焱

營業中

休息中

平時好鍾意食手工意粉，今日經過見到香港小店梗係支持一下啦，自己本身鍾意食意粉呢就硬一啲，今日叫一個和風明太子手工意粉試試落單嘅時候就叫個店員問佢可唔可以硬啲，跟住店員就問個廚師我諗應該都係老闆，個老闆就用好惡劣嘅睇味道答我話手工意粉本身都係硬㗎啦，令到我好唔開心，咁都算啦我諗住佢答我本身係硬嘅咁我都期待吓係咪真係咁彈牙啦，點知出到嚟都係腍嘅，咁早知我嗌返普通意粉算啦做乜要俾多$10嗌手工意粉啫仲要咁串，不過味道同埋醬汁的確係唔錯嘅同埋有誠意係即刻整

無諗過葵廣都有咁好食嘅risotto即叫即煮起碼等10分鐘，但絕對值得！兩款都熱辣辣勁足料！除咗餐牌有嘅都可以自選主食配料~✨雞胸🍗芝士🧀意大利飯 $61 (🌟9/10)Chicken Breast Cheese Risotto 香煎雞胸好滑，芝士味勁香濃好拉絲，Risotto 米心硬硬地有咬口，配料有大量切碎洋蔥/三色椒/蘑菇口感十足，次次黎都叫！✨西西里汁田螺意粉🍅 $50 (🌟8/10)Escargot Pasta with Sicilian Sauce醬汁係偏酸嘅茄汁，好開胃，大量芝士碎舖面，啖啖無殼田螺肉

雖然葵芳廣場好多小食店，但係相對地買外賣嘅正餐就少啲。難得今日想買外賣返屋企食，所以就行咗一圈決定食個意粉。呢間舖頭係即叫即整嘅意粉外賣店。我決定買佢之前睇佢得嗰三四個食評，又寫到好似好唔吸引咁。但係由於我實在太想食意粉啦，所以就決定試佢最平嘅意粉，試吓味道，若果好味嘅話下次再試其他款式。 由於佢即叫即煮，所以其實攞返到屋企個外賣盒仲係暖粒粒，食落佢入邊啲醬汁仲係好熱嘅今日我就試咗佢嘅西西里汁燒雞胸肉意粉。估唔到佢嘅燒雞胸肉又幾香喎，入邊嘅肉汁就好鮮嫩滑溜，一啲都唔柴。由於個人口味，我比較鍾意食啲軟身嘅意粉，所以特登要求佢整軟身啲。廚師整嘅意粉，啱啱係我想要嘅軟度。至於佢嘅西西里汁入面有少許蘑菇配落去個意粉度，都好掛汁，好好味我下次就諗住試佢嘅墨汁蜆肉意粉，搞到自己成口都黑色都幾好玩

見到佢咁多選擇諗住試下，見圖片都好似幾好。而且牛肋肉係出門望到係好靚點知！牛肋肉得4小粒 2粒係筋，浸味又蘇又帶住啲腥味。意粉似係唔熟，少硬得黎又油膩。冇蒜香$46 係完全唔划算，唔推薦

琴日去葵講行街，行到有啲攰諗住是但食少少野，咁就去咗3樓，點知平時食開嘅都消失咗⋯⋯猶豫緊幫襯邊間好嘅時候，竟然見到有一間賣意粉嘅小店，估佢唔到除咗意粉仲有串燒，漢堡薯條，咖喱嘅選擇😋企咗一陣見到都有唔少人買外賣，尤其是卡邦尼差唔多個個都會order，咁梗係唔執輸就order 咗一個卡邦尼同一個意大利飯，係冇錯係意大利飯😂突然間覺得好似置身於一間好正式嘅餐廳咁…等咗一陣話咁快就有，咁梗係即刻搭車返屋企啦⋯⋯返到屋企打開個外賣仲係好熱嘅重香噴噴（利申：住大西北）重點個卡邦尼係超多醬汁配料分量都好足，唔似平時食開啲餐廳啲煙肉同芝士要就住就住咁食，每一啖都食得好滿足😍（冇圖，食得太開心掛住食無影相😅）另外都試咗少少屋企人食嘅意大利飯，完全出乎意料咁好食😋有咬口之餘又飯粒分明，重有兩隻大大隻墨魚🦑（有圖，琴晚食咗少少試味，今朝補返張相）下次再去一定要試埋其他嘢食，私心首選係串燒同咖喱🍛🥰

餐廳選擇非常之多， 叫任何主食仲可以加$12仲可以配埋薯條/薯蓉或者沙律今次就叫咗一個卡邦尼試吓份量非常之足夠絕對夠你自己一個食飽普通卡邦尼嘅配料（煙肉+蘑菇）表面有少少黑椒醬汁都非常足夠當中仲加左芝士，配埋意粉非常之滿足出餐速度都非常之快店家仲非常之貼心喺舖頭外面有一張枱仔比客人有一個立食嘅地方等緊攞意粉嘅時候，見佢嘅Menu仲有好多嘅選擇，簡單影咗少少俾大家睇大致分為意粉，意大利飯，漢堡，炸物，薯蓉有機會一定會再嚟試吓佢其他食物