有好多款式嘅丸、菜、火鍋配料可以隨便攞，亦都有醬汁，仲有已經可以食得嘅炸薯條同埋炸腐皮卷另外仲有雪糕同甜品，甜品有木糠布丁、豆腐花、藍莓奶凍等等首先食雞煲我哋叫咗唔辣，個醬汁甜甜地，幾好食，啲雞都好嫩滑，唔會太鞋太乾，亦都唔會有好勁嘅雪藏味之後食蒸海鮮呢個蒸海鮮只需要喺現場like and share佢哋社交平台就可以有得免費食海鮮份量係計人頭，我哋三個人就每款海鮮有三份，有扇貝、蟶子、蝦、蠔，全部都幾好食，唔會太熟咬唔開，有蒜蓉蒸幾好食火鍋方面，我哋叫皇牌套餐，每人$230，仲要免加一，好抵呢可以任食牛肉豬肉，係牛肩胛同保濕豚肉，兩款都好好食。上菜非常快，基本上一叫完就即刻可以攞出嚟，店員亦都好主動問我哋需唔需要加肉，可能因為餐廳細，店員都可以好快為我哋服務。肉攞出嚟都唔會仲係冰/好硬lastorder 9:30pm，配料就冇，但係甜品、飲品仲可以繼續攞，連肉都仲可以繼續叫！總結，無限時，我哋由6點食到10點，230免加一，仲食齊火鍋、雞煲、蒸海鮮，非常抵，加上座位坐得舒服，店員又友善…查看更多
