煮意

Book左球場，同朋友到上環市政大樓打羽毛球🏸伸展筋骨😄，一打就打2個鐘😆。朋友有事未能一齊食lunch, 唯有自己一丁友做孤獨的美食家啦。朋友之前在中上環果邊返工，都有去過唔同餐廳食肆。她介紹我去’煮意’，話細細間，食物質素ok, 咁我就過來試下。小餐廳真的很細，坐到大概9個人，高櫈。接受現金only。只見一男一女負責樓面和廚房，家庭式經營。我就試吓朋友推介既紅酒牛肉跟飯，配餐湯再加多$5要埋餐飲。是日係雜菜湯，並不是坊間茶記好濃既羅宋湯味道，反而係味道較為淡口啲，相信係自家煮既湯，好屋企既味道，還ok的。紅酒牛肉配飯 - 味道幾好，有紅酒加上淡淡牛油味烹調下，牛肉都幾腍和入味，幾開胃，令人一啖一啖咁食落去，內裡有幾舊紅蘿蔔，我係清碟架😆😆至於餐飲，我叫左熱奶茶。可能我仲食緊飯，而且每人對奶茶口味不一，店員就沖好壺茶，比罐淡奶，由我發揮🙄😆我係滿意小店既味道架。響我食緊嘢期間，正值lunch break 開始，都見唔少人過來買外賣，有啲係熟客仔。相信佢既味道係令人再encore的⋯聽到啲食客係order 紅酒牛肉飯，三文魚天使麵，鴨胸闊條麵⋯我諗比較受歡迎的。他日我再過來，我諗會試下蒜香蜆肉意粉既🤔🤔😉😉…查看更多

無意中發現依間睇落綠意盎然，專賣意粉嘅餐廳☺️香草烤雞扁意粉除咗意粉，跟餐仲會有一碗羅宋湯，酸酸甜甜~而整家店嘅裝潢同埋餐點都有少少家嘅感覺，係附近上班族其中一個唔洗多諗嘅午餐選擇！…查看更多

星期五中午同朋友上環搵食，1230左右入座，未夠1點鐘就想收碟，碟上意粉明顯未食完，我表示未收得住。再隔5分鐘又行過來話環收碟，話快要繁忙時會好多人。當時有其他客人亦有明顯已食完但沒有被要求收碟，有感係唔想我掛住傾偈唔食野，1點離座無人排隊，座位亦唔滿。我覺得如果餐廳淨係希望客人單人食飯，唔可以傾偈，食30分鐘快餐模式，入座前應該明言。如果係咁絕對唔會光顧。總結：$72 食好似屋企自己煮既意粉質素（水汪汪既汁）同埋只限30分鐘時間, 完全不推薦。…查看更多

一間有屋企味🏠嘅餐廳餐廳店面雖細但食物質素一啲都唔差叫咗青咖哩雞飯雖然覺得青咖哩味唔重而且調味唔辣🌶🌶但相比其他外賣有做到蔬菜🥬🧅肉類🍖嘅均衡而且應該唔係落味精🧂煮個汁另外早打電話落單有優惠🈹好似11:30前埋單$5xLunch time去到唔洗等就拎得🥰…查看更多

之前經過上環蘇杭街見到有間細細哋嘅餐廳，望落幾靚不過嗰日已經食咗嘢，第二個禮拜特登走返去上環試吓。餐廳位於蘇杭街其中一個轉角位，喺樓梯位側邊。餐廳都算細間，我諗最多可以坐到5到6人，我入去嗰時成間餐廳只係得老闆老闆娘同埋另一位食客，加埋我總共得四人。餐牌上一共有九款菜式，我第一眼就比佢個蒜香大蜆意大利粉吸引到。跟餐可以要湯或者餐飲，亦可以加五蚊兩款要晒，不過我就唔係特別肚餓，所以淨係要咗杯凍檸茶就算。到我碟意粉到嗰時，另一位食客巳經走咗，餐廳入面嘅聲音得返老闆、老闆娘同埋佢哋睇緊嘅飲食節目，感覺幾舒服。意粉嘅蜆又真係幾大隻，個名冇改錯，而且都好多隻，有成七至八隻蜆。總括感覺幾舒服，食物嘅味道亦有水準，下次可以帶埋朋友一齊試。…查看更多

上次來的時候，門口有很多人，但因為店內位置十分有限，只可以供九個人坐，所以放棄了等候。今日見到只有兩，三個人在門口等，很快便可入座。午餐只有數款，可以選擇餐湯和主菜或者煮主菜加飲品，如果同時要餐湯和飲品，只需加$5。<餐湯雜菜湯>湯的顏色很淺，味道亦都很淡，湯裏有很多雜菜。<煙三文魚天使麵>煙三文魚味道不錯，不會只有鹹味，有少許黑椒味，醬汁是蕃茄，天使麵總算掛汁。女店員服務很好，有笑容、有禮貌，小店很有住家感覺。…查看更多

星期六喺上環返下part time放工想食個快飯 又唔想太貴 屋企人就帶左我黎食 又平又靚咁話睇睇menu 都係西式為多 都幾吸引嘅而且價錢好平 仲包咖啡/茶/餐湯 喺上環算抵我揀左餐湯幾好 好多蔬菜喺入面 同埋無味精由於唔想食太多肉 所以揀左磨菇煙肉意粉大大碟 講真 佢黎到嗰陣我直情有啲驚我食唔晒意粉係我鐘意嘅質地 有咬口唔係冧bea bea嘅白汁比較啖味 但食落就無咁肥膩如果真係驚唔夠味落返啲黑椒就okay磨菇同煙肉都唔少 夠撈晒成碟咁大嘅意粉 絕無欺場屋企人唔肚餓 就咁揀左三文魚田園沙律份量又係超大 好抵食整體黎講真係好超值服務態度好 店員親切有禮 仲叫我可以放個袋喺隔離張櫈直到有人黎先拎返開 坐得舒服啲cp值超高 外賣仲可以減5蚊雖然賣相或者環境唔係好photogenic 但論填飽個肚嘅功能黎講真係無得輸上環飲食界清泉😂 以後又有多個抵食選擇…查看更多

呢間係顧名思議既小店，只有８個位，最適合自己一人或二個人黎食，佢亦都做外賣，重減５蚊添！成間鋪只有老闆做廚師，老闆娘做樓面，老闆娘好nice 好有禮貌，會有傾有講，好比到我家庭小店經營既感覺。佢既意粉唔會太硬或太"lum"，而且佢既汁都調得好好。另外，我亦好鐘意食佢既青咖哩雞，但有點少辣，如果我有Ｄ熱氣就唔會叫…查看更多

喺上環返工， 每日最需要用腦嘅時間就係諗下晏晝食乜嘢好喇！平時成日離開呢條街食飯，次次經過都聞到呢間細細間嘅鋪頭門口大陣香味，今日終於醒起要來試一試啦！鋪頭仔真係太細，我哋幾條友唯有叫外賣啦！今次order左蜆肉意粉，可以揀配湯或者配咖啡，份量都幾大碟！佢比平時唔同嘅係佢嘅蜆肉意粉係揀咗用扁意粉嘅，你問返我個人就鍾意食普通嘅意粉多啲！味道好濃，不過就唔係話好重蜆味。最值得推介係杯凍咖啡，唔係普通茶餐廳或者coffee shop嘅咖啡味，佢應該用咗忌廉去取代鮮奶，味道幾特別又唔會話太甜！買單50幾蚊，價錢喺上環區都算係咁啦！下次可以嚟試埋其他野食…查看更多

已光顧這間餐廳數次，但一直未有時間寫食評，今天終於抽到時間了。這間店只得數個位置，因此主張客人買外賣(外賣減$5)。我最喜歡的套餐是鮮茄雞扒扁意粉配熱檸水或蔬菜湯。這個意粉的水準及得上很多高級西餐廳，扁意粉的硬度適中，鮮茄汁的水分不太多，能掛上每條意粉上，感覺清新不油膩。每顆雞肉都很新鮮，而且吃起來很濕潤，一點都不乾。因此意粉令人一試難忘。上班一族，若想用中等價錢吃上高級餐廳的意粉，必定要試試這一間!…查看更多

蘇杭街有一間低調嘅意粉小店，店內嘅格局係只得10個位，全部係高凳加面壁位。廚房佔咗一半舖位，可以見到老闆喺度炒意粉，同埋老闆娘喺水吧整飲品。聽講老闆以前喺酒店做過，佢啲意粉係做到Al Dente質感嘅。當然以$50~60一碟嘅價錢，你唔會奢望有豪華嘅配料。佢亦都鼓勵客人外賣，會有$5 折扣。香草雞肉扁意粉：用咗好靚嘅花花碟上。雞肉調味較淡，味道清新，意粉有咬口。鯖魚意粉：相當健康嘅配搭，鯖魚焗到熱辣辣，冇乜腥味。有少許豉油撈埋意粉一齊食。沙律菜亦都新鮮爽脆。飲品係凍奶茶，以西餐嚟講茶味唔錯。…查看更多

食物質素好，價錢合理。但鋪位面積非常小，老闆娘也利用鋪位細，無辦法，這個原因經常請人離開，有座位空了都擇客，沒有訂位制度，也不讓先來的客戶進入，客戶感受不好。上環食店多，很多也很有質素，故此決定不再光顧！…查看更多

在openrice尋找公司附近的餐廳，發現了這小店。這是名副其實的小店，真的很小。但烹調食物的誠意卻一點也不小豎立在門口的餐牌。上面寫著外賣減$5，可見它鼓勵人買走。餐湯是羅宋湯，裡面有椰菜、紅蘿蔔、西芹、洋蔥、薯仔等，很足料。難得的是它不辣，適合我飲。店員把外賣拿出來給我時，我見多了盒沙律，便問：咦？點解會有既？ 店員告訴我：跟鯖魚的^^頗驚喜。這沙律味道清新，有淡淡的醋香。初初還以為這意粉份量會太少，但魚大條，加起來份量很足了。魚皮燒得有點脆，魚質吃起來挺新鮮，不太硬也不木，近腩位還有點嫩滑。入味，不會像很多日本餐廳煮得太淡。魚底塗抹了香料，很惹味原本想跟飯，但沒有了，改為扁意粉。扁意粉幼身，軟硬適中，淋了燒汁很美味。在小店吃到這般水準的魚，確實難得。我在這區找到珍寶了…查看更多

今天胃口一般，想找些簡單的食物，便試試這小店。店子很小，只有8－9個bar位。應該是夫婦檔，老闆娘笑容滿面，請我們等數分鐘便有位子。午餐的款式很多，我要牛肉意粉，牛肉很軟又入味，意粉略軟，整體味道不錯。最精彩的是餐茶，我隨便點了熱奶茶，竟然是茶葉紅茶！有驚喜～午餐才56元，實在價廉物美。服務態度很好呢！…查看更多

繼續上環的美食探險，這次看中了主打意粉的小店。街頭有幾間餐廳門外有不少人等位。沿著蘇杭街一直走，人流越來越少，卻找不到我們的目的地。看一看街號，原來已經走過了。店比預期中還要小，門口毫不起眼。只有兩排向著牆的吧枱，8個座位，中間一條剛好夠過的通道，巧妙地用了鏡子作裝飾，增加空間感。7款午餐，除了沙律和飯，有4個意粉選擇，卻全是蕃茄，不吃蕃茄的話，選擇便少多了。意式蔬菜濃湯明明顏色不錯，味道卻很淡的餐湯。開始有點不安。香草烤雞扁意粉扁意粉的質感算彈牙，但偏乾，麵條都黏在一起。汁帶淡淡的蕃茄味，不太特別。雞肉還可以，香草味不夠明顯。煙三文魚天使麵腍腍的天使麵配爽口的紅椒，青椒和洋蔥，除了顏色令賣相加分，也添點不同的口感。跟其他食肆相比，份量算頗大。無論賣相、做法、味道都很普通，像假日懶得出街，自己在家裡隨便煮個意粉。以這大眾化的價錢，算是可以接受吧，當是在中環買個家的感覺。…查看更多