無肉食 (洗衣街)

營業中

休息中

夏天到啦～好熱⋯⋯同又想食自助餐啲，又怕肥⋯⋯去食素啦⋯⋯感覺無咁肥，仲要自助餐，想食乜，就食乜～多選擇素食可能有啲人覺得，無乜野好食。又或者味道唔好但「無肉食」真係唔係哦！係好食既素食，款式多，又唔會好油，味道又好味🤤食物包括：沙律（有羽依甘藍添）、炸物、熱食、炒麵、湯、羅漢果茶、甜品樣樣野食唔會「數量有限」，任食唔嬲，同好新鮮午市自助餐，只係$68咋！食到好飽飽入座前先俾錢～最後要收拾返用過既餐具哦👍🏽去之前，最好book定枱，因都有唔少人去食

舖頭系以入門口，先比錢，後食飯既形式運作。坐低之後就可以出去自己夾野食。野食數量唔算多，但係種類幾齊全。沙律，冷盤，熱菜，炸物，甜品，生果同野飲都有，但係野飲得熱飲。沙律更加有super food羽衣甘藍，但係味道就....哈哈，鍾唔鍾意就見仁見智啦。開頭我每樣夾左少少試下先，因為舖頭主張唔浪費食物，所以唔會好似出面啲自助餐咁有人幫你收盤，要食曬先拎個碟出去再夾過。蔬菜味道比較家常，無特別驚豔。但係因為我鍾意食菜，所以都食得幾開心。第二碟就夾左啲炸物，反而呢個幾唔錯下。春卷屬於重口味菜式，炸南瓜系真心推介，又甜又粉，炸過之後又香口，推介！！！因為炸南瓜片太好食啦，所以第三碟要翻兜，碗入面既係冬瓜盅，裡面有薏米同埋菊花。我都係第一次食到有菊花既冬瓜盅，唔可以話難食，但係味道唔特別好。但係呢度竟然有馬蹄糕，而且有粒粒馬蹄，煎過幾好食。佢仲有蘿蔔糕同芋頭糕（？）好似係。去食之前見到有其他食評話要拔絲蕃薯，咁我都幾期待下。食到最後佢終於登場啦。大家都一窩蜂走去拎，咁我我唔執輸，拎左兩舊。結果係大大既失望，開頭比佢個賣相吸引左，高高既焦糖絲塔，裡面既蕃薯包既糖太厚太硬啦，完全咬唔開，太失望啦。

其實我選擇Green Monday都有好幾個月，都會不停留意下邊度有好既素食餐廳，有時候約朋友都唔會搞到好尷尬左就又就咁。今次黎左呢間係素食界都頗有名既無肉食，顧名思義，呢度當然係素食既，而且係任食。午市七十八，晚市一一八，九十分鐘任食。其實食物選擇都唔少，有一大堆炸物啦、沙律吧啦、川味涼菜系列啦、熟食啦，仲有湯、茶水同糖水任飲。其實每樣食少少已經好飽，而且餸菜流轉快，有時又會換下新款咁，好豐富架。個人重點推介兩樣啦，首先係圖中好搶眼既拔絲芋頭。拔絲皮好脆，夠甜岩曬我，而芋頭就好粉好稔身，好好味，不過唔好食咁多，會好飽的。另外一樣就係迷你芝士撻仔，熱辣辣有少少軟心架，好香好滑，每次出爐都瞬間俾人搶曬，想食要快啦。食完飽飽就請大家幫手執好野，分好餐具同廚餘先好走啦。

第一次用openrice 落review，因為真係忍唔住。星期日 8點15分入坐後，諗住出去拎野食，但發現出面無咩野食可以選擇，同埋一味多油炸野食，根本扮賣健康concept。重點：食左陣，9點左右諗住出去再加d野食，點知出面8成野食都無，得番d汁咁，連水果都無埋。問員工，佢地話已經唔會再fill，因為已經無野食。9點30分仲話要開始清潔出面d枱，但明明張poster寫係下午6點至下午10點。好老實講，做一間任食餐廳，唔係應該要準備充足食物？食完就話無，真係好有趣任食經驗，俾$138都唔知食緊咩。唯一好嘅地方，就係環境舒服。

十足是一間飯堂，先買票，吃完要自行清理碗碟，其間當然沒有人會來收拾，地方淺窄，環境頗為嘈雜，十個八個人安排坐在一排一排長枱，感覺不好，想起監獄風雲，光顧前要有心理準備不太像一間餐廳，食品質素尚可，唯是沒有凍飲，$68吃不吃得過就見人見智，本人就不會再去。

近來好中意周圍搵素食自助餐暫時去左幾間，覺得呢間唔錯，選擇非常多，最緊要係補充食品速度非常快！但大家記得預訂咗，因為真係勁多人！選擇有唔少，味道也不錯！甜品、炸物、沙律、湯水、糖水、水果、粉麵飯、主食。。。。。。每次出去拎野，都有新野！

一進入餐廳巳要先付餐費，之後一位態度不友善小姐帶位，三位要坐一張二尺x二尺小枱，側邊在路旁加一圓櫈，她説三位就是這些位，要我先坐有位再換，苐一感覺已經是不合理，路旁位係通道人來人往個個托住碟食品，如果坐下真的背脊分分鐘被人撞及倒嘢落黎！（心想，做食物館為了多賺一些，置客人於險境，連行人走火通道都坐埋，還表揚食素，有點沒公德心啊！）食物都是普通廉價瓜瓜菜菜，炒粉炒麺居多！還有原來係派一隻碟要由頭用到尾，冇得換碟！這一點在接待處付款時並未有說明，店內只張貼了一張很簡單的說明，怎樣由取食物至到食完要自己把杯碟放回回收箱，除了自助食物還要自助執碗碟。我是第一次來亦不知道是用一隻碟由頭要食到尾，當我把第一碟食完放回回收箱，就上前去問那位黑麵小姐可以否給我一隻新碟，她面上沒有表情地說一round用一碟，我聽唔明，再問佢，佢又係重複呢一句一round 用一碟。咁我問佢現在我沒有碟取食物，它又再說只可以用一個碟，她手中拿着很多新碟都不肯給我一隻。後來我想我都係第一次來唔知道你咁多規矩，點解會咁強硬不肯再給我一隻碟，所以我又出去再問呢位刻面小姐燧人氏這餐廳負責人。他望着我又不肯告訴我誰是負責人，只是問我

今日食過，好難食，似食緊日營飯，店舖比人感覺好慳，除咗要自己執碗筷，要分埋類倒垃圾，食物質素中下，仲要淨係成日出粉麵，其他餸和小食長期清空，宣傳片入面有蛋撻同餃子，但去到都冇，環境想做到無印咁簡約感覺，但又簡到乜都冇，blacklisted!!

香港素食餐廳不多, 素食自助餐更加少之有少。聞風而至, 一嘗這素菜自助餐。素食自助餐分兩大時段「午市」、「晚市」餐廳進餐程序, 先俾錢後進餐。店內環境尚算光鮮, 但比較自助餐它更像工業飯堂。(溫馨提示: 服務員會為食客安排位置。他會用盡每一個坐位, 無可避免與陌生人同餐。這點最令人討厭, 自助餐價錢  飯堂式待遇！)冷盤。比較驚喜係「雨衣金蘭」, 味道清爽仲有抗癌作用。15~20款素菜。普通到唔普通既素菜, 全無驚喜可然。唯一好味係煎腐皮。7~8款炸物。 口感不油膩, 味道較淡。

和媽媽假期來到無肉食，食素食自助餐Book 了11:30限時75分鐘， 每人78免加一， 入坐前收錢提提大家，真係要，book 位，唔係真係會冇位我講下我推介的食物先地瓜丸: 甜甜的，好煙in, 又唔油，好食到飽都encore焗南瓜 （冇影相）： 好甜，好味炸蕃薯片： 又薄又香脆，好味涼拌黑木耳：開胃爽口沙律方面，有superfood 棃麥同羽衣甘藍，一定要食基本上佢既炸物都好出色好喜歡飲佢既薑茶，仲有綠豆沙都好飲差d漏介紹佢個紅蘿蔔湯，好甜好好飲

之前食過奧運站另一間定位好似嘅素食自助餐，所以以為呢間都會有好多好特別嘅素食菜式吸引後生仔，同埋上網好多線稿都話呢間有好多特色甜品 例如每日有唔同水果拔絲。點知今日去到，問啲staff先知大部分嘅特色甜品/菜式都係晚市先有，可能只想迎合老友記啦，午市全部菜式都好普通，同平時齋鋪無分別，豆腐、沙律薯仔仲有好多款都好淡味，甜品得一款，仲要好普通之前睇傳媒宣傳嘅相，以為有成十樣。$68同一個價錢，奧運站個間性價比高好多（利申非打手），甜品起碼好有誠意，又有創意。呢間真係唔抵食，極為普通。

難得與素食朋友🥗約會，特意挑了這一家素食自助餐🥦，之前在社交平台上💻已看到了很多有關他的資訊，一直都很想來試試。假期加上是晚市時間🌛，每位$138，但他是不收加一服務費的😊。先於門口付款💸，就可以進去坐下再去找東西吃了😋，這邊是全自助式的，吃飽飽記得要乖乖收拾乾淨喔😉~當晚環境蠻吵😰，座位佈置像是工廠大廈飯堂🏭，頗逼狹，加上碰巧我們是跟不認識的人坐在長枱上，肩碰肩的，私隱度很低😥。食物選擇也算多元化，冷盤❄️、熟食🔥、炸物🥠、甜品🥧等。現場所見，只有3個員工，一名在門口負責收銀💰，另外兩個在店內負責運送新鮮食物🛒。可惜的是她倆沒有嘗試維持秩序，加上自助選餐區並沒有清晰指示⚠️，而通道亦不算寬敞，當店員送餐時如果碰上有客人在挑食物，就變的蠻危險了‼️。挑了一點炒粉🍝、翠肉瓜🥒、炒菜🥦、素餃子🥟、春卷🌯等。大致上味道都算合格，比較突出的是素餃子🥟，餡料是多種口感不同的蔬菜🥕🥒，吃起來層次感很豐富👍🏻。總結：晚餐性價比偏低⬇️，加上環境及舒適度扣了很多分📉，如果是午餐也真的要再考慮清楚😥。而說真的，餐廳可考慮加入更多的款式，畢竟素菜也是有很多選擇🤗，上碟方面亦可做得更美觀，正所謂色、香、味俱全嘛😉。

有吃素的朋友在外國回來,剛好知道旺角新開了一間素食自助餐而且很受歡迎,因此在星期五晚上便約在此地方用餐. 預約了兩位,下午6.15分一去到已經滿座,沒預約是沒有位的. 但我即使預約了,仍要搭檯,而且食物賣相差,選擇亦不多,一看已經後悔想離開. 餐廳人非常多,座位亦非常迫,拎食物都難. 現場是自助式,所以等於是沒服務,吃完亦要自己收拾餐具.相片我沒有影,因沒有一樣值得影,如果是閒日中午HKD68一位我覺得可以接受,始終一分錢一分貨.但如果是晚上HKD138一位,就完全是搵笨. 食物樣樣都清淡無味,食材廉價,客氣一點只能說不難吃,不要幻想正常素食餐廳的水平. 現場環境嘈吵而且限時,想聊天亦不能. 我與朋友每人勉強吃了一碟,喝了杯淡如水的五花茶便離場去其他素食餐館再繼續食. 只怪我事前沒做足功課,以為這餐廳有這麼多分店,食物應該不會差. 建議大家現場去行一圈先決定食唔食.如果對食物質素沒要求,只要不難食飽肚就OK,那亦在此處食午餐亦無不可, 否則就算了吧. 建議大家現場去行一圈先決定食唔食.不要像我一樣中伏.

可能今日係15嘅關係，本來想到佐敦嗰間， 但係已經full曬。 咁啱打去旺角六點鐘又有咁所以就嚟再次試下有無改善。因為之前試過一次可能好夜去食嘅關係，基本上啲食物都冇再出過新 ，好似就咁等你清曬出面嘅食物就算數。。。但今次呢明顯比我一個完全唔同嘅印象。佢要食款式都算多， 有前菜有冷盤有熱食。 仲有keep住會出新款， 唔使驚食完第一輪之後就覺得冇嘢食。味道正正常常，唔係話特別太出色。但係 自己就特別鍾意冷盤嘅秋葵同埋木耳， 少少辣幾開胃。 仲有佢個芝士撻，味道都唔錯， 我食咗三個😂差唔多食飽，走之前仲出咗一個拔絲地瓜， 佢啲糖好似成坐塔咁樣，好靚。 味道就都唔錯，唔會好硬。整體嚟講今次我覺得比上次有進步，款式不斷出新嘅 ，唔會畀你感覺好似叫你清曬出面啲嘢就算。 環境就ok啦都可以接受嘅，乾淨。 食完啲嘢，記得自己分類，收番好啲餐具就得啦!😊

某天放工差不多中午兩點， 喺市區想搵間近近哋嘅素食餐廳， 呢間就好啱。 因為就喺旺角洗衣街， 幾分鐘就去到，仲趕得切食lunch buffet， 所以就選咗佢嚟試。之前喺過大角咀另一間素食buffet， 今次就睇下有咩分別啦。 呢間地方比較大，所以位都寬敞一啲，人亦多d。 但放食物嘅位置比較少。 可能人實在太多, 啲人不會蓋返熱盤的蓋，食物會快凍d. 熱盤冇乜驚喜，抄麵/薯粉/銀針粉麵類有成3款，其它都係抄下西蘭花， 椰菜， 冬瓜 ，節瓜， 蠔油生菜，白菜仔..... 好hea 沙律有薯仔沙律，紅菜頭係我至愛。涼拌青瓜及雲耳。炸物比較多款， 炸菇類雲吞，芋頭春捲，腐皮捲，天婦羅。味道都幾好，脆口。但找唔到蛋黃醬點。總結: 地點一流，勁方便。食物就在咁多間素食來講，麻麻地。