熊本燒肉

營業中

休息中

之前又有屋企人生日想食燒肉，所以就帶左佢地去呢間燒肉食放題，務求食飽飽為止😋 呢間燒肉店真係勁日風，佢地播嗰啲日文歌我基本上都可以跟住唱到🤣🙈🐮放題套餐 $298@1佢地個燒肉放題套餐提供勁多款肉類，例如：牛小排、牛五花、安格斯西冷，每款牛肉都好有牛味同好有嚼勁～另外加$38仲可以升級到有澳洲和牛放題🤩入面嘅和牛板腱、和牛肩胛同和牛封門柳啲油花都分鋪得好平均，燒起黎啲牛油味勁香～又夠新鮮又夠juicy，肉質又夠鮮嫩柔軟～真係會令人食過返尋味😆除此之外，亦都有醃製過嘅肉肉，如厚切五花肉、護心肉、豬肋扒、清酒煮蜆，全部啲質素都好到位～ 尤其是清酒煮蜆，啲蜆冇晒又清甜，肉質都係好新鮮唔會霉～入哂啲清酒味～然後，加$28亦可以升級到有刺身放題，普通三文魚、吞拿魚、北寄貝、八爪魚刺身都夠鮮甜可口，另外比較特別嘅係呢度有馬刀貝刺身，質感爽口彈牙～都幾唔錯～最後，除咗生嘅嘢食，都有啲煎炸嘢食，基本上啲煎炸嘢食都炸得好香脆～好特別嘅係佢有炸香蕉，見到好特別所以就叫左🤣原來係炸香蕉糕，唔會太甜，幾香香蕉味，又幾煙韌～都幾好食😋Overall都好抵食同埋啲店員都服務態度都超級好！燒肉店又會提供圍裙俾客人，

💛又係慶生分享✨今次係任食燒肉🥩🥩🥩好耐冇食燒肉 更加耐冇食任食燒肉！呢間啲牛好高質!!! 係我食過最高質嘅任食燒肉! (帶返頭盔先 我唔係食過好多間🙈餐廳而家仲有六周年優惠🎊電話訂枱+留言生日快樂會送牛脷花蛋糕*~ (打到好似打手咁 但我係自費食㗎我哋再買咗個真·蛋糕去 一共有2個cake🤣🥳冇extra切餅費 上枱仲會播放生日歌🥳 慶生一流～Btw任食係正 但燒肉幾油 易膩///我最後仲未好飽 但會因為太膩唔想再食肉呢間熟食&小食&甜品選擇唔算太多 但勝在有2hr 可以休息下食下 時間好充足～飲品都係任飲 有茶可以解下膩整體係幾正 我望住啲相都有啲掛住啲肉🤤不過真係好膩 短期內唔想再食燒肉🤣*建議牛蛋糕上之前唔使叫太多肉 因為蛋糕好多肉*優惠期至31/10/2022-晚市任食2hr $338/1人❣︎ 正 ❣︎🐂【牛小排】🐂【厚切牛舌】🐖【厚切五花肉】以前食燒肉比較鐘意食醬漬 但呢間原味肉已經好正! 試咗幾款 我最薦呢三款～ 牛小排厚薄剛好 有牛味！牛舌真係必食！最有驚喜🤩一入口係比較軟身 但再咬會微微帶嚼勁 又唔會韌!五花肉燒到金黃色 邊邊微脆最正！-❣︎ 唔錯 ❣︎大部分都唔錯～ 正常

📍近排同朋友們聚餐 想搵間地點方便👣 價錢又合理嘅燒肉店🥓餐廳位於銅鑼灣市中心嘅樓上店 環境裝修充滿日本風情貼滿日本動漫同電影海報 仲有熊本熊公仔 日式燈籠同旗仔裝飾環境幾特別! 有少少似日本居酒屋嘅感覺〰️精選120分鐘任食放題✨ 已經包括多款肉類 (而且有齊多個部位) 海鮮 蔬菜 菇菌 炸物及小食 其實已經有好多選擇😂 不過朋友們想貪心少少🙈 就+$38 升級埋M5澳洲和牛肉類方面 特別鍾意鹿兒島日本豚肉🐽 肥瘦適中 油脂幾豐富 食落口感唔嚡口 稍為加少少海鹽已經好perfect!朋友亦大推牛肩胛 封門柳等和牛 牛肉味重而且肉質嫩滑以咁嘅價錢 質素算好唔錯 性價比高🙋🏻‍♀️蔬菜十分新鮮 個蔬菜籃都砌得好靚雞脾菇燒完超Juicy 大推🙊 忍唔住Encore 幾次❤️最驚喜係有棒棒棉花糖可以燒😂外層燒至微焦少少脆 內層做到流心拉絲效果㗎😋餐廳抽風系統🌬️很不錯 一路燒都唔覺得有煙食完身上感覺唔到有油煙味 真係好加分🙊 位置方便 性價比高

之前見到呢間餐廳名已經令我諗起熊本熊🤣好想去日本旅行，今次就先去熊本燒肉食餐燒肉餐先啦😋🚩餐廳故名思意就係走日本風，一出𨋢口就已經感受到日本風，鋪頭貼滿動漫海報、日式燈籠、旗幟，播住勁激昂嘅日文歌，好有置身原宿🧃飲品喺出面雪櫃自助拎，除左汽水果汁之外，仲有自家製泡茶，消滯一流，另外＋$78仲可以任飲啤酒🍻🚬每個爐都有獨立抽氣口，可以吸哂燒肉嘅油煙味📲用tablet點餐好方便，送餐速度好快，落單無耐就會送到🥩精選熊本放題 $298精選系列已經有大量肉類，仲可以加錢升級肉類未升級前嘅食物種類有牛小扒、牛柳粒、牛扒骨、牛舌等等部分肉類都有醃過，有唔同風味，最鍾意豬頸肉，味道夠哂辣仲有蔬菜同海鮮類＋$38升級澳洲和牛，可以任食澳洲和牛肩胛、和牛封門柳、和牛板腱、鹿兒島豚五花肉＋牛肉，好抵食😍質素比普通牛高質😍睇到出每塊牛肉油脂分佈平均，燒完入口充滿油香，肉質嫩滑，最鍾意夾住生菜一齊食，感覺冇咁邪惡🥬呢排仲做緊優惠，只要Follow熊本燒肉社交平台+ Share Post即送海鮮拼盤，拼盤有齊蝦、鮑魚、蟹、帶子，種類好多元店員仲親手教同幫我地燒啲海鮮🐚仲有前菜、小食、主食、甜品🥗沙律都有幾款，叫

位置方便，近銅鑼灣地鐵站，裝修好有日本feel，玻璃窗有好可愛嘅熊本熊向大家揮手， 6點前入座精選放題$258+10%，另加$38可任食澳洲和牛（和牛肩胛/和牛封門柳/和牛板腱）同埋鹿兒島日本豚五花，仲有任飲野飲。我最鍾意就係牛肉🥩，第一round梗係要試哂所有牛肉既款式。和牛肩胛肉質厚實軟嫩，油花細緻；和牛封門柳牛味濃郁、油花少，肉質柔嫩；和牛板腱肉質結實，有嚼勁。另外醬燒牛三角肉油脂濃郁，肥瘦肉交錯，肉質細滑，牛側腹橫肌口感爽口，腹肉有嚼勁與濃厚風味，都係本人最愛。清酒煮蜆我同朋友都翻單咗好多次，蜆肉份量好多，重點係冇沙! 同埋推薦燒Brownie，燒至外脆內軟，好似啱啱出爐咁，勁香濃朱古力味。

最基本嘅燒肉plan其實都有幾十款肉類同海鮮，牛肉必食推介有醬燒牛柳粒、厚切牛舌、薄切牛小扒同安格斯西冷，至於豬雞就有厚切五花肉、地獄豚頸肉同黑椒雞翼😜+$38仲可以升級任食澳洲M5和牛，包括牛肩胛、封門柳、牛板腱同鹿兒島日本豚肉，對比其他普通牛肉，澳洲和牛口感更加嫩滑多汁，肉味濃郁，另外+$28仲有刺身放題😍食燒肉都食到好飽，熟食只係叫咗幾款試下，當中比較推薦有唐揚雞塊、紫心香芋丸、流心芝士年糕同章魚小丸子😙甜品選擇唔多，最特別係有燒棉花糖，真係第一次見😮，另外仲有雲呢拿泡芙、迷你pancake同brownie環境闊落，坐得好舒服😆

呢排大家都飛日本😛提到日本當然就係燒肉，無飛唔到住既我呢日同朋友去扮去日本啦💛燒肉店離地鐵站幾分鐘路程好易去，全店日本居酒居風格裝潢，播住最近日本hit歌💮檯面木系色調比人好舒服既感覺，座位夠寬坐得好舒服，真係好似返咗日本咁🤭呢次叫左午餐燒肉放題🥰（見到+$38可以任食澳洲M5和牛當然立即order左！！）2個鐘頭自己電子pad落單，可以慢慢睇😚☆澳洲M5和牛肉質質素都好高🤩店員會先上一碟每款比我地試下💗有牛肩胛、和牛封門柳、和牛板腱、鹿兒島日本豚🥩幾款和牛肉質嫩滑新鮮，個人最喜歡封門柳🤤，入口一陣肉香，口感有好好咁保持到，網唔黏 就算係燒肉生手都唔怕燒耐咗似食緊炭咁🫡至於豚肉，脂肪含量均等，絕對唔係一口一口油，相當驚喜🤗其他肉類推介厚切牛舌，牛三角，牛小排小食必試：甜甜既厚燒玉子🤤玉子燒冷熱食都可，但只要放上烤爐度烤一下，口感好似暖笠笠既雞蛋蛋糕，好治癒滿口幸福感💗野菜沙律類：🍆🥬🥗全部都好新鮮，健康選擇個人推介encore左幾次胡麻豆腐沙律超新鮮醬唔算多🥰茄子田樂燒煮得好遠好好食。中華沙律正常發揮香麻油，和風炒野菜濃味😛甜品方面，食左半融棉花糖💜、雲呢拿泡芙💛、脆皮香蕉💚。棉花糖以

好耐無食過呢個價錢，但係又咁高質既燒肉啦🤩🤩呢間熊本都係誤打誤撞發現😝😝絕對要分享一下😉佢哋既裝修充滿日本🇯🇵動漫風，有我好細個有睇過既男兒當入樽🤭充滿年代感，令我好似返返去以前咁☺️而且佢哋坐位既空間感都好舒服，唔會好逼👍坐低之後店員勁細心講解套餐包含既食物、落單程序及推介必試食物等等..服務態度一流💯👍我地最後決定點熊本精選放題$278（平日：$258），再另加$38（每位）任食澳州M5和牛🤤🤤🤤🤤真係諗唔到可以任食和牛加$38咁平😱一開始佢哋會先奉上一碟幾款和牛及鹿兒島日本🇯🇵豚肉俾我地試吓先☺️試完就可以根據個人喜好再次落單，相當貼心👍和牛油脂分佈比例好靚，輕微網燒一下，即刻可以食用🤤入口即溶，充滿牛味😝😝另外仲有兩款牛推介必點，包括牛肩胛肉及護心肉都係必點之一🙌🙌呢兩款肉都係較厚切，牛肩胛肉肉質超級嫩滑護心肉超juice及好重牛味👍👍🤭除咗肉類，佢哋都有好多前菜、小食、炸物等等…我仲要推介大家必點清酒煮蜆，因為蜆肉非常新鮮，入口勁清甜；另外仲推介大家試吓蟹肉薯仔沙律🥗我哋仲點左一碗味素飯及生菜🥬配肉食😋 基本上都唔怕無其他嘢食令你唔夠飽☺️至於飲品方面佢哋選擇就唔算太多，不過有我想

今次去咗一日充滿日本回憶嘅地方食燒肉😋餐廳到處都貼滿日本流行文化既海報, 熱血動畫SLAM DUNK、龍珠、多啦A夢、日本歌手及日劇偶像，梗有一樣你會有回憶❤️晚市精選熊本放題 $338升級澳洲和牛 +$38+$38就可以有M5澳洲和放題，咁抵梗係會加食個夠啦🤗🥩牛肉類🥩（秘製五花牛/ 田樂醬牛五花/ 牛側腹橫肌/ 醬燒牛肩胛肉/ 醬燒牛三角肉/ 醬燒牛柳粒/ 厚切牛舌/ 醬燒牛排骨/ 薄切牛小排/ 安格斯西冷）有好多牛嘅唔同部位可以食😳秘製五花牛同醬燒牛三角肉牛味較濃郁，個人比較喜愛，推薦👍🏼🧆其他食品🧆三文魚骨肉唔太多，但都幾夠味！蒜香雞扒肉質嫩滑，蒜味好突出🤤🥓熟食🥓推薦有流心芝士年糕、炸餃子、天婦羅🍤另外清酒煮蜆，有淡淡既酒香味，蜆肉食落都幾清甜。見到有棉花串唸起以前燒野食必點🤭今次都叫番串先，簡單燒一燒就得啦，外面小小脆，入口就溶化✨

思鄉病要年底先醫到，繼續出街搵食止住癮先，呢日就出左銅鑼灣食燒肉，餐廳入面嘅佈置都係走地道日本風格，被安排坐龍珠卡位，一坐低就掛住欣賞差啲唔記得叫野食*晚市熊本燒肉放題 $298/位*雖然係最普通嘅價錢，但已經有好多款肉揀，牛五花、牛側腹橫肌、牛肩胛肉、牛舌、牛排骨、牛小排、安格斯西冷，連牛柏葉、牛胃呢啲喺燒肉店比較少見嘅部位都有，另外豬、雞、魚、海鮮，蔬菜類都有唔少選擇，呢個價錢黎講真係好豐富！店員好細心講解，所有肉類都可以一件件咁order，方便大家想試少少又怕叫完太多食唔哂，我地樣樣都叫黎試下，初初重擔心個爐比較細有排等，不過個爐熱左之後原來火力都ok，應付我地兩隻食肉獸完全冇問題肉類嘅質素都唔錯，重有靚靚嘅雪花，第一次咁樣燒牛柏葉黎食，辣辣地幾岩送酒，雞軟骨燒完脆卜卜都好正，除左燒肉重有多款日式前菜、小食同炸物，等緊燒肉個陣個口都好忙下，食到最後我地重叫左brownie、迷你朱古力pancake同棉花糖，好似去左燒野食咁，粒棉花糖燒到溶溶地夾住brownie黎食放題包埋野飲，罐裝汽水、果汁、茶，最後重有雪米糍，大滿足！

初初見到有呢間燒肉店係俾佢嘅環境吸引，你睇下佢d牆身，真係充滿濃厚嘅日式漫畫風味 🇯🇵店舖有一邊卡位，牆身係清一色 Slam Dunk 嘅主題🏀靚到啊😍 又掛咗好多色彩繽紛嘅旗仔，勁似去咗日本咁 🥳我果晚冇機會坐呢一區，但都行咗去打個卡 😁📸呢度放題plan係咁嘅：晚市精選熊本放題 $298/位呢個係基本plan，如果想要更多肉肉或其他食物選擇，可以：＋$38/位 升級澳洲和牛任食又或者＋$28/位 刺身放題❗另加一服務費因為呢排食肉肉食上癮 😂嚟到燒肉店梗係食佢d肉先啦 😌當晚同朋友就＋$38 升級澳洲和牛任食，刺身就或者留返下次食先試 😊📲 自助落單，但唔係用QR code，有塊平板電腦俾你直接揀食材，清清楚楚 😀肉類主打係牛牛啦 🐮 基本上都好多款，牛小排、西冷、牛仔骨、肩胛肉、牛舌、牛柳，呢d走唔甩實有，仲有牛五花添，連牛柏葉、牛胃都有！大部份肉質較腍身但都不錯，惟牛舌冇薄切就覺得可惜咗dd，個人覺得厚身得滯 😁不過真係推介大家最好＋$38 升級任食呢個和牛🔥其實咁樣係抵d啊！❤️唔知大家係咪都同我一樣鍾意食爽口同入口即溶嘅肉肉呢？佢有鹿兒島日本豚、和牛肩胛、和牛封門柳、和牛板腱

閒日午市時間黎到銅鑼灣覓食，同一個大食既男人一定要食放題先可以食飽佢！就搵到一間食過好多次既熊本燒肉，諗諗下都開左起碼五年以上，但質量都一直好好！非常多燒肉選擇！澳洲和牛、封門柳、鹿兒島五花肉、牛五花、牛小排、牛舌等等，差唔多每個部位都會齊曬，而且仲細分黎自唔同國家既肉類！炸天婦羅外脆內嫩！個人最愛炸香蕉，非常有口感同鬆軟！仲有天婦羅蝦、年糕、芋頭丸、章魚燒、炸雞等等炸物都必定要試！前菜、蔬菜都有得選擇清酒煮蜆係一個我一叫再叫既選擇！個湯好鮮甜浸住蜆幾惹味！日式炒雜菜都係一個健康選擇，仲有唔同種類既沙律等等！雪櫃有好多自助任飲飲料，包括一揸揸既綠茶、竹庶茅根、五花茶，仲有唔同罐裝汽水等！環境好有日本氣氛，好用心佈置！整體都好好，食物質素都唔差，但店員態度服務就值得改善。

一向都好鍾意食日本燒肉，今次和好友去左位於銅鑼灣鬧市嘅「熊本燒肉yakiniku_kumamoto」食燒肉放題😍，餐廳裝修風格以日本居酒屋為主，一出Lift 巳經見到好多日本明星嘅相掛係牆上，一入去，見到熊本熊之外，仲見到牆上佈滿龍珠、男兒當入樽等動漫，真係好似置身係日本動漫主題餐廳一樣😍😍😍，打卡必選😍我和朋友每人加左$38,升級食澳洲和牛放題（$296一位🥰），可以食到（升級）和牛肩胛、（升級）和牛封門柳、和牛板腱及鹿兒島豚肉😍😍😍，真係超級抵食👏🏻👏🏻👏🏻👏🏻除左燒肉外，D前菜、甜點、飲品都係任食，炸物尤其好味，炸得好乾身，唔會油淋淋👍👍，其中炸蝦🍤、炸餃子🥟、炸帶子等，食到我地停唔到口😋😋😋，仲有食埋燒棉花糖、忌廉泡芙、朱古力brownie 等甜品，真係好滿足🥰✅主打任食M5 澳洲和牛✅午市快閃放題HK$168起✅Happy Hour時段 （14:00 - 19:00；Asahi/SUNTORY生啤 $40/杯）✅新推出「辛の麻辣系列」（每位+$48；追蹤社交平台或分享帖文即可免費任食）✅澳洲和牛燒肉放題（HK$296起）✅「$598 無限時任飲日本umai mugi麥啤，任食

🐻‍❄️熊本燒肉 主打120分鐘任食日式燒肉牆身貼滿日本動漫海報 餐廳播放輕快動感動漫歌曲 比起一般燒肉店更有氣氛 🥰而且小店店員(老板?)積極有禮 方型網紋燒爐好夠火力及不黏烤盤 加分🤣座位方面 寛敞且整潔 非常不錯 🐄午市澳洲和牛燒肉放題$298 價錢其實好實惠 食物種類唔少 我哋今次食M5和牛為主以下介紹及推薦食品🥙前菜類: 枝豆 螺肉 蟹籽沙律🥗蔬菜: 翠玉瓜 粟米 雞髀菇 菠蘿 同生菜菜類超新鮮 用生菜包肉食仲好味🥩肉類: 鹿兒島五花肉 牛小排 牛舌 澳洲M5和牛 雞軟骨大推厚牛舌 厚度適中 口感爽口有嚼勁又唔會太韌❣️澳洲和牛油脂較多 口感更香更豐富封門柳 油脂分佈平均 好重牛肉味雞軟骨加少少鹽 好簡單都已經燒得好好味 🦐海鮮: 大蝦 三文魚骹海蝦鮮甜彈牙 三文魚骹魚油香十足🍤小食類: 芝士年糕 日式餃子 章魚小丸子 清酒煮蜆炸物都係即炸 熱辣辣即上 以上小食全部都推薦 尤其是芝士年糕 拉絲芝士太好味❣️章魚小丸子亦都係外脆內軟🍩甜品:朱古力布朗尼 雲呢拿泡芙2款甜品正常水準 好食嘅但 冇特別大驚喜☕️飲品: 罐裝汽水 自家製冷泡茶 無糖冷泡茶我鐘意

最近唔知點解好想食燒肉！發現銅鑼灣有一間日式主題燒肉店，上網啲人話座位闊落坐得舒適，嘢食又OK，就訂枱去試吓。本身燒肉套餐已經可以有好多唔同款式嘅食物，正！但我哋都升級左一啲高級小小嘅澳洲和牛放題 +$38@（升級)和牛肩胛、和牛封門柳、和牛板腱、鹿兒島日本豚四款都唔錯喎，脂肪分布平均，最緊要係個牛味好重，讚！一定要注意時間～日本豚油香十足。另外，其他都係任點任食薄切牛小排、安格斯西冷都好重牛味。雞軟骨自己燒，一粒粒好得意，好香脆。清酒煮蜆encore左好多次，因為好鮮味，酒香濃郁。另外海鮮仲叫咗蝦、多春魚，幾新鮮。小食，我就鍾意枝豆、辣味螺肉、中華沙律，特別係支豆好清新，再加少少海鹽，encore之選。粟米、翠玉瓜、菠蘿都燒下，清新D呀嘛！炸餃子、香芋丸、小丸子金黄香脆炸物，都係放題必食。出面飲品除咗各式各樣汽水之外，仲有無糖嘅茉莉花茶，非常清新。臨走之前，仲有雪糕糯米糍大福餅，大滿足！其他環境及落單參考