烏蠅館 (九龍中心大廈)

營業中

休息中

今次帶左媽媽去食佢講左好耐既烤魚🐟呢間餐廳我之前同朋友都去食左幾次，媽媽一入到去就話好香既烤魚味，仲有新加左冒菜，成個場都好多人幫親，食完個烤魚連第一次食呢間餐廳既媽媽都覺得好好食，店內既設施又好舒適，服務態度都好好，成個氣氛都令人覺得好舒服🌟烤魚我地叫左清江魚，🐟招牌香辣既小辣，呢條魚既魚肉比較多，d肉好厚實，下面仲有好多既配菜，有木耳，金針菇，洋蔥，白蘿蔔等，仲可以揀少鹽少油，食落去d有魚肉係超嫩，煮到好入味，又無骨，連d配菜都煮到好入味，好好食🌟牛肉串見隔離台叫左烤串好似好吸引咁，我都叫左一串黎試下先，d牛肉係切到一粒粒去烤🥩一啖落去係成口牛油香味。D牛肉都係勁有嚼口🌟爆醬紅糖糍粑我每次食烤魚都必叫既甜品，出面係炸到好香脆，中間係用左糍粑，好煙韌，入面係紅糖，一啖落去就爆曬d紅糖醬出黎，超正🌟皇帝菜可以揀一份或者半份，煮完好爽脆🌟百香果寒天綠茶百香果味好重，入面仲有粒粒QQ彈彈既寒天🍹酸酸甜甜，好清爽🌟玫瑰蜂蜜成杯都係粉紅色既，加左奶蓋同寒天，入面有一片片玫瑰花🌹好濃郁既玫瑰香味，加上寒天同蜂蜜，又美容又清熱

中意烤魚同重口味既你就唔好錯過喇! 餐廳主打烤魚，但都有其他野食。今次我地叫左清江魚❤ 蒜香湯底❤ 少油❤少鹽❤，先講魚肉肉質細嫩，無泥腥味，口感結實，但都幾滑口，一D都唔嚡，而且真係好大條魚，2個人食好快飽肚。湯底濃濃蒜香味，仲有洋蔥，蔥，木耳，芋絲配料，食起黎超夠味，個爐既火力都好夠大，細細火都大滾，熱力十足! 另外再叫左幾款黎look~海蝦❤ 份量都唔小，好惹味~沙白❤ 隻隻煮完都開口，大大隻肉，厚實肥美，大推!四川蕃薯粉❤ 半份 呢個完全索哂湯既精華，煮完薯粉好煙UN，好飽肚薑汁通菜❤ 小食類，所以份量唔會好大份，但薑汁味濃!!

之前聽朋友講烏蠅館嘅烤魚非常之好食，第一間元組店喺東京到創立，估唔到中國菜咁受歡迎紅到黎香港！ 真係意想不到咁好食，招牌調味越食越惹味食唔停口！code落單好方便，用手機點餐之後好快就上菜，好高效率！桂花蜂蜜 $18.00原葉檸檬茶 $18.00四川火鍋麵 半份 $15.00烤盤：清江魚（推薦） $348.00招牌香辣 (小辣+少油）桂花豆花 $10.00精選牛板腱 半份 $64.00豬紅 半份 $26.00爽脆豬黃喉 半份 $49.00

基本上每次食烤魚🔥我都會去「烏蠅館」😉.特色泡椒烤魚(清江魚)🐟清江魚肥美鮮甜😛肉質嫩滑結實，啖啖肉👍🏻泡椒湯底酸辣🫑但偏油少少，仲有木耳、芋絲同金菇🍄‍🟫.沙白🐚鮮甜飽滿🤤🤤.川式芫茜蠔仔紅油水餃(4隻）🥟水餃大隻😋蠔仔鮮味同芫茜幾夾🦪🌿.涼拌鼠耳🖤.檸檬百香果QQ🍹揀咗桃膠、寒天、雪燕😍😍.熱茉莉蜂蜜+雪燕🍯茉莉花清香🌼即使加咗蜂蜜都唔會太甜☺️☺️

對冒菜真係不太認識，剛好同事食完好推介，放工諗唔到食咩，不如一試。這間烏蠅館人氣真勁，星期一晚市竟然坐滿人，而且仲要絕大部份都年輕人。咁多人食質素得到保證。我地直接點了個招牌香辣青江魚，因為不想食飯，所以點了四川土豆粉。坐著等烤魚時先食四川酥魷過水癮，魷魚彈牙，炸得香脆乾身，令人食唔停口。配返杯黑糖冰粉鮮奶毫無違和感。不得不說這個香辣湯底真係好惹味，小辣的辣度剛好，少少麻，酸酸地，辣辣地，開頭味道不突出，但越滾個湯底啲味越黎越出。清江魚肉雪白結實，肉質彈牙，好食。食魚期間就可以落四川土豆粉。這個土豆粉外型似烏冬，但比烏冬煙韌嫩滑，好有口感，和香辣湯簡真絕配~我地仲加左金菇菜和滷豬大腸，幾樣野加埋一齊，似食緊香辣烤魚米線，好過癮~最後食左紅豆芋圓仙草和桂花豆花涼粉解辣，甜品不錯，10零蚊好抵食。

呢間店幾多元化有烤魚、火鍋、冒菜(麵底)選擇今次揀左好耐無食既烤魚首先揀烤魚種類+口味🔻清江魚 - 招牌香辣烤魚 ($348)呢條魚好多肉 兩個人食到好飽🤣辣度揀左小辣 因為愈食會愈辣 剛好就足夠飲品都幾多選擇🔻雪梨玫瑰檸蜜 ($28)仲有得加桃膠 +$5🔻桂花蜂蜜 ($18)味道唔錯 有驚喜烤魚食到一半 就可以點配料做火鍋🔻墨魚丸🔻蝦滑🔻紅糖糍粑仲有串燒🔻雞腎🔻雞皮整體滿足又飽肚現場見都幾多人飯冒菜下次我都想試下😜

今日嚟到位於尖沙咀隻烏蠅館食飯，餐廳以烤魚作為招徠，尖沙咀開業咗都好幾年。我今次就照咗佢哋嘅清江魚，清江魚入口肉質嫩滑，完全冇腥味，加上配埋佢個蒜香湯底，真係好惹味呀。紅油抄手紅油抄手嘅份量都幾多，每一粒都係好飽滿，充滿餡料，配埋少少辣醬一齊食，非常之有風味。燒牛肉串佢哋呢度嘅牛肉串燒得啱啱好，牛肉串嘅外皮燒得超脆，內裏依然保持到牛肉嘅肉汁。稻庭烏冬烏冬入口彈牙，加上煮熟之後沾上唔少魚嘅湯底，所以入口都幾滋味。最近，佢哋為咗慶祝開業，有飲品嘅特價推廣，我就要咗個黑糖鮮奶，鮮奶嘅份量都幾多，加上我又配上珍珠，所以入口都幾有豐富嘅口感。今餐我都覺得幾抵食，兩個人嘅份量$600都唔使，下次有機會嘅話會同朋友再嚟。

麻、辣、鮮、香是四川菜的飲食特色, 天氣涼涼地, 食吓香辣烤魚就好合適, 辣辣地食完暖笠笠。烏蠅館位於尖沙咀亞士厘道, 主打三峽烤魚。招牌香辣烤魚-海鱸魚 小辣嘅辣度適中, 原爐烤魚香氣四溢, 醬汁好香濃, 鱸魚肉鮮甜幼滑, 肉質結實肥美, 魚骨不算多, 份量好足, 可以細味品嚐, 雲耳吸收醬汁精神, 幼滑可口。四川酥魷脆漿酥香, 魷魚爽脆, 趁熱食就更香口。四川傳統酥肉肉質酥香, 結實有嚼口, 調味充滿香氣和麻辣感。川式蓮藕豬肉紅油水餃和川式芫茜蠔仔紅油水餃饀料口感獨特, 紅油麻辣惹味。香芋地瓜丸酥香軟糯爆醬紅糖糍粑香滑甜蜜加上紅豆芋圓仙草和 桂花豆花涼粉, 爽口涼快。

今次我去咗一間一直想去試吓嘅餐廳，點咗佢哋嘅招牌菜——烤清江魚。魚肉鮮嫩，味道濃郁，配上鵪鶉蛋，芝士腸同芝士丸，口感層次豐富，每一口都好過癮。金菇菜既清新又爽口，為呢道菜增添咗一份清新感。至於串燒方面，雞腎串同雞肉串都好有水準，特別係雞腎串，肉質鮮嫩，咬落去嘅時候汁水四溢，真係令人食指大動。而雞肉串則香氣四溢，烤得剛好，外焦內嫩甜品方面，豆腐花滑得冇得輸，搭配紅豆同芋圓仙草，甜而不膩，係完美嘅收尾。而飲品方面，黑糖珍珠奶茶嘅珍珠Q彈，奶茶香濃，配埋可樂更加清爽。

雖然我嘅口號係減月巴但野還是要食架嘛！最多唔好浪費Quota 要食就搵好野食 😎😎😎😎尖沙咀亞士厘道真係多咗好多餐廳進駐🍽而呢一間係我想試咗好耐架喇🤩佢個入口真係好有氣勢呀👺同朋友前一日就已經預訂定火鍋因為早一日預訂鍋底有❗️半❗️價❗️超抵食 ‼️‼️揀咗招牌香辣烤魚魚就揀咗海鱸魚🐟海鱸魚係肉好厚而且勁滑滑嘅魚種就算係火鍋食都唔會令佢肉質變鞋好正呀！火鍋料仲叫咗🍗醉雞、🥩和牛片、萵笋片同四川土豆粉值得一讚係個醉雞真係醃得超入味👍🏻👍🏻👍🏻而四川土豆粉我係第1️⃣次食最初以為會係烏冬麵嘅口感但放咗入火鍋入面佢會吸晒湯底味道之餘仲會有少少煙靭掛汁好好味好特別💛💛💛除咗烤魚仲叫咁啲串燒小食✔️燒雞皮 ✔️烤腩肉串 ✔️烤雞中翼 ✔️烤雞腎仲有個四川酥肉配薯格真係好邪惡但我鍾意🤩🤩🤩🤩🤩估唔到佢哋嘅特飲都唔錯！！叫咗一杯🍇堤子鮮果茶一杯 🍍滿杯金菠蘿兩杯都有滿滿嘅果肉係底果味豐富🍹呢餐果然無令我失望無浪費我嘅Quota 開心晒‼️😆

我見呢間烤魚店連日本都有 所以就特登嚟試吓🤪首先佢有珍珠斑 海鱸魚同青江魚俾我哋揀 我就揀咗最貴嘅清江魚 不過都係$348咋 之後就可以揀口味 怕辣嘅人就可以揀蒜香味 我就揀咗招牌香辣烤魚 店員話哩個係小辣嘅口味 仲可以俾我哋揀少油少鹽添 真係好貼心👍🏻佢個烤魚入邊就已經包咗雲耳 金菇同素雞 個清江魚真係啖啖肉 我哋兩個人食再加少少配菜就已經食到好飽😋咁我哋另外就叫咗 醉雞 牛板腱同唐生菜 仲有一個粉絲 個湯底都好夠味 所以啲餸一擺入去一陣間就已經入晒味啦🤪如果怕鹹嘅真係要記得叫少鹽呀🤣另外嘢飲就叫咗一支可樂 佢仲係玻璃樽裝㗎 同埋一杯桂花寒天綠茶 嘢飲可以適合唔同年齡層嘅人都可以選擇🤣

今天在尖沙咀途經這餐館，被它有趣的名字「烏蠅館」吸引了，於是入內看看是甚麼東西。原來是一間川菜館，有冒菜和烤魚，我們便試試他們的烤魚。蒜香烤清江魚（少油）（$348）大大條的清江魚（約700-800g) 鮮甜肥美，多肉少骨最適合我這怕魚骨人仕。再加上這烤魚可選蒜香味，蒜香與魚肉混在一起，十分滋味。味道可選少油、少鹽，這個十分重要。黑豚肉（$88）大大塊薄切，淥很短時間便熟透，可吃。肉質新鮮嫩口，筋肉均勻，不錯。油麥菜（$32）份量很多，新鮮翠綠可口。芋絲（$30）芋絲吸取蒜香和湯底的精華，爽口彈牙的口感，令人回味。藍天白雲（$34）清新的蝶豆花茶，茶味中有荔枝的香氣，面頭有一層甜甜的奶蓋，與清香的茶融合，令人神曠神怡。滿杯金菠蘿（$25）菠蘿果汁加上一片檸檬，味道清新。還有一點點的果肉，真材實料。

天氣凍左又係想食烤魚既時候! 一向中意烏蠅館既烤魚, 可以揀海鱸魚or清江魚, 多數我地揀清江因為大條又多肉, 最緊要唔洗我吐細骨~條魚外皮加左調味烤到有少少焦香先落鍋 配埋個招牌香辣湯真係超惹味~ 另外佢送埋少少配菜, 最中意係金菇索滿湯汁一流。佢D火鍋料都好抵叫, 半份半份咁叫一D都唔貴, 半份鮮淮山片只係$19,  再加成份牛板腱都係$128, CP值很高~野飲除左汽水之外仲有自己既特式飲品, 有果茶等等, 今日嗌左個黑糖桃膠鮮奶好好味夠奶香又有桃膠養顏~~

烤魚明火加熱，盤內湯汁卜卜跳彈，大量辣椒、麻椒、葱粒、碎蒜、洋蔥、芝麻形成香濃氣味，令人食指大動！ 今晚點左少骨肉厚清江魚🐟主脊橫貫魚身，啖啖都係嫩滑結實魚肉，掛上輕麻濃湯，魚味特別鮮甜，烤香過魚皮頗煙韌。🐠烤魚鍋跟三款配菜，有雲耳、腐竹卷、大根片，吸湯力極強香辣惹味。精華烤魚汁，當火鍋湯底灼肉一流🥢黑豚肉夠紅潤，薄切煮熟不韌，輕脂香肉味濃，放淮山片都好夾！🥢四川蓮藕紅油炒手炒手餡飽滿大大粒，咬開軟滑薄皮，豬肉餡裡有好多蓮藕碎粒，口感香爽，浸泡紅油食味道有衝擊力。🥤百香菠蘿氣泡酸甜平均，清新消膩。

烤清江魚是這裡的明星菜品。魚肉鮮嫩多汁，外皮烤得酥脆，泡椒的酸辣味道滲透到魚肉中，每一口都充滿了驚喜。這道菜不僅味道出眾，還有豐富的營養價值，讓人吃得滿足又健康。除了烤魚，烏蠅館還提供多種配菜供選擇。油麥菜清脆爽口，土豆片軟糯香甜，鮮淮山片則帶有一絲清甜，這些配菜與烤魚相得益彰，讓整頓飯更加豐富多彩。涼菜麻辣豬耳絲也是一大亮點，豬耳絲脆嫩，麻辣味道恰到好處，讓人食指大動。甜品方面，烏蠅館的雪燕桂花蜂蜜味冰粉和茉莉蜂蜜冰粉都是不容錯過的選擇。雪燕桂花蜂蜜味冰粉清涼解暑，桂花的香氣與蜂蜜的甜味完美結合，讓人回味無窮。茉莉蜂蜜冰粉則帶有淡淡的茉莉花香，甜而不膩，是飯後的理想甜品。