烤焗工房

烤焗工房📌葵芳葵富路7-11號葵涌廣場3樓33-36號舖是日掃街第3️⃣站薯條拼安格斯牛柳粒 $40份量算多唔係得幾粒牛如果普通食量嘅女仔可以當正餐或者兩個女仔share🤣小食可以免費跟一隻醬我就揀咗邪惡嘅芝士醬安格斯牛柳好嫩唔韌算係葵廣必食名物💕⭐️Rumple港女評分⭐️味道: 4/5環境: -/5服務: -/5抵食: 4/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 # 香港平食 #香港平民美食 #香港平價美食 #平民小食 #週末好去處 #葵芳美食 #葵廣美食推介 #葵芳好去處 #葵廣餐廳 …查看更多

都幫襯咗幾次,同一個帶Cap帽女收銀, 次次黑口黑面冇笑容比錢嗰陣多謝都冇一句, 語氣差!! Lunch hour見呢間唔使排隊, 叫黑椒安格斯牛柳粒炒烏冬 $44, 即刻炒等咗十分鐘, 烏冬同牛肉粒份量唔係太多,啲汁超級鹹, 牛柳粒好硬太多筋, 好難咀嚼,無牛肉味, 同好多出面食店嘅安格斯牛柳粒分別, 鹹到食完要即刻買嘢飲,以呢個價錢同趕客服務真係貼錢買難受冇下次絕對唔會推介, 葵涌廣場有大把選擇！已經唔需要食店提供座位, 個個都係企喺度食. 黑口黑面唔應該做門面囉,好似唔想啲客嚟食嘢…查看更多

【葵青區】【烤焗工房】曾經有幾段時間會嚟多啲葵涌廣場呢邊食嘢，包括但不限於掃街。不過令我會過嚟呢邊嘅人同埋事都已經離我而去，因此呢幾年都少咗好多過嚟。有時有嘢都係過嚟做一做就匆匆忙忙咁走，無乜時間好認真咁行吓呢個商場。我好似好耐之前講過自己好欣賞三樓嘅 YUMMY MUMMY，交個心出嚟做生意嘅家庭式經營雪糕店一間。愛屋及烏之下，喺佢哋附近嘅食店有時我都會順便幫襯吓，好似呢間「烤焗工房」，就喺內街舖搬咗出嚟雪糕店隔離喇。有次去食雪糕之前，就想自己個口油啲、熱氣啲，之後先食雪糕會好食啲，所以去叫咗份 $36 嘅「火焰芝士安格斯牛柳粒」嚟食吓。叫嗰陣都預咗咁嘅價錢唔會係啲咩靚牛，不過好似連工展會小食檔質素都不如，有啲失望嘅。不過見佢哋都有啲火槍燒芝士產品，可以畀我吊吓芝士癮。本身想叫牛舌，點知叫錯 $36 嘅牛柳粒，又食一次，冇進步到。另外仲食咗隻 $22 嘅「火焰芝士法蘭克福腸熱狗」，比較平庸，不過價錢唔貴就算了，本身都冇乜要求。。。（地址：葵芳葵富路7-11號葵涌廣場3樓33-36號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #葵芳 #烤焗工房 #葵涌廣場 #葵廣 #葵廣掃街 #火焰芝士安格斯牛柳粒 #火焰芝士法蘭克福腸熱狗 #1am1308 #1ambackup…查看更多

嚟得葵廣掃街都想試唔同嘅嘢，咁啱我哋喺食其他店嘅時候見到有人拎住薯條，感覺幾吸引，所以我哋就去咗搵🤣位於3樓嘅烤焗工房，選擇超級之多！！除咗小食之外，仲有麵，烏冬，蛋包飯等等🤓今次我哋試咗炸薯條配安格斯牛柳粒，見到喺餐牌度寫住推介，所以我哋覺得應該都唔會伏？！薯條可以揀配唔同嘅汁，我哋揀咗芥末蜜糖醬，感覺比茄汁更加襯🥰薯條都好熱好脆，但係牛柳粒就偏靭，唔係好咬得開😶所以建議大家淨係叫薯條就好😂…查看更多

大家好！今日我地試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(自家評分，滿分3個【好食！】，口味各有不同，評分只供參考！)烤焗工房就喺3樓電梯旁，非常多選擇，我地選了招牌轟炸大大大魷魚(蒜香)。吉列炸起非常鬆脆可口，分量亦不少，不過炸物質素相較平均，除了極好或極差外，其他的店舖出品質素都差不多，所以烤焗工房暫時只可以有1分，下一次試了其他才再看會否加分。轟炸大大大魷魚(蒜香)・HK$32VLOG:…查看更多

呢間主打炸物 小食都有意粉/飽肚野食物種類都幾多🍤滋味蝦多士$30 四件🍄 Shake Shake 炸杏鮑菇 $29🍤表面灑上大量白芝麻所以第一啖係白芝麻充斥嘅感覺之後先到蝦多士嘅部份呢度嘅🍤打成咗蝦膠所以唔會食到粒粒🍤肉經過油炸之後 仍然保持到juicy多士都係有一定厚度 冇淋油配埋沙律醬一齊食 都不錯🍄有幾隻shake shake粉可供選擇 今次揀咗蒜香味但味粉較淡味 份量都唔多但值得一讚嘅係 杏鮑菇仍然充滿水份證明呢到火侯都掌握得幾好但都可以再減少少 會冇咁深色呢間作為小食嘅第一站算係唔錯 但建議可以share原本仲想食炸原隻魷魚糯米飯雞翼 但驚會太飽所以留番下次😌😌😌怕熱氣 可以去買雪糕中和番🤣…查看更多

我覺得好ok wor! 烤焗工房喺葵廣最入個店鋪之一，佢首先最吸引我嘅係佢個menu好多嘢揀，好似咩都有啲咁。但因為正值掃街中途，點唔到太多，所以今次只係叫咗一入香草味安格斯牛柳粒試下，$30左右有成10-15粒牛，我覺得十分之抵食🙌🏻😋加上佢個牛唔會太un，起碼我食到又咬得輕鬆。佢除咗香草味仲有其他味選擇架。我同女朋友兩個share都夠哂！下次嚟掃街一定會試下佢menu上面其他食物☺️推薦指數：💛💛💛💛…查看更多

前要：今日黎到葵涌廣場 突然就提議試下用$100可以買到咩食呢 係兩人份~~葵涌廣場每層都有好多小食店 間間都好似好吸引 要揀食咩 真係好難揀 樣樣都想食甘😂要係度限量用$100 真係財務管理既大運用🥸🥸究竟可以食到啲咩呢 真係既緊張又期待~~第一站 蛋製品專門店🐣🐣第二站 烤焗工房🦑🦑買完玉子燒之後 我哋去左3樓睇下有咩我哋想食 見到呢間舖頭都幾多人排隊 就被吸引去睇有咩好食~~oh nono 竟然有炸魷魚鬚😍😍炸野感覺真係好吸引 食完 感覺好似會精神100%😘😘緊係要試下啦~唐揚炸魷魚鬚($45)🦑🦑魷魚唔會好硬 可以咬到炸層感覺唔夠脆 同魷魚本身好似有啲分離🥺🥺炸層感覺都有少少厚 溫度有啲唔夠熱 但味道都幾好 唔會太咸食完唔會覺得自己好熱氣🤭🤭…查看更多

相信大家對依間烤焗工房都唔陌生，由TOP世界搬左出黎，生意明顯旺左好多，不過員工態度照舊冷淡，炸物、意粉都好出色，我最欣賞意粉系列。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 芝士蒜香煙鴨胸意粉🍝 $41一拎到手即刻聞到濃烈蒜香味，芝士燒到焦香，半溶芝士包著一條條意粉，夾起時有拉絲效果，意粉份量都幾多，兩個人食剛好。- - - - - - - - - - - - - - - - - - - - - - - - - - - - - - - - - - - -——————————————♥———————————————…查看更多

多款意大利粉/烏冬！被呢度嘅餐牌吸引，有好多唔同款式嘅意粉、烏冬、飯同小食，今次試吓蕃茄意粉先，下次再試烏冬。外賣要加$1，大概等幾分鐘就有得拎，熱辣辣、大大份，好抵食！鮮茄牛脷燴意粉$41- 基本上都係茄汁撈意粉，不過面頭有幾粒新鮮蕃茄，所以感覺都新鮮嘅。牛脷嘅份量都唔錯，幾爽口，意粉超級多，一定夠飽，不過口感淋咗啲，推介。香濃鮮茄豬扒意粉$41- 朋友叫豬扒意粉，豬扒仲多過牛脷好多，十分抵食！…查看更多

🦑唐揚炸魷魚鬚 $39等咗差唔多10分鐘所以相信係即叫即炸雖然用紙兜裝著但拎上手都熱辣辣魷魚鬚外脆內軟 炸皮幾薄 而且均勻沾滿咗啲調味粉辣辣哋 惹味得嚟唔會過鹹唯一係份量少咗啲唔夠食啊😭…查看更多

之前行過見到已經吸引住我，因為超多食物選擇，今次叫外賣平台自取返屋企慢慢嘆當掃街，有太多選擇真係好多嘢都想試，重點係價錢大衆化，等候時間只需十零分鐘。🥢黃金鹹蛋炸單骨雞翼 $50⭐️⭐️⭐️⭐️呢個係近排食過最好味嘅鹹蛋黃雞翼，每隻雞翼都充滿鹹蛋黃香，單骨雞翼非常方便食，而且肉質Juicy，必食推介！🥢乾炒黑椒牛魔王意粉 $46⭐️⭐️意粉爽口彈牙，牛肉粒夠腍但無味，成個意粉無任何配料，如果有蒜片或洋蔥就會加分。🥢拉絲芝士煙三文魚焗大啡菇 $58⭐️⭐️⭐️⭐️估唔到呢個菇有驚喜，雖然芝士凍咗冇拉絲效果，但口感仍然豐富，啡菇一口咬落去爆晒汁，非常好味，加埋我至愛煙三文真係無得輸！🥢香草烤肉腸拼盤 $62⭐️⭐️⭐️⭐️折咗之後$48超級抵，有司華力腸、普通雞肉腸、台灣腸、德國腸，滿足鍾意食腸嘅人，墊底仲有薯條添。二人共消費：$162…查看更多

係香港如果要搵一個點最似台灣夜市既，我一定會揀葵廣！食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)烤焗工房位於3樓，隔離有一大個位俾你企同食好方便，食物種類多到傻當然都係以烤焗燒炸為主，樣樣都好吸引勞蘇食推介 — ShakeShake系列：蒜香炸杏鮑菇一拎住已經覺得好蒜，賣相真心有台灣夜市係咁排隊個啲特色味杏鮑菇感覺一食入口，OMG，雖然只係粉，但蒜香味好出，好惹味驚喜在，佢係勁爆汁既茹，係爆汁唔係多汁汁加蒜粉係個口變成好濃既菇味真心推介，係我食過其中一個最好食既杏鮑菇火焰Mozzarella芝士燒牛舌，賣相如同餐牌一樣，芝士滿滿，燒完仲香叉起一舊牛舌再捲捲捲芝士，淨係依個動作都好爽入口芝味濃，但驚喜係牛舌，調味絶對無因為有芝士而hea你，淨係牛舌其實都好正好有風味唔野少既一個燒物整體而言可以話係葵廣必食仲未計佢其他既飽肚食物好似意粉、蛋包飯個啲，如果係附近住/返工實在爽價錢又唔貴，首選推薦唔係烤焗咁簡單，係心思同細節#快靚正就係依啲好吸引#魷魚牛柳粒大啡菇都好正咁…查看更多