烤吧31 (已結業)

每個月嘅老友飯局,都要搵去邊度食嘢, 之前朋友就話佢公司附近開咗間新嘅烤魚串燒舖頭, 咁我哋就8個人柴娃娃一齊去試下！ 試咗兩款烤魚,一堆串燒同燒生蠔！ 仲有雞煲！ 但有啲冇影到相 , 食咗勁多嘢！ 烤魚食麻辣味嘅江團魚,同埋酸菜海鱸魚， 江團魚非常適合我地嘅口味！ 勁好食！又入味！ 又滑！ 海鱸魚肉質有啲柴！ 不過我地本來都知道嘅！ 而且老闆亦都好溫馨提示我哋，講咗海鱸魚肉質係柴嘅！ 但因為我有啲friend鍾意食實嘅魚肉,所以叫畀佢地食😄 雞煲方面非常入味而且 啲雞肉仲好好食添！串燒方面,好多種都好好食！ 食咗魚卜, 燒白鱔 ,牛利,牛肉, 茄子,田雞 ,蝦,五花腩, 雞軟骨, 生蠔！ 其實仲有！ 但因為一邊飲酒一邊食， 所以有啲都唔記得咗食咗啲咩🤣 食住串燒，飲啤酒，簡直係人生一樂事！

上次同完朋友去完之後, 一直念念不忘,想再食多次 ， 见就嚟做冬， 就索性約埋屋企人，一齊落去再食多次🤭🤭 同上次一樣，都叫咗香辣烤魚 /燒生蠔,同埋一啲串燒嚟食,今次仲試埋佢嗰個雞煲,都係好好味, 屋企人同我都覺得真係好好食， 好難得搵到一個，好似返咗內地食串燒嘅感覺， 今次因為同屋企人食飯，所以冇飲酒，食多咗啲嘢， 雖然燒生蠔真係好好食，但係真係敢食咁多，因為實在太肥味！ 個酥炸墨魚餅,今次都係好好食 !搞到我哋食完,又嗌多一碟嚟食,其實我已經好鬼飽😅但最後都係要食多一塊, 為我今餐打上完美嘅句號🤣🤣🤣

之前同老公屋企人食過之後,今次帶我自己屋企人去食,做人唔可以咁偏心㗎嘛🤭好嘢梗係要開心share啦🤣上次試過酸菜烤魚,今次就食麻辣烤魚,都好好味,其實我上次已經好想試,但因為老公屋企人食唔到,冇辦法🫣今次有機會！梗係要試下啦！今次都有食到燒生蠔,燒魚卜,燒茄子,芥辣魚皮,竹蔗茅根水都仲係好正！試咗其他上次冇食嘅串燒,燒牛肉,燒牛脷,燒雞腎,燒雞軟骨,寸燒五花肉,燒四季豆,同埋麻辣雞煲,食完仲加咗湯,嗌咗啲菜/豆腐/腐竹/薯粉/落去打邊爐！但因為掛住食,好多都唔記得咗影相🫣食飽飽就好滿足咁返屋企😊😊

佐敦新開“烤吧31”價錢親民，食材新鮮。主打烤魚，有幾種魚比大家選擇，全部都係少骨多肉D魚類，啱曬我尼D唔中意骨骨D懶人，味道有唔辣，少辣，中辣，可能我比較食得辣，唔覺得特別辣，非常適合香港人D口味。除佐烤魚外大閘蟹，燒烤D魚卜、生蠔、膳片，烤生蠔，仲有芥末生魚皮都非常之深得我胃，愉悅我心，非常非常好食，再黎一扎新鮮整ge竹蔗毛根水，一掃一日返工的疲憊，正！！！！！

今日同朋友去食附近試新開張嘅烤魚舖頭,嗌咗一個香辣烤江團魚 👍🏻好好味 另外加咗啲蘿蔔，萵筍 ，蓮藕落去，入曬味，好好味 ！ 酥炸墨魚餅, 表面好好鬆化😋入面好軟熟,好食👍🏻仲嗌咗魚卜,燒海蝦👍🏻燒墨魚咀👍🏻,燒茄子👍🏻,燒雞軟骨,燒冬菇, ,同埋超級肥美嘅燒生蠔👍🏻，仲忍唔住一人食咗三隻,不過食完好真係好飽,其實好多嘢都想食 ,唯有下次再試啦, 自從疫情後冇得返大陸,真係好耐冇試過一邊飲啤酒一邊食串燒

今日同屋企人去佐敦試新開既烤魚,雞煲,串燒專門店,因為有屋企人唔食得辣,所以叫咗個酸菜魚+配料尼試,魚同啲配料都好入味,好食👍🏻另外仲嗌咗燒生蠔,同串燒,燒生蠔係原隻生蠔👍🏻,超級肥美😋😋但因為想試其他嘢,所以唔敢食咁多,串燒都好好食,特別係嗰個墨魚咀串燒👍🏻總括嚟講整體都好好😊工作人員有禮👍🏻地方清潔乾淨！特別係廁所,我去咗幾次廁所,都見到工作人員入去清潔,呢個呢個真係值得讚！一定會再去😚