為食仔海鮮火鍋專門店

營業中

休息中

天氣漸漸轉涼了，都想去食番個火鍋暖暖個胃，朋友推介旺角一間海鮮火鍋專門店 - 為食仔，咁當然要去試下。來到已看到他們主打的卜卜蜆鍋，原來卜卜蜆都可以有這麼多口味，除原味外，還有18禁、冬陰公、喇沙、胡椒雞湯、咸菜豬肚、藥膳等...真是你諗到的，這裡都可以食到！餐廳環境闊絡，位與位有一定距離，空間感十足，但奇怪地上有一個又一個的藍筒的作用？睇緊食咩卜卜蜆鍋時，先加上自選的調味料：蒜、蔥、辣椒、鼓油等等...我都唔執輸，先行加上。招牌卜卜蜆煲(蒜蓉) / 喇沙卜卜蜆煲知道這裡出名卜卜蜆煲當然要必點招牌蒜蓉味，配上喇沙的香辣口感。卜卜蜆煲來了，真的沒想到是這麼大煲的，鍋中都佈滿了一隻又一隻的肥美大蜆，過了不久，香濃的味道已慢慢走出來了，這時店員幫忙輕攪幾下，真係聞到流哂口水。招牌卜卜蜆煲吸入了蒜香的味道，入口還吃到蜆肉的鮮甜味道；而喇沙卜卜蜆煲入口微辣，相當惹味，真係食到停唔到口，不消一回，已吃到全枱都是蜆殼，這是我明白藍筒的作用，原來是放棄置的蜆殼的，相當方便。新鮮美國桶蠔桶蠔其實都有分不同大小，但這裡的都有手掌咁大，而且非常厚肉，煮熟後還能保持其豐滿肥美的肉質，入口鮮甜。特色四寶墨魚丸(

限聚令關係所以外賣左個卜卜蜆雞煲返屋企慢慢「遵守」下呢個限聚令。果然火鍋外賣都會同樣咁出色，呢到仲好細心咁連醬料都有提供埋。🔷18禁卜卜蜆雞煲 💰138小辣風味都仲係咁18禁，果然名不虛傳，個辣種係香辣麻俱全，另外仲有蒜粒、洋蔥等調味，一啲都吾兒嬉。有卜卜蜆+雞所以份量都好平均，卜卜蜆相對上都屬偏大，而雞件切得大細適中，完全無偷懶啊。🔷頂級安格斯肥牛 （大） 💰298為食仔嘅牛選擇都幾多，要左個安格斯肥牛，油脂分布都幾平均，鮮紅色澤好新鮮。肥牛好快就食得，入口牛味重得黎又有油脂感係口腔到，贊。🔷手打四寶丸 💰78一向都好愛食手打丸，手打丸真係有樣睇，同冰鮮嘅差太餐。呢到4寶丸有豬肉丸、牛肉丸、蝦丸、墨魚丸，當中好彈牙嘅蝦丸同墨魚丸都係我嘅最愛。🔷白鱔片 💰88白鱔片都叫左份，拎到反屋企都覺得係新鮮兼且處理得好。

秋意漸濃，最啱就係打邊爐😆我同朋友就揀咗呢間以卜卜蜆煲及雞煲為主打嘅火鍋店！🍲啤酒白蜆豬肚雞（$238）無論雞煲或蜆煲都感覺吸引，真係令我舉棋不定🙈而呢個湯底除咗有齊我哋想食嘅雞及蜆外，仲混合咗啤酒調製，夠晒特別😆未食已經聞到陣陣啤酒香🍺而食落就有少少啤酒味，無諗過啤酒湯底同啲配料都幾夾，連我本身唔太飲酒嘅都食到，味道仲要唔錯😋湯底好足料，白蜆脹卜卜又鮮甜，雞件都幾嫩，豬肚厚身又洗得乾淨，完全無臭味，呢個價錢嚟講合理👍🏻🥩封門柳 (小)（$298）本身想食日本牛，但無返貨🤷🏻‍♀️樓面姐姐就推介咗呢款俾我哋，見佢態度咁殷切，就信吓佢啦😆封門柳係牛橫膈膜嘅肌肉，每隻牛只有一條，真係刁鑽又量少，肉味都係眾多部份中最濃， 👍🏻樓面姐姐真係無介紹錯，牛肉新鮮，肉味真係又濃又香甜，入口軟腍，但又不失口感，牛魔皇必點🤩🥩本地新鮮吊龍伴 (小)（$228）另外點多樣同為較刁鑽嘅部位 - 吊龍伴！肉味與封門柳相比會略為遜色，但勝在油香較重又有咬口，味道都唔錯😋🥩本地新鮮牛頸脊 (小)（$218）當然唔少得平時打開邊爐都食嘅牛頸脊，雖然味道同食開嘅一樣鮮嫩爽滑，肉味都濃郁，但與封門柳同枱較量時，肉味就好明

為食仔海鮮鍋專門店地處熱鬧的旺角，餐廳是有多款特色鍋底的新派海鮮火鍋店。卜卜蜆鍋及龍蝦海鮮鍋是他們的招牌菜。首先上的是鴛鴦卜卜蜆鍋：有微辣和不辣兩種味道，蜆肥而大，鮮甜美味，食完卜卜蜆之後就是打邊爐。至尊牛拼盤：分成三層賣相十足，分別有安格斯、牛肩胛、牛頸脊、吊龍及和牛粒，可以一次過品嚐不同種牛肉的味道，值得一試，牛肉新鮮嫩腍，牛肉味重，口感好，夠水準。美國黑豚肉，肉質鮮嫩，脂肪也不會太多。花膠夠彈牙好味。特色沙冰有菠蘿和柚子兩種口味，都是用新鮮水果好好味！特別要提的是服務非常好，熱情周到，有賓至如歸的感覺！

同朋友又出動搵好野食上星期突然間好想打邊爐朋友仔介紹去呢間海鮮火鍋佢話我地兩個都咁鐘意食蜆當晚訂位730pm 都要等咗一陣先入到去因為都好多人打邊爐呀仲有上層醬料 基本有蔥、芫茜、蒜、辣椒🌶️仲有XO醬，都幾辣有勁多款鍋底可以揀除左卜卜蜆鍋、仲有雞煲、龍蝦鍋、魚鍋同埋清湯淨係卜卜蜆都有8個如果我下次再黎食，都想試下冬陰公/喇沙我地叫咗招牌卜卜蜆鍋 $168 有兩隻手指公推薦嫁其實係好濃既蒜茸湯底+有小小辣加大量蔥成個煲都係蜆點解叫卜卜蜆？就係因為當火鍋滾起個時，啲蜆煮既時候發出既聲音大粒厚肉味道鮮甜忍唔到口食完一粒又一粒美國桶蠔手掌咁大隻美國蠔口感比較爽口一點蠔味無咁濃但勝在夠大隻肉厚身特式四寶墨魚丸其中一款灰灰地色係黑松露墨丸墨丸口感有嚼勁，濃郁黑松露味叫其餘三款墨魚丸，一款係原味，其餘兩款中間包咗鵝肝同咸蛋黃我地係牛魔王，叫咗呢個至尊牛拼盤上枱既時候，我地都嘩咗一聲，實在好吸睛呀有安格斯、牛肩胛、牛頸脊、吊龍及牛柳粒肥瘦分明我最鐘意係封門柳肉味係最濃，而且好香甜仲飲咗杯好好味既菠蘿🍍冰味道幾濃

對上一次來食卜卜蜆已經係一年前了，久違了的味道，以前係中學時代都有食過，時間過得真係快~日月如梭主角當然係招牌卜卜蜆煲啦❗多蒜多辣這是常識吧呢度會事前有set醬料係度自由裝再來一個至尊牛拼盤，包括安格斯肥牛、牛肩胛﹑牛頸脊、吊龍及牛柳粒仲有新鮮美國桶蠔、黑松露鮮蝦餃和雜菜拼盤識食的一定係最尾先落菜，因為可以吸收晒煲內的精華同蒜蓉味鮮蝦餃的黑松露味好重~好食再來一杯咸檸七同一支啤酒最後再6 過公仔面做結尾

最近秋風起，天氣涼涼地，最適合就係打邊爐！為食仔係同事既打邊爐飯堂，係佢大力推介下，呢日一齊去開餐。餐廳環境唔錯，枱與枱之間都會有隔板，有適當距離，感覺衛生安全；而且店員服務熱情有耐心，為諗唔到食咩既我地提出左唔少意見。呢到淨係湯底已經有唔少選擇：特色卜卜蜆，雞煲、龍蝦鍋底、魚鍋底、雞煲翅、清湯鍋底，加埋超過二十款，而且款款都好吸引。是夜我地點左招牌龍蝦海鮮鍋、至尊牛拼盤、蝦膠釀豆卜同特式四寶墨魚丸。飲品就要左柚子鮮果沙冰同鹹檸七。📣招牌龍蝦海鮮鍋 $298賣相震撼呀！一打開個煲，海鮮滿滿的，面頭有大大隻龍蝦，下面有海蝦同蜆，最底有娃娃菜。龍蝦肉鮮甜彈牙，海蝦鮮味十足，蜆肉飽滿冇沙，由於龍蝦湯底十分鮮甜濃郁，令到娃娃菜都好清甜好好味呀！📣至尊牛拼盤 $448至尊牛拼盤用上港女點心架，又一打咭既必點菜式！入面有安格斯、牛肩胛、牛頸脊、吊龍及牛柳粒，一次過可以有幾款不同既部位之餘，份量仲幾多，呢個拼盤真心好睇又抵食！安格斯油脂甘香，肉質嫩滑，入口即融；牛肩胛、牛頸脊牛味香濃；吊龍帶點爽口，牛柳粒鮮嫩，肉質軟腍。📣蝦膠釀豆卜 $68蝦膠結實彈牙，一咬就知足料喇，連埋煙韌豆卜，雙重口感，更加

同事新居入伙，4個人約埋係佢屋企打邊爐😋為左唔想準備太多野，所以我地擇左個火鍋店外賣，之後搵送貨 van直接送到樓下😍 呢間「為食仔」出名食卜卜蜆同海鮮，今次我地order左個「啤酒白蜆豬肚雞$238」，呢度湯底真係好足料又好味，白蜆大大隻肉厚又肥美，雞件好滑連雞胸都好好食😋，豬肚厚身無臭味仲要好多舊好足料👍🏻👍🏻$200幾蚊湯底好抵食。配料方面我地叫左：「吊龍伴（大）$398」識食牛既一定會擇吊龍伴，佢係牛腰脊肉兩面側邊，略帶油脂，嫩滑又有些筋道，肥瘦相間，軟滑易咬👍🏻👍🏻，價錢公道合理，去街市買都唔平😏。「特色四寶墨丸$108」，係4種口味既手打墨丸，有芝士；鵝肝；黑松露；鹹蛋黃，每隻都好好食，最推介鹹蛋黃墨魚丸，鹹蛋既香味好襯墨魚丸，咬落仲有點流汁👍🏻「新鮮美國桶蠔$148」，桶蠔賣得好平，平時超市都要$120一桶，佢仲有8大隻，新鮮又厚肉😍😍，「美國黑豚肉$118」同「雜菇拼盤$58」份量多價錢相宜，食到最後大家都好飽☺️

為食仔火鍋海鮮專門店- 初嘗外賣火鍋由於第三波疫情關係，外出食飯的機會又再次少之又少，今天突然超想打邊爐，但放工後又不想到街市超市和人迫住買火鍋配料，所以試試外賣整個火鍋套餐先。招牌蒜蓉卜卜蜆煲為食仔推介的招牌卜卜蜆煲，超級多的大大隻卜卜蜆，非常壯觀，配上火鍋濃郁魚湯，看到蜆殼慢慢卜卜聲的打開，令人治癒，卜卜蜆蜆肉爽口又鮮甜。本地新鮮牛頸脊本地火鍋店當然要大推本地新鮮牛，這次點了牛頸脊，牛肉有一定厚度，油脂豐盈，牛味特濃。五色餃子拼盤心大心細不知道選那款餃子，最後選了餃子拼盤，一次滿足五個願望。黑松露芝士蝦丸佈滿黑松露的大大粒蝦丸，黑松露的香味融入在蝦丸當中，蝦丸彈牙，當中更加有着拉絲芝士。自家黃金炸響鈴自家製的炸響鈴，響鈴豆皮比較厚身，吃起來時口感十足，再配上惹味的黃金鹹蛋黃醬。外賣醬料為食仔對於外賣嘅客人也十分貼心，姑丈蒜蓉、辣椒、香蔥和豉油，認真抵讚！

天氣涼涼地心郁郁想烚烚下，醒起旺角有間人龍店「為食仔」，估唔到6點幾已經企滿人！😬「為食仔」卜卜蜆出名，卜卜蜆鍋底有十款選擇！👍🏻牛肉又豈只牛頸脊同安格斯。多款牛肉位置任你揀！真係長知識！🤩今晚食好d叫咗^招牌龍蝦海鮮鍋^！😛份量好足！有龍蝦🦞+蝦🦐+蜆+椰菜+豆腐！喝一口個湯好鮮甜😋！蜆冇沙！大量椰菜索晒湯汁！食完個鍋飽咗三份二！😎吊龍伴牛魔王當然order大份！碌8秒食🉐️！牛味濃濃有嚼口！美國桶蠔一客有6隻！必點桶蠔大隻唔縮水！

已經食過幾次，第一次係食卜卜蜆，就覺得好好食，成日都會想再食，今次叫咗龍蝦海鮮鍋，鐘意食海鮮既人一定要黎試，好足料，有龍蝦，有蝦，有蜆，首先，龍蝦好肥美，肉質好正，好彈牙，好鮮甜，蝦又係好彈，好多汁，咁多海鮮令到湯底好好飲，好鮮甜！另外仲叫咗黄金炸響鈴，食完一條就會好想再食，響鈴加海鮮湯，一個字，正墨魚丸好好食，第一次試，又幾好食，好彈牙仲叫咗碟牛，幾香牛味，又爽，鐘意食牛既，一定要啊，最後飲埋杯沙冰，今餐真係滿足味試過一定要試下，真係值得

🔸18禁卜卜蜆雞煲 $138🔸頂級安格斯肥牛 $298🔸手打瑤柱鯪魚滑 $78🔸黑松露墨魚丸 $88🔸雜菜拼盤 $58🔸白鱔片 $88-限聚令關係想一大班人食雞煲火鍋，唯有外賣番屋企慢慢嘆啦～今次揀咗旺角一間長期排隊嘅為食仔，試試佢哋嘅特色卜卜蜆雞煲！雖然叫左小辣，但醬汁辣味十足，好惹味😱雞件食落嫩滑，份量又多👍蜆肉新鮮冇沙，隻隻都好肥美，果然係鎮店美食！食完雞煲就加返湯底打邊爐，外賣咗幾個餸，全部都好靚仔又新鮮～打邊爐緊係要叫肥牛啦😎睇相就知塊塊新鮮油花分佈平均，切片唔薄有咬口，超正！白鱔片新鮮彈牙有口感，愛魚人士必點！瑤柱鯪魚滑咬落唔會好多粉，啖啖魚肉，加埋瑤柱絲口感好豐富啊～仲有大推黑松露墨魚丸，一開盒已經聞到好香既黑松露味。放湯煮完食落非常爽滑又彈牙。當然唔少得仲有陣陣既黑松露味道散發出來😌最後加多一大盤新鮮蔬菜清下腸胃😋

好彩提早係book左位，如果唔係就有排等👍🏻我地叫左招牌卜卜蜆煲，一開頭擔心好重蒜蓉位，結果有點驚喜😍，啲蜆好乾淨，個湯底好清，打邊爐一流👏🏻另外叫左啲邊爐料：分別有安格斯肥牛(小)、手打四寶丸、墨膠釀鮮冬菇、土豆片、萵筍。🐂安格斯肥牛雖然叫左細size，但兩個人食份量已經好足夠，好重牛味，好食😋手打四寶丸分別有牛丸、豬肉丸、蝦丸同墨魚丸，全部都好彈牙👍🏻墨膠釀鮮冬菇，其他鋪頭比較少見，呢兩樣嘢夾埋幾特別最後土豆片同萵筍都好新鮮👍🏻仲有順帶一提係每人會收10蚊醬料費。同埋可能因為我地叫得太多嘢，食左接近兩個鐘，店員提左我地兩三次食快啲😂因為好多人等檯，另外提議大家可以多啲人一齊去食，因為多人食可以試多啲款😋

我之前已經幫襯過「為食仔」唔止一次，成日都同屋企人講話好正，但一係夾唔啱時間，又或者佢哋唔想出去，加上近嚟又有限聚令。呢晚有人生日，我就決定買外賣返去畀佢哋試下😛。我有打過電話去問駛咪一早落定單，店員覆我嚟到先慢慢揀啦，好快搞掂執好畀你。佢果然無呃我，三個字講哂「快 、靚、正👍」！外賣都係同一個堂食餐牌🥡，食物包裝得超好，但好重哈哈。呢度嘅量再自己加多少少蔬菜同烏冬就夠哂四個人食😁，齋望啲食材都覺得正。18禁卜卜蜆煲($178)，原味以外我樣樣都想試，店員介紹辣鍋最受歡迎，我都鍾意食，但驚會頂唔順🙈。佢話辣度有分幾種程度，而且佢可以幫我同湯底分開上，咁辣味就可以自行調節啦。主角卜卜蜆一大兜，估計兩斤走唔甩，因為蜆殼本身亦較厚、偏重。我哋無數過有幾多隻，但大大小小夾埋有70-80隻，甚至100隻都未必誇張😱！全部蜆已經浸夠時間，所以基本上無乜沙同開哂。我哋未落其他食物前，先將一半蜆放落個鍋，成個視覺好震撼😎。蜆好快熟，打開時「卜」一聲，唔通卜卜蜆個名係咁嚟？食蜆都食到攰啊，不過非常值得，因為蜆好鮮甜，而且隻隻都好肥美，有部份近乎係大蜆Size。本地新鮮牛頸脊($218/細)，店員解釋我知

朋友同我一齊食18禁卜卜蜆，好大粒，bb辣都唔錯，但我頂唔住，食完就打邊爐，有叫雞、蝦滑、鯪魚滑。之後，佢仲叫榨雞軟骨同炸茄子，兩樣都好好味😋另外，佢仲幫我叫了椰青水、咸檸七。