無名班戟夾餅

營業中

休息中

九龍灣宏光樓夾餅伯深繫住老街坊如我嘅回憶味道呢幾個月每次經過夾餅伯個檔位都望吓佢有冇擺檔，換嚟嘅係空空蕩蕩嘅吉位近呢個年頭好多無常嘅事發生，老字號餐廳一間接住一間結業。莫名其妙中突然好擔心夾餅伯唔會再出現。今晚13/8，一落紅van見到熟識嘅夾餅伯（雖然佢唔識我）企係度等途人來幫襯。內心有說不盡嘅開心，二話不說上前要咗一份夾餅。身邊男朋友關切咁問夾餅伯好耐無見喎，佢一邊好熟手拎起烘好嘅班戟餅底，邊塗牛油、花生醬、練奶，一邊細細聲講：係呀，今晚先返出嚟。只係掛住默默觀賞佢熟練整夾餅手勢嘅我，頓時聽到心裡面無言。到底咩原因隔咁耐先返嚟是個迷。唯有希望佢老人家一直身體健康呢篇食評夾帶私人情感，但中肯講料無少都係塗足班戟餅底都係厚厚一大塊好味嘅！咁耐以嚟都仲係賣緊$12，大家行過經開都買份當宵夜/甜品支持下趁還有記得珍惜。

成日都聽人介紹呢檔格餅，每次行過都好多人幫趁。終於都有機會試啦。呢到嘅格餅唔同出面嘅格餅，唔係外脆內軟，而係成塊都軟棉棉。有蛋香，配合埋啲醬都幾好食，而且仲好飽肚。只不過質感唔係我預期想食個種格仔餅。

今天在付近只吃了一碗皮蛋瘦肉粥，回家心思思想吃這小檔。真幸運晚上下着雨老闆也有開檔！小花生醬小牛油也很滋味。餅的味道適中，也有新鮮的感覺。現在香港很難在街邊找到這類檔。$12！

晚上如果途經得寶花園與淘大花園中間，必然會在滷味小食檔附近宏光樓屋苑大閘前，找找看這班戟車仔檔有沒有開檔。因為車仔檔開檔日子奉行「無定向風」營業，而且班戟粉醬買完即止，遇上與否真的「講緣份」！車仔檔伯伯做的班戟，是屬於厚實系的傳統款式，他加牛油、花生醬和煉奶等從來一點都不吝嗇，而最值得一讚是，有些時候吃了晚飯，很飽很飽才路過見到，還想饞嘴買一件。我禮貌地請他把班戟切開兩份，讓我方便與人分享，他也從不會黑面拒絕！百物騰貴～班戟已由6-7年前初次吃的$8加到今天要$12了！

放工突然之間有點肚餓，原本想去購買爭鮮，行行吓見到個伯伯有開檔，所以買了一塊咬下去到伯伯正在煎班cake，好正咁款！但點知下單時伯伯只係俾我格離不知放了多久的夾餅拎上手個刻件餅個暖字無關係，所以我決定返屋企叮一叮佢先食夾餅十分厚實較乾身，但餡料較少，需要咬到中間才食到花生醬，食邊位時只有淡淡蛋味，相比起兩三年前的夾餅明顯落料少了，無辦法通貨膨脹吧， ＄10可以解決你的晚餐還想如何

係九龍灣住既街坊一定有見過呢個夾餅叔叔，佢唔係定時擺檔，有時晚晚好夜都見到佢，有時又成個星期都唔見人夾餅$10：講真以十蚊呢個價錢黎講，呢件夾餅絕對係超值，因為超大件，成塊夾餅仲大個塊面，想唔飽都難架~但味道方面我就覺得差咁啲啦，配料入面其實同格仔餅差唔多，都係煉奶花生醬，但佢用既煉奶同花生醬唔夠香，同埋落得唔夠多，本身塊夾餅係好厚身，食到兩邊無醬變到要就咁食塊包皮，味道好單調如果加埋糖相信口感會提升多啲。另外一個重點就係唔夠熱，因為通常都整定係到.. 所以有時都好睇彩數，夾餅一定要熱食先正架嘛以飽肚黎講佢一定滿足到，但如果想好味或者口感多啲，我建議大家都係食返格仔餅~~~

牛頭角呢檔班戟夾餅，從九十年代就喺度做生意，當時每到放學時間，學生哥包括我，都會幫襯佢。今時今日，連牛頭角上、下邨都已經重建，但叔叔仿如當區景點，風雨不改緊守崗位，雖然老闆咁多年都單打獨鬥，但每日都有不少FANS去探佢。今次路經此地，用老朋友嘅語氣，「老細，唔該比塊PANCAKE,少奶少油少醬」老闆用熟練嘅手勢，唔使廿秒就起貨。 即煎即包熱辣辣拎上手，PANCAKE鬆軟而煙韌，外皮微脆乾爽唔油膩，蛋味濃郁，配合調校過嘅醬油奶，唔知爭啲乜，真係喺出面食唔到。 「懷緬過去常陶醉」，做學生哥時只會緊張讀書考試，以前天大煩惱，相比目前為口奔馳，可謂無愁無慮。上世紀九十年代，香港經濟剛起飛，唔似今時今日商場林立，市面仍然有各式小販，每逢放學時間，賣小食嘅小販仲受歡迎過明星，由於競爭激烈，每個小販都身懷絕技，留住一班捧場客。如果老闆有日退休，我諗我都唔會再喺街邊食PANCAKE喇

想不到openrice都會有這班戟夾餅的專頁，當然要快快補完篇食評呢！話說在尋找出名炸雞脾的日月星時有四個鋪在鐵板上的大圓餅瞬間抓住我的眼球，原來這就是傳說中牛頭角的街邊班戟夾餅。不過那時急於找日月星，所以沒有立刻停下買來吃，到之後回頭打算找其他餐廳時，仍然見到伯伯在擺賣班戟夾餅，二話不說便買來吃了。在香港，這種街頭擺檔已經買少見少，依稀記得小時候還有一些，不過近年已經消失得所剩無幾，也是時代變遷無可避免的結果。叫完一份班戟夾餅（＄１０）後，伯伯迅速拿起其中一塊已煎起的餅底塗上花生醬和煉奶，完成！我和baka拿到一旁吃，夾餅依然熱辣辣，比平時吃到的鬆軟，有非常濃郁的蛋香味，細看夾餅，原來裡面是沒有煎過的，這也應該是口感較其他香軟的原因吧。吃第一口時還未吃到醬，因為放直來吃時花生醬、煉奶當然會往內流呢，所以當我們越吃花生醬味道便越甜越濃郁。我們都非常滿足這個遲來的下午茶，只論味道當然不會驚為天人，但裡面夾集的人情味和集體回憶卻無價，心頭不禁湧起一股無名的感動。

車仔麵店不是能久留之地,時間充裕的跟同學在附近散散步再到九展,忽而見到牛下真好味的張太及那些紅彤彤鹵水食物,還想掏出銀包仔買串墨魚、紅腸之際,夾餅伯伯的車仔竟在對面,幾乎沒留意駛出車輛就衝過去,只因這裡其實是大廈停車場出入口唷。車仔上的鐵板煎了四個如面大的夾餅,個人喜歡格仔餅但更喜這款煎餅,圓碌碌的夾餅比荃灣見到的更大更厚, 每片取價$10也不貴。伯伯給我的一片不是鐵板上還在煎製的,還想請伯伯給我一片熱的夾餅時,伯伯已快速地為大夾餅塗上牛油、花生醬及練奶,急不及待的站在對面行人路就開始品嚐。紙袋裡的夾餅仍是熱得燙手,放在一旁的製成品也不是想像中放至不熱的狀態,只煎一面的夾餅厚度足夠口感十足的如蛋糕,拿上手也蠻有重量的,被牛油潤澤了的煎餅透出有著牛奶的雞蛋香,甜甜練奶、濃香花生醬帶出熟悉的味道,鬆軟熱熱的飯後甜品令甜胃滿足得不得了!!同場還有另一檔車仔腸粉,要是知道這邊有兩檔車仔檔,掃碟腸粉+幾串牛下鹵味,最後來片甜美夾餅,這晚一定更滿足!街角還有$20燒味飯,這邊的街坊實在有福!滿足了口福又是時候看演唱會去,場內遇上屯門街坊IVY及跟兩位久仰大名的Openricer打個招呼,謝謝OR造

街邊車仔檔，在香港已經是買少見少，能正常營業的，不知為何，大多是沙炒栗子檔，訂多有老人賣些少糕點。不計夜晚的上水站，不計新年只開兩、三天的各大夜市，推手仔檔的美食，是可遇不可求的。在九龍灣/牛頭角一帶，說車仔檔，好多人都會說起牛頭角下邨的兩個遺物，雞蛋仔同臭豆腐。但大家在九龍灣 (往觀塘方向)，一落巴士，向淘大方向行的話，一過馬路在宏光樓的閘口，偶爾你也會見到兩個車仔檔。而我是日偶遇的，就是這一個賣 Pancake 夾餅的老伯伯。我不是九龍灣/牛頭角街坊，也不是那一帶的工友，所以不知這伯伯是否時常擺檔，我間間斷斷尋訪過多次，這只是我第二次遇見他。第一次遇見他，是好幾年前的事，是在淘大花園用膳段再去德福的途中發現的，這一個非格仔餅形的夾餅，在現時來說，的確是很特別，但在我們一幫 70後的心目中，是很懷念。當時那伯伯還說出，全香港只剩我一家賣 Pancake 夾餅。食法同醬料，與一般的格仔夾餅無異，都是以花生醬加牛油加糖來加，只是用來夾醬的餅不同而且，而且，用這一種煎 pancake 來做夾餅，入口的感覺比起一般的格仔餅，更鬆軟，更香口。一般的格仔餅，因為要夾著燒，所以很難會出現鬆軟的感覺